Pinengnengan to Lalakaw no Mitosilay ato Nikaˈorip Rayray no Saˈopo
SAKA 7 FOLAD 5-11 ROMIˈAD
O ODOˈ KO KIMAD NO KAWAS | LIMOˈOT 11-12
“Manonoˈay ci Yihofa to Tamdaw Sasamaan ko Pidoko Cingranan”
it-1 1177 fiedac 1 fatac
Sarocoden ko ˈOrip
Sarocoden ko falocoˈ sarocoden ko harateng a midoko to Kawas. Pakalalokay ko Fangcalay Cudad papisarocod to falocoˈ ato harateng a maolah ato midoko to Kawas (Limoˈot 4:29; 11:13, 18), itini i Limoˈot 6:5 somowalay to sasarocoden ko falocoˈ ato harateng‚ ‘maolah ci Yihofaan Kawas iso,’ sanay. Somowalayho ci Yis, cowa aca ko falocoˈ, ko harateng, ko ˈicel a misarocod, oha ‘sasarocoden ko taneng’ a maolah to Kawas. (Marko 12:30; Luka 10:27) Tatodong nora sowal, mahawpay ko kihcod nora tamdaw o sanay. Patinakoen o tamdaw ano mapacakay ko tireng no niyah malo kuli, ono tawkito a dafong cingra. Kawra, misarocoday ko falocoˈ ato harateng ningra a matayal to tawki cowa ka saan. (Palalinien to Ifiso 6:5; Kolosay 3:22.) Mihaenay haw i, somowal ko sinael to falocoˈ harateng ˈicel taneng nora tamdaw, o misakaretengay a pasowal tora demak, patalipaˈelal to midokoay a tamadaw, aka mapawan to nika ono Kawas a tamdaw kita, ono Wawa Ningra kita, samanen tano ˈoripan ni Yis a micakay ko tamdamdaw. ‘Sarocoden ko falocoˈ sarocoden ko harateng’ a matayal saki Kawas, tatodong i, o kihcod no tireng ita, ˈicel ato kalim no falocoˈ ita, sahecien a mihaemin.—Palalinien to Matay 5:28-30; Luka 21:34-36; Ifiso 6:6-9; Filipi 3:19; Kolosay 3:23, 24.
it-2 371 fiedac 9 fatac
Pipacakatan
Palimoˈotan no Kawas ko Israil tamdaw papitastas to polong pipacakatan to makaniway kawas, mipelpel to pisalisinan nangra a fakeloh ato hecek. (Kasadakan 34:13; Limoˈot 7:5, 6; 12:1-3) Cowa ko ngangaˈay cangra mitodong to demak no hekal a tamdaw, matira o Kanan tamdaw a mipacakat to wawa malo sapatoˈaya. (Limoˈot 12:30, 31; 16:21) O Israil tamdaw cowa ka ngaˈay adihay ko pipacakatan, cecayay aca, itiniay i nipiliˈan ni Yihofa a kitiraan. (Limoˈot 12:2-6, 13, 14, 27; o Papilon tamdaw, 180 ko pipacakatan to sapatoˈaya to Ishtal a fafahiyan kawas nangra) ˈAyaw no mamilakec to Yortan ˈalo, palimoˈotan no Kawas ko Israil mipatireng to fakeloh malo pipatoˈayaan (Limoˈot 27:4-8), ikor itiniay i Ipal a lotok patireng ci Yosuwa tonini pipatoˈayaan. (Yosuwa 8:30-32) Maˈafasto no Riupin, Kat ato kalitosa no Manasi a ngasaw ko sera nangra i, itiniay i lilis no Yortan ˈAlo patireng cangra to pipacakatan, hato makidatay ko sakalaloodaw pakayni tonini a demak. Cipinangto ko romaroma ngasaw to cowa ko sapiliyasaw nangra to Kawas koriraan, ao sapisawacayaw cangra to teloteloc nangra to nika madimadi nangra to soˈlinay Kawas ci Yihofaan, hato lakisaw sanayto kora sakalaloodaw.—Yosuwa 22:10-34.
Odoˈ no Sinael
it-1 654 feidac
Kiricim, Lotok
Malowidto no Israil ko Ai a niyaroˈ ikor, doedoan ni Yosuwa ko sakayat ni Mosi, palisopsop to kasangasaw no Israil tayra i Kiricim lotok ato Ipal a lotok. Itiraay ko finawlan a mitengil to piasip to Rikec a cudad, mafanaˈ cangra ano midofdof ci Yihofaan i, mamalifok ko manan a sapalemed, ano caay pidofdof cangra i, tatahalifa to manan a sapaˈkak. O Simiyon, Lifi, Yuta, Isakar, Yosif, Pinyamin a enem a ngangasawan itiniay i ˈaˈayaw no Kiricim lotok a tomireng, o Lifi a ngasaw ato Katatelekan a Lipa itiniay i dafdaf, oyato roma enem a ngangasawan itiniay i ˈaˈayaw no Ipal a lotok a tomireng. (Limoˈot 11:29, 30; 27:11-13; Yosuwa 8:28-35) Ano milasil to sapalemed ci Yosuwa i, psayniay i Kiricim a lotok, oyanan a tomirengay i ˈaˈayaw nora lotok a enem ngasaw ko pacaˈofay; milasil to sapaˈkak i, pasayniay i Ipal a lotok, oyananto tomirengay i ˈaˈayaw nora lotok a roma a enem a ngasaw ko pacaˈofay. O sowal no micacudaday a tamdaw, saka pasayni i Kiricim a lotok milasil to sapalemed i, samanen ikakaay ko nika kapah nonini a lotok, o Ipal a lotok sano kohkohay, adihayay ko fakeloh sanay. Kawra awaay ko sowal no Fangcalay Cudad pakayni toninian. Pasayniay i ‘polong a finawlan no Israil, fafahiyan, kaemangay, ato pacarcaray i niyaroˈ a roma finacadan a tamdaw’ a miasip tora Rikec a cudad. (Yosuwa 8:35) Oya tomirengay i kalalaˈed nora tosa lotok a ˈalomanay finawlan masongilaˈay nangra a matengil, samanen ngaˈayay ko fadihang itira tora kitiraan alatek.—Nengnengen ko IPAL, LOTOK.
