Tiˈeren ko Fangcalay Saocor Milaheci to Pasangaray Tayal

Nai nolitengan tahanini i, milaheciay ko finawlan no Kawas to adihayay kasapaan a demak. Cowa pitiˈer to niyah, ao mitiˈeray cangra to sadama ni Yihofa. Isaka 1954 miheca, misangaˈay ko likakawa no Kawas to cecay ika: O Tayal Itini i Faelohay Hekal. Onini ika o matayalay i Pitil ko milaheciay a misangaˈ. Na awaay ko nalifetan nangra a misangaˈ to ika, o fangcalay saocor ni Yihofa ko mipadangay, saka malaheci konini a tayal. Pakasoˈlinay kita, ano misarocod a mitiˈer ci Yihofaan i, ano o mananto ko hatayal, o mamalahecito.—Cikariya 4:6.

NENGNENGEN KO IKA MISANGAˈ TO IKA “O TAYAL ITINI I FAELOHAY HEKAL,” IKOR PACAˈOFEN KO ILAENOAY SALICAY:

• Misamaanay hano misaˈosi ko likakawa no Kawas to sapisangaˈaw to pakayniay i Congpo a ika hani?

• Mikitini tonini ika mahapinangay ita, hano mahecaday o cecay tireng ko Pitil hani?—1 Korinto 12:14-20

• Itini i pisangaˈ to ika i, misiˈayaw to manan pasangaray? Samaanay cangra pakaremo hani?

• Pakayni i fangcalay saocor ni Yihofa, mananamay ita ko maanan mikitini tonini nalifetan hani?