Pinengnengan to Lalakaw no Mitosilay ato Nikaˈorip Rayray no Saˈopo
SAKA 3 FOLAD 1-7 ROMIˈAD
O ODOˈ KO KIMAD NO KAWAS | SAˈOSI 7-8
“Mikitini Pisataloˈan no Israil, o Manan ko Mananamay Ita?”
it-1 625 fiedac 7 fatac
Finawlan; Kasakopang
Itini i Israil, mitamorongay to ˈinorong a kakeridan marariday patado to tamdaw a midemak to tayal. (Icra 10:14) Patinakoen i, mapatirengto ko Fangcalay Kopang i, citodongay a mipacakat to sapaamid ko “kakeridan no kasangasaw.” (Saˈosi 7:1-11) Itini i lintad ni Nihimiya, maharek a patireng to katatelekan ikor, o mamilinaˈ a mitopa ko saysi, Lifi tamdaw ato “kakeridan no finawlan” tora tilid. (Nihimiya 9:38–10:27) Ya malafel i kohkohan ko Israil tamdaw i, 250 a kakeridan no finawlan, makakapotay ci Koraan, Tatanan aci Apiraman aci Ongan a micoˈaˈang ci Mosian aci Aronan. (Saˈosi 16:1-3) Doedoan ni Mosi ko sapalimoˈot no Kawas, itini i lalomaˈ no malohemay malitengay no Israil mipiliˈ to 70 a malo tapangay a tamdaw, mipadang cingranan a mitamorong to ‘mikowanay to finawlan a ˈinorong’, samanen caay pakafilo cingra cecay tonini a karetengay a ˈinorong. (Saˈosi 11:16, 17, 24, 25) Somowalay ko Lifi 4:15 to ‘malohemay malitengay no finawlan’. Ano nengnengen o taypiyaw no finawlan ko malohemay malitengay, kakeridan ato hankang ato tapatapang.—Saˈosi 1:4, 16; Yosuwa 23:2; 24:1.
it-1 992 fiedac 4 fatac
Riupin
Ta mipataloˈan ko Israil i, o Riupin a ngasaw itiniay i katimol no Fangcalay Kopang a pataloˈan cangra. Ano malinah cangra i, o Riupin ngasaw ko mikeriday to Kat, Simion tatosa a ngasaw, mitoor ilalikor no Yuta, Isakar ato Cipulum ngasaw a romakat. (Saˈosi 2:10-16; 10:14-20) Ya mapatirengto ko Fangcalay Kopang i, mahaenay ko kadadoedo no kasangasaw a pacakat to sapaamid.—Saˈosi 7:1, 2, 10-47.
w04 8/1 25 fiedac 1 fatac
Kalimlaan no Saˈosi Cudad
8:25, 26. Tohasaka mangaˈayaw ko inanengay a Lifi tamdaw a mitamorong to tayal, hanaca siniˈada to katoˈas no mihecaan, o matoˈasayto a Lifi tamdaw ngaˈayay a pahanhan a matayal. Kawra ngaˈayay mipadang cangra to romaroma a Lifi tamdaw. Ngaˈayay malo tinakoan ita konini a sarikec. Anini, soˈliˈlin cowa ko mamihawad ko Krisciyang to mitosilay a demak, kawra ano pakayniay to nika toˈasto, cato pakaremo to maanan a tayal i, ngaˈayay a midemak to mamadangar nangra a tayal.
Odoˈ no Sinael
it-2 1129 fiedac
Fisac a Wawa
O fisac a wawa no Israil o mamalo tawki no lomaˈ cangra, mankora ngaˈayay cangra mitaypiway to polong a kitakit. O Israil kitakit i, o pakayniay i katatelekan ni Yihofa aci Apraham a mapatireng a saka cecay a kakitakitan. Mankora “o fisac a wawa” Ako han ni Yihofa konini a kitakit. (Kasadakan 4:22) Tona o midipotan ni Yihofa ko polong a fisac wawa no Israil, mansa saan a palimoˈot Cingra: ‘Itini i lalomaˈ no Israil, o fisacho a wawa o malo fangcalay, ono Mako cangra. Ano o wawa no tamdaw anoca okang a wawa no pinaˈorip, o polong a fisac a wawa ono Mako konini.’ (Kasadakan 13:2) Mihaenay haw i, o fisac a wawa no Israil ono Kawas maemin.
