Pacakaten Ko Taneng A Mitosil—Pakaynien Sakasasowal a Lalosidan i Fawahan a Mitosil

HANO MASAKA LIMLAAN: Macakatay ko kakaku nohatini, ˈarawhan adihayay ko katalawan a demak, mansa matenakay ko misasingay a kikay ato sakasasowal a lalosidan. Mitosil i, maˈaraway no cilomaˈay kita, cowa ka ˈaraw ita cangra, calemceman nanay kita alatek. Ora ilaenoay a pina a sowal, papadama kitanan fanekfek a mitosil i kaˈayaw nora misasingay kikay.

SASAMAAN KO DEMAK:

• Soˈliˈlin ira ko misasingay a kikay anca sakasasowal a lalosidan i fawahan i, ano tawlikay ko piharateng ita, mamakahi ko cilomaˈay a masasowal kitanan.

• Haratengen, ano caho ka pikeniˈ kiso toya tingta, misatapangayto misasing kora kikay, mankora ya miraod kiso to fawahan i, maˈarawayto no cilomaˈay kiso, matengilayto ko ngihaˈ iso.

• Ano pacaˈof ko cilomaˈay i, haenen o misiˈayaway tora tamdaw a caciyaw. Ano misiˈayaw tora kikay i, sedien ko pising, pairaan ko matatodongay a pikawing no kamay. Sadaken koya hasasowalen iso. Aka pangata han ko pising tora kikay. Ano awaay ko caˈof no cilomaˈay i, aka pasowal a miterek to lihaf.

• Ano malaheci ko kasasowal i, maˈarawayho no cilomaˈay kiso ato cafay iso, matengilayho nangra ko kasasowal iso ato cafay.