Mikiriwiˈay a Mitosilay Limasmas i Kasiwaan a Folad Micowat to Pakingkiwan

I kasiwaan a folad, wa tano Layapen ko Midaˈocay ˈOrip! (Sapitanam a Minanam) a misiwkay to tamdamdaw to pakingkiway a limasmas. O mitosilay ngaˈayay toniya folad tano 30 a tatokian malo padamaay a misakafah. Oniya mikiriwiˈay mitosilay a tayal sasamaan ko demak hani?

• Ano Misiwkay to Pakingkiway i: Tano Sapitanam a Minanam a kihpicay cudad saikoray a fiedac a mikidat to sapakahemek to tao, ikor tanamen a malalengo. Aka tawalen ko nano mahemekay to Fangcalay Cudad a tamdaw, mahawpay ko lalisoˈen iso. Soˈlin isaˈayaw cowa ka kahi minanam to Fangcalay Cudad, ano maˈaraw ningra koniya faelohay cudad ato faelohay pakayraan a pilengo to Fangcalay Cudad, wa mahemek alatek. Ano awaay ko tamdaw i lomaˈ, aka tereken kora cudad, ato cowaho ko kafanaˈan iso cowa ka kalim a tamdaw, hamaan a pafelien. O kantok no kasakopang wa ngaˈay toniya folad mitongal to ˈayaw no mitosilay a saˈopo a limasmas.

• Metmeten ko Romaroma a Tatokian: Ano iraay ko sapisawacay a paliding i kasakopang i, ngaˈayay patihedaken koya Layapen ko Midaˈocay ˈOrip! (Sapitanam a Minanam) a kihpicay cudad. Ngaˈayay fanaˈen no miso koya mahemekay toniya cudad a tamdaw, to iraay ko cowa papaycien minanam to Fangcalay Cudad no mita a limasmas. Ngaˈayay tangsolen iso a mitanam, sasamaan a malalengo anca limasmasen ko cecay a toki a malalengo. Mitosilay a kantok ngaˈayay kilimen ko citatodongay a mitosilay i misasingdiay a kilac micowat to pakingkiway a limasmas. Wa ngaˈayho kiso itini cowa ka padeteng a mitosilay a tatokian, i cafay iso a matayal ato romaroma a tamdaw misiwkay to pakingkiway a limasmas.

Palimoˈotay ci Yis kitanan, padamaen ko tamdaw ‘malo nisawawaan ningra,’ ‘pakafanaˈenho cangra.’ (Matay 28:19, 20) Nanay kita maemin itini toniya mikiriwiˈay mitosilay a limasmas, tano Layapen ko Midaˈocay ˈOrip! a mipalaˈosi toni a patosokan ita.