Pinengnengan to Lalakaw no Mitosilay ato Nikaˈorip Rayray no Saˈopo
SAKA 9 FOLAD 6-12 ROMIˈAD
O ODOˈ KO KIMAD NO KAWAS | LIMOˈOT 33-34
“Itini ‘Midaˈocay a Patelaw ni Yihofa’ Mikilim to Pikiˈadingan”
it-2 827 fiedac
Yisurun
O tadamaanay a sapangangan to Israil konini. O Krisiya sowal a 70 tamdaw a mihongyakan o kanonoˈan hananay a mihongyak kora. Onini a Yisurun hananay a sapangangan patalipaˈelalay to Israil tamdaw, o finawlan ni Yihofa cangra, iraay ko katatelekan a kalalaed Cingranan, mansa oha mamoecel ko waywayan nangra. (Limoˈot 33:5, 26; Isaya 44:2) Itini i Limoˈot 32:15 Yisurun han a pangangan ko Israil o milokesay a sowal konini, paihkalay to caay ka tatodong ko Israil tonini a sapangangan. Maliyangay cangra, miliyas toya misangaˈay cangranan a Kawas, misakahemaw a minengneng to paˈoripay cangranan a Tatapangan.
rr-CH 120 fiedac a sapatongal lalakaw
Cima ko Papadama Kitanan Patikol a Tomireng
ˈAyaw ni Icikil to pina a hahekalan, paihkalayto ci Mosi to iraay ko ˈicel ni Yihofa hanaca makalimay Cingra tano ˈicel Ningra a mipadang to finawlan Ningra. Sowal sa ci Mosi: ‘O pikiˈadingan ko Kawas nano litenganho, patelaw Ningra midaˈocay midama tisowanan.’ (Limoˈot 33:27) Papasoˈlinen ita, tahapades kita i, ano misaali to sapadama no Kawas, tatano patelaw ci Yihofa a midama kitaanan, mikakoy kitaanan, padama kitaanan a patikol a tomireng.—Icikil 37:10.
w11 9/15 19 fiedac 16 fatac
Mihadidi a Comikay to Midaˈocay a Cacikayen
16 Matiraay ci Aprahaman, ci Mosi hakelong no ˈorip ningra cowa pakaˈaraw to nika laˈosi no mikiˈokan no Kawas. Tiya mamicomod ko Israil toya mikiˈokan a sera i, pasowalan no Kawas ci Mosi: ‘Mangaˈay kiso mitapal toya sapafeli Ako to Israil tamdaw a sera, kawra cowa ko mamicomod kiso.’ Samanen itini i Miripa a kasadakan no nanom, ci Mosi aci Aron mapaketeray noya maliyangay a finawlan, hato ‘caayto ka madimadi a midofdof to Kawas.’ (Limoˈot 32:51, 52) Caay ka ngaˈay ci Mosi micomod to mikiˈokan a sera, matoleday a ngaliwngiw to Kawas han? Cowa. Palemeday cingra to Israil tamdaw, sowal sa: ‘Israilaw, watah ko nika lemed iso! O mipaˈoripan ni Yihofa kiso a finawlan, cima ko mikikakaay i tisowanan saw? O sapatada iso Cingra, o citalemay a funus iso.’—Limoˈot 33:29.
Odoˈ no Sinael
it-1 1128 fiedac 5 fatac
Ci Mosi
Yo mapatay ci Mosi i, 120 ko mihecaan ningra, tanektekho ko tireng, mangaˈayho ko mata ningra. Tademan ni Yihofa cingra, tahanini awaay ko mafanaˈay tora kaitiraan. (Limoˈot 34:5-7) Mihaen ko demak ni Yihofa, alatek oha sapicongedaw to Israil tamdaw marefong i mararaway a pidoko, mitaˈong to tadem ni Mosi. Ano nengnengen mihalakaay ci Akoma tano tireng ni Mosi a miolat to tamdaw. Nisawawaan ni Kristo, malecaday ko wina a safa ningra ci Yuta sanay a mitilid: “Sakakaay kakeridan no coyoh ci Mikail tiya macacoli ci Akomaan, pakayni i mapatayay tireng ni Mosi a macacoli i, caay ka tano milokesay a sowal a misawkit cingranan. Haen saca to sowal: ‘Nanay rikecen ni Yihofa kiso.” (Yuta 9) Tiya keriden ni Yosuwa ko Israil a milakec to ˈalo, ˈayaw no mamicomod to Kanan i, tomangicay cangra a mararom to 30 a romiˈad ci Mosian.—Limoˈot 34:8.
