ˈAyaw no Pasadak to Sapatefoc, Maherekayto ko Kawas Misodod to Tamdaw

Sakangaˈay a masodod ko raraw ita, o pakayniay i milakisan ni Yis a kalimlaan a remes, pacakat to sapatefoc saki kitanan. (Ifiso 1:7) Kawra sowal no Fangcalay Cudad: ‘Itiyaayho ko Kawas misodod to tamdaw, mihepol to raraw no tamdaw.’ Tatodong i, ˈayawho no pasadak ci Yis to sapatefoc i, maherekayto ko Kawas a misodod to tamdaw. (Loma 3:​25) Hano ngaˈay ci Yihofa mihaen to demak, aeca ka pisafelit to malefotay a masadafdafay a palinian Ningra hani?

Mikiˈokay ci Yihofa to mamicorcor to cecay a ‘teloc’ milidong to pakasoˈlinay Cingranan a tamdaw. Pasowalho Cingra tonini a sakiˈok i, itini pinengneng Ningra to sapatefoc mahecaday to maherekayto a pasadaken. (Satapangan 3:​15; 22:18) Pakasoˈlinay ko Kawas, maraodto ko toki oya foseniˈan a Wawa Ningra mamakahi misadak to sapatefoc. (Kalatiya 4:4; Hipray 10:​7-​10) ˈAyaw no misadak to sapatefoc i, pafelianto no Kawas ci Yis to fadangalan misodod to raraw, samanen ora sasadaken ni Yis a sapatefoc, ngaˈayay mitahepo to raraw no iraay ko pakasoˈlin a tamdaw.​​—⁠Matay 9:​2-6.