Pinengnengan to Lalakaw no Mitosilay ato Nikaˈorip Rayray no Saˈopo

SAKA 1 FOLAD 2-8 ROMIˈAD

O ODOˈ NO KIMAD NO KAWAS | 2 HONGTI 22-23

“Hano Malo O Misapoeneray a Tamdaw Hani?”:

w00 9/15 29-30

Misapoeneray ci Yosiya, Milifokay to Pihayda ni Yihofa

Mikipapacem misaˈicelay ko tamdaw miliyaw misangaˈ to fangcalay sefi. Miakoˈiday ci Yosiya ci Yihofaan. Samanen na mipalakan no lalitengan ko fangcalay sefi ni Yihofa, maherekay to miliyaw misangaˈ. Ya pisangaˈan a tatokian, tayniay ci Safan a pasowal. O manan ko mitatoyan ningra hani? ˈAraw han o maroroday a cudad! Sowal sa mahelaay no taˈangayay saysi ci Hilkiya ko ‘pakaynian ni Yihofa ci Mosian a mitilidan a sarikec.’ (2 Rayray 34:12-18) Oninian a maroroday cudad nao saˈayaway mitilidan a cudad. Tada kafahekaan konini.

Caloh sato ci Yosiya mitengil to maˈoningay a sarikec. Miˈosi ci Safan i, miharatengayho ko hongti to kahacecay a rikec, samaan matatodong to niyah ato finawlan. Ka tangongolan i harateng ningra i, misaˈicelay ko sarikec to matatodongay a pidoko, pairasolayho to finawlan ano midemak to mararaway a pidoko, wa ira ko taˈangayay padiing, maholiwho i roma kitiraan. Mafanaˈay ci Yosiya o lalitengan ningra cowa ka pidofdof to patorodan no Kawas, oranto i, cicih han ko rikoˈ, palimoˈot ho ci Hilkiya, ci Safan ato romaroma sikawdan sowal sa: ‘ka tayra, tano ninian a cudad milicay ci Yihofaan; samanen o lalitengan ita cowa ka mitengil to sowal noniya cudad, misahatiraay i, taˈangayay ko keter ni Yihofa titaanan.’—2 Hongti 22:11-13; 2 Rayray 34:19-21.

w00 9/15 30 ¶2

Misapoeneray ci Yosiya, Milifokay to Pihayda ni Yihofa

O sikawdan ni Yosiya pakalingadan cingra tayra i Yirusalim militemoh to fafahiyan pairasolay ci Hultaan, ikor patikolay palihaf. palimoˈmotan ni Hulta to sikawdan pasowal to sowal ni Yihofa, paihakal to na mahelaay a cudad a sapadiing to mariyangay a Yutaya a kitakit. Kawra, wa cowa pakaˈaraw ci Yosiya toniya padiing mafekad, samanen, misapoeneray cingra i kaˈayaw no Kawas ci Yihofaan. Wa padipayalen no Kawas cingra ko nika pitadem, tahira i pitademan no lalitengan ngaˈ, patefaden koniya padiing.—2 Hongti 22:14-20; 2 Rayray 34:22-28.

Odoˈ no Sinael

w01 4/15 26 ¶3-4

Miremo to Tatiihay Pifiyor no Kaemangan a Tatokian

Soˈlilin, tatiih ko kalomahadan i kaemang ni Yosuwa, kawra midemakay cingra to matatodonay i pinengneng ni Yihofa. O pirikec ningra malaˈosiayto, saan ko Fangcalay Cudad: ‘I kaˈayaw ningra a hongtiti, awaay ko mahecaday cingranan midofdof to kihcod sarikec ni Mosian, misarocod to falocoˈ pinangan ato ˈicel pasayra ci Yihofaan; ikoran ningra, awaay ko mahaenay a hongti a mapatireng.’—2 Hongti 23:19-25.

Mahaenay ka adayayan a demak, mafekaday i ˈalomanay a kaemangay, kawra o miterekan ni Yosiya o ngaˈayay a taˈarawan, wa ngaˈay kita minanam to maanan? O manan ko mipadamaay ci Yosiyaan midemak to matatodongay, ato mitapo to moecelay lalan hani?

SAKA 1 FOLAD 9-15 ROMIˈAD

O ODOˈ KO KIMAD NO KAWAS | 2 HONGTI 24-25

“Ka Talipaˈelal!”

w01 2/15 12 ¶2

O Pisawkitan ni Yihofa a Romiˈad Mangataayto!

