Maharekayto Kiso Misiˈayaw to Adihayay ko Pades a Lintad Han?

Itiniay i salikorayto a lintad noniya hekal, mariˈangay fodifod, katalawan demak ato lalood, mangalef mangalefay ko nika adihay. (Paˈarawan 6:4) Sasamaan kita misaday misiˈayaw to hatiniay a pades hani?

• Sapitafoaw to madimadi a misaday: Kilimen ko safalod no Fangcalay Cudad ato roma a miˈoningan, hongaˈay padama tisowanan a mitiˈer ci Yihofaan, likakawa Ningra ato mitafo to misatenokay. (Taneng 12:5; jr-CH 125-126 fiedac 23-24 fatac) Lepeten ko toki nohatini, patireng to ngaˈayay no kalalaˈed kalawidang to salikaka.—1 Pitiro 4:7, 8

• Pakayni i sakaˈoripaw a misaday: Isaˈayawen a mihalaka ko pilimekan a kitiraan, hanaca hopeden ko matatodongay a sakaˈorip a dafong, isaˈayawenho miharateng ko sapilaliw a hapakayraan. Kinsaen ko sapilaliw a loto, tinakoen midipot to tireng a lalosidan ato payso. Licayen ko tingwa no kantok iso, pakafanaˈen ko kantok no kasakopang to tingwa ato ciwsiw iso.—Isaya 32:2; g17.5-CH 3-7 fiedac

Ano mifekad ko fodifod i, mitafo to ngaˈayay nanaman no pidoko a hapakayraan. (Filipi 1:10) Ano ngaˈay i, aka pisalinalinah. (Matay 10:16) Paladaˈen ko tao to kakaenen ato romaroma a dafong.—Loma 12:13.

NENGNENGEN KO IKA MAHAREKAYTO KISO MISADAY TO PADES NO CIKIW HAN?, IKOR PACAˈOFEN KO ILAENOAY SALICAY:

• Ano tahapades i, sasamanen ni Yihofa padama kita hani?

• Ngaˈay kita i masamaanay a pakayraan misaday?

• Samaanan ita padama ko tahapadesay a tamdaw hani?