SAKA 3 FOLAD 8-14 ROMIˈAD
O ODOˈ KO KIMAD NO KAWAS | SAˈOSI 9-10
“Sasamaan ci Yihofa Mikerid to Finawlan Ningra”
it-2 981 fiedac 7 fatac
Pataloˈan
Milinah to adi:hayay a pataloˈan (40 ko masasiromaay a kitiraan a pataloˈan nangra sanay ci Mosi i Saˈosi saka 33 fedengan), naitini i cecay tayra i roma, patahkalay konini to tadamaanay a milikakawaay a ˈicel. Ano ira ko toˈem tomerep i fafaed no Fangcalay Kopang i, tomerepay a pahanhan ko Israil, mipatireng to pataloˈan nangra; malinah ko toˈem i, lomowaday a malingad cangra. ‘Midoedoan nangra ko limoˈot ni Yihofa a patireng to kamaroˈan nangra a taloˈan, ano ira ko roma a sapalimoˈot ni Yihofa malinahto cangra.’ (Saˈosi 9:15-23) Iraay ko tosa tano lingkiman mitoktok a laepa, o sapilasilaw to sapalimoˈot ni Yihofa to finawlan. (Saˈosi 10:2, 5, 6) Ano macaloh ko honiˈ no laepa i, o mamitastas cangra to taloˈan a malinah. Sakina cecay no Israil a malinah i, itiniay ‘saka tosa miheca [kongyen 1512 miheca] saka 20 romiˈad no saka tosa folad’. Mikakoyan ko Katatelekan Lipa i ˈaˈayaw a mikayat to lalan, doedo o tatolo a kasangasaw a romakat, saˈayawo Yuta ngasaw, ikor o Isakar ngasaw, salalikoray o Cipulun a ngasaw. Dotoc i, o Kirson ato Mirari tamdaw miˈorong to aˈorongen nangra a lalosidan no Fangcalay Kopang. Ikor o Riupin ko mikeriday a tatolo a kasangasaw, saˈayaway o Riupin tamdaw, doedo o Simion tamdaw ato Kat a tamdaw. Dotoc i. o Kohat ngasaw miˈorong to maamaan lalosidan no Fangcalay Kopang. Ikor i, o mikeridan no Ifraim a tatolo a kasangasaw, saˈayaway o Ifraim, dotoc o Manasi ato Pinyamin a ngasaw. Isalalikoray a kasakomi i, o Tan ngasaw ko mikeriday a tatolo a kasangasaw, saˈayaw o Tan, dotoc o Asir ato Naftali ngasaw. Mahaenay, o saˈalomanay ato saciˈicelay a tosa komi i kaˈayaway a romakat ato isalalikoray a romakat.—Saˈosi 10:11-28.
w11 4/15 4-5 fiedac
Mahapinangay Iso ko Wacay to Nipikerid no Kawas to Finawlan Ningra Han?
Misamaan to demak kita, patahkal to nika piakoˈid to sakayat no Kawas hani? Sanay ko sowal ni Pawlo: ‘Hakelongen koya mikeriday i tamowanan a tamdaw, dofdofen cangra.’ (Hipray 13:17) Manaokaniw, mihaen to demak cowa ko madoloay. Misamaanay hani? Saharatengen hena, o itiniay i lintad ni Mosi kiso a Israil tamdaw. To cecay a romiˈad, halafinayto kiso a romakat, maˈarawto ko katomerep no toˈem. Tahacowa a tomerep hani? Cecay a romiˈad? Cecay a lipay? Anoca cecay a folad? Miharateng kiso: “Hadaken ako ko ilotoay a maamaan han?” Saˈayaw, edeng pina aca ko misadakan iso. ˈArawhan mataˈlifto ko pinapina romiˈad i, maefangto kiso mikimkim a mikilim to maanan i loto iso, saka haemin hanto iso a pasadak ko lalomaˈay a dafong. Nikawrira, tiya pasadaken iso a mihaemin i, malinahto ko toˈem, safilofiloto kiso a misolimet to dafong iso, lomowadto a romakat! Cowa ko madoloay konini, cowa ka depoc, cowa saw? Soˈliˈlin hatira, o tatangsol a mitastas ko Israil tamdaw a malinah.—Saˈosi 9:17-22.
Kita i, samaanay aki? Ano macada ita ko sakayat no Kawas samaanay ko harateng ita? Tatangsol a mitoor a midemak han? Anoca padadotocho mitoor to nanaman ita a dademak han? Pakayni to pacekiway demak, mitosil to roma ko caciyaw a tamdaw, mararid a mirienang to pakalomaˈay a pidoko, pahakelong to noising a iing, ato waywayan i pirienangan to taykay, misongilaˈay kita mafanaˈ to safaelohay a sakayat no likakawa no Kawas han? O roma i, ano makahi kita micada to saparikec, paihkalay konini to miakoˈiday kita to sakayat no Kawas. Ano misaˈosi to karetengay sasaˈosien i, aka a pitiˈer to fanaˈ no niyah, ao pasayni i likakawa no Kawas a misaali to sakayat. Itini i kafaliyosan, pasayniay i wama wina ko wawa to sadipot nangra. Mahecaday, itini toniya hekal, ano misiˈayaw kita to sano faliyosay a pasangar i, papasayra kita i likakawa ni Yihofa mikilim to sadipot.