² O sapairasol ni Cifaniya, pahapinangay to kaemangayho a Yosiya, wa mifalah cingra to kaacekan pidoko. Kawra, o pidemak no hongti Yosiyaan cowa ka pakaemin palahdaw ko raraw no finawlan, cowaho pakatapid to fufu ni Manasi a raraw, samanen pakidemay ko raraw ni Manasi, na ‘milakisay to ˈirang no tamdaw, maˈedefay i Yirusalim.’ (2 Hongti 24:3, 4; 2 Rayray 34:3) Mansa, o sasawkit ni Yihofa a romiˈad wa iraira aca.

w07 3/15 11 ¶10

Kalimlaam no Yirimiya

ˈAayaw no Kongyen 607 miheca, i saka 11 miheca mala hongti ci Citikiya, 18 folad to maalikotto no Papilon hongti ci Nipukatinicar a sofitay ko Yirusalim. I saka 19 miheca mala hongti ci Nipukatinicar, saka 5 folad 7 romiˈad, mihimaway a tapang ci Nipucaratan tahiraay i Yirusalim. (2 Hongti 25:8) Halatek, nai papotalay no lowil ci Nipucaratan mihapinang, ato mihalaka, ikor no 3 romiˈad, i saka 5 folad 10 romiˈad, micomod to cingra i Yirusalim, mitodoh to Yirusalim.—Yirimiya 52:12, 13.

Odoˈ no Sinael

w05 8/1 12 ¶1

Kalimlaam no Saka 2 Hongti

24:3, 4. Pakayni ci Manasi pilakis to ˈirang no ˈorip, cowa ka kahi misodod ci Yihofa to Yutaya tamdaw, misakaretengay to Kawas ko ˈorip no tamdaw. Ngaˈayay pakasoˈlinen ita, wa sasawkiten ni Yihofa ko mariˈangay a tamdaw, palaˈafoen cangra, pacoˈay to mapalakisay ˈirang no tamdaw.—ˈOlic 37:9-11; 145:20.

SAKA 1 FOLAD 16-22 ROMIˈAD

O ODOˈ KO KIMAD NO KAWAS | 1 RAYRAY 1-3

“Cowa ko Tawcikel ko Fangcalay Cudad, Ao Soˈlinay a Likisi”

w09 9/1 14 ¶1

Ci Atam aci Ifa—O Soˈliˈlinay Materek Cangra Han?

Ilaenoay a sapatinako. 1 Rayray saka 1-9 fedengan ato Luka saka 3 fedengan maˈonigay to kadadoedo no Yutaya a tamdaw, oniyan tosa kadadoedoan a cudad tada masolingaˈay matilid, maˈonigay ko 48 a rayaray ato 75 a rayray a ngangan. Ni Luka a miˈonigan o ni Yisan lalomaˈan a rayray, ono saka 1 Rayray a cudad miˈonigay to kasa hongti a ngasaw no Israil ato lalomaˈan no saysi a rayaray. Oniya tosa a lalomaˈan a rayray miˈoningay to kafanaˈan no ˈalomanay a ngangan, tinakoen, ci Solomon, Tafiti, Yakop, Isak, Apraham, Nowa aci Atam. O maˈonigay no rayaray sahto o soˈlinay a tamdaw, mikitiniay ci Ataman a misatapang.

w08 6/1 3 ¶4

Ci Nowa ato Taˈangayay Lenlen O Soˈlinay a Mifekad, Cowa ko Tawcikel

Ya tatosaay a lalomaˈ rayaray no Fangcalay Cudad, o soˈlinay tamdaw ci Nowa, (1 Rayray 1:4; Loka 3:36) O ci Icra aci Luka ko miˈonigay, misolingaˈan nangra mikinkiw ko lalakaw. Mitilidan ni Luka a lalomaˈan rayaray paihkalayto o lalitengan ni Yis ci Nowa.

w09 9/1 14-15

Ci Atam aci Ifa— O Soˈliˈlinay Materek Cangra Han?