SAKA 9 FOLAD 13-19 ROMIˈAD
O ODOˈ KO KIMAD NO KAWAS | YOSUWA 1-2
“Sasamaan ko Demak Iso, Ngaˈ Malaˈosi ko Hakelong no ˈOrip”
w13 1/15 8 fiedac 7 fatac
Ka Timolo—Mikapotan ni Yihofa Kiso
7 To saka timoloaw a midofdof to araaw no Kawas, micekiw to Kimad Ningra, sakadademaken ko sapasifanaˈ nira. O sapalimoˈot no Kawas ci Yosuwaan konini. Mikotayay ci Yosuwa ci Mosian a mikerid to Israil tamdaw, hananay no Kawas a pasowal cingra: ‘Ka timolo kiso, saˈicelen ko falocoˈ, songilaˈen a midoedo ko nisowalan ni Mosi tisowanan a Rikec a maemin. Onini a Rikec a cudad aka paliyasen i ngoyos iso. . . . To romiˈamiˈad to dadayadaya asipen a midotim, hongaˈ masaheci iso a midoedo ko nitilidan a Rikec a maemin. Mihaen i, mamataneng ko midemakan iso, malaˈosi ko hakelong no ˈorip iso.’ (Yosuwa 1:7, 8) Midoedoan ni Yosuwa ko limoˈot no Kawas, teloc i, malaˈosiay ko demak ningra. Ano mihaen kita i, o mamatongal ko timolo, itini i tayal no Kawas malaˈosi ko demak ita.
w13 1/15 11 fiedac 20 fatac
Ka Timolo— Mikapotan ni Yihofa Kiso
20 Itini tonini matomesay ko pades a tatiihay a hekal, misiˈayaway kita to masasiromaay a sapalifet, mangodo to Kawas a maˈorip cowa ko madoloay a demak. Nikawrira cowa ka toˈol kita, iraay ci Yihofa mikapot kitaanan, ˈaˈideman no kasakopang no Krisciyang ci Yis mikapotay kitaanan, paro no kakarayan iraay ko 700 ˈofad a tamdaw mikala cafayay kitanan a misawacay ci Yihofaan. Nanay kita maemin padadotoc a paihkal to pasoˈlinay falocoˈ, kiemel a milasil to ngaˈayay lihaf, pakifalocoˈen ko 2013 pakamihecaay a sinael: Ka timolo, mikapotan ni Yihofa kiso.—Yosuwa 1:9.
Odoˈ no Sinael
w04 12/1 9 fiedac 1 fatac
Kalimlaan no Yosuwa Cudad
2:4, 5—Hano lipalawen ni Rahap koya mikilimay to misolapay a Israil tamdaw? Pakasoˈlinay ci Rahap to Kawas, cowa ka talaw to sakapatayaw a midipot to misolapay a tamdaw. Caay pasowalen ningra koya sapiˈodisaw to tamdaw no Kawas a tamdaw, patalahkal to talacowaay cangra. (Matay 7:6; 21:23-27; Yohani 7:3-10) Sowal no Fangcalay Cudad, ci Rahap ‘pakayniay i nidemakan ningra a malo moecelay a tamdaw’; orira nidemakan ningra mahawpay ko nika pilipalaw toya tarokos no hongti no Yiriko.—Yakop 2:24-26.
SAKA 9 FOLAD 20-26 ROMIˈAD
O ODOˈ KO KIMAD NO KAWAS | YOSUWA 3-5
“Palemedan ni Yihofa ko Pasoˈlinay ko Falocoˈ a Tamdaw”
it-2 1046-1047 fiedac
Yortan ˈAlo
Isakatimolay no Kalili riyar a Yotan ˈalo, to kaloromiˈad o kaˈangongol no ˈalo 1-3 kongce, kakahad nira i, 27-30 kongce. Kawra ano tahinito i kacanglahan i, marifowasay ko nanom, manawnaway ko lawac, masakakahadto ato ˈangongolto ko ˈalo. (Yosuwa 3:15) Ano maleno ko ˈalo i, milakec ko Israil faˈinayan fafahiyan ato kaemangay i, tada katalawan, mangalefay i ngata no Yiriko a pilakecan. Sakaloˈko sanay ko cikay no namo, ano ira ko mainoˈay i ˈalo marariday maˈalol no nanom. Kawra midemakay ci Yihofa to kafahkaˈan a demak, mipatomerep to nanom malo fanaw, mangaˈayto i maˈicangay a sera romakat ko Israil tamdaw. (Yosuwa 3:14-17) Ikor no pina soˈot a miheca, palicinowasan ni Yihofa ko ˈalo saki Iliya aci Ilisa, ikor i, miliyaway haca mihaen saki Ilisaan.—2 Hongti 2:7, 8, 13, 14.
