SAKA 17 FEDENGAN
O Masamaanay a Tamdaw ci Yis?
Itiniho fafekang no sera ci Yis i, o nano sowal, nano midemakan ningra paihkalay to makapahay ko capeling ningra. Onini a capeling padamaay kitaanan sapitongalaw a miingid cingranan ato i kakarayan a Wama ci Yihofaan. Iraay ko maanan makapahay capeling ni Yis hani? Sasamaan kita minanam ci Yisan hani?
1. Itini maanan a pakayraan malecaday ci Yis to Wamaan ningra?
Malacafay ci Yis to Wama i kakarayan mataˈlifay ko walwalan a miheca. Misongilaˈay cingra mihapinang to sidaˈitay a Wama, minanamayho to Wamaan. O harateng ningra, o nafalocoˈan ato pakayraan no demak mahecaday to Wamaan ningra. (ˈOsien ko Yohani 5:19.) Soˈlinay to, malefotay ko patalahkal ni Yis to capeling no Wama, mansa mihaen ko sowal ni Yis: ‘Cima ko pakaˈaraway takowanan i, o pakaˈarawayto to Wama.’ (Yohani 14:9) Ano matongal ko kacipinang iso ci Yisan i, wa matongal ko kafanaˈ ci Yihofaan. Tinakoen, matomesay ko damsay ni Yis i tamdaw, somowalay konini to iraay ko damsayay ni Yihofa, tada ciharatengay tisowanan.
2. Samaanay ci Yis misawacay to maolahay ko niyah ci Yihofaan?
Sowal ni Yis i: ‘O sakafanaˈaw no tamdamdaw to nika olah ako to Wama, midoedoan ako midemak ko limoˈot no Wama nohatini.’ (Yohani 14:31) I fafekangho no sera ci Yis padadotocay midofdof to Wama, ano itinito i pasangaray pakayraan, mahaenay ko demak ningra. Maolahayho cingra pasowal to Wama no niyah i tamdamdawan, padama cangranan mala widang ato Kawas. Misawacayay konini tada maolahay ci Yis to Wama no niyah.—Yohani 14:23.
3. Samaanay ci Yis misawacay to maolahay ko niyah to tamdamdaw?
Sowal no Fangcalay Cudad, ci Yis i, ‘mikiriwiˈay ko olah to tamdamdaw’ sanay. (Taneng 8:31) Mikitini ciolahay falocoˈ marariday cingra pakalalok to tao, hanaca cowa ka ˈidi cingra mipadang to tao. Midemakan ni Yis a kafahkaˈan a demak, pahapinangay to tamdaw cowa ko nika ciˈicel aca ningra, siniˈadaayho to tamdaw. (Marko 1:40-42) Damsayay micada to tamdaw, cowa pisakakinih ko falocoˈ. Mihinomay ci Yis to mitengilay to sapasifanaˈ ningra a tamdaw, paira to hatokel no misasoˈlinay ko harateng a tamdaw. Maolahay ci Yis to polong a tamdaw, makahiay patado cangranan a misemsem, makalimay kinafalah to ˈorip. Nikawrira, ikakaay ko kaolah ningra to midofdofay to sapasifanaˈ ningra a tamdaw.—ˈOsien ko Yohani 15:13, 14.
CALEPEN MIKADKAD
Dotoc i, mamatongal ko kacipinang iso to capeling ni Yis, nengnengen to sasamaan kita minanam ci Yisan, paihkal to olah, hinapaladaˈ to tamdaw.
4. Tangongolay ko olah ni Yis to Wama
Patirengay ci Yis to taˈarawan, pakacipinangay kitaanan sasamaan paihkal to olah i Kawas. ˈOsien ko Luka 6:12 ato Yohani 15:10; 17:26. Maherek miˈosi to kahacecay a sinael, ikor lengoen ko ilaenoay a salicay:
Sasamaan kita minanam ci Yisan, paihkal to olah ci Yihofaan?
Tada maolahay ci Yis to Wama no niyah, miceriday pasayra Cingraanan a mitolon
5. Ciharatengay ci Yis to misaaliay to sapadama a tamdaw
Cowa ko niyah aca ko miharatengan ni Yis, isalakatay cingra miharateng to tao. Soˈliˈlin maroray i, makahiay cingra mipalak to toki ato ˈicel padama to tao. ˈOsien ko Marko 6:30-44, ikor lengoen ko ilaenoay a salicay:
Mikitini tonini maˈoningay, samaanay mahapinang ita to ciharatengay ci Yis to tao?—Nengnengen ko 31, 34, 41, 42 sinael.
Hano mipadama ci Yis to tao?—Nengnengen ko 34 sinael.
Patalahkalay ci Yis to capeling ni Yihofa, mikitini tonini a maˈoningay mahapinangay iso o masamaanay a Kawas ci Yihofa hani?
Ciharatengay ci Yis to tamdamdaw, sasamaan kiso minanam cingranan?
6. Hinapaladaˈay ci Yis
Soˈliˈlin cowa ka hakowa ko dafong ni Yis, kamayan hinapaladaˈ cingra, pakalalokay kitaanan hinapaladaˈ to tamdamdaw. ˈOsien ko Dmak 20:35, ikor lengoen ko ilaenoay a salicay:
Sowal ni Yis, sasamaan ko demak ita ngaˈ ngaˈay lipahak?
Nengnengen ko IKA, ikor lengoen ko ilaenoay a salicay:
Soˈliˈlin cowa ka hakowa ko dafong no mita, ngangaˈay kita misamaan paladaˈ to tamdaw?
Mafanaˈay kiso han?
Pasifanaˈay ko Fangcalay Cudad papakaynien i ngangan ni Yis mitolon ci Yihofaan. (ˈOsien ko Yohani 16:23, 24.) Mihaen ko pitolon o miakoˈiday ci Yisan, samanen padamaay kitanan, mala widang ni Yihofa.
ANO IRA KO SOMOWALAY: “Cowa pikihar ko Kawas to o maanan ko macadaay ita a roray.”
O maanan a midemakan ni Yis pahapinangay to tamdaw tada ciharatengay ko Kawas kitaanan?
KALIMLAAN
Maolahay ci Yis ci Yihofaan, maolahayho to polong a tamdaw. Malecaday ci Yis to Wama ningra, mansa ano matongal ko kacipinang iso ci Yisan, o mamatongal ko kafanaˈ ci Yihofaan.
Lomalen
Sasamaan kita minanam ci Yisan, patalahkal to olah ci Yihofaan?
Sasamaan kita minanam ci Yisan, patalahkal to olah i tamdamdaw?
O maanan a capeling ni Yis ko sakakaay kaolahan no miso?
MALALITINGAY A LALAKAW
Nengnengen ita ngangaˈay minanam to maanan makapahay capeling ni Yis.
“Mitodong to Taˈarawan ni Yis” (Ci Yis—O Lalan, o Soˈlinay Kimad, o ˈOrip, 317 fiedac)
Pakaynien i ngangan ni Yis a mitolon tada o masakalimlaan, nengnengen o maanan ko lalangian.
“Hano Pakaynien i Ngangan ni Yis a Mitolon?” (Mikecolay, 2008/2/1)
Somowalay ko Fangcalay Cudad to papisingan ni Yis han?
Samaanay ko pinengneng ni Yis to fafahiyan? Mikitini mamananam ita ko maanan?
“Mikangodoay ato Ciharatengay ko Kawas to Fafahiyan” (Mikecolay, 2012/9/1)