Hadaken ko micadaan no ˈalomanay Krisciyang misalimlaan a kimad no Fangcalay Cudad a tinakoan. Saan ko sowal no Fangcalay Cudad titaanan, i fafekangho no sera ci Yis Kristo mikinafalah to malefotay a ˈorip mala sapatefoc, o sapilidongaw to tamdaw miliyas mara kori no raraw. (Matay 20:28; Yohani 3:16) Kalo a sowal i, o sapatefoc hananay o sapitefocaw to malahdaway a dafong a tatodong. Sowal no Fangcalay Cudad ‘mala royaroyay a saptefoc’ ni Yis. (1 Timoti 2:6) O manan ko saka royaroy hani? Sowal no Fangcalay Cudad: ‘pakayni ci Ataman i, mapatayay maemin ko tamdaw, pakayni ci Kristoan i, wa miliyaw maˈorip ko tamdamdaw noikor.’ (1 Korinto 15:22) O sapatefoc ni Yis, o sapilidongaw to paka soˈlinay cingraanan a tamdaw a kinafahan to malefotay a ˈorip, o mala royaroyay to na malahdaway a malefotay ˈorip ni Atam i Itin. (Loma 5:12) Ano awaay ci Atam i, o sapatefoc ni Yis wa awaayto ko epoepoc.

Odoˈ no Sinael

it-1 911 ¶3-4

Rayray no Lalomaˈan

Ngangan no Fafahiyanan. Sapitatadaw to likisi, nolatekay i kadadoedo no rayaray masadakay ko pina ngangan no fafahiyan. Tinakoen i Satapang 11:29, 30 masowalay ci Saray (Sara), paihkalay konini, mihayian a teloc wa pakayni cingranan cowa ko papakayni i roma fafahi ni Apraham; oniya maˈoningay masowalay ci Milka, halatek o fofo ni Ripika (fafahi ni Isak) ko misowalan, misahatiraay i, o salawina ni Ripika ci Aplaham, samanen coka ngaˈay misafafahi ci Isak to alafan. (Satapangan 22:20-23; 24:2-4) I Satapangan 25:1 ya miˈoningan a roma fafahi ni Apraham ci Kitura, halatek sapitadtadaw to mapatay ci Sara ikora i, miliyaway ci fafahi ci Apraham, patikolanho ni Yihofa ko saka ci wawaaw a ˈicel, ikor no 40 miheca, citelocayho ci Apraham. (Loma 4:19; Satapangan 24:67; 25:20) Oninian mitadtaday to kalalaˈed no Israil ato Mitiyan ato kasangasaw no Arapiya.

Ci Liya, ci Rakil ato roma fafahifahi ni Yakop, ato misofocan nangra a wawawawa, ci nganganay i lalomaˈ no kadadoedo nangra. (Satapangan 35:21-26) O saka pakafanaˈaw to tamdaw, misamaan ko Kawas micada to wawawawa nangra. Mahecaday, i kadadoedo no maˈoningay masadakay ko pinapina ngangan no fafahiyan, tinakoen, ano o fafahian wawa ko mamicada to hafay no wama, wa maˈoning ko ngangan nangra.

SAKA 1 FOLAD 23-29 ROMIˈAD

O ODOˈ KO KIMAD NO KAWAS | 1 RAYRAY 4-6

“Mitolon Paihkalay to O Masamaanay a Tamdaw Kiso?”

w10 10/1 23 ¶3-7

‘Mitengilay to satolon a Tatapangan’

Maceriday ci Yapic mitolon to Kawas. Maˈonigay i saka 1 Rayray a satolon ningra to Kawas, salakatay cingra micangacang to sapalemed no Kawas, ikor tano pakasoˈlinay falocoˈ micangacang to tolo a demak.

Salakat, micangacangay ci Yapic to Kawas micowat to pala ningra. (Saka 10 sinael) O moecelay tamdaw ci Yapic, mikangodoan no tamdaw, cowa ko maˈanofay to sapiˈafasaw to pala no finawlan. Misakaretengan ningra misaali a dafong, alatek milingatay to tamdaw cowa ko pala. Alatek micangacang cingra to Kawas tano dipayalay a pakayraan micowat to pala, ho ˈaloman ko kitiraan no midokoay to soˈlinay Kawas a tamdaw.

Saka tosa micangacangan ni Yapic, kalacafay ko kamay no Kawas cingranan. Maceriday ko kamay no Kawas, tano fangcalay saocor Ningra a padama to midokoay Cingranan a tamdaw. (1 Rayray 29:12) Sapalaˈosiaw to misaalian no niyah, pakasoˈlinay ci Yapic to Kawas. Pakasoˈlinayho to cowa ka sokeden no Kawas ko kamay ningra, wa padama Cingra to mitiˈeray Cingranan a tamdaw.—Isaya 59:1.

