O KAˈORIP NO KRISCIYANG
Todongen ko Hakelong no ˈOrip ni Samuil
Hakelong no kaˈorip ni Samuil madimadiay ci Yihofaan. Mikikaemangho cingra manaˈayayto malacafay to wawa ni Ili ci Hofni aci Finihas midemak to tatiihay demak. (1 Samuil 2:22-26) Lomahadto ci Samuil, kalacafayan ni Yihofa cingra. (1 Samuil 3:19) Matoˈasto ci Samuil i, soˈliˈlin tatiih ko demak no tatosa a wawa, kawra kamayan cingra madimadi ci Yihofaan.—1 Samuil 8:1-5.
Mikitini ci Samuilan mamananam ita ko maanan hani? Ano o kaemangay kiso, pakasoˈlinen, cipinangay ci Yihofa to misiˈayawan iso a pasangaray ato nafalocoˈan iso, o papadama Cingra tisowanan timolo a tanektek. (Isaya 41:10, 13) Ano o wama wina kiso i, miliyas ko wawa iso to moecelay a lalan, haratengen ko tinakoan ni Samuil o mamahinom kiso. Cowa ka ngaˈay cingra pacieci to wawa papidofdof to palinian ni Yihofa. Paiken hananay ni Samuil ko demak i kamay ni Yihofa, padadotoc a mitafo to madimadiay, pakahemek to falocoˈ no kakarayan Wama ci Yihofaan. Alatek, o ngaˈayay taˈarawan iso papakalalok to wawa iso patikol i tatihi ni Yihofa.
NENGNENGEN KO IKA KA PITODONG CANGRANAN—SAMUIL, IKOR PACAˈOFEN KO ILAENOAY SALICAY:
Kaemangay a Samuilan samaanay paihkal to timolo?
Samaanay paihkal ci Taniil to timolo?
Matoˈasto ci Samuil samaanay patireng to ngaˈayay taˈarawan?
Papadamaen ni Yihofa ko mikiemelay a mitafo to moecelay palinian a tamdaw
O wama wina ni Taniil, samaanay patireng to ngaˈayay taˈarawan?