Pinengnengan to Lalakaw no Mitosilay ato Nikaˈorip Rayray no Saˈopo
© 2023 Watch Tower Bible and Tract Society of Pennsylvania
SAKA 5 FOLAD 1-7 ROMIˈAD
O ODOˈ KO KIMAD NO KAWAS | 2 RAYRAY 17-19
“Tano Harateng ni Yihofa ko Pinengneng to Tao”
w17.03-CH 24 fiedac 7 fatac
Wa Kifalocoˈen Iso Misinanot Ko Matiliday i Fangcalay Cudad a Sowal Han?
7 Mikitini ci Yihosafatan wawa ni Asa, mamananam ita ko maanan hani? Ci Yihosafat adihayay ko makapahay a capeling, mitiˈeray cingra to Kawas a midemak to adihayay a demak, kawra midemakay cingra to caay citaneng a saˈosi. Tinakoen, pararamodan ningra ko wawa ato wawa noya mariˈangay a Ahapan. O roma i, soˈlinto paliˈayawan no pairasolay ci Mikaya a pasowal ci Yihosafat, cowa pisikor cingra a malacafay ci Ahapan a milood to Siriya tamdaw. Mangata mapatay i kalaloodan ci Yihosafat, ikor rihadayay a minokay i Yirusalim. (2 Rayray 18:1-32) Pasowal han ni Yihu ya pairasolay cingra: ‘Mana ngaˈay mipadang kiso to mariˈangay a tamdaw, maolah to ˈintehay ci Yihofaan a tamdaw saw?’—ˈOsien ko 2 Rayray 19:1-3.
w15-CH 8/15 11-12 fiedac 8-9 fatac
Simsimen ko Midaˈocay Olah ni Yihofa
8 Sapipadamaaw ci Yihofa cipinang kita to ˈangongolay ko olah Ningra kitanan, miceriday misinanot to kangaˈayan no mita, ao cowa ko patelac ita. (2 Rayray 16:9) Sanay yaca nengnengen ita, samaanay ci Yihofa tano tawlikay a pinengneng ci Yihosafatan hongti no Yuta. Midemakay ci Yihosafat to cecay mararaway a saˈosi, mipadang ci Ahapan hongti no Israil, tayra i Ramot no Kiliyat a milood to Siriya tamaw. 400 a makaniway mipairasolay pasowal toya mariˈangay a Ahapan, to mamalowid ningra ko lalood. ˈArawhan ci Mikaya ya soˈlinay pairasolay ni Yihofa pasowal ci Yihosafatan aci Ahapan, o mamapadik cangra sanay. Ikor mahaenay ko teloc no demak. Mapatay ci Ahap i piloodan, maˈorip ci Yihosafat. Mahererek ko lalood i, ocoren ni Yihofa ci Yihu miˈaraw ci Yihosafatan, mitoroˈ to noka raraw ningra. Soˈliˈlin hatira, pasowalan ni Yihu ci Yihosafat, cowa ka mapawan no Kawas to iraayho ko kangaˈayan ningra.—2 Rayray 18:4, 5, 18-22, 33, 34; 19:1-3.
9 Isaˈayaˈayaw no pikowan ni Yihosafat, ocoran ningra ko kakeridan no finawlan, Lifi tamdaw ato saysi tayra i niyaroˈaroˈan a pasifanaˈ to sarikec no Kawas i finawlan. Tada malaˈosiay ko demak nangra, ano oyato a romaroma kitakit a tamdaw misatapangayto midoko ci Yihofaan. (2 Rayray 17:3-10) Soˈliˈlin ikor mararaway ko demak ni Yihosafat, kawra cowa ka mapawan ni Yihofa ko ˈayaway a pidoko ningra ci Yihofaan. Onini maˈoningay dahemhemay ko falocoˈ ita. Soˈlin nolatekay mararaway kita, kawra ano padadotoc a misarocod kita mihodop ci Yihofaan i, o mamidaˈoc a maolah Cingra kitaanan, cowa ko mamapawan Ningra ko nano demak ita i Cingranan.
Odoˈ no Sinael
w17.03-CH 20 fiedac 10-11 fatac
Sarocoden ko Falocoˈ Midoko ci Yihofaan!
10 Ci Yihosafat wawa ni Asa padadotocay a mitodong to ‘wama ci Asaan.’ (2 Rayray 20:31, 32) Samaanay ko demak ni Yihosafat hani? Pakalalokan ningra ko finawlan mikilim ci Yihofaan. Na miocoray cingra to papinapina faˈinayan mihawikid to ‘Rikec a cudad ni Yihofa’, tayra i taˈangayay niyaroˈaroˈ no Yuta pasifanaˈ to tamdaw. (2 Rayray 17:7-10) Tayraay haca cingra i lotolotokan no Ifraim, mikayat to itiraay a Israil tamdaw ‘papinokay i ci Yihofaan.’ (2 Rayray 19:4) Ci Yihosafat soˈlinay o ‘misarocoday a midoko ci Yihofaan’ a hongti.—2 Rayray 22:9.
