Pinengnengan to Lalakaw no Mitosilay ato Nikaˈorip Rayray no Saˈopo

SAKA 7 FOLAD 4-10 ROMIˈAD

O ODOˈ KO KIMAD NO KAWAS | 2 SAMUIL 18-19

“Parcilay—Ngaˈayay Misapoeneray a Taˈarawan”

w07-CH 7/15 14 fiedac 5 fatac

Parcilay—Ngaˈayay Misapoeneray a Taˈarawan

Maedeng miakoˈiday ci Tafiti ci Parcilayan. Caay ka ciharateng ci Tafiti tano dafong aca mipalifon i cingranan, samanen cihafayay ci Parcilay awaay ko mahaenay a saali. O harateng ni Tafiti pataynien cingra i lomaˈ no hongti, tona mahemekay to fangcalay a capeling nonini malitengay alatek. Halafin a maroˈ i lomaˈ no hongti, macacawmaˈ ato hongti, pakayni ci Parcilayan ko sowal i, tada o tadamaanay a fadangalan konini!

w07-CH 7/15 14 fiedac 7 fatac

Parcilay—Ngaˈayay Misapoeneray a Taˈarawan

Ano nengnengen, matoˈasan nanay ci Parcilay to niyahan, citolasayto ko ˈicel. Mangataayto mapatay kako sanay ci Parcilay a miharateng alatek. (ˈOlic 90:10) Soˈliˈlin na kiemelay cingra a mipadang ci Tafitian, kawra mafanaˈay to nika litengto no niyah. Mafanaˈay milalat to ˈicel no niyah, cowa ka mafiyor no sapicangacangaw to saaroˈan ato sakacinganganaw a ˈanof. Misapoeneray ci Parcilay, o citanengay konini, taˈangayay ko nika sasiroma aci Apsaloman.—Taneng 11:2.

w07-CH 7/15 15 fiedac 1-2 fatac

Parcilay—Ngaˈayay Misapoeneray a Taˈarawan

O maˈoningay pakayni ci Parcilayan somowalay, itini i waywayan mafanaˈ kita misinanot to demak. Aka a sakasiemelaw ko noka ˈorip, anoca cowa ko mamadangar ako kora ˈinorong saan a saolatekay sa milalang to sakatayalaw, caay kakahi misaˈicel to fangcalay demak. Ano tiˈeren ita ko fangcalay saocor ato taneng no Kawas i, o mamirepon to nika cangoˈot ita.—Filipi 4:13; Yakop 4:17; 1 Pitiro 4:11.

O roma i, mafanaˈ a mihayi kita to citolasay ko ˈicel no niyah. Tinakoen, o cecay Krisciyang alatek ˈifowaayto kono ˈadingoan a tayal, ano cadaen ningra ko roma a sapanilnil i, wa awato ko pakayraan ningra milaheci to ˈinorong no Krisciyang a midimokos to paro no lomaˈ. Ano milalang cingra tora roma a sapanilnil i, coko paihkalay cingra to misapoeneray han?—Filipi 4:5; 1 Timoti 5:8.

Odoˈ no Sinael

w20.04-CH 30 fiedac 19 fatac

Tahatolas Mihadidi Lahecien ko Cacikayen

¹⁹ Ano pasangaray ko kaˈorip iso, pakararawayho ko tao tisowanan, ngaˈay kiso mikitini i taˈarawan ni Mifiposit milifok to sapakalalok. (2 Samuil 4:4) O masamoˈay cingra, pakararawanho ni Tafiti cingra, oniya pakayraan cowa ko niyah ko pairaay. Kawra cowa ka pakidem ko katoled ningra, ao padotocay a miakoˈid ko falocoˈ. Miakoˈiday cingra na sidaˈitay ci Tafiti cingranan. (2 Samuil 9:6-10) Mihaenay tiya pakararawen ni Tafiti cingra i, cowa ka maketer cingra anca miroroh ci Yihofaan, ao misinanot to sasamaan midama to minilnilan ni Yihofa a hongti. (2 Samuil 16:1-4; 19:24-30) Tiliden ni Yihofa ko nalifetan ni Mifiposit i Fangcalay Cudad, wa ngaˈay kita minanam cingranan.—Loma 15:4.