w13 9/15 16 fiedac 17 fatac
Sapatalipaˈelal ni Yihofa Palipahakay to Falocoˈ Iso
17 Ano pakasoˈlin ko falocoˈ ita a dademak i, mamatongal ko nika pitiˈer ci Yihofaan, hano saan ko sowal hani? Sinanoten ko nika picomod no Israil to mikiˈokan a pala. Palimoˈotan ni Yihofa ko saysi miˈorong to Katatelekan Lipa a milakec to Yortan ˈalo. Tahini i lawac no ˈalo i, maˈaraw no Israil ko kaleno no nanom, marifowas talafatiˈiyan, samaanto hani? Mipataloˈan i lawac no ˈalo to pina lipay anca pina folad, mitala to kaˈerac no nanom han? Caay ka talalikor cangra, misarocoday ko falocoˈ a mitiˈer ci Yihofaan, mitoor to sakayat Ningra a milakec to ˈalo. Samaanayto ko teloc aki? Sowal no Fangcalay Cudad, midefong ko ˈoˈo no saysi i nanom i, ‘nai kafafaway a nanom tangsol a tomerep, . . . mangaˈayto ko Israil tamdaw romakat i maˈicangay a sera i, miˈorongay to Katatelekan Lipa ni Yihofa a saysi tomirengay i tenok no ˈalo. . . . Tangasa mitaˈlif ko polong a finawlan to Yortan ˈalo.’ (Yosuwa 3:12-17) Maˈaraway no Israil tamdaw ko sakaloˈkoˈ sanay a ˈalo a tomerep! Haratengen iso hena hakowa ko nika hemek nangra saw? Tona mitooray to sakayat cangra, mapaˈicelayto ko pasoˈlinay falocoˈ no Israil tamdaw ci Yihofaan.
w13 9/15 16 fiedac 18 fatac
Sapatalipaˈelal ni Yihofa Palipahakay to Falocoˈ Iso
18 Anini, cowa ko mamidemak ci Yihofa to matiniay a kafahkaan a demak saki finawlan Ningra, kawra ano tooren ita ko sakayat Ningra, o papalemed kitaanan. Pakayni i sapadama no fangcalay saocor, iraay ko ˈicel ita milaheci to sapatorod no Kawas a tayal, itini i polong no hekal milasil to Hongti Kitakit Ningra. Ci Yis Kristo o sakakaay a Misawacayay Tamdaw ni Yihofa, patikol a maˈorip cingra ikor mikiˈokay to nisawawaan, papadamaen cangra milaheci tora milasilay to Hongti Kitakit a karetengay a ˈinorong. Sanay ko sowal ni Yis: ‘Ka tayra kamo, pala nisawawaan ako to polong a kasakitakit a tamdaw . . . Itini tonini a romiˈad, tangasa pihererekan nonini cilikakawaay, kakapoten ako kamo.’ (Matay 28:19. 20) O ˈalomanay a Misawacayay Tamdaw ni Yihofa maomoyay ko pinangan, kawra matinakoay nangra, ano tiˈeren ko fangcalay saocor i, timoloayto cangra mitosil to kafahalan a tamdaw.—ˈOsien ko ˈOlic 119:46; 2 Korinto 4:7.
Odoˈ no Sinael
w04 12/1 9 fiedac 2 fatac
Kalimlaan no Yosuwa Cudad
5:14, 15—Cima koya ‘mikomoday a kakeridan no sufitay ni Yihofa’ hani? Tiya miteka a milood to mikiˈokan pala ko Israil i, oya tayraay mipaˈicel ci Yosuwaan a kakeridan no sufitay, oyaan ˈayaw no nika latamdaw a Yis Kristoan, ya “Sowal” hananay no Fangcalay Cudad ko mitoroan. (Yohani 1:1; Taniil 10:13) Anini, ano mirienang ko tamdaw ni Yihofa to noˈadingoan a lalood i, oya mapaˈodingarayto a Yis Kristoan mamikapot i cangranan, o matiniay a sakiˈok tada palipahakay kitanan!
SAKA 9 FOLAD 27– 10 FOLAD 3 ROMIˈAD
O ODOˈ KO KIMAD NO KAWAS | YOSUWA 6-7
“Liyasen ko Awaay ko Epoc a Demak”
w10 4/15 20 fiedac 5 fatac
Aka Pinengneng to Awaay ko Epoc a Demak
5 Maedengay ikor no 1,000 miheca, ci Akan o Israil tamdaw maolatay no mata, mitakaw to maˈafasay nai Yiriko a miloodan a dafong. Na palimoˈotay ci Yihofa to Israil papipatayra i soko ni Yihofa to pinapina na mialaan nai niyaroˈ a dafong, orato a romaroma polong a dafong o tatekopen. Sanay ci Yihofa paliˈayaw a pasowal: ‘Aka a pingata kamo tonini tatekopen a dafong, ira wasa ko sapitakawaw tora tatekopen a dafong.’ Tona cowa pidofdof to Kawas ci Akan, mapadikay ko Israil to pilood to Ai a niyaroˈ, romaroma tamdaw mapatayay no ˈada. Cowa pasowal ci Akan to nika pitakaw ningra, mapatalasekalto ngaˈ sowal sanayho tora demak. Sanay ko sowal ningra: ‘Maˈaraw ako ko cecay niˈafasan a dafong i, . . . mangalay kako tonini a dafong, saka ala hanto ako.’ Tona mihakelongay to coos no mata, patefocay to ˈorip ci Akan, o ‘kihcod a maamaan ningra,’ malaˈafoayto. (Yosuwa 6:18, 19; 7:1-26) Saka mahaen ko teloc ningra, samanen macoosay to nikecengan no Kawas a dafong.
w97 8/15 28 fiedac 2 fatac
Hano Mifanaˈ a Patalasekal to Mararaway Demak?