Saka tolo, micangacangay ci Yapic to Kawas midipot cingranan, ‘eca ka tahalifa to pades eca ka dokaˈ’. Tatodong no ‘Eca ka dokaˈ’ i, o maharatengay ningra cowa ko sapiliyasaw to pades, ao masiˈayaw ko mikariˈangay a demak, eca ka pakidem ko somad a matoled.

Itini i satolon ni Yapic mahapinang, ciharatengay cingra to matatodongay pidoko, hanaca mitiˈeray ci Yihofaan, pakasoˈlin mitengilay to satolon a Tatapangan Cingra. Samaanan pacaˈof ni Yihofa ci Yapic? Salikoray a sowal no sinael, ‘pacaˈofan no Kawas ko saali ningra.’

Odoˈ no Sinael

w05 10/1 9 ¶7

Kalimlaan no Saka 1 Rayray

5:10, 18-22. I lintad ni Sawlo, kawali no Yortan ˈalo a ngasaw kalitosaay no Hakri a tamdaw ka ˈaloman, kawra malowiday nangra ko Hakri a tamdaw. Samanen sufitay nangra pakasoˈlinay ci Yihofaan, mitiˈer to sapadama Ningra. Aninito i, itini i no ˈadingoan folaw, masiˈayaw ko taˈangayay ˈada i, kamayan misarocod mitiˈer ci Yihofaan.—Ifiso 6:10-17.

SAKA 1 FOLAD 30– SAKA 2 FOLAD 5 ROMIˈAD

O ODOˈ KO KIMAD NO KAWAS| 1 RAYRAY 7-9

“Wa Padamaen ni Yihofa Kiso a Palaˈosi”

w05 10/1 9 ¶8

Kalimlaan no Saka 1 Rayray

9:26, 27. O mikacaway no Lifi ngasaw a tamdaw, macorcoray to kalimalaan a ˈinorong, milosimet to safawah no sacomod no fangcalay sefi. I matatodongay a toki mifawah to fawahan, paihkalay to ngaˈayay tiˈeren ko niyah. Anini i, manilnilay kita itini i kilac milisoˈ padama to tamdaw, midoko ci Yihofaan. Mahecad to mikacaway no Lifi a tadmaw paihkal to ngaˈayay tiˈeren ko niyah han?

w11 9/15 32 ¶7

Misiˈayaw to Pasangaray i, Wa Mitodong Kiso Ci Finihasan Han?

O ciˈinorongay i Israil ci Finihas. Samanen timoloay citaneng cipinang to demak, mitiˈer to Kawas a pakaremo to pasangar cingra. Misaˈicelay ci Finihas midipot to kasakopang no Kawas, pakahemekay ci Yihofaan. Ikor no cimaˈol miheca, maˈoningay ni Icra: ‘Salakat mikeridan no wawa ni Iliyacar ci Finihas cangra, kalacafayan ni Yihofa ci Finihas.’ (1 Rayray 9:20) Anini nanay kalacafayen ni Yihofa ko mikeriday to finawlan a salikaka ato madimadiay a Krisciyang.

Odoˈ no Sinael

w10 12/15 21 ¶6

Pakahemeken ci Yihofa!

⁶ Mihaenay, pakaynian ni Yihofa i pairasolay mikayat to finawlan moradiw pakahemek i pidokoan. O moradiway cowato ka ciˈinorong to tayal no Lifi a tamdaw. Mihaen, wa ira ko hatoki nangra misangaˈ to radiw ato mihatatanam—1 Rayray 9:33.

SAKA 2 FOLAD 6-12 ROMIˈAD

O ODOˈ KO KIMAD NO KAWAS | 1 RAYRAY 10-12

“Mahemek a Mitodong to Araaw no Kawas a Dademak”

w12 11/15 6 ¶12-13

‘Nanay Pasifanaˈen Iso Kako to Araaw Iso’

¹² Cipinangay ci Tafiti to tatodong no Rikec ni Mosi, hanaca misaˈicelay midofdof, tada o taˈarawan no mita minanam. Na mihadakay ci Tafiti to nafalocoˈan, sapinanomaw ‘to nanom i tatihi no fawahan no Piclihim niyaroˈ.’ Matengil no tatolo sikawdan ni Tafiti, tayraay i malikotay no Filistin sufitay niyaroˈ a miladom pananom ci Tafitian. Kawra ‘cowa ka nanomen ni Tafiti, taktakan ningra a pafeli ci Yihofa.’ Misamaanay hani? Sowal ni Tafiti: ‘Kawasaw, cowa ko nananomen ako! O kinafalahan nangra ko ˈorip a miladom. Nanom han ako koniya nanom, mahecaday to minanomay to ˈirang nangra han?’ —1 Rayray11:15-19.