SAKA 7 FOLAD 11-17 ROMIˈAD

O ODOˈ KO KIMAD NO KAWAS | 2 SAMUIL 20-21

“Ci Yihofa O Moecelay a Kawas”

it-1-CH 640 fiedac 3 fatac

Kipiyon

Naitini i romiˈad ni Yosuwa a misatapang, mataˈlifayto ko pina hahekalan, iraayho materek ko Kipiyon a tamdaw, soˈliˈlin mihalakaay ci Sawlo to sapipalaˈafoaw cangranan. Mihadidiay cangra mitala to masadafdafay a pisawkit ni Yihofa. Tangasa i kala hongtian ni Tafiti, soˈlinayto paihkal ci Yihofa to masadafdafay, padadotocen no Kawas a pakedal to tolo a miheca. Licay han ni Tafiti ci Yihofa, saka mafanaˈ to o nika pipatay ni Sawlo to Kipiyon a tamdaw ko sakakedal. Licay hanto ko Kipiyon a tamdaw, sasamaan a patefoc tora raraw. Pacaˈof ko Kipiyon tamdaw ora milakisan a remes a raraw no lalomaˈan ni Sawlo caay ka ngaˈay tano paycien a patefoc, samanen o saˈosi no Rikec caay ka ngaˈay milayap to payci no mipatayay tamdaw. (Saˈosi 35:30, 31) Mafanaˈay cangra to awaay ko fadangalan no niyah a mipatay to tamdaw. Tahira pilicay ni Tafiti, saka misaali ci Tafitian a pafelien cangra to pito a “teloc” ni Sawlo. Hay ano matefaday i ci Sawloan ato lalaomaˈan ningra konini tadah no remes, paihkalay konini ciˈinorongay ko “teloc” ni Sawlo tonini a demak, soˈliˈlin alatek o ci Sawlo ko mikeriday tonini mipatayay a demak. (2 Samuil 21:1-9) O midoedoay to Rikec ni Mosi konini a pidemak “ano mipatayay to tamdaw i, patayen koya mipatayay”, mihaen a micowat to masadafdafay (Limoˈot 24:16), ao cowa ko raraw no wama a mipatay to wawa.—Limoˈot 19:21.

Odoˈ no Sinael

w13-CH 1/15 31 fiedac 14 fatac

Malohemay Malitengay no Krisciyang—Micowatay to Hemek no Salikaka

¹⁴ O finawlan ni Yihofa itini i paro no kakarayan misaˈicelay a mitosil, caay ka talaw to piconged ni Satan ato mariˈangay a kapot ningra. Alatek misiˈayaway kita to tada taˈangayay a pasangar, mahecaday to takaraway tamdaw miˈateng i kaˈayaw ita. Kawra mitiˈeran ita ci Yihofa, timolo a misiˈayaw milood to sano “Koliyatay” a pasangar, salikor i, malowidayto ita. Nikawrira, nolatekay halafinay ko piroero no hekal, malotayayto kita a matoroden ko falocoˈ, ano malonayho i, marefongayto i katalawan, nao mahadidihayho a saroero alatek mipaekelayto kitanan. Itiya i, o sadama no malohemay malitengay papadama kitanan miliyaw a mahemeken, patikol a ciˈicel. Iraay ko matiniay a nalifetan no ˈalomanay salikaka. O cecay 60 ko mihecaan a misakafahay a fafahiyan salikaka, sanay ko sowal: “ˈAyaw no pina laliyadan, tona tatiihay ko tireng, marorayan nanay kako mitosil. Mahapinangay no cecay malohemay malitengay to nika awa no ˈicel ako, tano Fangcalay Cudad cingra mikowad takowanan. Tooran no mako ko sapaini a sowal ningra, tada ngaˈayay ko epoc.” Sanayho ko sowal nonini fafahiyan salikaka: “Maˈaraw nonini malohemay malitengay to noka lonay ako, talaˈayaway a mipadang, tada iraay ko olah ningra!” O ˈalomanay malohemay malitengay mahecaday to nolitenganho a Apisayan, marariday a ciharateng kitanan, ano ira ko saali ita tangsolay mipadang, mafanaˈ toninian i, coko makowaday ko falocoˈ ita han?

SAKA 7 FOLAD 18-24 ROMIˈAD

O ODOˈ KO KIMAD NO KAWAS | 2 SAMUIL 22

“Tiˈeren ko Sapadama ni Yihofa”

cl-CH 19 fiedac 11 fatac

Soˈlinay Kiso “Miingid ci Yihofaan” Han?