O cecay lalangian noka pitalasekal to mararaway demak i, ho makorac ko kasakopang. O makoracay ko Kawas ci Yihofa, misaaliay Cingra to polong midokoay Cingranan a tamdaw makorac itini noˈadingoan ato nowaywayan. Sanay ko sowal Ningra mipalimoˈot kitanan: “Tona o midofdofay a wawa kamo, akato ka mafiyor no coos no nika fokil namo iˈayaw, mitodong to waywayan no tamdaw itiya; ao todongen koya mitahidangay tamowanan a fangcalay a Kawas, makorac ko waywayan no niyah. Samanen iraay matilid ko sowal: ‘Ka korac kamo, samanen o makoracay Kako,’ sanay.” (1 Pitiro 1:14-16) Ano masalofto ko marariday midemak to caay ka korac ato tatiihay a tamdaw, anoca malaplap nai kasakopang ngaˈ, matafo ko nika korac no kasakopang. Milifok to hahemek ni Yihofa.—Palalinien to Yosuwa saka 7 fedengan.
w10 4/15 21 fiedac 8 fatac
Aka Pinengneng to Awaay ko Epoc a Demak
8 Ano o soˈlinayto a Krisciyang mafiyoray no coos no mata ato coos no tireng. Mihaenay haw i, pakayni to nanengnengen ko maanan, mangalay ko falocoˈ to maanan, papiˈimeray ko kimad no Kawas to niyahan. (1 Korinto 9:25, 27; ˈosien ko 1 Yohani 2:15-17.) Oya moecelay ko falocoˈ a Yopuan mafanaˈay, o kangalayan no falocoˈ a demak makakedecay ko kapilingat to maˈaraway no mata. Sowal sa cingra: ‘Matatelekay kako to mata ako, nanima ngaˈay a mipamotek to limocedan a fafahiyan saw?’ (Yopu 31:1) Cowa ka pidemak ci Yopu to ˈamelasay a demak, hanaca cowa pasalat to niyahan a mararaw ko harateng to fafahiyan. Misakaretengay ci Yis pasowal to fafalahen ko maˈodangay a falocoˈ, sanay ko sowal ningra: ‘Mipamotekayho a ira ko tatiihay a harateng to fafahiyan i, ifalocoˈayto miˈodang i cingranan.’—Matay 5:28.
Odoˈ no Sinael
w15 11/15 13 fiedac 2-3 fatac
Tikami no Miˈosiay
Itini nolitengan, marariday miˈalikot to niyaroˈ a milood. Ano hakowato ko kahalafin a miˈalikot, ano malowidto ko niyaroˈ i, miˈafasan no pakalowiday a sufitay ko polong a dafong no niyaroˈ, mahawpay ko ˈosaw a kakaenen. Nikawrira, o mikakorkoray to nolitengan a tamdaw maˈaraway ko adihayay a kakaenen i niyaroˈ no Yiriko. O Mikakorkoray to Nolitengan a Tamdaw (no Padaka), sanay ko sowal: “Cowa ko kapowa aca, o mahelaay i niyaroˈ saadihayay i, o kakaenen. . . . Awaayho ko mahaehaenay mahelaay no mikorkoray to nolitengan a dafong. Iraay ko cecay tosa tilong a kakaenen to mahelaay. Hatini ko kaadihay a mahelaay tada o kasapaanto,” sanay.
Kitinien i maˈoningay no Fangcalay Cudad, iraay ko lalangian no Israil caay ka pihaemin a mihawikid a miala to emi no Yiriko, samanen mikecengan ni Yihofa cangra a mihaen to demak. (Yosuwa 6:17, 18) Itiniay i kacanglahan a milowid ko Israil tora niyaroˈ, harek sanayho mipanay itiya, mansa adihay ko emi itiya. (Yosuwa 3:15-17; 5:10) Mahela ko adihayay a emi i Yiriko, misawacayay konini to maˈoningay no Fangcalay Cudad, apotoˈay ko toki milowid ko Israil to Yiriko a niyaroˈ.
