Padamaen ko Sito Misawad to Tatiihay a Nanaman

Mitafoay to makoracay a tamdaw ngaˈngaˈay mala widang ni Yihofa. (1 Pitiro 1:14-16) Ano misawad to tatiihay nanaman ko sito no Fangcalay Cudad i, paro no lomaˈ, tireng ato kaˈorip nangra macakatay ko kafalic.

Pakafanaˈen no singsi ko sito, o manan ko ˈakawangay palinian ni Yihofa, hano patireng Cingra tonini a palinian, ato midoedo toni palinian ira ko manan a haepoc. Saˈicelen padama ko sito mifalic to harateng, mihaen mamafalic ko waywayan ningra. (Ifiso 4:22-24) Saˈicelen pakalalok ko sito, mitiˈer to sadama ni Yihofa, mihaen wa pakaremo mifalic to tatiihay nanaman. (Filipi 4:13) Misiˈayaw ko sito to sakayhid i, padamaen cingra micangacang to sadama ni Yihofa. Padamaen ko sito mihapinang a miliyas to katalawan a demak, pakalalokenho mirienang to ciepocay to tireng a cawmaˈ. Maˈaraw no singsi ko sapadama ni Yihofa to sito a mafalic i, o karahkeran a demak koni!

NENGNENGEN KO IKA PADAMA TO PACEKIWAN MACAKAT—MISAWAD TO KAPILIˈAN NO KAWAS A NANAMAN, IKOR PACAˈOFEN KO ILAENOAY SALICAY:

• 

  Mafanaˈ ko malohemay malitengay aci Iciyang to tatiihay nanaman ni Tanna i, maketeray cangra han?

• 

  Samaanan ni Iciyang pakalalok ci Tanna hani?

• 

  Samaanay ci Tanna micangacang to sapadama ni Yihofa?