¹¹ Pakayni kiso i Isaya 40:26 mafanaˈay o Kawas “tada o ciˈicelay Cingra”, nikawrira maˈosi iso to samaanay Cingra palicinowas to nanom no Kahengangay a Riyar, maˈosi iso samaanay Cingra paliliˈ to pinaay soˈot a ˈofad a Israil tamdaw to 40 a mamihecaan i, kawra o piˈosi aca konini. Saharateratengen hena, fahal sa malicinowas ko riyar, 300 a ˈofad a Israil tamdaw itini i maˈicangayto a riyar a romakat, masapatih i makofatiˈiyan ko nanom, matira o maˈalitaday tomirengay a patih. (Kasadakan 14:21; 15:8) Haratengenho hena, samaanay ko Kawas midimokos to Israil i kohkohan, midipot cangranan. Pasadaken no Kawas ko nanom nai ˈongcoy, pananom cangranan, tefaden Ningra ko sano kohcalay palok a kakaenen matefad i sera, pakaen cangranan. (Kasadakan 16:31; Saˈosi 20:11) Maˈaraway ita, ci Yihofa taˈangayay ko ˈicel, tano ˈicelan no Niyah a mipadang to finawlan Ningra. Ci Yihofa i, “o pikiˈadingan ita ato ˈicel ita; yo mapades kita i, ira Cingra a mipadama.” Mafanaˈ to tada ciˈicelay koya mitengilay to satolon ita a Kawas, coko masayaray ko falocoˈ ita han?—ˈOlic 46:1.

w10 6/1 26 fiedac 4-6 fatac

“O Madimadiay a Tamdaw, Madimadiay Kiso i Cingranan”

Sanay yaca simsimen ita konini sowal ni Tafiti. “O madimadiay a tamdaw” sanay a Hipray sowal, ngaˈayay hongyaken “paihkal to madimadiay a olah”. Mahapinangay itini, o soˈlinay madimadiay o naitiniay i olah. ˈAngongolay ko olah ni Yihofa to madimadiay i Cingranan a tamdaw, mansa caay piliyas cangranan.

O roma i, kitinien tonini a sinael, o madimadiay hananay, cowa kono haratengan aca, iraay ko demak, hanaca talaˈayaway a midemak. Matinakoay ni Tafiti to samaanay ci Yihofa a madimadi i cingranan. Ya matorod konini madimadiay a hongti i, madimadiay ci Yihofa a midipot ato mikayat cingranan. Miakoˈiday ci Tafiti, to nika pilidong ni Yihofa miliyas to ˈada ningra.—2 Samuil 22:1.

Ora nano sowal ni Tafiti iraay ko masamaanay tatodong i kitanan hani? Cowa ka falic ci Yihofa. (Yakop 1:17) Tohati:niay miˈimeray Cingra to palinian no Niyah, midaˈocay a mitoor to sakiˈok Ningra. Itini i roma a ˈOlic sanay ci Tafiti a mitilid: ‘Ci Yihofa cowa piliyas to madimadiay a finawlan Ningra.’—ˈOlic 37:28.

Odoˈ no Sinael

w12-CH 11/15 17 fiedac 7 fatac

O Nika Dademak ato Waywayan Matiya o Sasafaay

⁷ O misapoeneray taˈarawan ni Yihofa misemeray ci Tafitian. Sanay cingra romadiw a miˈolic ci Yihofaan: ‘Mala sapatada ako ko pipaˈorip Iso, o pisapoener Iso pala tadamaanay takowanan.’ (2 Samuil 22:36) Mafanaˈay ci Tafiti, tona misapoeneray ci Yihofa, pasilaeno a midimokos i cingranan ko sakala tadamaan ningra i Israil. (ˈOlic 113:5-7) Kita coko hatiraay han? O iraay no mita a capeling, inaneng, ˈinorong, sakatayal a toki, icowaay ko cowa ko naitiniay ci Yihofaan a milayapan ita hani? (1 Korinto 4:7) Sowal sa ci Yis: ‘O nika dademak ato waywayan matiya a sasafaay i, o mamala taˈangayay, samanen misapoeneray a tamdaw ngangaˈay mala sangaˈayay a matayalay, saki Yihofa.’ (Luka 9:48) Misamaanay hano saan ko sowal hani?

SAKA 7 FOLAD 25-31 ROMIˈAD

O ODOˈ KO KIMAD NO KAWAS | 2 SAMUIL 23-24

“Sapatafang Iso to Sapatoˈaya Pakahemekay ci Yihofaan Han?”

it-2-CH 695 fiedac

Arawna

Ci Arawna sapipafeliaw ci Tafitian tora piparparan to emi ato sapipatoˈaya a kolong ato kasoy, kawra caay kakahi ci Tafiti eca ka pafelien to payci. O sowal itini i 2 Samuil 24:24, tano 570 ke a lingkim (110 payci no Padaka) micakay tora piparparan to emi ni Arawna atoya kolong sanay. Kawra, 1 Rayray 21:25 saan ko sowal, tano 6,840 ke ekim (maedeng 77,000 payci no Padaka) a micakay tora sera sanay. Ora lalangian alatek: O mitiliday to Samuil, somowalay aca tora sapipatirengaw to pipatoˈayaan a piparparan to emi ato sapipatoˈaya a dafong; o mitiliday to Rayray i, somowalay tora pipatirengan to fangcalay sefi a sera ato sapatireng a payci. (1 Rayray 22:1-6; 2 Rayray 3:1) Tona tada kakahaday kora pipatirengan to sefi a sera, ora 6,840 ke a ekim maedeng o sapicakay ni Tafiti tonini taˈangayay a sera, ao cowa kora pipatirengan aca to pipatoˈayaan a miming a sera.