SAKA 7 FOLAD 12-18 ROMIˈAD
O ODOˈ KO KIMAD NO KAWAS | LIMOˈOT 13-15
“Rikec ni Mosi Samaanay Paihkal to Ciharatengay ci Yihofa to Manikaway Tamdaw”
it-2 224 fiedac 1 fatac
Cecay no Moetepay
Ano nengnengen iraayho ko roma a tatokian a “mipacakat to cecay no moetepay.” To mihecahecaan i sakina tosa a pipacakatan to cecay no moetepay i, o aalaen nangra ko cecay no moetepay a kinaira nangra toya mihecaan, onini cowa ko sapidama to sakaˈorip no Lifi a saysi, soˈliˈlin ngaˈayay ko Lifi tamdaw a komaen. Orira sakina tosa a mipacakatan a cecay no moetepay, o saki polong a paro no lomaˈ no Israil malawla to lisin no kitakit. Ano miraayay to Yirusalim, koedaway ko rarakaten a lalan, caka depoc patayra tora kinaira i, ngaˈayay falicen malo payso, malahakelong ko paro no lomaˈ tayra i Yirusalim a mirienang to fangcalay saˈopo, komaen ato miˈowak a lipahaken. (Limoˈot 12:4-7, 11, 17, 18; 14:22-27) O saka pito a mihecaan i, o Paselaˈan a Miheca, itini i laliyadan nonini pito a miheca, toya pihererekan no saka tolo miheca ato pihererekan no saka enem a miheca, oya mipacakatan a sakina tosa a cecay no moetepay, cowa ko sakalawla no paro no lomaˈ i pisalisinan no kitakit konini, ao papafelien ko Lifi a tamdaw, pacarcaray a roma finacadan ato pakoyoc ato maponengay a fafahiyan.—Limoˈot 14:28, 29; 26:12.
it-1 55 fiedac
Paselaˈan a Mihecaan
O Paselaˈan a Mihecaan i, o “pipalasawadan to tadah a mihecaan” [hash·shemit·tahʹ sanay kono Hipray tilid]. (Limoˈot 15:9; 31:10) Itini tonini a miheca, paselaˈen no Israil ko omah, aka pipaloma. (Kasadakan 23:11) O papalasawaden no Israil ko tadah no finawlan. Cangra i, ‘mamilasil to pipalasawadan to tadah a mihecaan’, ho paˈodingar ci Yihofaan’. Kawrira iraay ko romaroma caay ka lecad ko pinengneng tonini a demak, ngaˈayay palasawaden ko tadah no finawlan, kawra aka pacieci a misaali, samanen awaay ko miketosan no pinaloma itini tonini a miheca, awaay ko sapatikol a payci sanay cangra; kawra ngaˈayay pasayni i roma finacadan tamdaw a milepel tora tadah sanay. (Limoˈot 15:1-3) O sowal no romaroma singsi no Yutaya, o ngangaˈay palasawaden ko tadah no manikaway a salikaka, kawra o tadah no misasingdiay i, aka palasawaden sanay. Isaka 1 hahekalan, ci Hilel patirengay cingra to hapakayraan, ano itini i hoing a miketon to sowal i, ngaˈayay a milepel tora tadah sanay.—The Pentateuch and Haftorahs, edited by J. Hertz, London, 1972, pp. 811, 812.
it-1 1219 fiedac 4 fatac
Kuli
O pakayniay to kalalaˈed no tawki ato kuli a sarikec. Itini i lalomaˈ no Israil tamdaw, o malakuliay a Hipray tamdaw, o macadaay nangra caay ka lecad to roma finacadan ato pacarcaray anoca panikiray a kuli. O Hipray kuli ngaˈayay itini i saka 7 miheca anoca Kalipahakan a Mihecaan a mapasalat. (Kasadakan 21:2; Lifi 25:10; Limoˈot 15:12) O roma finacadan a kuli, todong o hafay no tawki cingra, ngaˈayay sidayen no tawki pafeli ko teloc ningra (Lifi 25:44-46), o Hipray tamdaw ano mapacakay i pacarcaray anoca roma finacadan tamdaw i, ano hacowato ngaˈayay patikol a micakay to niyahan, ano iraay ko cima citatodongay patikol a micakay a tamdaw micakay cingranan i, ano hacowato ngangaˈay a mihaen to demak. Ano hakowaayto ko ˈosaw tangasa i Kalipahakan a Mihecaan a misaˈosi to ˈaca, anoca hakowaayto ko ˈosaw tangasa saka 7 a miheca ko pisaˈosi. (Lifi 25:47-52; Limoˈot 15:12) O tawki tamdaw ano pasalaten ko Hipray kuli papiliyas i, pafelien cingra to pinapina a dafong, misatapang to faelohay a nokaˈorip cingra. (Limoˈot 15:13-15) Ano malahakelongay to fafahi cingra i, hahakelongen no fafahi a miliyas. Nikawrira, ano o tawki ko pafafahiyay cingranan, (maedeng o ˈalafang a fafahiyan, awaay ko tatodong ningra mapasalat i saka 7 a miheca), ora fafahi ato wawa nangra o mamasiday, ono tawki a hafay cangra. Kawrira, ora Hipray kuli ngangaˈay mipiliˈ to mamasiday cingra, padotoc a matayal to tawki. Ano hatiraay i, laliliten no tawki ko tangila ningra, patalahkal to mamakalim a midaˈoc a malakuli no tawki cingra.—Kasadakan 21:2-6; Limoˈot 15:16, 17.
Odoˈ no Sinael
w06 4/1 31 fiedac
Salicay no Miˈosiay Tamdaw
Mikecengay ko Rikec ni Mosi tano hacol no tawinaan a siri mitangtang to tofor a siri nira, mikitini toninian o manan ko mananamay ita?
