Sano Winaen a Micada ko Matoˈasay Fafahiyan, Sano Fafahiyan Salikaka Micada ko Kaemangay Fafahiyan

Pasifanaˈay ko Fangcalay Cudad titaanan, sano wama winaen a micada ko matoˈasay Krisciyang, sano salikakaen no niyah a micada to kaemangay a Krisciyang. (ˈOsien ko 1 Timoti 5:1, 2.) Faˈinayan a salikaka kakiriwiˈen a misakareteng ko fafahiyan a salikaka, pairaen ko tariˈang nangra.

Aka a pikalona to fafahiyan a salikaka ko faˈinayan salikaka, aka a pidemak to pakangodoay cingranan a demak. (Yopu 31:1) Caayho ciraramod a faˈinayan salikaka aka salamaen ko falocoˈ no fafahiyan salikaka, paorat cingranan hato iraay ko kalim iso makakaolah.

O fafahiyan salikaka ano misakaretengay a misadak to sasa no falocoˈ, ato maanan a sasinanoten a demak i malohemay malitengay i, sasongilaˈen nangra mitengil a misaharaterateng. Kakiriwiˈen no malohemay malitengay miharateng koya awaay ko faˈinay midipot a fafahiyan salikaka.—Rucu 2:8, 9.

Nengnengen ko Ika Itini Kasakopang Paihkal to Midaˈocay a Olah i . . . –Maponengay ato Pakoyoc, Ikor Pacaˈofen ko Ilaenoay Salicay:

• 

  Samaanay ko kasakopang paihkal to taˈangayay olah to salikaka ci Su Su Mintan?

• 

  Samaanay ko olah no kasakopang misawacay to sakafiyaw?

• 

  O olah no kasakopang ci Su Su Mintan, samaanay mifiyor to fafahiyan wawa ningra?

Ngangaˈay kiso misamaan to demak, paihkal to kaciharateng to fafahiyan salikaka i kasakopang?