w12-CH 1/15 18 fiedac 8 fatac

Nengnengen ko “Palinian no Soˈlinay Kimad”

⁸ O Israil tamdaw ngaˈayay pakayni noka piakoˈid ci Yihofaan a makalim a pacakat to sapatoˈaya i Cingranan, ngaˈayay pakayni sapakahemek to Kawas a makalim a pacakat to nisakimoodan a mitodoh a sapatoˈaya. Itini to mahaenay a pakayraan, oya mipatoˈayaay a tamdaw maedeng mamipiliˈ to safangcalay a pinaˈorip, mahemek a patafang to sangaˈayay a sapatoˈaya. Anini, o Krisciyang soˈlin caay pidoedo to saˈosi no Rikec ni Mosi a pacakat to pinaˈorip, kawra kamayanay a pacakat to sapatoˈaya, oranan mipalakan nangra a toki, ˈicel, dafong a midoko ci Yihofaan. Sowal no tarokos ci Pawlo, mitenak ko Krisciyang to tokel no niyah, halo makahi a paladaˈ, onini ko kaolahan no Kawas a sapatoˈaya sanay. (Hipray 13:15, 16) Pafeliay ci Yihofa kitanan to masakenakenaay a sapafeli, wa tatano masamaanay a pakayraan kita midoko i Cingranan, paihkalay to hakowaay ko piakoˈid ita i Cingranan. Mankora, o Krisciyang mamatira o nolitengan Israil mikifalocoˈ a pacakat to sapatoˈaya i, sinanoten ko niyah misamaanay hano midoko ci Yihofaan, halo tano masamaanay a pakayraan a midoko Cingranan.

Odoˈ no Sinael

w05-CH 5/15 19 fiedac 6 fatac

Kalimlaan no Saka 2 Samuil

23:15-17. Ci Tafiti ˈangongolay ko pisakareteng to pakayniay to ˈorip ato remes a sarikec no Kawas, caay kakahi misafelit to pakayniay a saˈosi. Ano kitato i, mamalecad kita misakareteng to kihcod a sapalimoˈot no Kawas.

SAKA 8 FOLAD 1-7 ROMIˈAD

O ODOˈ KO KIMAD NO KAWAS | 1 HONGTI 1-2

“Mikitini i Mararaway no Miso Mananamayto ko Manan?”

it-2-CH 349 fiedac 1 fatac

Solomon

Naitini i Inrokil tangasa i Kihon cowa ka tada maraay, ci Atoniya ato mihakelongay cingranan a tamdaw matengil ko pilekal no finawlan “midaˈoc ko nika lahongti ni Solomon” sa i, makokiˈto, rawraw sato milaliw cangra. Ci Solomon sapipaihkalaw to dipayalay ko pikowan ningra, caay ciharateng cingra lahongti saho tangsol a mipatay to tamdaw. Ano macoˈisay kora pakayraan, o ci Atoniya ko mala hongtiay i, cowa ko mamaˈorip ci Solomon alatek. Milaliw ci Atoniya tayra i fangcalay sefi a milimek. Ocoren ni Solomon ko tamdaw mikerid cingranan patayni i kaˈayaw no niyah, sowal sa ano awaay mahapinang ko maanan a katatiihan ni Atoniya i, ngangaˈay maˈorip cingra, ikor papinokayen ci Atoniya i lomaˈ.—1 Hongti 1:41-53.

it-2-CH 680-681 fiedac

Atoniya

Kawra mapatayto ci Tafiti i, tayraay ci Atoniya masasowal ci Patsipaan, papipatado cingranan pasoswal ci Solomonan, misaali toya midimokosay ato pacafayay ci Tafitian a kaying ci Apisak malo fafahi ningra. Pasowal ci Patsipaan: ‘Nao mako ko saaroˈan no hongti, polong a finawlan no Israil pasayniay i takowanan, halamham to saka lahongtiaw ako.’ Itiniay a mahapinang, soˈlin mihayay ci Atoniya to naitiniay i Kawas ko saka lahongti ni Solomon, kawra cowa ka hemek ko falocoˈ to nika eca ko niyah a mala hongti. (1 Hongti 2:13-21) Ano nengnengen, hato misaaliay ci Atoniya to sapatefoc to nika lasawad no niyah a mala hongti; nikawrira, ano doedoen ko nolitengan a pinangan, o kapi a fafahi no hongti edengan ko masaˈosiay a midotocay a hongti ko mamiala, paihkalay konini, iraayho ko ˈanof ni Atoniya to saka lahongtiaw. (Palalinien to 2 Samuil 3:7; 16:21.) Pakaynian ni Atoniya ci Patsipaan a misaali ci Solomon, mahapinangay ni Solomon ko falocoˈ ni Atoniya, saka palimoˈot to papatayen ci Atoniya, ocor hanto ci Pinaya papipatay cingranan.—1 Hongti 2:22-25.