SAKA 10 FOLAD 4-10 ROMIˈAD
O ODOˈ KO KIMAD NO KAWAS | YOSUWA 8-9
“Mikitini i Kipiyon a Tamdaw O Manan ko Mananamay Ita”
it-1 638-640 fiedac
Kipiyon
Matatelek aci Yosuwaan. Itini i lintad ni Yosuwa, o Hifi tamdaw itiniay i Kipiyon ko ˈaro, o misaˈosian ni Yihofa to tatekopen cangra a finacadan. (Limoˈot 7:1, 2; Yosuwa 9:3-7) O Amori hananay ko Kipiyon a tamdaw, samanen o komodan a sapangangan to polong a Kanan a tamdaw konini. (2 Samuil 21:2; palalinien to Satapangan 10:15-18; 15:16.) Caay ka lecad to romaroma Kanan tamdaw ko Kipiyon tamdaw, mafanaˈay cangra to taˈangayay a niyaroˈ ko Kipiyon, ciˈicelay ko sufitay nangra, ˈarawhan cowa ko papakaconged to Israil tamdaw, samanen ci Yihofa ko patadoay to Israil a milood, Oraanto i, tiya mapelengto ko Yiriko ato Ai niyaroˈ i, o Kipiyon a tamdaw (Mitaypiyaway to Kifira, Piirot ato Kiriyat onini tolo a niyaroˈ alatek) ocoren ko tamdaw tayra i Kilka micangacang ci Yosuwaan to sakarihadayaw. (Yosuwa 9:17) Orira tarokos no Kipiyon cirikoˈay to macicihay a rikoˈ, matelangay a cokap, mihawikid to matelangayto matapidayto a lofoc ato falako no epah, ato ˈatekakayto a epang, mato o nai raa:yay cangra, ao cowa ko naitiniay i lalooden no Israil a pala. Mafanaˈay cangra to nipadikan ni Yihofa ko Icip, tatosa a hongti no Amori ci Sihon aci Ok, caay somowal cangra to nika hadefek no Yiriko ato Ai a niyaroˈ, samanen o ‘naitiniay i ra:ay’ cangra, caayho pakatengil to pakayniay a lihaf. Kingsaen no Israil kora misadakan nangra a wacay i, matatelekto i cangranan, pasalaten cangra a maˈorip.—Yosuwa 9:3-15.
w11 11/15 8 fiedac 14 fatac
“Aka Pitiˈer to Fanaˈ no Niyah”
14 Cowa ko malefotay tamdaw kita, ano o cinalifetayto a malohemay malitengay iraay ko dangoc. Mihaenay haw i, ano mamisaˈosi to demak kita i, aka mapawan milicay to sakayat ni Yihofa. Nengnengen kora ilaenoay tinakoan. Mafenekay a Kipiyon tamdaw milafaay a misamangah, tayra ci Yosuwaan ato malohemay malitengay no Israil, pasowal to naitiraay cangra i ra:ayay a pala. Ci Yosuwa ato malohemay malitengay cowa pilicay ci Yihofaan, tangsol sanay a mararihaday to Kipiyon a tamdaw. Soˈliˈlin mihayan ni Yihofa kora katatelekan, toha sakaciepocaw no ikoran tamdaw, ora noka caay pilicay no Israil to Kawas mitilidan i Fangcalay Cudad.—Yosuwa 9:3-6, 14, 15.
w04 10/15 18 fiedac 14 fatac
“Rakaten a Minengneng Konini a Pala”
14 Sowal sa ko tarokos no Kipiyon: ‘Kami o sikawdan namo masapa kami to ngangan no Kawas iso ci Yihofa, saka tayni kami nai raay a pala.’ (Yosuwa 9:3-9) Nengneng han ko rikoˈ ato mihawikidan nangra a epang, hato soˈlinay o naitiraay i raay, ˈarawhan, nai Kipiyon tangasa i Kilka 30 a kongli aca. Pakasoˈlinen ci Yosuwa ato kakeridan, matatelek cangra ato Kipiyon ato ingataay a niyaroˈ. Mihaen a mihalaka ko Kipiyon, to sakaecaaw cangra mapatay no Israil han? Cowa, ora waywayan nangra mangalayay to sapilifokaw to hahemek no Kawas no Israil. Sidaˈitan ni Yihofa ko Kipiyon a tamdaw, pasalaten cangra ‘patado to finawlan ni Yihofa mipelaˈ to kasoy ato miradom to nanom.’ (Yosuwa 9:11-27) O teloteloc no Kipiyon makalimay a matayal saki Yihofa, makahi a micada to sapoeneray a tayal. O naitiniay i Papilon a minokayay i niyaroˈ a matayalay i sefi a tamdaw, iraay ko teloc no Kipiyon alatek, padadotocay cangra matayal i miliyawan patireng a sefi. (Icra 2:1, 2, 43-54; 8:20) Kita i, palahaden ko matiraay o Kipiyon tamdaw a ngaˈayay a waywayan, kiemel a malangaˈay ato Kawas, makalim a matayal Cingranan, ano soˈlin hato o sapoeneray a tayal mahemeken a midemak.
Odoˈ no Sinael
it-1 510 fiedac
Caˈiten i Kilang
O sapafeli ni Yihofa to Israil a rikec iraay ko saˈosi, o tamdaw ano ciraraw to milokesay to Kawas anoca mitaˈongay to samiyay a taˈangayay a raraw i, salakat tano fakelohan a mipatay anoca romaroma a pakayraan a mipatay, ikor tatingan i kilang anoca i hecek kora tireng ningra, patalahkalay to ‘o miˈkakan no Kawas’ cangra, o sapatalipaˈelal to tao konini. ˈAyaw no dadaya alaen a mitefad kora tireng a mitadem. Ano aitira han i kilang milafin kora tireng i, mamapakadit ko sapafeli no Kawas to Israil a sera. (Limoˈot 21:22, 23) Soˈlin ano alafangto a tamdaw kora mipatayan, o tatooren no Israil konini saˈosi.—Yosuwa 8:29; 10:26, 27.