Odoˈ no Sinael
it-1 681 fiedac 6 fatac
Taˈangayay a Saˈopo, Kasakopang
Kalimlaan ko taˈangayay saˈopo. Milimasmasay ci Yihofa, palisopsop to finawlan Ningra iraay ko ciepoc i noˈadingoan. Pakayni to mihecahecaan a saˈosi no Pitaˈlifan a Lisin, patalahkalay tooren ko limasmas no Kawas tada o masaka limlaan a demak sanay. O Rikec ni Mosi, o faˈinayan ano makoracay cingra, halo caay ka malingad a talacowa, kawra caay pitoor a misalisin to Pitaˈlifan a Lisin i, o papatayen cingra. (Saˈosi 9:9-14) Hongti ci Hicikiya palisopsopan ko Yutayaay ato Israil a tamdaw tayra i Yirusalim a misalisin to Pitaˈlifan a Lisin, sanay a milasil cingra: ‘Israil tamdaw, pasasiyor pasayni ci Yihofaan . . . Aka matira to tatoˈasan namo a maliyang, ka pidofdof ci Yihofaan. Midaˈocanto Ningra misafangcal ko Fangcalay Sefi, ka tayra kamo i Fangcalay Sefi midoko to Kawas namo ci Yihofaan, ta eca ka maketer kitaanan . . . Ci Yihofa Kawas namo o sidaˈitay, siniˈadaay. Ano pasayra kamo i Cingranan i, cowa ko mamisilikor i tamowanan Cingra.’ (2 Rayray 30:6-9) Ano padeteng sa, caka pirienang ko tamdaw to Pitaˈlifan a Lisin i, o paihkalay cingra to miliyasay to Kawas. O Krisciyang soˈliˈlin cowa ko mamitoor to Pitaˈlifan a Lisin, kawra cowa ko ngangaˈay a misawad a micerid masaˈopo ato salikaka. Mankora palimoˈotay ci Pawlo cangranan, sowal sa: ‘Ka masasi ciharaterateng kamo, makakowakowad to makapahay a demak. Aka a pisawad to saˈopo, matira oya mananamay misawad a tamdaw, kao masasi pakalalolalok kamo. Tona maˈarawayto namo ko nika ngatato noya romiˈad, mamangalef a mihaen to demak.’—Hipray 10:24, 25; nengnengen ko KASAKOPANG.
SAKA 3 FOLAD 15-21 ROMIˈAD
O ODOˈ KO KIMAD NO KAWAS | SAˈOSI 11-12
“Hamaan Ira ko Ngaliwngiway a Pinangan, Misamaanay Hani?”
w01 6/15 17 fiedac 20 fatac
Aka Tawalen ko Matengilay
20 O ˈalomanay Krisciyang cowa ka maˈodang. Nikawrira, sasinanoten ita, aka a mararid a ngaliwngiw, mipaketer to Kawas. Sanay palimoˈot ci Pawlo kitanan: ‘Aka padeteng a mipalifet ci Yihofaan, matira cangranan a mipalifet Cingranan, teloc mapatayay no ˈoner. Aka a ngaliwngilw kamo, matira cangranan a ngaliwngiw, teloc matekop no Kawas.’ (1 Korinto 10:9, 10) Ngaliwngiway ko Israil tamdaw ci Mosian aci Aronan, miloloh to Kawas, macangal to sapafeli Ningra a mana. (Saˈosi 16:41; 21:5) O ngaliwngiway hananay i, cowa ka mahaen o maˈodanagay a kareteng ko raraw, caay ka tada maketeren ko Kawas sanay han? O sowal no Fangcalay Cudad i, ngaliwngiw ko ˈalomanay, mapatayay no ˈoner sanay kiya. (Saˈosi 21:6) ˈArawhan, ˈayaw nonini a demak, iraay ko hali ngaliwngiway a 14,700 a tamdaw mapatayay to nika pisafelit nangra. (Saˈosi 16:49) Mihaenay haw i, aka a misakahemaw kita to limasmas no Kawas, mipalifet to tahacowa ko pihadidi Ningra.
w06 7/15 15 fiedac 7 fatac
‘Aka Ngaliwngiw’
7 Nawhani taˈangay ko kafalic no Israil tamdaw! Salakat, lidongen ni Yihofa ko Israil miliyas to nika kuli i Icip, itini i Kahngangay Riyar a paˈorip cangranan, itiya i, masemeray ko falocoˈ nangra, romadiw a pakahemek ci Yihofaan. (Kasadakan 15:1-21) Ikorto i, itini i kohkohan caay ka depoc ko kaˈorip, hanaca matalaway to Kanan a tamdaw, oya salakatay a miakoˈiday falocoˈ nangra malefongay no ngaliwngiway a falocoˈ. Caayto ka piakoˈid to nika mapasalat nangra, ngaliwngiwayto to nika lahdaw no adihayay a maamaan, ˈarawhan awaay ko kacangoˈotay to maanan. Ngaliwngiwho cangra, tada paihkalay to nika cangoˈot no piakoˈiday ci Yihofaan. Mankora sato ko sowal ni Yihofa: ‘Tahacowaho ko nika pisangaliwngiw nonini a maliyangay a finawlan saw?’—Saˈosi 14:27; 21:5.
it-2 1143 fiedac 12 fatac
Malacongis
Ngaliwngiway. O ngaliwngiway patoleday to falocoˈ, cowa ko ngaˈayay konini. Miliyas ko Israil to Icip caho ka halafin ngaliwngiwto ci Yihofaan, milikaf to minilnilan no Kawas malo kakeridan a Mosian aci Aronan. (Kasadakan 16:2, 7) Ikorto, pakayniay ci Mosi to ngaliwngiw nangra a matoleden ko falocoˈ, saali sato to sakapatayaw. (Saˈosi 11:13-15) O roma sa i, ngaliwngiway a tamdaw mipaketer to Kawas, soˈliˈlin ngaliwngiw ko Israil tamdaw ci Mosian, o ngaliwngiway to Kawas konini, mitowakangay to fadangalan no Kawas. (Saˈosi 14:26-30) O ˈalomanay tamdaw salikor mapatayay to nika ngaliwngiw nangra.