Odoˈ no Sinael

w05-CH 7/1 30 fiedac 1 fatac

Kalimlaan no Saka 1 Hongti

2:37, 41-46. Miharateng ko tamdaw ano milaˈowap to tolas i, cowa ko mamatefoc ano saan, tada o katalawan konini! O romaroma tamdaw padeteng saan miliyas to sakatayar i ˈorip a mimingay lalan, o papaira to mafolaay a saˈosi mitamorong to tatiihay a teloc.—Matay 7:14.

SAKA 8 FOLAD 8-14 ROMIˈAD

O ODOˈ KO KIMAD NO KAWAS | 1 HONGTI 3-4

“O Epoc no Taneng”

w11-CH 12/15 8 fiedac 4-6 fatac

O Ngaˈayay Taˈarawan Cingra? Anoca o Tatiihay Nalifetan?

⁴ Saˈayaw noka lahongti ni Solomon, itiniay i nitiih ko Kawas paˈaraw i cingranan, papisadaken cingra to maanan ko saali. Mafanaˈay ci Solomon tona awaay ko nalifetan no niyah a mikowan, saka misaaliay to taneng i Kawas. (ˈOsien ko 1 Hongti 3:5-9.) Maˈaraw no Kawas cingra misaali to taneng ao cowa pisaali to hafay i, mahemekay ko falocoˈ, teloc i, cowa aca ‘pafelien to taneng, mafanaˈ a mihapinang’, haloya caay saalien ningra a hafay a pafeli i cingranan. (1 Hongti 3:10-14) Somowalay ci Yis, o taneng ni Solomon mapalosiyangay tayni kasakitakit, oyato a fafahiyan hongti no Sipa pakatengilay to tadamaanay a ngangan ningra, nai ra:ay a tayra to sapiˈarawaw.—1 Hongti 10:1, 4-9.

⁵ Itiya i, tano kafahkaˈan ko Kawas a pafeli to taneng ci Solomonan; anini, cowa ka fahal sa malo citanengay kita. Soˈliˈlin sowal ni Solomon ‘pafeliay ci Yihofa to taneng i tamdaw’ sa i, kawra pasowalay cingra to mamisaˈicel kita a micangacang to nai Kawasay a capeling, palimoˈot to tamdaw ‘midohingaˈ a mitengil to taneng, misarocod ko falocoˈ a cipinang a dademak’. Sowal ni Solomon i, toha sapikilimaw to taneng, ‘kapilekal’, ‘aka tomerep a mikilim’, ‘aka pisawad a mikadkad’ sanay. (Taneng 2:1-6) Mahapinangay itini, oha ngangaˈay kita pakatama to taneng.

⁶ O ngaˈayay i, licayen ko niyah: “O mamatira kako ci Solomonan misaodoˈ a minengneng to sapafeli no Kawas a taneng han?” O pakapayciay a demak latek tatiihay latek ngaˈayay, o ˈalomanay tamdaw pasapayci sanay a matayal. O pakapayciay a pakayraan mifiyoray to tamdaw mamipiliˈ to maanan a picudadan ato hakowa ko kapicudad. Kiso ato paro no lomaˈ iso samaanay ko pinengneng hani? O noka pipiliˈ namo paihkalay to ‘misolapay’ to sapafeli no Kawas a taneng, matira o pisolap to odoˈ han? Wa mamifalic kamo to patosokan no niyah, hongaˈ matama ko adihayay a taneng han? Ano malifok namo ko taneng, ano sangaˈayen a kalasaka dademak i, mamalifok ko awaay ko tolas a epoc. Sowal ni Solomon: ‘Mihaen i, cacipinang kiso to makapahay, masadafdafay, moecelay, mafanaˈ to kihcod a fangcalay a lalan.’—Taneng 2:9.