SAKA 10 FOLAD 11-17 ROMIˈAD
O ODOˈ KO KIMAD NO KAWAS | YOSUWA 10-11
“Patadoay ci Yihofa to Israil a Milood”
it-2 680 fiedac
Atonicitik
Tiya milood ko Israil to itiraay i Mikˈokan Sera a hongti no Yirusalim, ci Atonicitik malakakapotay to kaetipay no Yortan ˈalo a papina hongti micoˈay to sufitay ni Yosuwa. (Yosuwa 9:1-3) ˈArawhan, o Hifi tamdaw no Kipiyon a niyaroˈ, matatelekay aci Yosuwa. To sapitefocaw to Kipiyon tamdaw, hoeca ka pikihatiya ko romaroma niyaroˈ a mikosang to Israil tamdaw, ci Atonicitik makakapotay to sasepat a hongti no Amori milood to Kipiyon, miˈalikot to niyaroˈ. Mipadikan ni Yosuwa kora makakapotay a sufitay noya lalima hongti, paˈorip to Kipiyon a tamdaw. Milaliway koya lalima hongti i dihif no Makita. Itini i kaˈayaw no sufitay mipatayan ni Yosuwa ci Atonicitik atoya romaroma a sasepat hongti. Tatingento i tektek ko mapatayay tireng nora lalima a hongti. Salikor, colcolen ni Yosuwa ko tamdaw papitefad tora tireng, fahkolen itira toya pilimekan nangra a dihif.—Yosuwa 10:1-27.
it-1 154 fiedac
Masaˈikaˈikayay a Soeda
Tefadan ni Yihofa ko masaˈikaˈikayay a soeda. Tefaden ni Yihofa ko masaˈikaˈikayay a soeda, oha sapilaheciaw to araaw Ningra, patalahkal to ˈicel Ningra. (ˈOlic 148:1, 8; Isaya 30:30) Ya mitefadan ni Yihofa i Icip a saka pito a pades i, o pades no masaˈikaˈikayay a soeda, o sakina cecay konini a somowal ko Fangcalay Cudad to masaˈikaˈikayay a soeda a pades. Itiya i, tatoortoor hananay no Kawas mitefad ko masaˈikaˈikayay a soeda, mapalakto ko pinaloma ato kilang, o itiniayho i omaomahan, ano o tamdawto anoca o pinaˈorip mapatayay maemin, kawra toya kamaroˈan no Israil a Kosin cowa ka mamaan. (Kasadakan 9:18-26; ˈOlic 78:47, 48; 105:32, 33) Tiya micomodto i Mikiˈokan a Sera ko Israil i, miloodan noya makakapotay a lalima hongti no Amori ko Kipiyon tamdaw, saka kerid hanto ni Yosuwa ko sufitay tayra paˈorip cangranan, itiya i, mitefadan ni Yihofa ko masaˈikaˈikayay a soeda misetiˈ to ˈada. Teloc i, ‘o mapatayay no masaˈikaˈikayay soeda, ikaka ko nika ˈaloman no mapatayay no funus no Israil tamdaw.’—Yosuwa 10:3-7, 11.
w04 12/1 11 fiedac 1 fatac
Kalimlaan no Yosuwa Cudad
10:13—Mahaenay a masaka sapaan a demak, samaanay a mafekad hani? Ci Yihofa o misangaˈay to kakarayan ato sera a Tatapangan, iraay ko ‘maanan to cowa ko mamadangar Ningra han?’ (Satapangan 18:14) Ano mangalay ci Yihofa, ngangaˈay a miˈimer Cingra to rakat no cikiw; mihaen i, ano nai cikiw a pasifafaed a minengneng, o cidal ato folad hato tomerepay caay ka tatemik. O roma i, ngangaˈay ci Yihofa a parakat to cikiw ato folad, ikor ˈikongen ko tedi no cidal ato folad, padadotoc a mapalikat ko cikiw. Ano o masamaanayto a pakayraan ko sakadademakan no Kawas, itini i matiliday a likisi no tamdaw ‘caay ka mahaen to aniniay a romiˈad.’—Yosuwa 10:14.
Odoˈ no Sinael
w09 3/15 32 fiedac 5 fatac
Salicay no Miˈosiay
Soˈliˈlin masowalay no Fangcalay Cudad ko maanan a nolitengan a cudad, iraay ko ciepocay a hatatiriˈen a lalakaw, kawra o nipatemeran no fangcalay saocor kora cudad aka saan miharateng kita. Soˈlinay haw i, maharekayto ci Yihofa miterek to kihcod a ‘kimad no Kawas’, onini a Fangcalay Cudad o ‘mamidaˈoc a materek.’ (Isaya 40:8) Anini, 66 a maloloday cudad no Fangcalay Cudad sahtoay o nipiliˈan ni Yihofa, o masaka limlaan no mita, to sakangaˈayaw ita ‘masaheci a madangar, misongilaˈ a malafa, midemak to masakenakenaay a makapahay a demak.’—2 Timoti 3:16, 17.
