Pafelien to Sangaˈayay ko Kawas

5:5-7, 11

Itini Israil, awaay ko tamdaw to nika nikaw caka ngaˈay ko kalalaˈed aci Yihofa. Ano o manikanikaway a Israil tamdaw ngangaˈay pacakat to sapatoˈaya ci Yihofaan, samanen ano o sangaˈayay nangra kora mipacakatan i, mihaiyan ni Yihofa ko sapatoˈaya nangra. Ngaˈay cangra pacakat to aped no emi, kawra o sangaˈayay a aped no emi ko saali ni Yihofa, matiraay oya sapipakaen to kalimlaan a lafang. (Satapangan 18:6) Anini, pakayniay i masamaamaanay a lalangian, cowa ka hakowa ko mipacakatan ita, kawra ano o sangaˈayay ko sapafeli ita ci Yihofaan i, pacakat to pahemekay Cingranan a sapatoˈaya, mieminan Ningra a micada.—Hipray 13:15.

Ano pakayniay i adada no tireng, awa ko ˈicel iso, cato ka matira i ˈayaw ko katayal, oya i fafekangay a sowal, samaanay mikowad tisowanan?