Pinengnengan to Lalakaw no Mitosilay ato Nikaˈorip Rayray no Saˈopo
SAKA 5 FOLAD 2-8 ROMIˈAD
O ODOˈ KO KIMAD NO KAWAS | 1 SAMUIL 27-29
“O Pilood ni Tafiti a Pakayraan”
it-2-CH 690 fiedac
Akis
Ya milaliw a milimek ci Tafiti ci Sawloan i, kina tosaay tayra ci Akis a hongtian a milaliw. Kina cecayay, iraay ko tamdaw miharateng ci Tafitian to o ˈada no Filistin tamdaw, saka misaapaapa ci Tafiti, nao masingkiay sato ci Akis a nengneng cingranan, awaay ko katalawan no Filistin tamdaw saan, papiliyas hanto ci Tafiti. (1 Samuil 21:10-15; ˈOlic 34 fedengan a lalangian; 56 fedengan a lalangian) Sakina tosa i, mikeriday ci Tafiti to 600 a sufitay ato paro no lomaˈ nangra tayra i Filistin a milaliw, papipakamaroˈan ni Akis cangra i Ciklak. Cecay miheca ira ko sepat a folad cangra itira, nao miharateng ci Akis cangranan o miˈafasay to niyaroˈ no Yutaya sanay, ˈarawhan o Kisur, Kirci ato Amalik ko miˈafasan ni Tafiti. (1 Samuil 27:1-12) Tada mahimeday ni Tafiti, tiya mamilood ko Filistin ci Sawloan i, patirengan ni Akis ci Tafiti malo kakeridan no misimaway to hongti a sufitay, saikor i, milalangay ko ‘kakerikeridan a tapang’ no Filistin, hato papinokayan ci Tafiti tayra i Ciklak. (1 Samuil 28:2; 29:1-11) Mala hongtito ci Tafiti milood to Kate a tamdaw i, cowa ka patayen ci Akis, tangasaay i pikowan ni Solomon ko ˈorip ningra.—1 Hongti 2:39-41; nengnengen ko KATE.
Kapah a Salikaka, Sasamaan Kiso Milifok to Pasoˈlin no Tao Hani?
8 Nengnengen ko roma misiˈayawan ni Tafiti a pasangaray. Ikor no manilnil cingra malo hongti i, halafinayho a mitala ngaˈ soˈlinay mala hongti no Yutaya. (1 Samuil 16:13; 2 Samuil 2:3, 4) Toniya mihecaan, o maanan ko padamaay cingranan padotoc a mihadidi hani? Misamacayay ci Tafiti midemak to madangaray no niyah a demak, cowa ka pakayni katoled no falocoˈ a sawad saan a midemak. Tinakoen, tiya milaliw ci Tafiti tayra i pala no Filistin a tamdaw i, misaka dademakay toniya tatokian milood to ˈada no Israil tamdaw, mansa madipot ko niyaroˈ no Yutaya.—1 Samuil 27:1-12.
it-1-CH 612 fiedac 5 fatac
Misamangahay
Manaokaniw mirikecay ko Fangcalay Cudad to miyakayakay to mariˈangay a mangah, kawra iraay ko ˈinorong mipatalahkal to demak i awaay ko fadangalan a mafanaˈ a tamdaw cowa ka saan. Sowal ni Yis Kristo: ‘Aka pafelien ko waco to fangcalay dafong, aka a fahekolen i faloy ko cincu, latek saksaken nangra, pasayraho i tamowanan a mikalat. (Matay 7:6) Mahaenay ko lalangian alatek, ci Yis kinapinapinaay cowa ka pisaheci a pasowal to kihcod a demak, toha sakaecaaw ka ira ko katalawan a fangafang. (Matay 15:1-6; 21:23-27; Yohani 7:3-10) Ci Apraham, Isak, Rahap, Ilisa mikilif to ˈada, anoca caay ka patalahkalen to kihcod a demak to cowa pidoko ci Yihofaan a tamdaw, mahecaday ko lalangian.—Satapangan 12:10-19; 20 fedengan; 26:1-10; Yosuwa 2:1-6; Yakop 2:25; 2 Hongti 6:11-23.
Odoˈ no Sinael
w10-CH 1/1 20 fiedac 5-6 fatac
Ngangaˈay Padama ko Mapatayay to Maˈoripayho Tamdaw Han?
Haratengen hena, o sowal no Fangcalay Cudad mapatayto ko tamdaw ‘minokayay patikol i sera sa i, o nisahalakaan no falocoˈ nangra, malahdawayto toya romiˈad.’ (ˈOlic 146:4) Ci Sawlo aci Samuil mafanaˈay cangra, mirikecay ko Kawas to tamdaw mitefing to misakawasay, ˈayaw nonini na milaplapay ci Sawlo to polong misakawasay tamdaw pasadak nai kitakit!—Lifi 19:3.
Sanay yaca folfolen ita. Ano soˈlinay ira ko saloˈafang ni Samuil, maˈoripayho kora saloˈafang, wa makahi cingra misafelit to sarikec no Kawas, tahidangen nora misakawasay tamdaw cingra a masasoˈaraw ci Sawloan han? Tona halafinayto caka kahi ci Yihofa misacaciyaw ci Sawloan, wa ngaˈay a mapaciˈci nora misakawasay ko Kawas pakaynien ci Samuilan a pasowal ci Sawloan han? Cato. Onini ci ‘Samuil’ hananay a tamdaw cowa koya madimadiay a pairasolay no Kawas, ao tatiihay coyoh kora.