Odoˈ no Sinael

w98-CH 2/1 11 fiedac 15 fatac

Ci Yihofa o Patirengay to Katatelekan a Kawas

¹⁵ O teloteloc ni Apraham ta midoedo cangra to rikec a patireng to kitakit ikor, mitooranto ni Yihofa ko sakiˈok Ningra ci Aprahaman, palemed cangranan. ˈAyaw no kongyen 1473 miheca, midotocay ci Mosian a Yosuwa mikeriday to Israil tamdaw a micomod to Kanan a pala. Ikor i, malalilamay ko kasangasaw to sera. Palaˈosi to sakiˈok ni Yihofa to papafelien to sera ko teloteloc ni Apraham. Ano madimadi ko Israil tamdaw i, tooran ni Yihofa ko sakiˈok Ningra, mipadik to ˈada nangra. Ya mala hongtiho ci Tafiti i, mikiriwiˈay mahaen ko pakayraan. Tangasa mala hongti ko wawa ni Tafiti ci Solomon i, oya mikiˈokan no Kawas ci Aprahaman, malaˈosiayto ko saka tolo a sakiˈok. ‘Hato tafok no riyar ko nika ˈaloman no tamdaw no Yuta ato Israil, komaen, mitaˈowak a maacang cangra.’—1 Hongti 4:20.

SAKA 8 FOLAD 15-21 ROMIˈAD

O ODOˈ KO KIMAD NO KAWAS | 1 HONGTI 5-6

“Misarocoday Cangra Patireng to Fangcalay Sefi”

w11-CH 2/1 15 fiedac

Mafanaˈay Kiso Han?

O fidengal a kilang no Lipanon o makapahay kodaitay, fangsisay ato awaay ko fao. Itiniay mahapinang, mipiliˈan ni Solomon ko safangcalay a kilang to sapipatireng to fangcalay sefi. Itiyaho, lotolotok no Lipanon adihayay ko fidengal a kilang, kawra aninito i, caayto ka hakowa ko fidengalan a kilang.

it-2-CH 178 fiedac 5 fatac

Fangcalay Sefi

Milimasmasan ni Solomon, naitini i Israil mitahidang to 3 ˈofad a tamdaw, ocoren cangra macaceror tayra i Lipanon, cecay folad cecay ˈofad a tamdaw. Cecay folad cangra itini i Lipanon, tosa folad i lomaˈ. (1 Hongti 5:13, 14) Mitahidanganho ko 7 ˈofad a tamdaw naitini to maroˈay itira a “roma finacadan tamdaw” micoroˈ to karetengay dafong, 8 ˈofad tamdaw mitoˈtoˈ to fakeloh. (1 Hongti 5:15; 9:20, 21; 2 Rayray 2:2) Minilnilanho ni Solomon ko 550 faˈinayan malo kakeridan no matayalay, 3,300 ko dama nangra. (1 Hongti 5:16; 9:22, 23) Ilalomaˈ nonini a matayalay, iraay ko 250 Israil tamdaw, 3,600 a roma finacadan a tamdaw.—2 Rayray 2:17, 18.

it-2-CH 623 fiedac

Fidengal; Fahdil

To sapatirengaw to fangcalay sefi misaaliay to adihayay a fidengal, o miletekay to fidengal a tamdaw masapatekay masaˈofaday ko kaˈaloman nangra, coroˈen patayra i lawacay no Tenok a Riyar a Tiri anca Siton, faloden kora kilang a misadadangoyan, pakariyar a talatimol, alatek coroˈen tangasa i Yopa, ikor pakayra i lalan micoroˈ tangasa i Yirusalim. Toha sakapilifokaw tonini a kilang, matatelekay ci Solomon aci Hiram. (1 Hongti 5:6-18; 2 Rayray 2:3-10) Padadotoc ci Hiram patayra to fidengalan a kilang, teloc i, itini i kalahongtian ni Solomon, “adihay ko fidengal a kilang, samatiya sa o calamay a kilang.”—1 Hongti 10:27; nengnengen ko Isaya 9:9, 10.

Odoˈ no Sinael

g-CH 5/12 17 fiedac, sapatongal lalakaw

Fangcalay Cudad—O Cecay Paliˈayaway to Sowal a Cudad, Saka 1

PAKAYNIAN TATOKIAN MATATODONGAY KO PIˈONING NO FANGCALAY CUDAD

Matatodongay ko piˈoning no Fangcalay Cudad to tatokian, pakayni to nika pisaˈosi to lalintadan tada taˈangayay ko sapadama. Cecay tinakoan matiliday i 1 Hongti 6:1, mitiliday konini sinael to hacowaay misatapang ci Solomon patireng to fangcalay sefi no Yirusalim, sowal sa: ‘Masadak nai Icip ko Israil tamdaw mataˈlif ko 480 miheca [marepon ko 479 miheca], mala hongti ci Solomon no Israil isaka 4 miheca no Cif a folad, mitekaay a patireng cingra to sefi ni Yihofa.’