¹³ Cipinangay ci Tafiti to Rikec ni Mosi, cowa ka ngaˈay komaen to ˈirang, taktaken pafeli ci Yihofa. Mafanaˈay cingra hano haenen ko demak, ‘samanen o ˈorip no pinaˈorip itiniay i ˈirang.’ Kawra o mipanokayan no tatolo sikawdan o nanom cowa ko ˈirang, hano caka nanomen ni Tafiti hani? Samanen cipinangay ci Tafiti to safalod no rikec. O harateng ningra, ora miladoman a nanom mahecaday to kalimlaan a ˈirang noya tatoloay, hano ngaˈay nanomen ningra hani? Mihaenay ko pitaktak ni Tafiti to nanom i sera.—Lifi 17:11; Limoˈot 12:23, 24.

w18.06 17 ¶5-6

Tano Sarikec ato Safalod no Kawas Pahatatanam to Makapahay Falocoˈ

⁵ Ano sapilayapaw to sadama no sarikec no Kawas i, cowa ko piˈosi aca to Fangcalay Cudad anca mananam to lalakaw no sinael, wa palahadho kita to maolahay ato mikangodoay to Fangcaly Cudad a falocoˈ. Amos 5:15 sanay: ‘Kaˈitehen ko tatiihay. Kaolahen ko ngaˈayay a demak.’ Sasamaan a matoor konini hani? Wa minanam kita tano ni Yihofa a harateng a minengneng to demak. Patinakoen: Marariday cowa ka ngaˈay ko fotiˈ iso paˈaraw to ising, sasalofen no ising ko mikaenan ato pakayraan iso a maˈorip, mararid a miwiˈawiˈ to tireng. Tooren iso ko sapaini no ising a midemak, ikor ngaˈayay ko minaroˈan, coko miakoˈid kiso to ising padama tisowanan ngaˈayto ko kaˈorip han.

⁶ Mahecaday toni, pafeliay ko misangaˈay Tatapangan to sarikec Ningra, padama kitaanan miliyas to sakararawaw a macada ko roray, halo pisalof to kaˈorip no mita. Doedoen ita ko limoˈot no Fangcalay Cudad, eca ka mangah, eca ka pitakaw, eca ka pisaˈfit a midokaˈ to tamdaw, miliyasho to mariˈangay, miangangay ato malafoay a madadiˈiyay, mihaen o papairato taˈangayay saka ciepoc no mita! (ˈOsien ko Taneng 16-19; Paˈarawan 21:8) Tooren ita ko kahemekan ni Yihofa a pakayraan dademak, malifok ko adihayay sapalemed, wa matongal ko piakoˈid to nika pafeli ni Yihofa to sarikec, wa matongal ko kaolah ci Yihofaan ato sarikec Ningra.

Odoˈ no Sinael

it-1 1058 ¶5-6

Falocoˈ

‘Sarocoden’ midoko ko Kawas Matatodong ko rakat no falocoˈ ngaˈ ciepoc ko tireng, kawra o harateng i falocoˈ iraay ko kacangoˈotan. Mitolon ci Tafiti to Kawas: ‘Papisarocoden ko falocoˈ ako a mikangodo to ngangan Iso.’ Paihkalay koni to kaolahan no falocoˈ ato mikangodoan cowa ka cecay aca. (ˈOlic 86:11) Mahaenay a tamdaw, tosaay ko harateng, falafaay ko pidoko to Kawas. (ˈOlic 119:113; Paˈarawan 3:16) Alatek tosaay ko nafalocoˈan no tamdaw (tatodong i tosaay ko harateng), tosaay ko midokoan a tawki, cowa ka hecad to falocoˈ ko midemakan. (1Rayray 12:33; ˈOlic 12:2) Pakidemay ko pirikec ni Yis to cisasaay ko harateng makaniw ko midemakan a tamdaw.—Matay 15:7, 8.