SAKA 10 FOLAD 18-24 ROMIˈAD
O ODOˈ KO KIMAD NO KAWAS | YOSUWA 12-14
“Sarocoden ko Falocoˈ a Mihakelong ci Yihofaan”
w04 12/1 12 fiedac 2 fatac
Kalimlaan no Yosuwa Cudad
14:10-13. Maraodto ko 85 mihecaan ni Kalip i, kamayanay misaali to pasangaray a ˈinorong, tayra milaplap to i lotolotokay a tamdaw no Hipron. O Anak tamdaw ko maroˈay tonini lotolotokan, tataˈangay ko tireng nangra. Pakayniay to sapadama ni Yihofa, malowiday nonini macidekay a sufitay, palo cecay a pilimekan a niyaroˈ no Israil konini a Hipron. (Yosuwa 15:13-19; 21:11-13) Mikowaday ko taˈarawan ni Kalip kitanan, ano masamaanayto ko nika pasangar no sapatorod no Kawas a tayal i kitanan, aka pilalang kita.
w06 10/1 18 fiedac 11 fatac
Patimoloay to Tamdaw ko Pasoˈlinay Falocoˈ ato Mangodoay to Kawas a Falocoˈ
11 O pakasoˈlinay falocoˈ hananay i, padadotocay a matongal. Ano midofdof kita to soˈlinay kimad, matinacto ko sidaˈit no Kawas, maˈarawto ko nika mapacaˈof ko satolon, anoca mahapinang ko nika pikayat ni Yihofa kitanan i, mamatongal ko kaciˈicel. (ˈOlic 34:8; 1 Yohani 5:14, 15) Matinacayto ni Yosuwa aci Kalip ko sidaˈit no Kawas, maedeng mapaˈicelay ko pasoˈlinay falocoˈ nangra. (Yosuwa 23:14) Haratengen konini sapalemed i cangranan: Malafel cangra a misarakarakat i kohkohan to 40 a miheca, matafo ko ˈorip nangra, matiya o nikiˈokan no Kawas. (Saˈosi 14:27-30; 32:11, 12) O roma i, itini i pilood to Kanan a enem a mamihecaan, kalasaka dademakan no Kawas cangra. Saikor i, kakayaay ko ˈorip tanoktokay ko tireng nangra, milayapho to saparocek no Kawas hafay. Soˈlinay a mipalemed ci Yihofa to timoloay madimadiay midoko i Cingranan a tamdaw!—Yosuwa 14:6, 9-14; 19:49, 50; 24:29.
Odoˈ no Sinael
it-1 715-716 fiedac
Kipali
Itini i lintad ni Yosuwa, toya papiˈafasan ni Yihofa ko Israil tamdaw a sera i, mahawpay ko “sera no Kipali.” (Yosuwa 13:1-5) O romaroma mikakingkiway to Fangcalay Cudad a tamdaw milikafay to caay ka lecad to soˈlinay demak konini sanay, samanen itiraay i mara:ayay a pakaˈamis no Israil kora Kipali sanay. (kaˈamis no Tan niyaroˈ to 100 kongli), hanaca na cowa kono Israil a pala kora sanay. O romaroma mikakingkiway somowalay, onini a sinael tona mapalakayto koya nolitengan a Hipray a tilid a maapohayto, alatek ora mitoroˈan nira oyanan “sakalawac no Lipanon a pala” anoca “tangasaay i salawacan no Kipali” sanay. Kawrira sinanoten, mikitini to maˈoningay i Yosuwa 13:2-7, ano mikiˈok ci Yihofa iraay ko saali Ningra; tona caay pitoor ko Israil tamdaw to limoˈot no Kawas, saka cowa ka maala kora Kipali.—Palalinien ko Yosuwa 23:12, 13.
SAKA 10 FOLAD 25-31 ROMIˈAD
O ODOˈ KO KIMAD NO KAWAS | YOSUWA 15-17
“Dipoten ko Saparocek a Hafay no Kawas Tisowanan”
it-2 505 fiedac 6 fatac
Hipron
Malowidayto no Israil ko katimol no Kanan, mipatay to finawlan no Hipron, mahawpay ko hongti (oya midotocay ci Hohaman) a mapalaˈafo. (Yosuwa 10:36, 37) Soˈliˈlin mapadikay no mikeridan ni Yosuwa a sufitay ko Kanan a tamdaw, ano nengnengen i, cowa ka tangsol a pakamaroˈen ko sufitay itira tora malowidayto a niyaroˈ. Tiya talacowacowa ko Israil a milood i, hato patatikolay ko Anak a tamdaw i Hipron a maroˈ, mankora ikor ci Kapil ato mikeridan a sufitay miliyaw a miˈafas i kamay no Anak a tamdaw, (Yosuwa 11:21-23; 14:12-15; 15:13, 14; Kakitaan 1:10) Isalakat pafelian ko ngangasawan no Yuta ci Kalip toya Hipron, ikorto pafelian ci Yihofa malo fangcalay a niyaroˈ, palo pilimekan a niyaroˈ, ono saysi a pala. Nikawrira, o lafalafalan no “Hipron” ato ngataay a niyaroˈ i, pafelian ci Kalip malo saparocok a hafay i cingranan.—Yosuwa 14:13, 14; 20:7; 21:9-13.