Onini mikecengan no Rikec ni Mosi kina toloay a masadak i Fangcalay Cudad, mahapinangay ko pina a kalimlaan: O masamaanay a demak ko misakaretengan ni Yihofa; o siniˈadaay ci Yihofa; ˈintehay Cingra to mararaway a pidoyongan.—Kasadakan 34:26; Limoˈot 14:21.
Sapitangtangen ko hacol no tawinaan a siri to titi no tofor a siri nira, anoca tano hacolen no roma tawinaan a mitangtang to wawa nira, misafelitay to sarikec ni Yihofa. Cihacol ko tawinaan a siri i, o sapacocoaw to wawa nira a palahad. Mahaen o sowal no cecay a micacudaday tamdaw, tano hacolen no tawinaan a mitangtang to wawa nira, patalahkalay to ‘caay pisakareteng to nipatirengan no Kawas to kalalaˈed no tawinaan ato wawa nira a sarikec’.
O romasa i, sapitangtangen to hacol no tawinaan ono kalodoyongan a lisin to sapicangacangaw to ˈorad. Mihaenay, onini a sarikec midipotay to Iarail tamdaw, caka madengaˈ no maapaay mariˈangay a pinangan no kalodoyongan. Soˈlinay haw i, o Rikec ni Mosi mikecengay to Israil tamdaw a mihakelong to pinangan no kasakitakit.—Lifi 20:23.
Salikoray i, onini a sarikec patalahkalay to siniˈada ni Yihofa. Soˈlinay haw i, Rikec ni Mosi adihayay ko malecaday a limoˈot, mikeceng to pisamsam to pinaˈorip anoca midemak to cowa kono tamdaw a pinangan. Patinakoen: Hofocen ko wawa no pinaˈorip ikor, awaawa sa pito a romiˈad a cicafay to wina nira ngaˈ, ngaˈay malo sapatoˈaya; aka palecaden tora romiˈad a mitokad to tawinaan ato wawa nira; aka palecaden a miala ko tawinaan ˈayam ato fitaˈol nira.—Lifi 22:27, 28; Limoˈot 22:6, 7.
Mahapinangay itini, o Rikec ni Mosi cowa ko sapalimoˈot ato sarikec aca, o safalod nira papadama kitanan palahad to fangcalay a waywayan. Mihaen i, o sasoˈlinto kita patalahkal to tadamaanay a capeling ni Yihofa.—ˈOlic 19:7-11.
SAKA 7 FOLAD 19-25 ROMIˈAD
O ODOˈ KO KIMAD NO KAWAS | LIMOˈOT 16-18
“Safalod no Masadafdafay a Pisawkit”
it-1 1061 fiedac 5 fatac
Mapohaway
O mapohaway hananay i, ngaˈayay mitaypiyaw to nika masakakinih no pisawkit, kinapinapinaay ko Rikec ni Mosi palimoˈot to tamdaw, aka piala to sapaˈalofo, misakakinih to tamdaw, samanen mipohaway to mata no misawkitay, caayto ka sadafdaf ko pisawkit. ‘Mipohaway to mata no tamdaw ko sapaˈalofo.’ (Kasadakan 23:8) ‘Mipohaw to mata no citanengay ko sapaˈalofo.’ (Limoˈot 16:19) Ano masamaamaan citaneng ko misawkitay tamdaw, ano milayapho to sapaˈalofo no tao i, mafiyoray ko pisawkit ningra. O sarikec no Kawas miharatengay to nika tatiih no milayapay to sapaˈalofo, hanaca miharatengay to pifiyor to falocoˈ no tamdaw, sowal sa: ‘Aka pisakakinih kamo to pakosiya ato tadamaanay a tamdaw.’ (Lifi 19:15) Mankora, o misawkitay tapang aka a toor han ko falocoˈ anoca patoor to ˈalomanay tamdaw, misakakinih to pisawkit to nika paˈalofo no cihafayay tamdaw.—Kasadakan 23:2, 3.
it-2 304 fiedac 9 fatac
Fangko, Tosa, Tatosa
Tosa. Tosa onini tilid marariday milingat to pakayniay i holic a demak. O pisawacay no tatosa a tamdaw, ngaˈ mapatirengay. Ano misawkit to maanan demak i, ira ko tatosa tatolo a misawacayay ngaˈ ngaˈay. O dadadoedoen no Krisciyang kasakopang konini a safalod. (Limoˈot 17:6; 19:15; Matay 18:16; 2 Korinto 13:1; 1 Timoti 5:19; Hipray 10:28) Wawa no Kawas tiya itiniho i hekal i, midoedoay tonini a safalod. Sowal as ci Yis: ‘O Rikec namo somowalay: “Ano tatosa ko misawacayay i, soˈlinay kora wacay.” O misawacayay kako to pakaniay i takowanan, halo miocoray i takowanan a Wama a misawacay to pakayniay i takowanan.’—Yohani 8:17, 18.
it-1 697 fiedac 4 fatac
Saysi
O saysi hananay i, citatodongay to papasifanaˈ to finawlan to sarikec no Kawas, itini ino holican a demak karetengay ko ˈinorong nangra. Itini i mipakilacan to saysi a naniyaroˈan, mipadangay cangra to misawkitay tapang a misaˈosi to demak. Ano ira ko pasangaray a sasawkiten, awaay ko pinang to sasamaanen a misawkit i, o papalimoˈoten no saysi ko misawkitay tapang to sasamaan a misaˈosi to demak. (Limoˈot 17:8, 9) Ano ira ko mapatayay no tao, kawra cowa ka fanaˈ to cima ko mipatayay, o kakalacafayen no saysi ko malohemay malitengay no niyaroˈ a misaysay tora demak, misasoˈlin a midoedo to hapakayraan a mifalah to tadah no remes. (Limoˈot 21:1, 2, 5) Ano maˈinap ko faˈinay cisasa ko falocoˈ to caay ka madimadi ko fafahi i, papatayraen ko fafahi i fangcalay kaitiraan, o dadadoedoen no saysi ko hapakayraan a midemak, mingitangit ci Yihofaan a patalahkal tora demak, patodecek a misaˈosi to ciraraway hokira kora fafahiyan. (Saˈosi 5:11-31) O sasakaretengen no finawlan ko kihcod a saˈosi no saysi ato minilnilan a misawkitay tapang; cima ano padeteng sanay misakahemaw anoca micoli i, o papatayen cingra.—Saˈosi 15:30; Limoˈot 17:10-13.
