O Madimadiay ci Yihofaan a Tamdaw Mamitoor to Miketonan a Sowal

ˈOsien ko Kakitaan 11:30-40, pakayni to mitooray to miketonan a sowal, ngangaˈay mikitini ci Yiftaan ato fafahiyan wawa ningra mananam ko maanan.

Folfolen ko ifafekangay ato ilaenoay a sinael. O madimadiay Israil tamdaw samaanay ko pinengneng to miketonan a sowal no niyah ci Yihofaan? (Saˈosi 30:2) Ci Yifta ato fafahiyan wawa ningra samaanay patalahkal to pakasoˈlinay falocoˈ ci Yihofaan?—Kakitaan 11:9-11, 19-24, 36.

Calepen a mikadkad. O maanan ko miketonan a sowal ni Yifta hani? Ano nengnengen o manan ko tatodong nora sowal ningra? (w16.04-CH 7 fiedac 12 fatac) Sapitooraw to miketonan a sowal i, ci Yifta ato fafahiyan wawa ningra mamikinafalah to maanan hani? (w16.04-CH 7-8 fiedac 14-16 fatac) Krisciyang anini i, mamiketon to masamaanay a sowal?—w17.04-CH 5-8 fiedac 10-19 fatac.

Sakadademaken ko mananamay. Licayen ko niyah:

• Haratengen hena samaan ko demak ako ngaˈay paˈicel mitoor to miketonan a sowal a mipatafang to tireng hani? (w20.03-CH 13 fiedac 20 fatac)

• Sapisarocodaw miemin to falocoˈ saki Yihofaan a matayal, ngangaˈay kako misamaan a mikinafalah hani?

• Sasamaan kako paˈicel to falocoˈ mitoor to miketonan a sowal i raramod? (Matay 19:5, 6; Ifiso 5:28-33)