Wa Ngaˈay Kiso Mitadtad to Pakasoˈlinan no Niyah Han?

Ano ira ko milicayay, hano pakasoˈlin kiso to misangaˈan no Kawas ko maamaan, sasamaan ko caˈof iso hani? Toha saka fanekfekaw pacaˈof to tao, demakenho iso ko tosa demak. Salakat, pakasoˈlinho kiso to iraay ko Kawas to misangaˈay wangaˈ. (Loma 12:1, 2) Sakatosa i, saharateratengen iso, sasamaan a mitadtad to pakasoˈlinan no niyah.​—Taneng 15:28.

MINENGNENG TO IKA: O CECAY NOˈOKAK A ISING HANO PAKASOˈLIN TO KAWAS, ATO O CECAY CIFANAˈAY TO PINAˈORIP A TAMDAW HANO PAKASOˈLIN TO KAWAS, IKOR PACAˈOFEN KORA ILAENOAY SALICAY:

• 

  Misamaanay hano cowa pakasoˈlin ci Arin to sinkalon ao pakasoˈlinay to nisangaˈan no Kawas ko maamaan?

• 

  Misamaanay hano cowa pakasoˈlin ci Yaroselafo to sinkalon ao pakasoˈlinay to nisangaˈan no Kawas ko maamaan?

• Ano milicay ko tao tisowanan hano pakasoˈlin kiso to nisangaˈan no Kawas ko maamaan, sasamaanen iso pacaˈof hani?

• O likakawa ni Yihofa misadayay to manan lalakaw, padama tisowanan pakasoˈlin to nisangaˈan no Kawas ko maamaan, halo padama tisowanan pakafanaˈ to tao hani?