Odoˈ no Sinael
it-2 41-42 fiedac
Mifalah
O saˈosi no Rikec i, awaawa sa ira ko tatosa a misawacayay ngaˈ, ngaˈay a mipatay a mitefoc to tamdaw. (Limoˈot 19:15) Oya misawacayay tamdaw ko saˈayaw a pakamay, tano fakelohen a mipatay kora ciraraway. (Limoˈot 17:7) Mihaen to demak cangra o paihkalay to nika pidopo nangra to sarikec no Kawas, misetek ko falocoˈ mitafo to kakorac no kasakopang, hanaca mamiconged to tamdaw misamangah a misawacay, ato caay ka ˈamelas ko pisawkit to demak.
SAKA 7 FOLAD 26– 8 FOLAD 1 ROMIˈAD
O ODOˈ KO KIMAD NO KAWAS | LIMOˈOT 19-21
“Misakaretengay ci Yihofa to ˈOrip no Tamdaw”
Todongen ci Yihofa Masadafdaf ato Siniˈada
4 Sakatayraaw no coko padetengay a mipatay i enem pilimekan a niyaroˈ cowa ko pasangaray. Palimoˈotan ni Yihofa ko Israil tamdaw i tosa lawac no Yortan ˈAlo, mamisadak to tolo a niyaroˈ malo pilimekan a niyaroˈ, mihaen wa tangsol ko coko padetengay a mipatay malimek itira. (Saˈosi 35:11-14) O roma, makapahay ko lalan tayra pilimekan a niyaroˈ. (Limoˈot 19:3) Tooren ko pinangan no Yutaya tamdaw, oniya pina lalan pairaen ko tahapinangan, mikayat to coko padetengay a mipatay milaliw tayra i pilimekan niyaroˈ. Samanen iraay ko pilimekan niyaroˈ a limasmas, cowa ko mapacieci cangra milaliw tayra roma kitakit, makayhidto midoko to makaniway kawas.
Todongen ci Yihofa Masadafdaf ato Siniˈada
9 Araaw a patireng to pilimekan niyaroˈ i, ho eca pitamorong ko Israil tamdaw to palakisay to ˈirang a raraw. (Limoˈot 19:10) Maolahay ci Yihofa to ˈorip, ˈintehay to padetengay mipatay to tamdaw a waywayan. (Taneng 6:16, 17) Masadafdafay a makorac ko Kawas, soˈlin coko padetenagay mipatayay to tamdaw a demak, cowa pisilikol Cingra. Sapilifokaw to sidaˈit ko coko padetengay mipatay a tamdaw, pafanaˈen ko malohemay malitengay to mifekaday demak. Ano sawkiten to coko padetengay mipatay, wa tayra i pilimekan niyaroˈ cingra tahira kapatayan no taˈangayay saysi. Sakoniya sowal hakelong no ˈorip wa materek cingra itira. Oniya limasmas patalipaˈelalay to Israil tamdaw fangcalay ko ˈorip. Mikangodo cangra to pafeliay to ˈorip a Kawas, oha mamiliyas to mamidokaˈ to ˈorip no finawlan a demak.
it-2 624 fiedac
Remes
Iraay ko fadangalan no tamdamdaw rihaked to sapafeli no Kawas a ˈorip. Cimacima ano miˈafas to ˈorip no tao, o mamitamorong to ˈinorong i kaˈayaw no Kawas. Oya sowal no Kawas toya mipatayay a Kainan, paihkalay tonini: “Masadak nai lalinik no sera ko ngihaˈ no remes no safa iso a tomangic a pasowal i Takowanan.” (Satapangan 4:10) Ano cima ciˈintehay to salikaka, nanay mapatay cingra saan, paoraf i cingranan, anoca misamangah a pakokot cingranan, toha sakapatayaw ningra i, o mamitamorong cingra to tadah no remes no salikaka.—Lifi 19:16; Limoˈot 19:18-21; 1 Yohani 3:15.
Odoˈ no Sinael
it-1 404 fiedac 2 fatac
Howing, Misawkitay
O howing no niyaroˈ itiniay i fawahan no ˈadawang. (Limoˈot 16:18; 21:19; 22:15, 24; 25:7; Rucu 4:1) “O fawahan no ˈadawang” hananay i, itiniay i ngata no ˈadawang a kakahaday a putal, o saysi tamdaw marariday itira pasayra to malisopsopay a finawlan a miasip to rikec anoca milasil to sapalimoˈot. (Nihimiya 8:1-3) To romiˈad, ˈalomanay ko micomoday masadakay i fawahan a tamdaw, itira a mikilim to mamisawacay a tamdaw pakayni to malaliˈacaay to sera a demak cowa ko pasangaray. Roma i, tona itiniay i kaˈayaw no ˈalomanay kora pisawkit, o misawkitay a tapang mamisinanot cangra to demak, patalahkal to masadafdafay noka pisawkit. Iraay ko kamaroˈan i fawahan no niyaroˈ, ngaˈayay a maroˈ ko misawkitay tapang itira a misawkit to demak. (Yopu 29:7) Ci Samuil mitaliyokay a milisoˈ to Pitil, Kilkal ato Micpa, ‘misangaˈ cingra to raraw no finawlan noya niyaroˈ maemin,’ itini i lomaˈ ningra i Ramah i, misawkitay cingra to demak.—1 Samuil 7:16, 17.