Sapicadaaw to pihayda no Kawas, cowa ka ngaˈay cisasa mihatosa to falocoˈ ko tamdaw, ao sarocoden midoko ko Kawas. (1 Rayray 28:9) Mihaen iraay ko makaniw mariˈangay a harateng no tamdaw, mansa mamisaˈicel ngaˈ ngaˈay misarocod midoko to Kawas. (Yirimiya 17:9, 10; Satapang 8:21) O pakayraan sapisarocodaw to falocoˈ i, mahawpay ko nafalocoˈan a mitolon (ˈOlic 119:145; Radiw no mararomay 3:41), ceriden miˈosi ko Fangcalay Cudad, (Icra 7:10; Taneng 15:28), fanekfeken a mitosil (nengnengen palalinien Yirimiya 20:9), ato kalacafay to misarocoday midoko ci Yihofaan a tamdaw.—Nengnengen palalinien 2 Hongti 10:15, 16.

SAKA 2 FOLAD 13-19 ROMIˈAD

O ODOˈ KO KIMAD NO KAWAS | 1 RAYRAY 13-16

“Mitengil to Sakayat no Kawas Ngaˈ Malaˈosi”

w03 5/1 10-11

Marariday Kiso Milicay ‘Icowaay Ci Yihofa’ Han?

¹² Mapanokay ko katatelekan a lipa i Israil, pinaay miheca mateliay i Kiriyat Yiarim. Sapipanokayaw ci Tafiti patayra i Yirusalim to katatelekan a lipa, malalengoay to ˈalomanay a ˈaˈideman, ano mihayi cangra a mahemek ci Yihofa i, wa linahento ko katatelekan a lipa. Kawra, cowa pilicay ci Tafiti to Kawas, teloc mararawayto. Sowal ni Tafiti: ‘Mangolaway ko Kawas ita ci Yihofa, miodis kitanan, samanen cowa ka midofdof kita to araaw Ningra a micangacang.’—1 Rayray 13:1-3; 15:11-13; Saˈosi 4:4-6, 15; 7:1-9.

w03 5/1 11 ¶13

Marariday Kiso Milicay ‘Icowaay Ci Yihofa’ Han?

¹³ Salikor, o Lifi a tamdaw ko mililiday to katatelekan a lipa mikitini Opit Itom patayra i Yirusalim. Mitilidan ni Tafiti ko ˈOlic, papiradiw ko tamdaw. Patalipaeˈlalay to tamdaw koni a radiw: ‘Cangacangen ci Yihofa ato ˈicel Ningra, ceriden mingitangit ko sidaˈit Ningra. Haratengen namo ko kasapaan a demak Ningra, ato kafahkaan ato nisowalan a sasawkit.’—1 Rayray 16:11, 12.

Odoˈ no Sinael

w14 1/15 10 ¶14

Midoko to Midaˈocay a Hongti Ci Yihofaan

¹⁴ Ocoran ni Tafiti ko tamdaw papililid to katatelekan a lipa patayra i Yirusalim. Kahemekan a demak koni, tano radiwan no Lifi a tamdaw pakahemek ci Yihofa, sinanoten ko radiw, maˈoningay i saka 1 Rayray 16:31: ‘Lasilen ko kalo a kitakit: “Mala Hongtiay to ci Yihofa!”’ alatek sa kiso a milicay: ‘Hano i lintad ni Tafiti mala Hongti ci Yihofa hani? Coko midaˈocay a Hongti Cingra han?’ Mala Hongti ci Yihofa sa, tano roma pakayraan misakadademak to fadangalan a mikowan, o roma i, minilnilan Ningra ko tamdaw i cecay a liyad mikotay Cingranan, anca palaˈosi to demak Ningra. Tano mahaenay pakayraan paihkal to fadangalan ci Yihofa, iraay ko kalimlaan a tatodong. ˈAyaw no patay ni Tafiti, mikiˈokay ci Yihofa to tahadaˈoc materek ko kitakit ningra: ‘Wa patirengen no mako padadotoc ko teloteloc iso, patanekteken Ako ko hongti kitakit ningra.’ (2 Samuil 7:12, 13) Ikor no cimaˈol miheca, mikiˈokay ko Kawas aira ko teloc ni Tafiti. O cima hani? Wa ihacowa cingra mala hongti hani?