11 Anini, ngangaˈay kita misaˈicel a padama to tamdaw minokay pasayra ci Yihofaan. Iraay ko patosokan iso, to folafolad masadak a mitosil, padama to tamdaw mafanaˈ to kimad no Kawas, mitanam a mitemer to falocoˈ nangra han? Ano misarocod kiso a midemak i, papalemeden ni Yihofa kiso, alatek mahelato iso ko pacekiwan a tamdaw. Iraay ko mahaenay a patosokan iso halo mitolon pakayni toninian a demak han? Makalimay kiso sapipadamaaw to tamdaw minanam to Fangcalay Cudad, mipalak to toki no niyah han? O roma i, mahaen ci Yihosafatan tayra i lotolotokan no Ifraim padama to itiraay tamdaw miliyaw a midoko to Kawas, ngangaˈay kita padama to mihawadayto mitosil a tamdaw milikat to olah nangra to Kawas. O malohemay malitengay ngaˈayay limasmasen, milisoˈ ato padama to mafalahay a tamdaw, alatek cowa ito pidemak cangra to mararaway a demak.
SAKA 5 FOLAD 8-14 ROMIˈAD
O ODOˈ KO KIMAD NO KAWAS | 2 RAYRAY 20-21
“Pairaen ko Pakasoˈlinay Falocoˈ ci Yihofaan”
w14-CH 12/15 23 fiedac 8 fatac
Malacafay a Misiˈayaw to Pihererekan Romiˈad Nonini Hekal
8 Itini i lintad no hongti ci Yihosafat, tahasiˈayaway to ciˈicelay ˈada ko finawlan no Kawas, samanen iraay ko ˈalomanay sofitay naitini i fiyaw kitakit a milood cangranan. (2 Rayray 20:1, 2) Sikawdan no Kawas o niyah a ˈicel ko mitiˈeran a milowid to ˈada han? Cowa, pasayniay ci Yihofaan a micangacang to sapadama. (ˈOsien ko 2 Rayray 20:3, 4.) Saniyaniyah sanay cangra a micangacang han? Cowa. Sanay ko sowal no Fangcalay Cudad: ‘O finawlan no Yuta, mahawpay ko fafahi ato wawa nangra, ano o mimingayto a wawa, tomirengay maemin i kaˈayaw ni Yihofa.’ (2 Rayray 20:13) O finawlan no Kawas ano matoˈasayto kaemangayto mitawmecay to pasoˈlinay falocoˈ, malacafay a misaˈicel midofdof to sakayat ni Yihofa, hato midipotanto ni Yihofa cangra, pakalowid to ˈada. (2 Rayray 20:20-27) Nolitengan finawlan no Kawas makedecay a malacecay, misiˈayaw a miremo to pasangar, o ngaˈayay taˈarawan no mita cangra.
Faelohay Mararamod a Tamdaw—Ka Pisarocod Kamo Matayal Saki Yihofaan
7 Pakaynian ni Yihofa ci Yahaciilan a Lifi tamdaw pasowal ci Yihosafatan: ‘Ka tomireng i saaroˈan no niyah, minengneng sasamaan ci Yihofa milidong tamowanan.’ (2 Rayray 20:13-17) O mikiriwiˈay a pakayraan milood konini. Kawra cowa kono tamdaw a maharatengay konini, ao mikitiniay limoˈot ni Yihofa. Misarocoday ci Yihosafat mitadiˈec ci Yihofaan, mitooray a midemak. Mikerid cingra to finawlan misiˈayaw to ˈada i, o cima ko ikaˈayaway a tomireng hani? Cowa ko mapahatatanamay a sofitay, ao awaay ko lalosidan a romadiway. Cowa patoleden ni Yihofa ci Yihosafat, padamaan Ningra ci Yihosafat milowid to ˈada.—2 Rayray 20:18-23.
Odoˈ no Sinael
it-2-CH 1066 fiedac 4-5 fatac
Yohoram
Hongti ci Yohoram cowa pitodong to wama ci Yihosafatan romakat to moecelay a lalan, alatek iraay ko tatiihay noka pifiyor no fafahi ci Ataliya cingranan. (2 Hongti 8:18) Mipatayan no hongti ci Yohoram ko aenem faˈinayan safa ningra ato romaroma kakeridan, papiliyasayho to finawlan i ci Yihofaan, mitaˈong to makaniway kawas. (2 Rayray 21:1-6, 11-14) Itini lalintadan no pikowan no hongti ci Yohoram, mafodifoday ko lalomaˈ no kitakit ato papotal no kitakit. Saˈayaw mitowakangay ko Itom cingranan, ikor ci Lipna lomowaday a micoli to Yuta. (2 Hongti 8:20-22) Pairasolay ci Iliya patikami to hongti ci Yohoraman, mirikec cingranan, sowal sa: ‘Sasakaretengen ni Yihofa misetiˈ ko finawlan iso, wawa ato fafahi ato maamaan a dafong iso. O aadihay ko adada iso, ciadada tono tinaˈi adada, mangalef mangalef to romiˈamiˈad, tangasa kapowakan no tinaˈi iso.’—2 Rayray 21:12-15.