SAKA 8 FOLAD 2-8 ROMIˈAD
O ODOˈ KO KIMAD NO KAWAS | LIMOˈOT 22-23
“Rikec ni Mosi Samaanay Paihkal to Ciharatengay ci Yihofa to Pinaˈorip”
it-2 1185 fiedac
Miˈorongan
Nolitengan tamdaw marariday tano pinaˈorip a micoloˈ to karetengay a dafong. Palimoˈotay ko sarikec to Israil tamdaw, ano maˈaraw ko lofa no ˈada mapaekel no ˈinorong i, aka pakihater han, ‘tedalen a mitefad kora ˈinorong’ nora lofa sanay. (Kasadakan 23:5) Nolatekay tano sapilalat hananay no tamdaw ko mafiloay no pinaˈorip a miˈorong a dafong, patinakoen ‘o maˈorongay no tosa lofa a sera.’—2 Hongti 5:17.
it-2 151 fiedac 2 fatac
Limoˈot Cudad
O saˈosi no Limoˈot cudad i, o sasiniˈadaen ko pinaˈorip sanay. Caay ka ngaˈay ko Israil tamdaw miala to midiˈiay to fitaˈol a tawinaan ˈayam, samanen o pinangan no tawinaan a midiˈi to fitaˈol. O ciwciw aca ko aalaen, sidayen ko tawinaan. Mihaen i, ngaˈayho ko tawinaan a miliyaw a ciwawa. (Limoˈot 22:6, 7) O maomahay a tamdaw caay ka ngaˈay a pakakapien ko kolong ato lofa a mikangkang to sera, tona matatiwiday ko ˈicel nangra a marorayen. (22:10) Ano miilang to panay ko kolong i, aka pacinawen ko ngoyos nira, maroray ko kolong a miilang, awa ko pakayraan a komaen a macahiwen.—25:4.
w03 10/15 32 fiedac 1-2 fatac
“Aka Matatiwid a Makakapi”
MAˈARAWAY iso itini tonini a coka, pakakapian ko lakuta ato kolong a mikangkang. Nengnengen i, caay ka ngaˈayen konini tatosa pinaˈorip, adadaan nanay tora taroˈodan i liˈel nangra. O taroˈodan hananay i, o saki malecaday ko ˈicel malecaday ko tatirengan a pinaˈorip ko sapisangaˈ, hongaˈay a maroyaroy ko ˈicel a makakapi. Pakayni to sakangaˈayaw no pinaˈorip, pasowalay ko Kawas to Israil tamdaw: ‘Aka pakakapien ko kolong ato lofa a mikangkang,’ sanay. (Limoˈot 22:10) Onini a safalod, matatodongay i kolong ato lakuta.
Tohatiniay, cowa ka padeteng saan ko maomahay mikariˈang to pinaˈorip. Kawra ano awa ko tatosa a kolong i, pakakapi hananay ko iraay nangra a pinaˈorip, mipaketing to taroˈodan i liˈel nangra. Itini tonini a coka, mihaenay ko demak i saka 19 hahekalan. Nikawrira, caay ka maroyaroy ko tatirengan nora tatosa, ora mimingay hato saˈicel sanay a milepel, orato a ciˈicelay hato karetengan nanay.
Odoˈ no Sinael
it-2 1108 fiedac
Tadah, Pacaliway
O tadah hananay i, o micaliwan i tao a dafong, o micaliway a tamdaw iraay ko ˈinorong a patikol. Itini i nolitengan a Israil, o sakakaay a lalalngian o pakayniay i sakaˈorip ko kacitadah no tamdaw. Itini pinengneng no Israil tamdaw, ano citadah tada o kasomadan a demak. Matiyaay o kulito no pacaliway a tamdaw cangra. (Taneng 22:7) Mankora, palimoˈotan no Kawas ko finawlan Ningra, aka maˈidi a pacaliw to manikaway a Israil finawlan, aka sapietanaw to nika pades no tamdaw, miala to wawa no payso. (Kasadakan 22:25; Limoˈot 15:7, 8; ˈOlic 37:26; 112:5) Kawrira, misaaliay to roma finacadan tamdaw pafeli to wawa no payso. (Limoˈot 23:20) O sowal no micacudaday a Yutaya tamdaw, ino misasingdiay aca demak ko matiniay a limasmas, caay ka ngaˈay sakadademaken i manikaway a tamdaw sanay. O pacarcaray i Israil a roma finacadan a tamdaw, tohatiniay o misasingdiay ko demak itira, alatek pacaliw to tamdaw o sapietanaw to wawa no payso, mankora pafeli cangra to wawa no payso o matatodongay a demak.
SAKA 8 FOLAD 9-15 ROMIˈAD
O ODOˈ KO KIMAD NO KAWAS | LIMOˈOT 24-26
“Rikec ni Mosi Misamaanay Paihkal to Kaciharateng to Fafahiyan”
it-2 1224 fiedac 4 fatac
Fafahiyan
O Rikec ni Mosi misinanotay to faelohay mararamoday tamdaw, hamaan malasufitay ko faˈinay to cecay a miheca. Itini tonini a mihecaan, ngaˈayho cangra ciwawa, ano mapatay anosa ko faˈinay i kalaloodan i, ira ko wawa a mihinom to falocoˈ no wina.—Limoˈot 20:7; 24:5.
it-2 228 fiedac 8 fatac
Miloficay
Onini miloficay a limasmas pakalalokay to tamdaw hinapaladaˈ, ciharateng to tao ato mitiˈer to sapalemed ni Yihofa, hanaca caay pakatoka to tamdaw. Onini sidaˈitay limasmas padamaay to tamdaw cipinang tora sowal ni Tafiti: ‘Awaho a maˈaraw ako ko mafalahay no Kawas a moecelay a tamdaw, awaayho a maˈaraw ako ko mikiˈaˈamay a wawa nangra.’ (ˈOlic 37:25) Soˈlinto manikaw ko tamdaw, edeng ano tooren ningra ko sapadamaaw to manikaway a limasmas no Rikec ni Mosi, malalok a matayal i, caayto ko mamacahiw, caayto ko mamikiˈaˈam ko wawa ningra.
w11 3/1 23 fiedac
Mafanaˈay Kiso Han?
