Itini Paro no Lomaˈ Paihkal to Olah

Mahecaday to sapicipat ko olah, pakaketing to falocoˈ no paro no lomaˈ. Ano awa ko olah i, cato ka makakedec ko falocoˈ a madadamadama cangra. O faˈinay, fafahi ato wama wina sasamaan paihkal to olah i lomaˈ hani?

O ciolahay a faˈinay mamikihar to saali, harateng ato falocoˈ no fafahi. (Ifiso 5:28, 29) Mamidimokos cingra to sakaˈorip no paro no lomaˈ, papadamaho cangranan miingid ci Yihofaan, o cecay hapakayraan i, saˈosien ko cecay romiˈad toha pakalomaˈay a pidoko nangra. (1 Timoti 5:8) O ciolahay a fafahi mamidofdof to faˈinay, misakareteng a mikangodo cingranan. (Ifiso 5:22, 33; 1 Pitiro 3:1-6) Maka mikifalocoˈ a masasodosodod ko mararamoday. (Ifiso 4:32) O ciolahay a wama wina caciharateng to kahacecay a wawa, halo pasifanaˈ cangranan mikaolah ci Yihofaan. (Limoˈot 6:6, 7; Ifiso 6:4) O manan a pasangaray ko mamasiˈayaw no wawa i picudadan? Misamaan cangra misiˈayaw to saroero no selal? Ano pakayniay i olah a makakedec ko paro no lomaˈ i, o rarihaday ko kahacecay nangra.

Nengnengen ko Ika Itini Paro no Lomaˈ Paihkal to Midaˈocay a Olah, Ikor Pacaˈofen ko Ilaenoay Salicay:

• 

  O ciolahay a faˈinay sasamaan midimokos to fafahi, paihkal to misakaretengay cingranan?

• 

  O ciolahay a fafahi sasamaan tangongol a mikangodo to faˈinay?

• 

  O ciolahay a wama wina sasamaan parinaˈ i falocoˈ no wawa to sowal no Kawas?