Odoˈ no Sinael
it-1 1052-1053 fiedac
Mana
Mikiriwiˈay a demak. Matiyaay o ‘mimingay a sapal no dateng.’ Mato ‘hacol a kohecahecal ko cengel’ nira. matiya o ‘nipacamolan to simal a nitarangan a toron’ ko nika ˈardet nira. Funalen nangra anoca tifeken nangra, tangtangen nangra a palatoron.—Kasadakan 16:23, 31; Saˈosi 11:7, 8.
SAKA 3 FOLAD 22-28 ROMIˈAD
O ODOˈ KO KIMAD NO KAWAS | SAˈOSI 13-14
“O Pakasoˈlinay Falocoˈ Samaanay Pakatimolo Titaanan”
w06 10/1 16-17 fiedac 5-6 fatac
“O Pakasoˈlinay Falocoˈ ato Nika Ngodo to Kawas Pakatimolo Titaanan”
5 Tatosaay a misolapay, ci Yosuwa aci Kalip mangalayay micomod i nikiˈokan a sera. Pakayni to Kanan a tamdw, sanay ko sowal ni Yosuwa aci Kalip: ‘Mato o kakaenen no mita cangra. Miliyasayto ko midipotay cangranan. Mikapotay ci Yihofa i kitaanan, aka a matalaw cangranan.’ (Saˈosi 14:9) Ci Yosuwa aci Kalip maapaay a mahemeken han? Cowa! Cowa ko cangra aca, maˈaraway no polong finawlan ko pitefad ni Yihofa to moetep a pades, mitapiˈ to sufitay no Icip, mitekop to makaniway kawas no Icip kiya. Dotoc nora, maˈaraway no polong finawlan patolemen ni Yihofa ci Falaw ato sufitay ningra i Kahngangay Riyar. (ˈOlic 136:15) Ihkalay konini, oya mamoetepay a misolapay atoya mafiyoray nangra a finawlan, awaay ko lalangian a matalaw to Kanan a tamdaw. Sanay ci Yihofa: ‘Midemakay Kako ilalomaˈ nangra to kafahkaˈan a demak, tahacowa cangra a pakasoˈlinen i Takowanan saw?’ (Saˈosi 14:11) Onini a sowal tada paihkalay to nika adada no falocoˈ ni Yihofa.
6 Patodicekay ci Yihofa somowal to lalangian nora demak: Saka matalaw ko Israil tamdaw samanen cangoˈotay ko pakasoˈlinay falocoˈ. Makakedecay ko nika lalitin no pakasoˈlinay falocoˈ ato timolo. Mihaenay haw i, tiya somowal ko tarokos ci Yohani to kasakopang no Krisciyang ato noˈadingoan a lalood i, sanay cingra: ‘Malowidayto ita ko hekal, tona pakayniay noka pakasoˈlin no falocoˈ ita.’ (1 Yohani 5:4) Anini, Misawacayay Tamdaw ni Yihofa mataˈlifayto ko 800 ˈofad a tamdaw, ano o kaemangayto anoca matoˈasayto, iraay ko matiraay ni Yosuwa aci Kalip a noka pakasoˈlin no falocoˈ, hato macowatay ko mitenakay to ngaˈayay lihaf no Hongti Kitakit i paro no hekal. Awaay ko cimacima ˈada to pakaterepay tonini a taˈangayay sufitay.—Loma 8:31.
Odoˈ no Sinael
it-1 740 fiedac
Sapafeli no Kawas to Israil a Sera
Oya sapafeli no Kawas to Israil a sera, soˈlinay o fangcalay a pala. Ocoren ni Mosi paˈayaw ko misolapay, tayra misolap tora Mikiˈokan a Sera, halo miˈorong cangra panokay to itiraay a pinaloma. ˈOrongen nangra ko pinapina sokon, kiyafes ato tataˈangay a caˈang no fadisosoˈ. Onini a tataˈangay a fadisosoˈ, tatosaay ko miˈonocay a tamdaw! Soˈliˈlin tona cangoˈotay cangra to pakasoˈlin no falocoˈ a matalawen, kawra haenan nangra mifanaˈ ci Mosi: ‘Soˈlinay o kasadakan no hacol ato waneng no ˈodal koya sera,’ han nangra.—Saˈosi 13:23, 27.
