Maamaan a Masangaˈay Paˈicelay to Nika Pasoˈlin Ita to Taneng ni Yihofa

Cima ko tada mafanaˈay to maanan ko sangaˈayay i kitanan hani? Manaokaniw, o Kawas ci Yihofa! Ano pakasoˈlin toninian i, o mamitengil kita to sakayat Ningra, milifok to taneng. (Taneng 16:3, 9) Nikawrira, ano o harateng ita cowa ka hecad to harateng ni Yihofa i, mamitiˈerho to sakayat Ningra han? Pakaynien i pisimsim to masangaˈay a maamaan ni Yihofa, papakasoˈlin kita to taneng Ningra.—Taneng 30:24, 25; Loma 1:20.

NENGNENGEN KO IKA IRAAY KO MISANGAˈAY HAN? ANO ROMAKAT KO KAKUNAH, SAMAANAY ECA KA MASASONGTOL CANGRA? IKOR PACAˈOFEN KO ILAENOAY SALICAY:

• O manan ko mitayalan no kakunah to romiˈamiˈad?

• Ano romakat ko kakunah, samanay eca ka masasongtol cangra?

• Mikitini i fenek no kakunah, mananamay ita ko manan, ngaˈay saka dademaken itini i piparakat to paliding?

NENGNENGEN KO IKA IRAAY KO MISANGAˈAY HAN? MAFENEKAY A MAEFER KO FACACENAL, IKOR PACAˈOFEN KO ILAENOAY SALICAY:

• O tamdaw ano pawonting to mimingay hikoki i, misiˈayaway to samaanay a pasangaray?

• Samaanay ko facacenal a maefer eca ka matefad?

• Mikitini i fenek no facacenal a maefer, mananamay ita ko manan ciepocay demak?

Itini taliyok no kitiraan iso, mikitini to masangaˈay a maamaan mahapinangay iso ko taneng ni Yihofa han? Tadtaden hena.