Ciepocay Sapasifanaˈ Pakayni to ˈAyaw no Mitosilay a Saˈopo

ˈAyaw no mitosilay a saˈopo mahecaday to romaroma a saˈopo, o masaka limlaan a limasmas to naitiniay ci Yihofaan, ngangaˈay mikowad to olah ita, mikowad to ngaˈayay demak. (Hipray 10:24, 25) Onini a saˈopo maedeng 5 tangasa 7 ehon, mahawpay misilsil to kasakomi, palilam to kilac, ato mitolon. (Onini a ˈayaw no mitosil a saˈopo ano ilalikoray no cecay saˈopo, o ngaˈayay saˈapotoen ko toki.) O misikayay a salikaka sadayen ko ciepocay toya mirienangay tora saˈopo a salikaka. Patinakoen, o ˈalomanay mirienangay to Pieneman romiˈad a ˈayaw no mitosilay a saˈopo, mataˈlifayto ko cecay a lipay, pakayni i cangranan, milengo itiya to sasamaan misatapang a misacaciyaw to tamdaw ko ngaˈayay. Iraayho ko roma sasowalen ngaˈay nohatini a malalengo han?

• Sakadademaken ko sapitosil a sowal no Mitosilay ato Nikaˈorip—Rayray no Saˈopo

• Samaanen mikalasaka dademak ko itiyaay sinpong a misatapang caciyaw

• Ano tahasiˈayaw to cowa ka ngaˈay a cilomaˈay i, remoen ko piliyang nangra a misatapang caciyaw

• Sasamaan malalengo to cowa pakasoˈlin to Kawas a tamdaw; o pakasoˈlinay to sinkalon a tamdaw; o roma kitakit ko sowal a tamdaw; anoca o mitooray to cowa ko kafanaˈan iso a pihakelongan a tamdaw

• Samaanen mikalasaka dademak ko jw.org wancang, JW Library^® app, anca Fangcalay Cudad

• Samaanen mikalasaka dademak ko Lalosidan no Sapasifanaˈ

• Samaan tano tingwa, tikami, itini kaˈalomanan i paputal a misawacay, mitikol a milisoˈ, anca pacekiw to Fangcalay Cudad

• Sapatalipaˈelal: Naˈonen ko rakat; mafanaˈ a mifalic to hasowal; mangodo ko waywayan; tawlik ko sowal

• Cecay kalimlaan anca ika no Sarocoden Miasip ato Pasifanaˈ

• Sasamaan pakalalok mipadang to cafay i pitosilan

• O cecay milingatay to mitosilay demak a sinael, anca mikowaday to falocoˈ a nalifetan i pitosilan