SAKA 5 FOLAD 9-15 ROMIˈAD
O ODOˈ KO KIMAD NO KAWAS | 1 SAMUIL 30-31
“Tiˈeren ci Yihofa Kawas Iso a Tanektek”
w06-CH 8/1 28 fiedac 12 fatac
Mangodo ci Yihofaan—Ngaˈ Lipahak!
12 Mikangodoay ci Yihofaan ci Tafiti, padamaay konini cingranan miliyas to sakararawaw, hanaca itini i pasangaray a pakayraan mapaˈicelay cingra, misetek to falocoˈ a citaneng ko demak. Toha sapilaliwaw ci Sawloan, ci Tafiti ato mihakelongay cingranan a tamdaw itiniay i Ciklak no Filistin a maroˈ to cecay miheca ira ko sepat a folad. (1 Samuil 27:5-7) Kina cecayay, tiya awaawa ko faˈinayan i, iraay ko Amalik tamdaw miˈafas a miiloh to niyaroˈ, hawikiden nangra ko fafahi ato wawa ato kolong siri nangra a miala. Minokayto ci Tafiti ato mihakelongay cingranan a tamdaw maˈaraw konini, ongong sa tomangic. Milolohto ci Tafitian ko mihakelongay cingranan a tamdaw, pasowal to tatekolen to fakeloh cingra. Soˈliˈlin marawraway ci Tafiti, kawra cowa ka matoled ko falocoˈ. (Taneng 24:10) Mikangodoay ci Tafiti ci Yihofaan, misaali to sapadama Ningra, halo ‘mitiˈer ci Yihofaan a tanektek.’ Pakayniay i sapadama no Kawas, ci Tafiti ato mihakelongay cingranan a tamdaw pakalowiday to Amalik tamdaw, patikolen a miˈafs koya malahdaway nangra.—1 Samuil 30:1-20.
w12-CH 4/15 30 fiedac 14 fatac
Dipotan ni Yihofa Kita a Milidong
14 Hakelong noka ˈorip ni Tafiti adihayay ko malifaay ningra a pades. (1 Samuil 30:3-6) O sowal no Fangcalay Cudad cipinangay ci Yihofa to falocoˈ ni Tafiti sanay. (ˈOsien ko ˈOlic 34:18; 56:8.) Cipinangay ko Kawas to falocoˈ ita, ano ‘masomad ko falocoˈ’ anca ‘adadaen ko falocoˈ’ ita i, miingiday Cingra kitanan. Mafanaˈ toninian, alatek masayaren ko falocoˈ ita. Mahecaday ci Tafitian ko harateng ita, sowal sa cingra: ‘O papakayni kako i madimadiay a olah Iso a lipahaken; maˈaraw Iso ko roray ako i, mafanaˈ to pisemsem ako.’ (ˈOlic 31:7) Cowa pinengneng aca ci Yihofa to pisemsem ita, mihinomayho kitanan, mikowad kitanan, padamaay kitanan a mihadidi, o cecay a pakayraan i, pakaynian i saˈopo no Krisciyang.
Odoˈ no Sinael
w05-CH 3/15 24 fiedac 9 fatac
Kalimlaan no Saka 1 Samuil Cudad
30:23, 24. Mitooran ni Tafiti ko sapalimoˈot no Saˈosi 31:27 a midemak. Onini a demak pahapinangay kitanan, misalimlaay ci Yihofa to midamaay to kasakopang a tamdaw. Mihaenay haw i, ano misamaanto kita, ‘sarocoden ko falocoˈ, o saki Yihofa ko pidemak, ao cowa ko saki tamdaw ko pidemak.’—Kolosay 3:23.
SAKA 5 FOLAD 16-22 ROMIˈAD
O ODOˈ KO KIMAD NO KAWAS | 2 SAMUIL 1-3
“Mikitini Mitilidan ni Tafiti a ‘Panaˈ a Radiw,’ Mananamay Ita ko Manan?”
w00-CH 6/15 13 fiedac 9 fatac
Paˈodingaren Koya Pafeliay to Fadangalan i Tisowanan
9 Masamsam no tao ci Tafiti, marawraway cingra han? Sanay mingitangit cingra ci Yihofaan: ‘Sapipatayaw takowanan ko mariˈangay a tamdaw.’ (ˈOlic 54:3) Mifowahay to falocoˈ cingra ci Yihofaan, sowal sa: ‘Kawasaw ako, nanay lidongen kako paliyas to ˈada . . . Malisopsopay ko ciˈicelay tamdaw miˈodis takowanan. Yihofaaw, caay ko pakayniay i raraw ako, caay ko pakayniay i patelac ako. Soˈliˈlin awaay ko raraw ako, mihalakaay cangra tayni milood takowanan. Nanay kingsaen Iso, padama takowanan!’ (ˈOlic 59:1-4) Iraay ko hatiraay harateng iso ci Tafitian han? Soˈliˈlin cowa ka pakararaw kiso to cima cifadangalay a tamdaw, kawra padadotocay a mikariˈang tisowanan? Ci Tafiti na cowa ka pisakahemaw ci Sawloan. Mapatayto ci Sawlo i, cowa ka pikotiˈ ci Tafiti, ˈarawhan mitiliday cingra to mararomay a ˈolic, sowal sa: ‘Ci Sawlo aci Yonatan, maˈoripho cangra makakaolahay . . . Ikakaay to ˈalilis ko nika kalamkam nangra, ikaka to layon ko nika ciˈicel nangra. Kamo o fafahiyan no Israil! Katomangic kamo saki Sawloan.’ (2 Samuil 1:23, 24) Soˈliˈlin misamsaman ni Sawlo ci Tafiti, kawra kamayan a misakareteng ci Tafiti to mipanilnilan ni Yihofa. Tada o makapahay a taˈarawan konini.