Ano doedoen ko pisaˈosi no mamihecaan no Fangcalay Cudad, saka 4 miheca no kala hongti ni Solomon, itiniay i ˈayaw no kongyen 1034 miheca, mikitini tonini miheca patikolen misaˈosi to 479 miheca i, tangasaay i ˈayaw no saka 1513 miheca, oya piliyasan no Israil to Icip a mamihecaan konini.

SAKA 8 FOLAD 22-28 ROMIˈAD

O ODOˈ KO KIMAD NO KAWAS | 1 HONGTI 7

“Mikitini i Tosa a Fudawan a Hecek Mananamay Ita ko Manan?”

w13-CH 12/1 13 fiedac 3 fatac

Makarkaray Nai Lotok ko Fudawan

Tano adihayay a fudawan misangaˈ ci Solomon to lalosidan no fangcalay sefi, o adihayay nonini fudawan o nano miˈafasan ni Tafiti i piloodan to Siriya. (1 Rayray 18:6-8) Itini i fangcalay sefi iraay ko cecay pinanawan a fudawan a tangko, ngaˈayay maparo ko 66,000 kongsen a nanom, alatek 27 ton ko kaareteng nira. (1 Hongti 7:23-26, 44-46) Iraay ko tosa tataˈangay a fudawan a hecek i sacomod no fangcalay sefi, 8 kongce ko takaraw nira, 1.7 kongce ko kakahad, 7.5 kongfen ko kifetol, 2.2 kongce ko takaraw no fongoh no hecek. (1 Hongti 7:15, 16; 2 Rayray 4:17) Haratengen hena, sapisangaˈ aca tonini pina fudawan lalosidan, masaka sapaan:to ko kaadihay nira.

it-1-CH 161 fiedac

Powac, II

Itira tora misangaˈan ni Solomon a tadamaanay fangcalay sefi, ˈaˈayaw no sacomod patirengan ko tosa takaraway a fudawan a hecek, ci Powac hananay kora i sakaˈamisay, tatodong i, ‘o ciˈicelay’. Oya sakatimolay i, o Yakin hananay, tatodong i, ‘nanay patanekteken ni Yihofa’. Mihaenay i, ano pasiwali a tomireng ko tamdaw, misiˈayaw tora tosa a hecek, nai kawanan tangasa kawili, mamaˈosi ko ‘nanay [ci Yihofa] patanekteken ko [fangcalay sefi] ira ko ˈicel’, o sanay ko tatodong.—1 Hongti 7:15-21; nengnengen ko FONGOH NO HECEK.

Odoˈ no Sinael

it-2-CH 562-563 fiedac

Maynoˈ

O midokoay ci Yihofaan a tamdaw mamakorac awa ko dangoc, makorac ko tireng wangaˈ. O limasmas no fangcalay kopang ato iikoray a noka tayal i fangcalay sefi, paihkalay konini. Ya sakakaay saysi ci Aron ato wawa ningra itini pisalisinan a demak i, saˈayaw maynoˈ hongaˈ cirikoˈ to fangcalay rikoˈ. (Kasadakan 29:4-9; 40:12-15; Lifi 8:6, 7) Ipaputal no fangcalay kopang iraay ko cecay fudawan a pinanawan, iikoray a fangcalay sefi ni Solomon iraay ko cecay taˈangayay a tangko, o sapisawsaw to kamay ato ˈoˈo no saysi kora. (Kasadakan 30:18-21; 40:30-32; 2 Rayray 4:2-6) Itini i Pihepolan to Raraw a romiˈad, ka kinitosa a maynoˈ ko sakakaay a saysi. (Lifi 16:4, 23, 24) Oya palafelay to siri malo Acacil a tamdaw, atoya milinahay to kinaˈosaw no sapatoˈaya patayra i putal no taloˈan a tamdaw, atoya mikitingay to kahngangay tawinaan a kolong a sapatoˈaya patayra i putal no taloˈan a tamdaw, wa tatano nanom a misawsaw to tireng ato mifacaˈ to rikoˈ, ikor ngaˈ ngaˈay a micomod i taloˈan.—Lifi 16:26-28; Saˈosi 19:2-10.

SAKA 8 FOLAD 29- 9 FOLAD 4 ROMIˈAD

O ODOˈ KO KIMAD NO KAWAS | 1 HONGTI 8

“Misapoeneray ci Solomon Mikifalocoˈ a Mitolon”

w09-CH 11/15 9 fiedac 9-10 fatac

Micekiw to Fangcalay Cudad Papacakat to Kangaˈay no Satolon

⁹ O mikifalocoˈay a satolon wangaˈ tatengilen. Saka 8 fedengan no 1 Hongti maˈoningay ko mikifalocoˈay a satolon ni Solomon. ˈAyaw no kongyen 1026 miheca, palisopsopan ni Solomon ko Israil tamdaw tayni i Yirusalim, pakayni to picomodan to fangcalay sefi ni Yihofa a misalisin. O Katatelekan a Lipa telian i safangcalay a kaitiraan, ikor i, miedefay to fangcalay sefi ko toˈem ni Yihofa. Itiya i, pakahemekay to Kawas ci Solomon i kaˈayaw no finawlan.

