Kaemangay Tamdaw—O Sangaˈayay a Widang Iso ci Yihofa Han?

O mamikilim kiso to masamaanay a tamdaw malo widang iso hani? Alatek maolahay kiso to cisidaˈitay hinapaladaˈay madimadiay tisowanan a widang. Soˈlinay haw i, iraay ko hatiraay a capeling ni Yihofa. (Kasadakan 34:6; Dmak 14:17) Makahiyay Cingra mitengil to pitolon iso, ano hacowato misaali to sapadama kiso i, makahiyay Cingra milayaˈ to kamay a padama. (ˈOlic 18:19, 35) Mararaw kiso i, misododay Cingra tisowanan. (1 Yohani 1:9) O soˈlinay a sangaˈayay widang iso ci Yihofa!

Sasamaan kiso ngaˈ mala widang ni Yihofa hani? Miˈosi kiso to Fangcalay Cudad, mafanaˈ Cingranan, hanaca fowahen ko falocoˈ i Cingranan. (ˈOlic 62:8; 142:2) Tano waywayen a patalahkal to nika misalimlaan iso ko misakaretengan ni Yihofa, mahawpay ko Wawa Ningra, Hongti Kitakit Ningra ato nikiˈokan Ningra. Pasowalen ko tamdaw to nika ngaˈay ni Yihofa. (Limoˈot 32:3) Ano misaˈicel kiso patireng to makedecay a noka lalaˈed aci Yihofa i, o tatahadaˈoc a mala widang iso Cingra.—ˈOlic 73:25, 26, 28.

Minengneng to Ika: Kaemangay Tamdaw—“Lifeten ato Nengnengen ko Nika Ngaˈay ni Yihofa”, Ikor Pacaˈofen kora Ilaenoay Salicay:

• 

  Sasamaan kiso misaday, matoor ko sapi paputisemaw a patosokan hani?

• 

  Mamisamaan ko salikaka a padama tisowanan, hongaˈay kiso a matayal saki Yihofa hani?

• 

  Mitosilay a demak sasamaan patanoktok to kalawidang iso aci Yihofa?

• 

  Wa ngangaˈay kiso icowa misaadihay to tayal ni Yihofa?

• O manan a capeling ni Yihofa mikiriwiˈay a misolot tisowanan hani?