Itini i nolitengan, o Israil faˈinayn ano matapayto awaho ko wawa, o faˈinayan a salikaka ningra aira ko tatodong a cifafahi to maponengay a fafahi ningra, patado a pateloc tora mapatay ato miterek to ngangan nora mapatayay. (Satapangan 38:8) O matiniay a limasmas masalalomaˈay i Rikec ni Mosi, ikor o micakayay to fafahi no mapatayay salikaka hananayto no tamdaw konini pinangan. (Limoˈot 25:5, 6) Itini i Rucu a cudad, o nidemakan ni Powac paihkalay, ano awa ko faˈinayan salikaka nora mapatayay i, o romaroma a faˈinayan salawina no lalaomaˈan, o cacitatodong cingra a cifafahi tora maponengay a fafahiyan.—Rucu 1:3, 4; 2:19, 20; 4:1-6.
O maˈoningay i Marko 12:20-22, somowalay ko Satokay ci Yisan pakayni tora cacifafahi ko salikaka tora maponengay a fafahi a pinangan, mahapinang itini i lintad ni Yis kamayan mitoor ko Israil to matiniay a pinangan. Saka 1 hahekalan mitatiliday to likisi a Yosifosan somowalay, mitoor ko tamdaw to matiniay a pinangan o sapipatadoaw to mapatayay a miterek to ngangan ningra, hanaca oha sapiterekaw to mirocekan no lalomaˈan a hafay ato madimokos ko ˈorip nora maponengay a fafahi. O itiyaay a fafahiyan caay ka ngaˈay a milayap to miterekan no faˈinay a hafay, kawra ngaˈayay pakayni tonini a pinangan cangra a ciwawa, toha ngangaˈay a milayap tora hafay.
Odoˈ no Sinael
it-1 894 fiedac 8 fatac
Malaliyas ko Mararamoday
Sakalaliyas a Tilid no Mararamoday. Soˈliˈlin mikasimaanay a kalasaka dademak ko Israil to Rikec ni Mosi, mihaydaay ko Rikec ni Mosi, saolatekay sa ko faˈinay a malaliyas to fafahi, aka ka saan kita a miharateng. Soˈlinay haw i, o dadadoedoen no faˈinay ko misaˈosian no sarikec a midemak, wa ngaˈayay a malaliyas ko raramod. Cingra ‘mamitilid to sakalaliyas to fafahi a tilid pafeli to fafahi’, ikor ngaˈ “papilaliwen ningra cingra.” (Limoˈot 24:1) Cowa pisongilaˈ ko Fangcalay Cudad to samaanay kora hapakayraan, cowa ka somowal samaanay ko lalomaˈay nora “sakalaliyas a tilid,” kawra itiya i, o kakilimen nora faˈinay ko citatodongay midemak tora malaliyasay a demak a malalalengo, cangrato i, mamikiemel a misatenok tora mararamoday. Itini tonini pitilidan tora tilid ato pitalaan tora romiˈad, o faˈinay a tamdaw ngangaˈay misaharaterateng tora saˈosi no niyah. O roma i, o saˈosi no sarikec, ira ko matatodongay a lalangian no faˈinay ngaˈ ngaˈay a malaliyas ato fafahi. Ano doedoen no faˈinay konini a saˈosi i, caayto ka ˈamelas ko harateng a caloh sa malaliyas ato ramod, ano o fafahito i, ngangaˈay a madipot ko fadangalan nangra.
SAKA 8 FOLAD 16-22 ROMIˈAD
O ODOˈ KO KIMAD NO KAWAS | LIMOˈOT 27-28
“Onini a Sapalemed Mamilepel i Tisowanan”
w10 12/15 19 fiedac 18 fatac
Milayap to Sapalemed Pakayni i Mikayatan no Saocor no Kawas a Hongti!
18 Ano mitengil a mihakelong kita to Kawas i, o mamisongilaˈ a misinanot to sapalimoˈot no Kawas i Fangcalay Cudad, kiemel a minanom to sapafeli Ningra noˈadingoan a kakaenen. (Matay 24:45) O papaihkalen ita i waywayan ko nika pidofdof to Kawas ato kanonoˈan a Wawa Ningra. Sowal sa ci Yis: ‘Cowa ko cecacecay to pasowalay i takowanan “Tapang, Tapangaw” sanay a tamdaw, ko ngaˈayay micomod i kakarayanay a Hongti Kitakit, edengan mitooray to araaw no kakarayanay a Wama ako a tamdaw, ko ngangaˈay a micomod.’ (Matay 7:21) O mitengilay a mihakelong to Kawas i, mamakahi a midofdof to patirengan no Kawas a limasmas, oya kasakopang no Krisciyang ato manilnilay a malohemay malitengay, ‘o sapaamid’ no Kawas a tamdaw cangra.—Ifiso 4:8.
w01 9/15 10 fiedac 2 fatac
Mamilepel Tisowanan ko Sapalemed ni Yihofa Han?
2 Itini i Limoˈot 28:2 ‘mitengil a mihakelong’ hananay a Hipray tilid, iraay ko padadotocay sanay a tatodong. O finawlan ni Yihofa caay ka ngaˈay sao latelatekay a mitengil a mihakelong, ao padadotoc a mitengil i Cingranan. Ora ‘milepel’ sanay a Hipray tilid, kalasaka dademakan i miˈadopay a sowal, mitoroan i, malepelay ko miˈadopan o sanay.
w10 9/15 8 fiedac 4 fatac
Kiemelen a Micangacang ko Sapalemed ni Yihofa
4 O papairaen no Israil ko masamaanay a falocoˈ a midofdof to Kawas hani? O palimoˈotan no Kawas a sarikec to finawlan Ningra paihkalay, cangra ano ‘caay lipahaken ko falocoˈ’ a midoko Cingranan i, o mamaketer Cingra. (ˈOsien ko Limoˈot 28:45-47.) Ano napaciecian sano kikay sa mihakelong to Kawas caay ka edeng, o mahaenay a noka pidofdof, ano o ˈaˈadopento anoca kaloykoyto matooray nangra. (Marko 1:27; Yakop 3:3) Citatodongay ko Kawas to soˈlinay falocoˈ a noka pihakelong Cingranan, o naitiniay i olah ko matiniay a noka pihakelong. Soˈlinay ko falocoˈ a mihakelong to Kawas a tamdaw tada lipahakay, samanen pasoˈlinay ko falocoˈ nangra ci Yihofaan, pakasoˈlin to cowa ko karetengay ko limoˈot Ningra, halo pasoˈlinay to ‘papalifonen Ningra ko mingitangitay i Cingranan a tamdaw.’—Hipray 11:6; 1 Yohani 5:3.