w12-CH 4/15 10 fiedac 8 fatac
Caay ka Madimadi Misafelitay a Demak, Tahapinangan Nonini Hekal
8 Matiliday no Fangcalay Cudad ko adihayay nalifetan no madimadiay a tamdaw. Dotoc sadaken ita ko tosa tinakoan, nengnengen o manan ko mamananam ita. Saka cecay ngaˈayay tinakoan i, oya madimadiay a widang ni Tafiti ci Yonatan. O sakakaay a faˈinayan wawa ni Sawlo cingra, nao iraay ko fadangalan ningra midotoc a mala hongti no Israil. Nikawrira mipiliˈan ni Yihofa ci Tafiti mala hongti. Misakaretengay ci Yonatan to saˈosi no Kawas, cowa ka maˈinap ci Tafitian, o sakaˈaˈides no mako cingra, cowa ka saan, makakadepay ko falocoˈ aci Tafiti, mikiˈok to mamadimadi cingranan. Helongen ni Yonatan ko sapilood rikoˈ, funus, panaˈ ato safaked ningra pafeli ci Tafitian, patalahkal to nika ngodo to kalahongti ni Tafiti. (1 Samuil 18:1-4) Misaˈicelay ci Yonatan patanoktok ci Tafitian, cowa ka talaw ci Sawloan a mipaˈading ci Tafitian. Madimadi ci Yonatan a pasowal ci Tafitian: ‘O mamala hongti no Israil kiso, o mamidoedo kako ilaeno no miso.’ (1 Samuil 20:30-34; 23:16, 17) Mapatay ci Yonatan i, tomangicay ci Tafiti to nika patay no widang, mitilid cingra to sapaˈolic, paihkal to nika ˈilol to mapatayay a widang.—2 Samuil 1:17, 26.
Odoˈ no Sinael
it-2 616 fiedac
Salikaka
“O salikaka” hananay i, ngaˈayay mitoroˈ to malecaday ko harateng a masakapotay a tamdaw, makedecay cangra a malacecay. Patinakoen, hongti no Tiri ci Hiram, “salikaka” hananay ningra ci Solomon, cowa ko nika lecad aca ko saaroˈan nangra, hanaca malecaday ko harateng nangra alatek, makakapot a mipatireng to Fangcalay Sefi, pakiyaho cingra to kilang ato romaroma a lalakaw. (1 Hongti 9:13; 5:1-12) Sowal sa ci Tafiti: ‘Nengnengen! Makakedec a malacecay ko salikaka i, tada fangcalay, tada kalipahakan!’ (ˈOlic 133:1) Mankora, makedec ko salikaka hananay i, cowa ko pakayniay aca i sakaketon a malikakaay, Soˈlin “kaka” han ni Tafiti ci Yonatan, cowa ko pakayniay i ˈaˈirangan a salikaka, ao pakayniay i tangongolay a noka lawidang, mahecaday ko kaolahan nangra. (2 Samuil 1:26) O kalalaed no malawidangay hananay i, o malecaday ko pinangan ato waywayan a tamdaw, ngaˈayay o “salikaka” han cangra.—Taneng 18:9.
SAKA 5 FOLAD 23-29 ROMIˈAD
O ODOˈ KO KIMAD NO KAWAS | 2 SAMUIL 4-6
“Mitafo to Mikangodoay Falocoˈ, Aka Pakangolawen ci Yihofa”
w05-CH 5/15 17 fiedac 7 fatac
Kalimlaan no Saka 2 Samuil Cudad
6:1-7. Sapiwonpangaw ci Tafiti to katatelekan a lipaˈ nao ngaˈayay harateng, kawra tano kolong a paliding a miwonpang, o misakahmaway to limoˈot no Kawas, mihaenay i, pairaay to pasokiyaway a teloc. (Kasadakan 25:13, 14; Saˈosi 4:15, 19; 7:7-9) Samanen makamaay ni Uca ko lipaˈ, mansa mapatay, soˈlin nao ngaˈayay harateng ningra, kawra, cowa kangaˈay ko tamdaw misafelit to limoˈot no Kawas.