SAKA 2 FOLAD 20-26 ROMIˈAD

O ODOˈ KO KIMAD NO KAWAS | 1 RAYRAY 17-19

“Maintain Your Joy Despite Disappointments”

w06 7/15 19 ¶1

Adihayen ko Piharateng to Pairaan no Likakawa Ni Yihofa a Sapalemed

I maroroday no Hipray a Fangcalay Cudad, o mikiriwiˈay a tamdaw i nolitengan no Israil ci Tafiti. Mafanaˈayto raradiwen, nao pakaenay, o pairasolay, o hongtiho, hanaca misarocoday mitiˈer ci Yihofaan. Tangongolay ko olah ni Tafiti ci Yihofaan, sapipatirengaw to fangcalay sefi, malo matatodongay pidokoan no Israil tamdaw. Mafanaˈay ci Tafiti to limasmas to fangcalay sefi wa ciepoc to finawlan no Kawas, a mahemek cangra, mansa paradiw cingra to Kawas sanay: ‘Mipiliˈan Iso a tamdaw mamiingid Tisowanan, maroˈ i paputal no Miso, iraay ko sapalemed. Itini kami i lomaˈ Iso milifok to sakarahker a mafocor a merenec.’—ˈOlic 65:4.

w21.08 22-23 ¶11

Itini Katayalan Nohatini Mahela ko Lipahak

¹¹ Malecaday, misarocod to falocoˈ kita midemak to sapatorod a tayal, wa matongal ko lipahak a matayal. Misamacay ko harateng mirienang to mitosilay, misaˈicelho matayal saki salikaka. (Dmak 18:5; Hipray 10:24, 25) Misaday kiso to lalakaw no saˈopo, wa ngaˈay mihadak to pakalalokay to tamdaw a sapacaˈof. Misarocod a misaday to kamok i pihatatanaman. Ano mitahidang ko malohemay malitengay papidemak tisowanan, tooren ko toki milahci, malo ngaˈayay tadiˈecen a tamdaw. Aka miharateng to cowa ko kalimlaan ko roma demak, cowa ka ngaˈay mipalak to toki midemak, wa misaˈicel ko niyah pacakat to inaneng a matayal. (Taneng  22:29) Ano misamacay kiso matayal saki Yihofaan, wa matongal ko kacakat, wa matongal ko lipahak no niyah. (Kalatiya 6:4) Ano maˈaraw ko tao milifok to kaolahan iso a tayal i, patadoen cingra a mahemek.—Loma 12:15; Kalatiya 5:26.

Odoˈ no Sinael

w20.02 12

Tangongolay ko Olah Ita to Kakarayan Wama ci Yihofaan

Wa Misikol ci Yihofa Takowanan Han?

Pinaay poloˈ a ok ko tamdaw toni hekal, hano misikol ci Yihofa takowanan hani?” Na mahaenay ko harateng iso han? ˈAlomanay tamdaw mahaenay ko harateng. Sanay ko sowal ni Tafiti: ‘Yihofaaw, o sapimaan ko tamdaw, hano sikolen Iso cingra? O sapimaan ko tamdaw, hano dipoten Iso cingra?’ (ˈOlic 144:3) Pakasoˈlinay ci Tafiti to cipinangay ci Yihofa to niyah. (1 Rayray 17:16-18) Anini, pakaynian ni Yihofa i Kimad ato likakawa Ningra padama kitaanan pakasoˈlin, oha mamisikol Cingra to paihkalan ita a olah Cingraanan. O laenoay sinael wa misawacay tonini.

• ˈAyaw no hofocen kiso misikolayto ci Yihofa tisowanan.—ˈOlic 139:16.

• Mafanaˈay ci Yihofa to harateng ato nafalocoˈan ita.​—1 Rayray 28:9.

• Mitengilan ni Yihofa ko kahacecay a satolon ita.​—ˈOlic 65:2.

• Wa pakayni nano demak iso a mahemek ci Yihofa.—Taneng 27:11.

• Ci Yihofa ko misolotay tisowanan a mafanaˈ Cingraanan.—Yohani 6:44.

• Tada cipinangay ci Yihofa tisowanan, soˈlin mapatay kiso, wa ngaˈay patikolen Ningra paˈorip kiso. Wa safaelohen Ningra ko tireng iso misangaˈ, patikol to naharatengan iso, miterek to capeling ato nanaman iso.​—Yohani 11:21-26, 39-44; Dmak 24:15.