Odoˈ no Sinael
it-1 360 fiedac
Kalangangan no Sera
Mikecengay ko sarikec ni Yihofa a milinah to kalangangan no sera. (Limoˈot 19:14; nengnengen ko Taneng 22:28.) ‘O milinahay to tektek no kalangangan no sera ato fiyaw i, o aˈkaken cingra.’ (Limoˈot 27:17) O ciomahay tamdaw mikitiniay i kinaira no sera ko sakaˈorip nangra, mankora ano linahen ko kalangangan no sera, mahecaday o miˈafasay to sakaˈorip no tao. Itini i nolitengan, o mahaenay a demak malecaday o mitakaway. (Yopu 24:2) ˈArawhan, mihaenay ko macoosay a tamdaw. Itini i lintad ni Hosiya, o kakeridan no Yutaya patatinakoan to milinahay to kalangangan no sera a tamdaw cangra.—Hosiya 5:10.
SAKA 8 FOLAD 23-29 ROMIˈAD
O ODOˈ KO KIMAD NO KAWAS | LIMOˈOT 29-30
“Midoko ci Yihofaan Cowa ko Tada Pasangaray”
w09 11/1 31 fiedac 2 fatac
Miingid ci Yihofaan—Papipiliˈay Kitanan ci Yihofa
Mitoor to saali no Kawas o pasangaray a demak han? Sanay ko sowal ni Mosi: “Oya nisowalan ako i tamowanan anini a limoˈot i, koesitay, caay ko mamarawis niyam, aka ka saan kamo.” (Saka 11 sinael) Caay pisaali ci Yihofa kitanan midemak to caay ko mamadangar ita a demak. O saali Ningra i, o matatodongay, mamadangar ita. Mafanaˈay kita to saali Ningra. Caay ko ‘tatayra i kakarayan’ anoca talariyar’ kita, ngaˈ cipinang to harateng no Kawas i kitaanan. (Saka 12, 13 sinael) Ihekalay ko Fangcalay Cudad pasowal kitanan to sasamaan ko kaˈorip ita ko ngaˈayay.—Mika 6:8.
w09 11/1 31 fiedac 1 fatac
Miingid ci Yihofaan—Papipiliˈay Kitanan ci Yihofa
O CECAY fafahiyan a Krisciyang, sanay ko sowal: “Marariday kako awaay ko maanan lalangian kokiˈ sanay ko falocoˈ, calemcemay caay ko mamadimadi ko niyah ci Yihofaan ano hacowaay.” Kaemangho konini fafahiyan iraay ko tatiihay a nalifetan ningra, cowato ko mamalaˈosi ko kaˈorip ako sanayto to niyahan. Soˈlinay mahaen han? Keting sanayto i tireng kora malifaay a tatiihay demak i kaˈorip ita han? Cowa. Pafeliay to pasalat ci Yihofa, papipiliˈ kitanan to rarakaten ita a lalan. Hanaca maolahy ci Yihofa mataneng ko kapipiliˈ ita, pakayniay to Kimad Ningra pasifanaˈ kitanan misamaan a matatodong ko pipiliˈ. Itini i Limoˈot saka 30 fedengan, somowalay ci Mosi toninian, sanay yaca nengnengen ita.
w09 11/1 31 fiedac 4 fatac
Miingid ci Yihofaan—Papipiliˈay Kitanan ci Yihofa
Mikiharay ko Kawas to nipiliˈan ita han? Hay mikiharay Cingra! Itini sapatemer no Kawas sanay ko sowal ni Mosi: ‘Piliˈen iso ko ˈorip,’ sanay. (Saka 19 sinael) Misamaan ko demak ita ngaˈ o mipiliˈay to ˈorip hani? Sanay ko sowal ni Mosi: ‘Kaolahen ci Yihofa Kawas iso, tengilen ko sowal Ningra, madimadi i Cingranan.’ (Saka 20 sinael) Ano maolahay kita ci Yihofaan i, o mamakalim a mitengil a mihakelong to sowal Ningra ato madimadi i Cingranan, mihaen i, o mipiliˈay to ˈorip. Misamaanay hani? Samanen mihaen to demak kita, nohatiniho ira ko sangaˈayay a nokaˈorip, ano ikor i, ngangaˈay midaˈoc ko ˈorip i mikiˈokan no Kawas a faelohay a hekal.—2 Pitiro 3:11-13; 1 Yohani 5:3.
Odoˈ no Sinael
it-1 395 fiedac 5 fatac
Tangila
Pakaynian ni Yihofa i sikawdan Ningra mirikec ko Israil tamdaw, ˈatekakay ko falocoˈ maliyangay, hato ‘caay picada to kerit ko tangila nangra’ sanay. (Yirimiya 6:10; Dmak 7:51) Mahecaday o mapoetay ko tangila nangra, caay pakatengil to maamaan. Pakihater hananay ni Yihofa cangra mipoet to tangila, madoˈeng cangra, caay ka cipinang to noˈadingoan a demak, kawra oya mikifalocoˈay a mikilim Cingranan a tamdaw, pacipinangan cangra, hanaca makalimay a mihakelong cangra. (Limoˈot 29:4; Loma 11:8) Paliˈayaway a pasowal ci Pawlo, maraodto ko romiˈad i, oya misao Krisciyangay a tamdaw o mamisafelit to soˈlinay pidoyongan, caay kakahi mitengil to soˈlinay Kimad no Kawas, ˈarawhan maolahay “to matatodongay a tengilen” nangra a sowal, mitoor to makaniway a singsi. (2 Timoti 4:3, 4; 1 Timoti 4:1) O roma i, ano matengil no tamdaw ko kacekokan a lihaf, mangalefay o taˈangayay lacaan a lihaf, ‘mapeheng ko tangila’ nangra alatek.—1 Samuil 3:11; 2 Hongti 21:12; Yirimiya 19:3.
