Ano Mitosil, Sakadademaken ko Layapen ko Midaˈocay ˈOrip! a Cudad

Ira ko faelohay a cudad ato kihpicay cudad a malalengo to Fangcalay Cudad, tada kalipahakanto! Misaˈicel kita a padama to tamdaw, nanay palemeden ni Yihofa kita, palanisawawaan ni Yis ko ˈalomanay tamdaw. (Matay 28:18-20; 1 Korinto 3:6-9) Sasamaan kita a misaka dademak toniya faelohay lalosidan hani?

Layapen ko Midaˈocay ˈOrip! onini a cudad malalitingay ko lalakaw a mipasifanaˈ tano faelohay a pakayraan a pasifanaˈ to tamdaw, ano misaday ato misatapangto malalengo to Fangcalay Cudad i, doedoen ko sakayat ilaeno.a

• Asipen ko lalakaw, ikor lengoen ko salicay

• Asipen ko “ˈosien” sanay a sinael, padamaen cingra cipinang to sinael iraay ko manan kalalitingan cingranan

• Nengnengen ato malalengo to ika, licayen cingra toya misadakan a salicay

• Lahecien a milengo ko cecay a fedengan

Ano mitosil i, saˈayaw siwkayen toni kihpicay a cudad, nengnengen maolahay cingra hokira. (Nengnengen ko sapatongal lalakaw, “Itini Salakatay Pitosil Samaanen Misaka Dademak ko Layapen ko Midaˈocay ˈOrip! Sapitanam a Minanam.”) Maharek a malalengo i, ano sapidotocaw cingra a minanam, siwkayen to Layapen ko Midaˈocay ˈOrip! ato malalengo to saka 4 fedengan. Ano misatapangayto kiso a malalengo to Mamananam ita ko manan nai Fangcalay Cudad anca Samaan materek i Olah no Kawas, falicen tonini a Layapen ko Midaˈocay ˈOrip! a cudad, kiso ko misaˈosi icowa a misatapang milengo tonini a cudad.

NENGNENGEN KO IKA TAYNI A MINANAM TO FANGCALAY CUDAD, IKOR PACAˈOFEN KO ILAENOAY SALICAY:

• Mikitini tonini faelohay cudad mamananam ko manan?

• Hano paˈarawen tonini ika ko teka sanayho a minanam to Fangcalay Cudad a tamdaw?

• Palidlid han iso pakalalok ko minanamay tamdaw patireng halo mitoor to manan patosokan hani?—Nengnengen ko “kalimlaan ato Patosokan no Kahacecay Fedengan.”