w05-CH 2/1 27 fiedac 20 fatac
Hati:niayto Mafanaˈay Midemak ci Yihofa to Matatodongay
20 Aka matawal, ci Uca mafanaˈay to cowa ko ngangaˈay mikama to Katatelekan a Lipa. O Katatelekan a Lip i, mitaypiyaway to kaitiraan ni Yihofa, ihkalay ko rikec a pasowal, o awaay ko fadangalan a tamdaw cowa ka ngaˈay mikama to Katatelekan a Lipa, o misafelitay a tamdaw papatayen. (Saˈosi 4:18-20; 7:89) Mihaenay, cowa ko mamangay a demak ko micoroˈay to Katatelekan a Lipa. O Lifi a tamdaw ci Uca (kawra cowa ko saysi) cipinangay to rikec. Hanaca, na itiniay i lomaˈ no wama a mateli kora Katatelekan a Lipa to 70 a miheca, tangasa linahento ni Tafiti kora Katatelekan a Lipa. (1 Samuil 6:20–7:1) Mankora, nano kaemangaho mafanaˈay ci Uca to pakayniay i Katatelekan a Lipa a sarikec no Kawas.
w05-CH 2/1 27 fiedac 21 fatac
Hati:niayto Mafanaˈay Midemak ci Yihofa to Matatodongay
21 Mahaen oya nisowalan isawni, mitaˈselay mihapinang ci Yihofa to falocoˈ no tamdaw. “Cowa ka ngodo ko waywayan” ni Uca sa ko sowal no Fangcalay Cudad i, alatek mahapinangay ni Yihofa ko tatiihay kemod no falocoˈ ni Uca, edeng aca cowa ka matilid. Ci Uca o misatakaraway a malitaˈangay tamdaw, ˈamelas ko demak hokira? (Taneng 11:2) Halafinayto a mateli i lomaˈ ningra koya Katatelekan a Lipa, kawra cowa ka ˈaloman ko mafanaˈay a tamdaw. Nohatini, mikerid a romakat ci Uca tora Katatelekan a Lipa i ˈaˈayaw no ˈalomanay, maedeng malikoan nanay misaidahidahi hokira? (Taneng 8:13) Cowa pakasoˈlin ci Yihofaan, ‘kapotoay ko kamay Ningra’, cowa ko papakadama tora mitaypiyaway to kaitiraan no Niyah a Lipa na sanay hokira? Ano masamaamaanay i: Patayen ni Yihofa ci Uca o matatodongay a demak. Sa kaliki saan cingra misawkit tora demak, samanen mataˈeselay Ningra mahapinang ko falocoˈ ni Uca, tatiihay ko kemod no falocoˈ ningra alatek.—Taneng 21:2.
Odoˈ no Sinael
w96-CH 4/1 29 fiedac 1 fatac
Patoroden ci Yihofa to Karetengay a ˈInorong Iso
O Hongti ci Tafiti, o cacitodong mitamorong tonini a demak. ˈArawhan maketeray cingra, soˈliˈlin ngaˈayay ko kalalaed to Kawas a tamdaw, nolatekay iraay ko tatiihay a pisiˈayaw to demak. Salakat maketer ci Tafiti, ikor makokiˈay cingra. (2 Samuil 6:8, 9) Mapalifetay ko makedecay a noka lalaed ningra aci Yihofa. Ano nengnengen cowa ka pidofdof cingra to limoˈot no Kawas, cowa ka patoroden ningra konini karetengay a ˈinorong i ci Yihofaan. Nolatekay mahaenay kita han? Ano pakayniay noka misilikor to sakayat ni Yihofa a tahalifa to pasangar i, o lalolohen ita ko Kawas han?—Taneng 19:3.
SAKA 5 FOLAD 30– SAKA 6 FOLAD 5 ROMIˈAD
O ODOˈ KO KIMAD NO KAWAS | 2 SAMUIL 7-8
“Matatelekay ci Yihofa aci Tafiti”
w10-CH 4/1 20 fiedac 3 fatac
‘O Kitakit Iso o Tatanektek’
Mikifalocoˈay mangalay ci Tafiti to sapatirengaw to Fangcalay Sefi ni Yihofa, masemeran nanay ci Yihofa, saka matatelek aci Tafitian, mikiˈok to papala hongtien ko cecay a teloc ningra, onini a sakiˈok malecaday to iˈayaway a sapairasol. Pasowalan ni Natan ci Tafiti tonini kalimlaan a sakiˈok, sowal sa: ‘O hongti ato kitakit iso o mamidaˈoc a tomireng, o tadamaanay a kamaroˈan no hongti iso mamidaˈoc a tanektek.’ (saka 16 sinael) O nisowalan nonini katatelekan a midaˈocay a hongti, o cima hani?—ˈOlic 89:20, 29, 34-36.
w10-CH 4/1 20 fiedac 4 fatac
‘O Kitakit Iso o Tatanektek’
O Nacali tamdaw ci Yis o teloc ni Tafiti. Ya paliˈayaw pasowal ko coyoh to kahofoc ni Yis i, sowal sa: ‘Kawas ci Yihofa pafelian cingra to tadamaanay kamaroˈan no tatoˈasan ningra ci Tafiti, o mamala hongti cingra a mikowan to lalomaˈan ni Yakop, awa ko tolas tahadaˈoc; o kitakit ningra awaay ko hererekan.’ (Luka 1:32, 33) Itiniay mahapinang, matatelek ko Kawas aci Tafiti i, o mamalaˈosi i tireng ni Yis Kristo. Cowa ko nipilian no tamaw ci Yis a mala mikowanay, saka ngaˈay midaˈoc a mala hongti cingra, samanen o karetengay a sakiˈok no Kawas konini. Aka mapawan, o sakiˈok no Kawas o mamalaˈosi, cowa ka malahora.—Isaya 55:10, 11.