SAKA 2 FOLAD 27– SAKA 3 FOLAD 5 ROMIˈAD

O ODOˈ KO KIMAD NO KAWAS | 1 RAYRAY 20-22

“Padamaen ko Kaemangay Padadotoc a Macakat”

w17.01 29 ¶8

‘Patoroden ko Tayal i Madimadiay a Tamdaw’

⁸ ˈOsien ko 1 Raray 22:5. Saan alatek ko harateng ni Tafiti, ‘wa tadamaan a mapatireng’ ko fangcalay sefi, kawra, kaemangayho ci Solomon, awaay ko nalifetan, alatek cowa ko papakafilo mikerid to patirengay tayal. Kawra, pakasoˈlinay ci Tafiti to papadamaen ni Yihofa ci Solomon, wa ira ko ˈicel palaˈosi toniya tayal. Soˈlin cowa ko ci Tafiti ko papatireng to fangcalay sefi, kawra misaˈicelay padama ci Solomonan misaday to adihayay a cayliysaw.

w17.01 29 ¶7

‘Patoroden ko Tayal i Madimadiay a Tamdaw’

⁷ Midamaay ci Tafiti to patirengay to fangacalay sefi a tayal, soˈlin cowa ko cingra ko papatireng, cowa ka masomad a matoled. Ikor oniya fangcalay sefi oni Solomon a fangcalay sefi hananay no tamdaw. Alatek wa masomad ci Tafiti to cowa ko cingra papatireng, kawra misaˈicelay a padama to patirengay tayal. Fanekfekay milikakawa to mamatayal a tamdaw, misaday to sapatireng a ekim likim fodawan ato caleng a kilang. Cowa konini aca, pakalalokan ni Tafiti ci Solomon: ‘Wawaaw ako, nanay kalacafayen ni Yihofa kiso, midofdof to masowalay Ningra a midemak, ngaˈay ko lingad no demak iso, patireng to fangcalay sefi no Kawas iso ci Yihofa.’—1 Rayray 22:11, 14-16.

w18.03 11-12 ¶14-15

Padamaay Kiso to Wawa Tahira i Picadaan to Inoˈ Han?

¹⁴ O malohemay malitengay no kasakopang, wa ngaˈay padama to wama wina pakalalok to wawa a macakat. O malohemay malitengay o noˈadingoan a pakaenay, tano tawlikay a sowal milengo to ngangaˈay patireng to maanan a patosokan dademak ci Yihofaan. O cecay fafahiyan salikaka milomal to noka sasowal aci Cares Losoan i enemho ko mihecaan, sanay: “Palakan ningra ko 15 ehon masasowal takowanan to noˈadingoan a patosokan ako.” Ora kasasowal samaanay ko pitemer toniya fafahiyan salikaka hani? Ikorto mataˈlifay ko 70 miheca a misakafah cingra. Mihaenay, tawlikay a sasowalen ato pakalalokay a sowal tangongolay ko pitemer to cecay tamdaw. (Taneng  25:11) Wa ngaˈay papirienangen no malohemay malitengay ko wama wina malacafay to wawa to patirengay to kasaˈopoan a tayal, tooren ko mihecaan ato ˈicel no wawa palilam to tayal cangraanan.

¹⁵ O romaroma salikaka i kasakopang, wa ngaˈay misamaan ciharateng to kaemangay tamdaw, macakat i noˈadingoan hani? Mahapinangay iso ko kaemangay i kasakopang, miceriday misongilaˈa micekiw, hato ngaˈayay pacaˈof to salicay i kasaˈopoan, ato mirieneng to mitosilay ato kaˈorip a saˈopo han? Ano mapalifet cangra mitafoay to madimadi ato misaka dademak to toki a misawacay i picudadan hokira? Ano maˈaraw iso ko ngaˈayay a waywayan no kaemangay, tangsolen a pakahemek cangra. Ngaˈayay patirengen ita ko patosokan, iˈayaw ato hererek no saˈopo masasowal to kaemangay, kifalocoˈa ciharateng cangranan. Ano mihaen ko demak ita, o masalalomaˈay no kasakopang ko niyah wasaan ko kaemangay miharateng.​—ˈOlic 35:18.

Odoˈ no Sinael

w05 10/1 11 ¶6

Kalimlaan no Saka 1 Rayray

21:13-15. Siniˈadaay ci Yihofa pakaˈaraw to finawlan Ningra taharoray, mansa ocoran Ningra ko coyoh patomerep to pades. ‘O matomesay ko sidaˈit’ ni Yihofa.