SAKA 3 FOLAD 29– 4 FOLAD 4 ROMIˈAD
O ODOˈ KO KIMAD NO KAWAS | SAˈOSI 15-16
“Sasinanoten Aka Paihkal to Takaraway ato Pakidemay a Mitiˈer to Niyah”
w11 9/15 27 fiedac 12 fatac
Mafanaˈay ci Yihofa Tisowanan Han?
12 Nikawrira, tiya miraod ko Israil tayra toya Mikiˈokan a Sera i, tatiihay ko limasmas no Kawas sanay miharateng ci Kora, sapifikelaw tora demak, ilalomaˈ no Israil 250 a kakeridan midamaay cingranan. Ci Kora atoya midamaay cingranan a tamdaw, maedeng ngaˈayay ko kalalaˈed niyam aci Yihofa nasaan. Pasowal cangra ci Mosian aci Aronan: ‘Tada pakinaliay kamo! Polong a finawlan sahtoay o makoracay, iraay ci Yihofa ilalaomaˈ nangra,’ sanay. (Saˈosi 16:1-3) Patelasayto cangra, malitaˈang cangra! Pasowalen ni Mosi cangra: ‘Ano dafak o papahapinang ci Yihofa i titaanan, ano cima ko Ningra a tamdaw.’ (ˈOsien ko Saˈosi 16:5.) Pihererekan no saka tosa romiˈad i, ci Kora atoya kapot ningra mapatayayto maemin.—Saˈosi 16:31-35.
w11 9/15 27 fiedac 11 fatac
Mafanaˈay ci Yihofa Tisowanan Han?
11 Pakayni to nika pisakareteng to limasmas ato saˈosi ni Yihofa, ci Mosi aci Kora tada taˈangayay ko kasasiroma nangra. Samaanay minengneng ci Yihofa cangranan sa i, ora pakayraan nangra ko piˈarawan. O Lifi tamdaw ci Kora, ono Kohat a ngangasawan, adihayay ko fadangalan nangra. Maˈaraway ningra ko nika pilidong no Kawas to Israil tamdaw, milakowit to Kahngangay Riyar, itini i Sinay lotok misawkitay cingra toya micoˈaˈangay ci Yihofaan a Israil tamdaw, ato citodongay cingra a micoroˈ to Katatelekan a Lipa. (Kasadakan 32:26-29; Saˈosi 3:30, 31) Ano nengnengen i, halafinay miheca a madimadi midoko ci Yihofaan cingra, kangodoan no Israil tamdaw cingra.
Odoˈ no Sinael
w98 9/1 20 fiedac 1-2 fatac
Paisalakaten ko Kalimlaan a Demak!
Caay pisakahemaw ci Yihofa tonini a demak. Sowal no Fangcalay Cudad: ‘O papatayen konini a tamdaw,’ sanay. (Saˈosi 15:35) Misamaanay hano tada maketer ci Yihofa to nidemakan nora tamdaw hani?
Enemay a romiˈad to ngangaˈay ko tamdaw a mikasoy, midimokos to caˈedong ato kakaenen, ato no lomaˈ a saali. Saka pito a romiˈad oha mamikiriwiˈ a midimokos to noˈadingoan a demak. Manaokaniw mikasoyay a demak cowa ko mararaway, kawra ano sapikasoyen ko sapidokoaw ci Yihofaan a toki, o mararaway kora. Kita o Krisciyang awaay ko ˈinorong a midoedo to Rikec ni Mosi, kawra coko mamikitira kita tora demak minanam, itini kalo demak no kaˈorip silsilen ita ko icowaay ko masaka limlaan a demak hokira?—Filipi 1:10.
SAKA 4 FOLAD 5-11 ROMIˈAD
O ODOˈ KO KIMAD NO KAWAS | SAˈOSI 17-19
“O Miparocekan Hafay Namo Kako”
w11 9/15 13 fiedac 9 fatac
Malo o Parocekan Hafay Namo ci Yihofa Han?
9 Haratengen hena ko nolitengan a Lifi tamdaw, awaay ko miparocekan a sera malo hafay nangra. Tona o sakakaay a ˈinorong nangra o mamikerid to Israil tamdaw midoko to Kawas, oha mamitiˈer cangra ci Yihofaan a pafeli to kakaenen nangra, samanen na pasowalan ni Yihofa cangra: ‘O Kako ko saparocek a hafay i tisowanan,’ sanay. (Saˈosi 18:20) Soˈliˈlin cowa ka lecad kita to saysi ato Lifi tamdaw, cowa ka matayal i Fangcalay Sefi, ngaˈayay todongen ita cangra, pakasoˈlinen to mamidipot ci Yihofa kitanan. Mangatato ko salikoray romiˈad i, o mamangalef ko nika pakasoˈlin ci Yihofaan to iraay ko ˈicel a pafeli to saali no kaˈorip ita.—Paˈarawan 13:17.