w14-CH 10/15 10 fiedac 14 fatac
Tanoktoken ko Nika Pakasoˈlin to Hongti Kitakit
14 Onini a sakiˈok i, o katatelekan no Kawas aci Tafiti. (ˈOsien ko 2 Samuil 7:12, 16.) Ya nolitengan Israil a hongti ci Tafiti itini noka lahongti i Yirusalim i, matatelekay ci Yihofa i cingranan, mikiˈok to aaitini i lalomaˈan ningra a masadak ci Misiya. (Luka 1:30-33) Mihaenay, mitoroˈ to teloc ni Tafiti aira ko ‘citatodongay ko fadangalan’ a mikowan to Hongti Kitakit ni Misiya. (Icikil 21:25-27) Ci Yis konini a teloc, o hongti a fadangalan ni Tafiti ao pakayni ci Yisan a ‘midaˈoc a materek.’ Onini a teloc ni Tafiti, ‘o saaroˈan no hongti ningra o aitini i kaˈayaw no Mako, matira o cidal a tahadaˈoc a materek.’ (ˈOlic 89:34-37) Hayi, o Hongti Kitakit ni Misiya cowa ka pohel, o malaheciay demak nonini siyo o tatahadaˈoc a materek.
Odoˈ no Sinael
it-2-CH 1221 fiedac 9 fatac
Salikoray a Lintad
Sapairasol ni Palam. ˈAyaw no mamicomod ko Israil tamdaw to mikiˈokan a pala i, ci Palam ya mipairasolay saan a pasowal to hongti no Moap ci Palakan: ‘Papasowalen ako kiso to mamisamaan konini finawlan micada to finawlan no miso . . . iraay ko cecay fuˈis masadakay nai Yakop, o fadangalan no hongti ningra mamilayaˈ nai Israil. O mamipesiˈ cingra to fongoh no Moap, o mamiforfor cingra to fongoh no mariˈangay tamdaw.’ (Saˈosi 24:14-17) Isaˈayaway a kalaˈosi nonini a sapairasol i, ‘ora fuˈis’ oyanan mipadikay to Moap a hongti ci Tafiti. (2 Samuil 8:2) Tiya mala hongtito ci Tafiti i, ora nisowalan nonini sapairasol a ‘salikoray a lintad’ misatapangayto itiya. Tona o mitaypiyaway ci Tafiti to Misiya hongti ci Yis Kristoan, onini a sapairasol o mamalaˈosi itiya pilowidan ni Yis to ˈada a misatapang.—Isaya 9:7; ˈOlic 2:8, 9.
SAKA 6 FOLAD 6-12 ROMIˈAD
O ODOˈ KO KIMAD NO KAWAS | 2 SAMUIL 9-10
“Paihkalay ci Tafiti to Madimadiay a Olah”
w06-CH 6/15 14 fiedac 6 fatac
Ngaˈayay Mahela Iso ko Lipahak
‘O ciharatengay to tadancaay a tamdaw i, tada malemeday cingra! Ano tahapades cingra i, lalidongen ni Yihofa cingra. Dadipoten ni Yihofa cingra, mitafo to ˈorip ningra. O mapalemeday a tamdaw cingra itini i fafekang no sera; cowa ko papatoroden Iso i ˈada cingra, malowid no ˈada.’ (ˈOlic 41:1, 2) Sidaˈitan ni Tafiti ko cecay mapiˈiway wawa ni Yonatan ci Mifiposit, o taˈarawan ni Tafiti somowalay ano micada to tadancaay a tamdaw i, papairaen ko matatodongay a waywayan.—2 Samuil 9:1-13.
w05-CH 5/15 17 fiedac 11 fatac
Kalimlaan no Saka 2 Samuil Cudad
9:1, 6, 7. Mitooran ni Tafiti ko mikiˈokan a sowal ningra. Oha mamihaen kita mitoor to mihayan a sowal.
w02-CH 2/15 14 fiedac 10 fatac
Misayaray to Sano Cekaay i Tireng a karorayan
10 Ikor no pina a miheca, tona maolahay ci Tafiti ci Yonatanan, tano madimadiay a olah micada ci Mifipositan. Mihaeminan ni Tafiti patikol ko omah ni Sawlo ci Mifipositan, hanca miocoran ci Cipa ya matayalay ni Sawlo midimokos to omah ningra. Pasowal sa ci Tafiti ci Mifipositan: ‘Mangaˈay kiso mararid a mikapot takowanan a mitahka.’ (2 Samuil 9:6-10) Awaay ko sasa, o madimadiay a olah ni Tafiti misayaray to falocoˈ ni Mifiposit, milowan to adada noka piˈiw ningra. Tada o ngaˈayay a taˈarawan ita ci Tafiti! Todongen no mita cingra, tano olahen a misangaˈay koya iraay ko sano cekaay i tireng a misemsemay a tamdaw.
