Mikitini Sasolapen a Sinael Milifok to Epoc

O Faelohay Hekal Mihongyakan Fangcalay Cudad iraay ko sasolapen a sinael, ano minengneng kiso to cecay a sinael i, sakadademaken koniya lalosidan, wa makilimto ko milingatay toniya sinael a roma sinael. Oniya sasolapen a sineal papadama tisowanan, pakahapinang to malacecayay macacaˈof ko kahacecay maloloday a cudad no Fangcalay Cudad. O mitepangan a Fangcalay Cudad, o sasolapen a sinael itiniay i tatenokay (o roma a sasowalen itiniay i lawac). Ano itini lalomaˈ no sinael a tilid ira ko tilid no Padaka, ngaˈayay i tatenokan mikilim toniya tilid no Padaka, ilalikor no tilid wa makilim ko sasolapen a sinael. Ano tano jw.org wangcan kiso anca o JW Library® app a Fangcalay Cudad, keniˈen ko i lalomaˈay no sinael a tilid no padaka, wa maˈarawto ko sasolapen a sinael.

Masasiromaay ko sasolapen a sinael:

Mahecaday miˈoningan: Miˈoningay to mahecaday a demak a roma sinael. Tinakoen, nengnengen ko 2 Samuil 24:1 ato 1 Rayray 21:1.

Lalangian a sinael: O misalalangian noniya sowal a sinael. Tinakoen, nengnengen ko Matay 4:4 ato Limoˈot 8:3.

Mifekadayto a sapairasol: Paihkal to malaˈosiayto a sapairasol a sinael. Tinakoen, nengnengen ko Matay 21:5 ato Cikariya 9:9.