w11 9/15 8 fiedac 4 fatac
Ci Yihofa ko Saparocek a Hafay i Takowanan
4 Piliˈen ni Yihofa ko Lifi tamdaw matayal i Cingranan, pasowal to o Cingra ko saparocek a hafay to Lifi tamdaw sanay, o manan ko tatodong nonini a sowal hani? Soˈliˈlin cowa pilayap ko Lifi tamdaw to miparocekan a sera, kawra iraay ko cowa ko mamaˈaca a sakatayal nangra a toki. ‘O sapafeli ni Yihofa a tayal no saysi o todong to saparocek cangranan a hafay.’ (Yosuwa 18:7) O fafekangay ato laenoay a sowal no Saˈosi 18:20 patahkalay, soˈliˈlin awaay ko sera no Lifi malo hafay nangra, kawra cowa ka cangoˈot to rikoˈ ato kakaenen cangra. (ˈOsien ko Saˈosi 18:19, 21, 24.) ‘O nipacakatan no Israil a cecay no moetepay, pafelianto Ako kamo malo saparocek a hafay namo, o todong to lifon namo a matayal to demak no Fangcalay Kopang.’ O Israil tamdaw ano o manan a kinaira nangra anoca faelohay hofocen a pinaˈorip, alaen ko somoˈot no moetepay pafeli ko Lifi tamdaw. Malayapto no Lifi tamdaw ko nipafelian no Israil a cecay no moetepay i, alaen nangra ilalaomaˈ ko “sangaˈayay” a cecay no moetepay pafeli ko saysi, to hasaka ˈorip nangra. (Saˈosi 18:25-29) Ano tayra ko Israil tamdaw i pidokoan to Kawas a kitiraan, o mipacakatan nangra a ‘fangcalay a sapaamid’, o hahaeminen a pafeli ko saysi. Mankora, iraay ko matomesay a lalangian no saysi a pakasoˈlin, o papafelien i Yihofa cangra to sakaˈorip nangra.
Odoˈ no Sinael
g02 8/8 14 fiedac 2 fatac
Cinah—Tada o Ciepocay
O cinah hananay i, tahapinangan no fanekfekay midaˈocay. Mankora, itini i Fangcalay Cudad o tamdaw ano patireng to katatelekan i, malacafayay cangra a mitahka, tano cinahan a mifasfas ko kakaenen, tatodong o milinaˈay a patopa to katatelekan, misatapangto a ciepoc ko nika katatelek. (Saˈosi 18:19) O saˈosi no Rikec ni Mosi, o mipacakatan a sapatoˈaya o cacinahen, todong to mamidaˈoc caay ko mamaponiˈ.
SAKA 4 FOLAD 12-18 ROMIˈAD
O ODOˈ KO KIMAD NO KAWAS | SAˈOSI 20-21
“Ano Maroero i, Sa Luemeden”
Ka Pisaˈicel Mitafo to Madaˈmaˈay Pakahemek ci Yihofaan
19 Ano mitafo to madaˈmaˈ kita, ngaˈay maliyas ko sakararawaw. Nengnengen ko nalifetan ni Mosi. Halafinay madaˈmaˈ cingra, misaˈicel a midoedo ci Yihofaan. Nikawrira, mataˈlif ko 40 miheca, tahirato salikoray no kalafel no Israil i kohkohan i, cowa padotoc ci Mosi a mitafo to madaˈmaˈay. Itiya, o kaka ni Mosi ci Miriam—na milidongay cingraanan i Icip—patay sanayho, mitademan i Katis. Ikor, miliyawayho ko Israil tamdaw a somowal to cowa ka ngaˈayay ko pidimokos, sanay cangra. “Paculi ci Mosian” cangra, “awaay haca ko nanom” saan a ngaliwngiw. Ci Yihofa papidemakenho ci Mosian to adihayay a kafahkaˈan, halo cowa pisateked ci Mosi a mikayat to finawlan, kamayan cangra a ngaliwngiw. Ngaliwngiway cangra to cangoˈotay ko nanom, mirorohay ci Mosian, hano pataynien cangra i hatiniay a kohkohan sanay.—Saˈosi 20:1-5, 9-11.
Ka Pisaˈicel Mitafo to Madaˈmaˈay Pakahemek ci Yihofaan
20 Tada mangolaway ci Mosi, cowa pitafo to damsayay. Cowa pidoedo cingra to limoˈot ni Yihofa a “pasowal toya ˈongcoy”, ao mirikecay a mapoˈi to finawlan, wa midemak to kafahkaˈan ko niyah, sanay ci Mosi. Dotoc i, kinatosa a misetiˈ toya ˈongcoy a papipasadak to nanom. ˈArawhan misatakaraway ato maketer cingra a mararaw ko demak. (ˈOlic 106:32, 33) Ka adayayan i, samanen cowa pitafo to madaˈmaˈay ci Mosi, cowato ka ngaˈay a micomod i mikiˈokan a pala.—Saˈosi 20:11, 12.