Odoˈ no Sinael
it-1-CH 595-596 fiedac
Ngisngis
Nolitengan a Kakawalian a tamdaw, misakaretengay to ngisngis ko ˈalomanay (mahawpay ko Israil tamdaw), ono faˈinayan a tariˈangay a tahapinangan konini sanay. O sapafeli no Kawas a rikec mikecengay to tamdaw miisis to ‘makotatihiay no pising a fukes.’ (Lifi 19:27; 21:5) Samanen iraay ko pinangan no kalodoyongan a miisis to fukes.
SAKA 6 FOLAD 13-19 ROMIˈAD
O ODOˈ KO KIMAD NO KAWAS | 2 SAMUIL 11-12
“Hamaan Papikayaten ko Macoosay a Harateng to Waywayan”
Wa Ngaˈay Maliyas Iso ko Talakal ni Satan!
10 Ci Tafiti na makefengay i talakal no maˈanofay. Pafelian ni Yihofa ci Tafiti to hafay, saaroˈan, padamaanho cingra pakalowid a milood. Na mikifalocoˈay a miakoˈid ci Tafiti a pasowal, o sapalemed no Kawas cingranan ‘caayto ka emin misaˈosi.’ (ˈOlic 40:5) Kawra kinacecayay, mapawanay cingra to adihayay ko sapafeli ni Yihofa cingranan. Cowato kasaloen, sapilifokawho to adihayay. Soˈlin adihayayto ko fafahi ni Tafiti itiya, iraayho ko kalim no falocoˈ to fafahi no tao, mihai lomahad i falocoˈ ko mararaway a coos. O kaolahan ningra a fafahiyan ci Patsipa, o faˈinay ni Patsipa o Hiti a tamdaw ci Uriya. Maˈaˈodangay ci Tafiti ci Patsipaan hato mapoyapoyay, misafacoayho mipatay ci Uriyaan. (2 Samuil 11:2-15) Samanay ko harateng ni Tafiti hani? Cowa pakaˈaraw ci Yihofa to midemakan ningra sanay miharateng han? Oniya madimadiay ci Yihofaan a tamdaw, pakayni kaˈanof to cecay riyad ka adayayan ko teloc. Kao ngaˈayay mihaiay cingra to raraw, soˈliˈlin a pasasiyor. Ngaˈay milifok to sasodod ni Yihofa, tada mitemeray to falocoˈ ningra!—2 Samuil 12:7-13.
Maolahay Kita Midoedo ci Yihofaan
15 Ci Tafiti cowa ko tawki aca no paro no lomaˈ, palahongtianho ni Yihofa cingra no Israil, taˈangayay ko fadangalan. Kawra, na patelasay ci Tafiti misaka dademak to fadangalan, mararaw to pakidemay a raraw. (2 Samuil 11:14, 15) Kawra midoedoay ci Tafiti ci Yihofaan, micada to pirikec, mihadakayho to nafalocoˈan mifanaˈ ci Yihofaan i satolon, misarocd a midoedo to limoˈot Ningra. (ˈOlic 51:1-4) Roma i, makahiay ci Tafiti micada to sapaini no tao, soˈlin oniya sapaini mikitiniay i fafahiyan. (1 Samuil 19:11, 12; 25:32, 33) O taˈarawan ni Tafiti ngaˈayay nanamen ita, samanen mikitiniay i mararaway cingra micada to sapasifanaˈ, hanaca misaareteng i nokaˈorip to pidoko to Kawas.
Tano Sarikec ato Safalod no Kawas Pahatatanam to Makapahay Falocoˈ
7 Cowa ko tatahacada kita to roray i noka raraw, ngaˈ minanam to sapasifanaˈ, o maˈoningay no Fangcalay Cudad, o taˈarawan ita a sapasifanaˈ. Itini Taneng 1:5 sanay: ‘O citanengay tamdaw makahiay micada to sapasifanaˈ, adihay ko haepoc.’ Micekiw kita to Fangcalay Cudad ato midotim to maˈoningay i lalomaˈ, o ngangaˈay micada to makapahay a sakayat no Kawas. Tinakoen, misafelitay ci Tafiti to limoˈot no Kawas maˈaˈodang ci Patsipaan, mansa micadaay to taˈangayay a roray. (2 Samuil 12:7-14) Ano micekiw toniya maˈoningay i, wa ngaˈay kita miharateng: “Wa samaan ci Tafiti a miliyas to saka ˈaˈodangaw ci Patsipaan a midemak toniya taˈangayay a raraw hani? Ano tahasiˈayaw kako to mahecaday sakayhid i, wa ira ko ˈicel a miconged han? Wa mahecad kako ci Yosifan miconged to sakayhid, anca mahecad ci Tafitian a mapadik hokira?” (Satapangan 39:11-15) Ano haratengen ita ko teloc no mararaway, wa ngaˈay misaˈosi ko falocoˈ ‘kaˈitehen ko tatiihay’.
