Mitengilan Iso ko Milokoingan a Fangcalay Cudad Han?

O manan ko milokoingan a Fangcalay Cudad? O Fangcalay Cudad Faelohay Hekal Mihongyakan a milokoingan. Nohatini iraayto ko adihayay a sasowalen, wa matongal matongal no ikor. Mikiriwiˈay noniya milokoingan i, kasasiroma a tamdaw wa tano cowa ka hecad a tamdaw ko milokoingay. Sapitenakaw to matatodongay a lihaf no Fangcalay Cudad, o milokoingay a tamdaw wa tano matatodongay a ngihaˈ, miˈosi to sinael.

Iraay ko manan epocan hani? Sowal no ˈalomanay, faelohay a milokoingan matemeray ko falocoˈ. Tano cowa ka hecahecad a ngihaˈ, makakadep a milokoing, hato misacohiay i kaˈayaw no mita, padama kitanan micalep ko kacipinang to sinael. (Taneng 4:5) Sanayho ko roma a tamdaw, ano taˈakay ko saroero i, tengil sato to milokoingan a Fangcalay Cudad, masayaray ko falocoˈ. —ˈOlic 94:19.

Mitengil to Kimad no Kawas milingatay to kaˈorip ita. (2 Rayray 34:19-21) O manan ko kafanaˈan iso a sowal? Iraayto ko malokoingan a Fangcalay Cudad han? Tanamen micerid a mitengil hena!

NENGNENGEN KO IKA SAMAANAN MALAˈOSI KO MILOKOINGAN A FANGCALAY CUDAD (JW TILIFI), IKOR PACAˈOFEN KO ILAENOAY SALICAY:

Milokoing to Fangcalay Cudad a tayal, o manan ko mihapinangay iso hani?