21 Mikitini i nalifetan ni Mosi, mananamay ita ko kalimlaan a sapasifanaˈ. Saka cecay, padotocen ita a mitafo to madaˈmaˈay. Ano misakahmaw kita toniya capeling, wa mala takaraway tamdaw alatek, teloc i, mararaw ko sowal ato waywayan. Saka tosa, pakalonayay ko saroero to tamdaw, mihaenay ano ira ko saroero, mamisaˈicel kita a mitafo to madaˈmaˈay.
w09 9/1 19 fiedac 5 fatac
Fanekfekay a Midama to Moecelay a Misawkitay
Saka cecay, cowa palimoˈot ko Kawas ci Mosian a pasowal to finawlan, hanaca cowa papisetek to raraw no finawlan ato mirikec cangranan to o misafelitay tamdaw cangra. Saka tosa, cowa paˈodingar to Kawas ci Mosi aci Aron. Pasowal ci Mosi: ‘O kami hakiya ko papasadak to nanom nai ˈongcoy pananom i tamowanan saw?’ Ora pasadakay to nanom o cingra aci Aron hato sanay kora sowal ningra, ao cowa ko Kawas. Mankora pasowal ko Kawas: ‘Caay ka patalahkal kamo to nika fangcal Ako.’ (saka 12 sinael) Saka tolo, o sawkit no Kawas nohatini malecaday to itiyaay a pisawkit no Kawas. Caay haydaen no Kawas koya misafelitay a Israil tamdaw micomod to Kanan a pala, mahecaday, caay haydanen Ningra ci Mosi aci Aron a micomod i Kanan. (Saˈosi 14:22, 23) Saka sepat, o kakeridan no Israil ci Mosi aci Aron, oha mamitamorong to ˈinorong pakayni to waywayan nangra i kaˈayaw no Kawas.—Luka 12:48.
Odoˈ no Sinael
w14 6/15 26 fiedac 12 fatac
Mahaenay oni Yihofa ko Pinengneng Iso to Kalonay no Tamdaw Han?
12 Ano mararawho ci Aron i, tangsolan ni Yihofa a mitefoc ci Aron, kawra mahapinangay Ningra to cowa ko tatiihay tamdaw ci Aron, cowa ka pakidem ko raraw ningra. Mararaw ci Aron, ano nengnengen hato maroeroay ci Aron itiya, anoca mafiyoray no romaroma tamdaw alatek. Kawraan, makahiyay ci Aron a mihayi to nika raraw no niyah, micada to sasawkit ni Yihofa. (Kasadakan 32:26; Saˈosi 12:11; 20:23-27) Cowa kora raraw ni Aron ko pamotekan ni Yihofa a minengneng, ao pakasoˈlinay falocoˈ ato mipasasiyoray a waywayan ningra. Pinaay a mihecaan, ci Aron ato teloteloc ningra o mangodoay ci Yihofaan a tamdaw hananay cangra.—ˈOlic 115:10-12; 135:19, 20.
SAKA 4 FOLAD 19-25 ROMIˈAD
O ODOˈ KO KIMAD NO KAWAS | SAˈOSI 22-24
“Pala Lemedan ni Yihofa ko Sapaˈkak”
Palasilen ko “Ngaˈayay Lihaf Pakayni Ci Yisan”
5 O aniniay pakayraan mahecaday to isaka cecayay hahekalan, o sapalak no tao caay piconged to tamdaw ni Yihofa padadotoc a mitosil. ˈArawhan i, ano paciecien ko Krisciyang patayra i roma kitiraan, anoca rofoen a mipalit cangra, linahen cangra tayra i romaroma kitakit, mapadama sanay ko itiraay tamdaw pakatengil to lihaf no Hongti Kitakit. Patinakoen, isaka tosa lalood, Misawacayay Tamdaw ni Yihofa itini i pitepengan a kapalitan no Naci, fangcalay ko kapisawacay nangra. Iraay ko cecay Yutaya tamdaw itiniay cingra pitepengan a kapalitan a pakalitemoh to Misawacayay Tamdaw ni Yihofa, ikor sanay ko sowal ningra: “Fanekfekay a madimadi ko marofoay a Misawacayay Tamdaw ni Yihofa, misemeray konini a pakasoˈlinen kako to misalalangiay to Fangcalay Cudad ko pihakelongan nangra. Ikorto i, mala Misawacayay Tamdaw ni Yihofa kako.”
it-1 432-433 fiedac
Maapaay
Maapaay a sapicoˈaˈangaw ci Yihofaan. Paliˈayaway to sowal a Palaman tada maapaay, maanofay to sapalifon a payci no hongti no Moap ci Palakan, kawra dipotan ni Yihofa ko Israil tamdaw, miconged to sahalaka ni Palam. Pakayni ci Palaman sanay ko sowal ni Pitiro, sowal sa: ‘O caay ka caciyaw a lofa, misano tamdaw ko sowal a mitenaˈ to maapaay a demak nonini paliˈayaway to sowal a tamdaw.’ Ci Pitiro itini tano pa·ra·phro·niʹa (pa·ra·fro·niya) sanay a Krisiya a sowal mitoor tora maapaay a waywayan ni Palam, tatodong noni sowal o “masingkiay” sanay.—2 Pitiro 2:15, 16; Saˈosi 22:26-31.