Odoˈ no Sinael
it-1-CH 313 fiedac 2 fatac
Tafiti
Ci Yihofa misongilaˈay a minengneng to kalingad no demak, patalasekal to pakidemay a tatiihay a demak. Ano papisawkiten ni Yihofa ko hangkang no tamdaw tora maˈodangay demak ni Tafiti aci Patsipa i, ano doedoeen ko Rikec ni Mosi o papatayen konini tatosaay, haloya i tiyaday no wina a wawa to noka aˈodang nangra. (Limoˈot 5:18; 22:22) ˈArawhan ci Yihofa pakayniay i ‘katatelekan no Hongti Kitakit’ a misodod ci Tafitian, o Niyah ko misawkitay tonini a demak. (2 Samuil 7:11-16) Sidaˈitan no Kawas ci Tafiti, tona mahaenay ci Tafiti sidaˈit to tamdaw alatek (1 Samuil 24:4-7; palalinien to Yakop 2:13), hanaca ora mararaway a tatosa mikifalocoˈay a pasasiyor. (ˈOlic 51:1-4) Kawra cowa ko mamiliyas cangra to satefoc. Pakaynian ni Yihofa ci Natanan a milasil ko sowal: ‘O aˈodisen Ako kiso, tahalifa to pades ko lomaˈ iso.’—2 Samuil 12:1-12.
SAKA 6 FOLAD 20-26 ROMIˈAD
O ODOˈ KO KIMAD NO KAWAS | 2 SAMUIL 13-14
“O Macoosay ni Amnon a Waywayan Ka Adayayan ko Teloc”
it-2-CH 630 fiedac
Apsalom
Mipatay ci Amnonan. Tona tada makapahay ko safa ni Apsalom ci Tamar, oya mahecaday ko wama o roma ko wina a kaka ci Amnon maolahay cingranan, misamangah a misao adadaay, mingitangit to wamaan papiocor ci Tamaran tayra i lomaˈ ningra misangaˈ to epang, safanaˈ han a miˈodang ci Tamar. Ikorto i, maˈosito ko falocoˈ ni Amnon ci Tamaran, laplap hato a pasadak ci Tamar. Itiya cirikoˈay ci Tamar tono kaying a wawa no hongti a kakayaˈay a kafafang, cinas hanto ningra ko kafafang, caˈfonen ningra i fongoh ko ˈafo, malitemoh ni Apsalom a maˈaraw cingra. Nengneng han ni Apsalom ko safa, tangsolay cisasa ko falocoˈ ci Amnonan, licay han ci Tamar to maˈodangay ni Amnon hokira. Saka pihaen a milicay cingra nao halafinayto mafanaˈ tora tatiihay a falocoˈ no kaka ningra. Palimoˈoten ni Apsalom ko safa aka pasowalen ko tao, ala hanto cingra maroˈ i lomaˈ ningra.—2 Samuil 13:1-20.
w17.09-CH 5 fiedac 11 fatac
Palahad to Pakaˈmetay to Tireng a Capeling
11 Itini Fangcalay Cudad matiliday ko tinakoan no caka pakaˈmet to tireng a maˈodang ko waywayan. Maˈaraway itini, ano caka pakaˈmet to tireng, wa ira ko masamaanay kadayayan a teloc. Ano tahalifaay kiso to matiraay ni Kimy a demak, haratengen koya malifaay noya kapah i saka 7 fedengan no Taneng, ato nidemakan ni Amnon samaanay a tatiih ko teloc. (2 Samuil 13:1, 2, 10-15, 28-32) Itini i picekiw no paro no lomaˈ, ngaˈayay kalasaka dademaken no wama wina kora tinakoan padama to wawa, pasifanaˈen cangra ano minaol to faˈinayan anca fafahiyan i, misamaan a pakaˈmet to tireng, malo citanengay a tamdaw.
it-2-CH 630 fiedac 9 fatac
Apsalom
Ikor no tosa a miheca, maraodto ko pisaitan to fanoh no siri, o kalawlaan a tatokian konini, itiniay i Paal Hacor ci Apsalom (Isakawali to Kaamis no Yirusalim to 22 kongli konini a pala) mipatahka cingra a maacang, tahidangen ko hongti a wama ato polong a wawa no hongti tayra mitahka. Minaˈay ci Tafiti, ngitangit han ni Apsalom papiocor to sakakaay wawa ci Amnon a mikotay cingranan a tayra. (Taneng 10:18) Itini i pitahkaan, ‘lipahak a mitaˈowak’ ci Amnon i, palimoˈoten ni Apsalom ko matayalay ningra a mipatay cingranan. Romaromato a wawa no hongti makamilaliw minokay tayra i Yirusalim, ci Apsalomto i, tayra i kawali no Kalili riyar i Kisur kitakit a milaliw, tayra i fofo no fafahi ningra (o Siriya a tamdaw). (2 Samuil 13:23-38) Ci Natan na mipairasolay, o ‘funus’ mamatefad i ‘lalomaˈan’ ni Tafiti sanay, itiyaay misatapang a malaˈosi kora sapairasol ni Natan. Hakelong no ˈorip ni Tafiti, cowa ka piliyas ko ‘funus’ to ‘lalomaˈan’ ningra.—2 Samuil 12:10.
Odoˈ no Sinael
g04-CH 12/22 8-9 fiedac
Kalimlaan ko Masamaanay a Noka Kapah
Wawa ni Tafiti ci Apsalom masafafelitay. Ci Apsalom soˈliˈlin tada makapahay, kawra o waywayan ningra tada kapiliˈan. Sowal no Fangcalay Cudad: ‘Itini i polong no kitakit no Isaril, awaay ko cimacima milecaday ci Apsaloman, mapakahemek to nika kapah. Naitini i fongoh tangasa i saripaˈ awaay ko maanan a dangoc.’ (2 Samuil 14:25) Nikawrira, macikelohay no ˈanof ci Apsalom, mitowakang to wama, sapiˈafasaw to saaroˈan no hongti, midiˈi to kapi fafahi no wama. Mipaketeray cingra ci Yihofaan, teloc i, mipatayan cingra.—2 Samuil 15:10-14; 16:13-22; 17:14; 18:9, 15.