¹⁰ Songilaˈen miˈosi ko satolon ni Solomon, sinanoten kina pinapinaay somowal cingra to kemod no falocoˈ no tamdaw. Somowalay ci Solomon edengan ci Yihofa ko mipafeselay mihapinang to falocoˈ. (1 Rayray 8:38 39) Paihkalay ci Solomon i satolon, o mararaway tamdaw ano misarocod a minokay i ci Yihofaan i, o tatahacada to sidaˈit Ningra. O finawlan no Kawas macepet no ˈada ikor, ano ‘misarocod ko falocoˈ’ pasayra i Kawas i, o tatengilen ko pitolon nangra. (1 Hongti 8:48, 58, 61) Awaay ko sasa, o satolon iso kitinien i falocoˈ.

w99-CH 1/15 17 fiedac 7-8 fatac

Milayaˈ to Kamay Mitolon to Kawas

⁷ Ano itiniay i kaˈayaw no ˈalomanay anoca no tekedan a satolon, haharatengen ita ko cecay kalimlaan a safalod no Fangcalay Cudad: O tamdaw ano mitolon to Kawas i, sapoeneren ko waywayan. (2 Rayray 7:13, 14) O itiniay i Yirusalim a fangcalay sefi ni Yihofa, ta maharek a misalisin to picomodan i, mitolonay ci Solomon, misapoeneray ko sowal a mingitangit. Itiya laheci sanayho ci Solomon mipatireng to satadamaanay ko nika makapah a sefi, ˈarawhan cowa ka malitaˈang cingra, misapoeneray a mitolon: ‘Soˈlin o mamaroˈ Kiso o Kawas itini i hekal haw? Ano o polongto no kakarayan i, caay ko mamaedeng a malo kamaroˈna Iso saka, mangalef konini a nisangaˈan ako a sefi saw?’—1 Hongti 8:27.

⁸ Ano mitaypiyaway kita to tao a mitolon i, sahatiraen ci Solomonan a paihkal to misapoeneray a waywayan. O misapoeneray a falocoˈ ngaˈayay mahapinang nai masadakay a sowal. O misapoeneray a satolon caay pakinali misadit to sowal. Samacayen itini i tireng no mitengilay to satolon a Tatapangan, ao cowa i tireng no mitolonay a tamdaw. (Matay 6:5) Ora nisowalan ita i satolon wa paihkal to misapoeneray a waywayan ita. Ano iraay ko misapoeneray a falocoˈ ita a mitolon, tengilen no tao i, cowa ko hato pacieciay a misaali to Kawas a mitoor to harateng no mita. O sasaalien ita ci Yihofa midoedo to araaw Ningra a midemak. O taˈarawan no mitiliday to ˈOlic a tamdaw tada o ngaˈayay a tatodongen ita, sanay cingra mingitangit to Kawas: ‘Yihofaaw, ngitangiten niyam Kiso, paˈoripen kami! Yihofaaw, ngitangiten niyam Kiso, palowiden kami!’—ˈOlic 118:25; Luka 18:9-14.

Odoˈ no Sinael

it-2-CH 391 fiedac 7 fatac

Kakarayan

Oya mipatirengay to fangcalay sefi i Yirusalim a Solomonan, somowalay ‘ano polongto no kakarayan’ caay ko mamaedeng a malo kamaroˈan no Kawas sanay. (1 Hongti 8:27) O kakarayan i, ci Yihofa ko misangaˈay, mankora o saaroˈan Ningra ikakaay ko nika takaraw to “polong no kakarayan,” ‘edeng o ngangan Ningra ko satakaraway, mitaˈlif to kakarayan ko nika tadamaan Ningra.’ (ˈOlic 148:13) Ci Yihofa ‘mifakeciway a milalat to kakarayan’, mahaen o tamdaw madolo a celak han ko kapal a milalat to dafong. (Isaya 40:12) Nikawrira, o sowal ni Solomon awaay ko kaitiraan ni Yihofa a ‘kamaroˈan’ cowa ka saan, ano hacowato itiniay i liholihoc no dohaw ci Yihofa a ira cowa ka saan. Matira o sowal ni Solomon, ci Yihofa itiniay i kakarayan (noˈadingoan a kaitiraan) a ‘kamaroˈan Ningra’ a mitengil to satolon no tamdaw sanay.—1 Hongti 8:30, 39.