SAKA 8 FOLAD 30– 9 FOLAD 5 ROMIˈAD
O ODOˈ KO KIMAD NO KAWAS | LIMOˈOT 31-32
“Mikitini i Sapatinako a Sowal no Cecay Radiw i Fangcalay Cudad, Mamananam Ita ko Kalimlaan a Kimad”
“Kedecen ko Falocoˈ Ako Mangodo to Ngangan Iso”
8 ˈAyaw no mamicomod ko Israil toya mikiˈokan a pala, palimoˈotan ni Yihofa ci Mosi papitilid to ˈolic no cecay a radiw, pasifanaˈ to Israil tamdaw minanam tonini a radiw. (Limoˈot 31:19; ˈosien ko Limoˈot 32:2, 3.) Ano dotimen ita ko Limoˈot 32:2, 3 mamahapinang, caay ka olah ci Yihofa matalawen ko tamdaw a miˈosi to nika fangcal nora ngangan Ningra, mapasimedto kora ngangan Ningra. Maolahay Cingra to polong a tamdaw mafanaˈ tonini a ngangan. Matengil no Israil tamdaw ko pipasifanaˈ ni Mosi to nika tadamaan no fangcalay ngangan ni Yihofa i, tada o kalikoan nangra konini! Ora sapasifanaˈ ni Mosi masayaray ko falocoˈ nangra, matongalay ko kafanekfek no falocoˈ, matira o tarepes a misenger to rengos. Ano pasifanaˈ kita to tao i, o mamahaen ko falocoˈ nangra han?
9 Ano pakalomalomaˈan a mitosil anoca itini i kaˈalomanan kitiraan a misawacay i, tano Fangcalay Cudad misiwkay to ngangan no Kawas. Kalasaka dademaken ko mitepangan a cudad, ika ato lalakaw no wangcan padama to tamdaw mafanaˈ Cingranan. Ano malingad kita matayal, micudad anoca tayra i roma pala a misalama i, ˈameten ita ko toki pasifanaˈ to tamdaw to o ciolahay ko Kawas. Pasowalen cangra to araaw ni Yihofa pakayni to tamdamdaw ato pakayni tonini a cikiw, alatek o sakina cecay nangra pakatengil to ciharatengay ci Yihofa i cangranan. Kitinien i Fangcalay Cudad pasifanaˈ to cisidaˈitay a Wama, padamaen cangra cipinang to mararaway ko kafanaˈ nangra to Kawas itiyaho, mihaen to demak o patalahkalay kita to nika fangcal no ngangan no Kawas, hanaca rihadayen ko tamdaw to nika pakatengil to soˈlinay Kimad!—Isaya 65:13, 14.
w09 5/1 14 fiedac 4 fatac
O Sapatinako a Sowal i Fangcalay Cudad—Cipinangany Kiso Han?
O Fangcalay Cudad patatinakoan ci Yihofa to caay ka ˈorip a dafong, tinakoen ‘o ˈongcoy no Israil’, ‘o pisitalaan’ Cingra sanay. (2 Samuil 23:3; ˈOlic 18:2; Limoˈot 32:4) O manan ko kalalecadan nonini sapatinako hani? Matira o fanekfekay a taˈangayay fakeloh caay ka ngiyangi, ci Yihofa Kawas mahaenay a ngaˈayay tiˈeren, pilimekan ita a rihadayen.
w01 10/1 9 fiedac 7 fatac
Ano Pasifanaˈ to Wawa Todongen ci Yihofa
7 Haratengen hena ko picada ni Yihofa to Israil tamdaw, tada paihkalay to nika olah Ningra. Ci Mosi tano cecay kasemeran a pakayraan a patatinako, somowal to noka pidipot ni Yihofa to faelohay a mapatireng a Israil kitakit: ‘O lidep mikorihay to padipongan nira, misataliyoliyok maefer i fafaed no wawa nira, micelak to sapikpik micada to wawa, padakaw i sapikpik nira, ci Yihofa mihaenay a cecay a mikerid to Israil tamdaw.’ (Limoˈot 32:9, 11, 12) Ano pasifanaˈ ko wina lidep to wawa lidep minanam a maefer i, saˈayaw ‘mikorihay to padipongan’, mipihpih to sapikpik, papipaefer to wawa nira. O padipongan no lidep tohatiniay itiniay i satakaraway a fakelokelohan, teloc sato ko wawa pasipaputal a maefer, itiniay i fafaed ko wina lidep a misataliyoliyok. Ano mamatefad ko wawa lidep i, tangsolay ko wina lidep tayra ilaeno no wawa, padakaw to wawa i sapikpik nira. Mahecaday, tada maolahay ci Yihofa toya faelohayho a Israil kitakit, midimokos tonini a kitakit. Pafelian Ningra to Rikec ni Mosi a mikayat cangra. (ˈOlic 78:5-7) Ikorto i, songilaˈan Ningra midipot konini a kitakit. Ano ira sa ko pasangar nangra, tangsolay ko Kawas a milidong cangranan.
Odoˈ no Sinael
w04 9/15 27 fiedac 9 fatac
Kalimlaan no Limoˈot Cudad
31:12. O kaemangay wawa mamihakelong to taˈangayay tamdaw mirienang to saˈopo, misongilaˈ a mitengil ato minanam.