O makapahayho a tamdaw wa saan kiso miharateng ci Apsaloman han? Cato. Soˈlinay haw i, mariˈangay ko waywayan ni Apsalom, awaay ko maanan kangaˈayan ningra. Malitaˈangay cingra, caay piakoˈid, soˈliˈlin makapah ko tatirengan, saikor malahdaway ko ˈorip ningra. Iraay ko romaroma, masowalay o Fangcalay Cudad ko adihayay a ngaˈayay a taˈarawan, matanengay ko demak nangra, iraay ko fangcalay a capeling, kawra caay ka somowal ko Fangcalay Cudad to makapahy ko tatirengan nangra. Itini mahapinang, ono kemod a kapah o soˈlinay a kapah kora.
SAKA 6 FOLAD 27– 7 FOLAD 3 ROMIˈAD
O ODOˈ KO KIMAD NO KAWAS | 2 SAMUIL 15-17
“Mitowakangay ci Apsalom to Nika Litaˈang”
it-2-CH 577 fiedac
Comikayay i Kaˈayaw a Sufitay
Ano pakaynien to pinangan no Kakawalian tamdaw, iraay ko sufitay comikay i kaˈayaw no pidakawan a paliding no hongti, paliˈayaw a mifanaˈ to aaira ko hongti, halo itiniay i tatihi no hongti a midimokos cingranan. (1 Samuil 8:11) Ci Apsalom aci Atoniya maka misahalakaay a miˈafas to saaroˈan no hongti, toha sapitongalaw to nika tadamaan no niyah, paihkal to tariˈang no hongti, miocoran ko 50 a tamdaw itini i kaˈayaw no paliding a comikay.—2 Samuil 15:1; 1 Hongti 1:5; nengnengen ko COMIKAYAY I KAˈAYAW A SUFITAY.
w12-CH 7/15 13 fiedac 5 fatac
Midoko to Pasalatay a Kawas
5 Maˈoningay i Fangcalay Cudad, iraay ko ˈalomanay tatiihay ko pifiyor to tamdaw a tinakoan, ora cecay i, o wawa ni Tafiti ci Apsalom. Tada makapahay cingra. Ikor i, maˈanofay ci Apsalom, matira ci Satanan. Sakamaroˈaw to tadamaanay a ˈanengan no wama, ˈarawhan awaay ko fadangalan ningra a midotoc a mala hongti. Toha sapiˈafasaw, misamangahay a patalahkal to nika ciharateng to finawlan, o wama han i, cowa pisikor to tamdaw saan. Misamangah ci Apsalom to patadoay to finawlan a misaharateng ko niyah, halo mipalak to ngangan no hongti a wama, malecaday toya itiniay i Itin a Satanan.—2 Samuil 15:1-5.
it-2-CH 505-506 fiedac
Hipron
Ikor no pina a miheca, ci Apsalom wawa ni Tafiti minokayay a patikol i Hipron, milimasmasay to sapiˈafasaw to saaroˈan no hongti no wama, kawra pasokiyaway. (2 Samuil 15:7-10) Hano itini i Hipron ci Apsalom to pitekaan ningra miˈafas to saaroˈan no hongti sa i, o kahofocan a pala ningra konini alatek, o roma i, nao satamaanay a niyaroˈ no Yutaya itiyaho alatek, iraay ko likisi itini. Ci Rihopoam o fofo ni Tafiti na miliyaway a ptireng tonini a Hipron. (2 Rayray 11:5-10) Ikor i, tona maˈafasay no Papilon ko Yutaya a kitakit malahoracto, ta minokay ko Yutaya tamdaw nai Papilon i, iraay ko pinapina tamdaw maroˈay i Hipron (Kiriyat Arpa).—Nihimiya 11:25.
Odoˈ no Sinael
Mafanaˈay Kiso Samaanay ko Soˈlinay Demak Han?
11 Latekay micadaay kita to cowa ka sadafdaf a demak, samanen o kafanaˈan no tao pakayni kitaanan, edeng o mimingay ko soˈlinay a demak. Tinakoen pakayniay picada ni Tafiti ci Mifipositan a maˈoningay, hinapaladaˈay ato sidaˈitay ci Tafiti cingranan, Omah no akong ningra ci Sawlo patikolan ci Mifipositan. (2 Samuil 9:6, 7) Ikor, matengilay ni Tafiti ko mararaway a lihaf ni Mifiposit, saˈosi sanay cingra pafeli to polong a hafay i roma tamdaw. (2 Samuil 16:1-4) Ikor no masasowal ci Tafiti aci Mifiposit i, mihayay ci Tafiti to mararaway ko saˈosi no niyah, patikolan ci Mifiposit to miming a hafay. (2 Samuil 19:24-29) Ano salakatan ni Tafiti mihapinang ko soˈlinay a demak, eca ka pitoor to cidangocay a lihaf a misaˈosi, cato ko mamifekad koniya cowa ka sadafdaf a demak.