it-1 439 fiedac
Paciecian a Misakuli
Itini ino Fangcalay Cudad a lalintadan, o macepetay i piloodan tamdaw mapacieciay a malakuli a ‘misakuli’ (Hipray tilid o mas hananay). (Limoˈot 20:11; Yosuwa 16:10; 17:13; Istir 10:1; Isaya 31:8; Radiw no mararomay 1:1) Na malakuliay i Icip ko Israil tamdaw, miroeroan no misimaway tapang cangra, mikariˈangan a papisakuli i cangranan, papipatirengan to tosa a pinaˈangan to dafong a kitiraan, o Pitom ato Lamisis. (Kasadakan 1:11-14) Ta micomodto i mikiˈokan pala ko Israil tamdaw i, cowa pitengil to limoˈot ni Yihofa a milaplap to polong a finawlan no Kanan, a misaheci a mitekop cangranan, pacieci hananay aca palakuli cangra, hato makayhiday ko Israil tamdaw a mitaˈong to makaniway kawas, marefong i satalakal cangra. (Yosuwa 16:10; Kakitaan 1:28; 2:3, 11, 12) Hongti ci Solomon kamayanay a mitahidang to teloc no Kanan a malakuli, ilalomaˈ nangra iraay ko Amori tamdaw, Hiti, Pirici ato Yipus a tamdaw.—1 Hongti 9:20, 21.
it-1 729 fiedac 4 fatac
Kanan
Soˈliˈlin cowa ka masaheci a malaplap ko Kanan a tamdaw, kawra ci Yihofa i, ‘mapafeliayto ko nikiˈokan Ningra to Israil a sera, parihaday cangranan, dipayal ko kitakit,’ hanaca ‘o nikiˈokan a sapalemed to Israil a kihcod, . . . cowa ka mala horac, mapolongay a malaˈosi.’ (Yosuwa 21:43-45) Itiyato i, italiyokay a ˈada cowato ka timolo a mikarisangaˈ to Israil tamdaw, awaayto ko katalawan cangranan. Na somowalay ko Kawas, o ‘papalidlid’ wahan Ningra milaplap ko Kanan tamdaw, hoeca ka talifahal sa a mahorac ko pala, adihay saanto ko ˈaˈadopen, mikalisangaˈ cangranan. (Kasadakan 23:29, 30; Limoˈot 7:22) Ikor i, eca pakalowid ko Israil to lalood, caay ko nika ikakaay ko kangaˈay no sapilood a lalosidan no Kanan tamdaw (iraay ko cimaraday a sapilood a paliding nangra), cowa ko nika caay pakalaheci ci Yihofa to sowal Ningra. (Yosuwa 17:16-18; Kakitaan 4:13) To sakapadik no Israil, samanen o nika caay ka madimadi to Kawas cangra.—Saˈosi 14:44, 45; Yosuwa 7:1-12.
Odoˈ no Sinael
w15 7/15 32 fiedac
Mafanaˈay Kiso Han?
Nolitengan a Israil adihayay ko kilang sa ko Fangcalay Cudad, soˈlinay han?
Sowal no Fangcalay Cudad oya mikiˈokan a pala o colicolingan, adihayay ko kilang sanay. (1 Hongti. 10:27; Yosuwa 17:15, 18) Nikawrira, maˈaraw no cisasaay to Fangcalay Cudad a tamdaw ko nika panahar no adihayay pala no Israil i, somowalay to cowa ka tepiˈ ko sowal no Fangcalay Cudad sanay.
Itini i Fangcalay Cudad a lalintadan a kaˈorip no Israil (no Padaka), sanay a mitadtaday, nolitengan a Israil, o colicolingan ikakaay ko nika kakahad to aniniay. Matomesay to kilakilangan ko taporo, Itini i lotolotokan ato lilis no Tenok a Riyar i, adihayay ko sokon a kilang.
O pinaloma no Fangcalay Cudad sanay a cudad (no Padaka), mitadtaday, misamaanay hano awa ko kilang no romaroma pala no Israil. Sanay konini a cudad: “Cecay lalangian i, toha sapisakakahadaw to omah ato pakaenan to siri a palapala, miletek to kilang sapisangaˈ to lomaˈ ato hakasoy, halafinay a miletek to kilakilangan, telocto i, palidlid sanayto a mahaen to aniniay a pakayraan.”