Odoˈ no Sinael
w04 8/1 27 fiedac 3 fatac
Kalimlaan no Saˈosi Cudad
22:20-22—Hano maketer ci Yihofa ci Palaman hani? Na pasowalanto ni Yihofa ci Palam ‘aka miˈkak to Israil,’ hananay. (Saˈosi 22:12) ˈArawhan toor han ningra ko sikawdan ni Palak a tayra, misetek ko falocoˈ sapiˈkakaw to Israil tamdaw. Sapipahemekaw ci Palam ci Palakan, toha sapilayapaw to sapalifon ningra. (2 Pitiro 2:15, 16; Yuta 11) Soˈliˈlin mapacieciay cingra mipalemed to Israil tamdaw, kawra kamayanay sapipahemekaw to falocoˈ ni Palak, pasowal tano mitaˈongay ci Paalan a kawas a fafahiyan mikayhid to faˈinayan no Israil saan. (Saˈosi 31:15, 16) Mihaenay haw i, maketer ko Kawas ci Palaman, samanen tada maˈanofay cingra, sapisaroaw to coos no falocoˈ.
SAKA 4 FOLAD 26– 5 FOLAD 2 ROMIˈAD
O ODOˈ KO KIMAD NO KAWAS | SAˈOSI 25-26
“O Pisetek no Cecay Tamdaw a Misaˈosi, Iraay ko Masasiromaay a Minaroˈan Han?”
lvs 118 fiedac 1-2 fatac
Ka Piliyas to Maˈodangay Demak!
O CECAY mipacometay tamdaw, tayra i cecay kitiraan, iraay ko papacometen a futing itira. Mipiliˈ cingra ko sapacemot, fahkolen tayra i nanom, mitala cingra. Ira a micefit ko futing i, tangsol a mikedec tora walay, hongaˈ makafit ko ngoyos nora futing, tengteng hanto ningra kora futing.
2 Malecaday tora, o tamdaw mamahaen tora futing a makafit alatek. Iraay ko cecay a tinakoan: Tiya mamicomod ko Israil to mikiˈokan no Kawas a sera i cangranan i, itiniay i dafdaf no Moap a pataloˈan cangra. Tahidangen no hongti no Moap ko cecay ci Palam hananay a tamdaw papiˈkak to Israil tamdaw, mihayi to papafelien to adihayay payci cingra. Salikor, maharatengay ni Palam ko cecay pakayraan, to ngangaˈay a maˈkak no Israil tamdaw ko niyahto. Misongilaˈay a mipiliˈ to sapacemot cingra, ocoren patayra ko kaying no Moap i pataloˈan no Israil, mikayhid to faˈinayan nangra.—Saˈosi 22:1-7; 31:15, 16; Paˈarawan 2:14.
lvs 119 fiedac 4 fatac
Ka Piliyas to Maˈodangay Demak!
4 Misamaanay hano saˈaloman saan ko makefengay i saˈfit ni Palam hani? Samanen o coos aca no falocoˈ nangra ko maharatengay nangra, matawalayto ko nano demak ni Yihofa i cangranan. Nao adihayay ko lalangian no Israil madimadi to Kawas. Paˈoripan no Kawas cangra miliyas to nika kuli i Icip, itini i kohkohan pafelien to kakaenen ato nanom cangra, keriden cangra rihaday a tangasa i mikiˈokan no Kawas a pala. (Hipray 3:12) Nikawrira, o Israil tamdaw cowa picoay to sakayhid no maˈodangay demak. Sowal no tarokos ci Pawlo: ‘Aka maˈodang, matira cangranan a maˈodang.’ Sato maan cingra—1 Korinto 10:8.
Odoˈ no Sinael
it-1 772 fiedac 1-2 fatac
Salaˈedan no Sera
Mihaenay haw i, mipalilam to sera no kasangasaw i, sasinanoten ko tosa a demak: O teloc no piritos, kataˈangay no kasangasaw. O miritosay i, o sapisaˈosiaw aca to sakacowa no mikiˈokan pala a mililam to parocekan a sera cangra, patinakoen, o kaˈamis ha anoca katimol ha, o kawali anoca kaetip ha, mililisay to riyar a masadafdafay a pala anoca i lotolotokan ha. O nika piritos ko pisaˈosi no Kawas a palilam to sera, hongaˈ matatodong toya nipairasolan ni Yakop to aicowa ko kasangasaw a maroˈ cangra. (Taneng 16:33) Itiniay i Satapangan 49:1-33 a maˈoning konini a sapairasol.
Maharek a miritos to maedeng aicowa ko kasangasaw ikor, o sasaˈosienho ko kataˈangay no sera nangra, sasinanoten ko tosa a demak: O kaˈaloman no tamdaw. “O papakaynien namo i piritos ko pipakilac i kasangasaw ato kasalalomaˈan to sera. O kakahaday a sera i, pafelien ko ˈalomanay ko tamdaw a lalomaˈan, o mimingay a sera i, pafelien ko caay ka ˈaloman ko tamdaw a lalomaˈan.” (Saˈosi 33:54) O miritosanto a pala cowa ko mamafalic, kawra o kataˈangay no sera ngaˈayay falicen. Patinakoen, o sera no Yuta ngasaw tada taˈangayay, mipaladaˈan to pinapina pafeli ko Simion a ngasaw.—Yosuwa 19:9.