Sapaini A Pakayraan Micekiw

Micalep Cipinang to Makapahay a Capeling ni Yihofa

Ano miˈosi to Fangcalay Cudad i, sakadademaken ita ko masasiromaay sapicekiw a lalosidan mitongal to kacipinang to sinael. Kawra, cowa ko kacipinang aca ita to demak. Mamitongalho mafanaˈ to makapahay capeling ni Yihofa, mihaen ngaˈ matongal ko olah ita Cingranan. Mihaenay, ngaˈayay licayen ita ko niyah: “Pakayni ci Yihofaan, mikitini toniya sinael mananamay ako ko maanan?”

Ngaˈayay nengnengen ita samaanay ci Yihofa patalahkal to olah, taneng, masadafdafay ato ˈicel. Kawra, oninian o masalalomaˈay no makapahay capeling ni Yihofa a sepat aca capeling konini. Ano sapitongalaw kiso cipinang to capeling ni Yihofa, sasamaan mikilim to lalakaw hani?

Itini Pirorodan to Mitepangan Cudad no Mikecolay ilaeno no “Yihofa” sanay a lalangian, iraay ko “Capeling” sanay a lalakaw, itini mamahela iso ko 50 a capeling ni Yihofa. Ngaˈayay nengnengen iso o maanan a capeling ko milingatay to micekiwan iso Fangcalay Cudad, dotoc ˈosien ko milingatay taˈarawan a lalakaw. Ano iraay ko Pirorodan to Mitepangan Cudad no Misawacayay Tamdaw ni Yihofa, ngaˈayay kiso itini laenoay no “Yihofa Kawas” sanay a lalangian mikilim to “Capeling ni Yihofa” sanay a lalakaw.