Onini kihcod a padiing soˈlinay a mafekad. Pasalatan ni Yihofa ko Arap ato Filistin tamdaw milood to Yuta, micepet a mihawikid to wawawawa ato fafahi ni Yohoram, o wawa ni Yohoram ci Ahaciya maˈosaway caay ka patay, tona o pakayniay noka tatelek no Kawas aci Tafiti to “hongti kitakit a katatelekan”, sapitooraw tonini katatelekan. ‘Ikor nonini a demak i, paadadaen ni Yihofa ci Yoram to tatiihay adada no tinaˈi.’ Ikor no tosa mihecaan, ‘powak sato a masadak ko tinaˈi, patay sato cingra tona misemsem to adada.’ Onini tatiihay a hongti salikor mahererekto kora mariˈangay a ˈorip ningra. Mapatay cingra, awaay ko mararomay a tamdaw i cingranan. Tademan no tamdaw cingra i niyaroˈ ni Tafiti, “nikawrira caay ka ino hongtian a patademan a tademen.” Wawa ningra ci Ahaciya ko midotocay a mala hongti.—2 Rayray 21:7, 16-20; 22:1; 1 Rayray 3:10, 11.
SAKA 5 FOLAD 15-21 ROMIˈAD
O ODOˈ KO KIMAD NO KAWAS | 2 RAYRAY 22-24
“Palifonan ni Yihofa ko Timoloay a Tamdaw”
w09-CH 4/1 24 fiedac 1-2 fatac
Tona Ciwidangay ci Yoas to Tatiihay Widang a Miliyas ci Yihofaan
ITINI i Yirusalim, toya kaitiraan no fangcalay sefi, na mafekaday ko katalawan a demak. Mapatay ko hongti ci Ahaciya to cowaho ka halafin, wina ningra ci Ataliya midemakay to kacekokan a demak. Mipatayan ni Ataliya ko polong a wawa ni Ahaciya, o fofofofo ningra cangra a maemin. Mafanaˈay kiso hano mihaen to demak cingra han?—Samanen miharatengay to sakala hongtiaw cingra, cowa sapidotocaw ko fofo ningra a mala hongti.
Nikawrira, cowa ka fanaˈ ci Ataliya to caay ka patay ko cecay a fofo ningra, ci Yoas ko ngangan ningra, itiya o engaengaho a wawa cingra. Sakafanaˈaw kiso to samaanay mapaˈorip ci Yoas han? Iraay ko cecay fayi ni Yoas ci Yihosipa ko ngangan, cingra ko paˈoripay ci Yoasan, simeden ningra i lalomaˈ no fangcalay sefi. Hano ngaˈay ci Yihosipa mihaen to demak sa i, samanen o sakakaay saysi ko faˈinay ningra ci Yihoyata. Cangra tatosa ko midipotay ci Yoasan, misimaw to sakarihaday ningra.
w09-CH 4/1 24 fiedac 3-5 fatac
Tona Ciwidangay ci Yoas to Tatiihay Widang a Miliyas ci Yihofaan
Ikor no enem mihecaan, palimekan i fangcalay sefi ci Yoas, awaay ko mafanaˈay a tamdaw. Itiya minanamay cingra to maamaan pakayniay sifanaˈ ni Yihofa ato rikec no Kawas. Tiya 7 ko mihecaan ni Yoas i, midemakayto ci Yihoyata, pala hongti cingranan. Samaanay kora demak hani? Fofo ni Yoas, oya mariˈangay a fafahi no hongti ci Ataliya samaanayto ko teloc hani? Sakafanaˈaw kiso han?
Itiya i, o hongti i Yirusalim ira:ayto ko misimaway to lalomaˈan no hongti a sofitay. Tahidangen ni Yihoyata ko sofitay, pasowal cangranan, o niyah ato fafahi na samaanay midipot toya engaengaho a wawa ni Ahaciya. Ikorto, pataynien ni Yihoyata i kaˈayaw no sofitay ci Yoas, maˈaraw nangra to o citodongay a hongti ci Yoas, mafanaˈto to sasamaan ko dotoc a demak.
Keridento ni Yihoyata pasadak ci Yoas, pakafongen cingra to tamohong no hongti, ikor mipaepa to kamay ko ˈalomanay, sowal sa: ‘Nanay midaˈoc ko hongti!’ ˈAlikoten no sofitay ci Yoas, midipot cingranan. Matengil ni Ataliya ko pilekal no ˈalomanay i papotal i, comikay a masadak sapicongedaw. Palimoˈot hanto ni Yihoyata ko tamdaw mipatay ci Ataliyaan, doedo hanto no sofitay a midemak.—2 Hongti 11:1-16.
it-1-CH 1056 fiedac 2 fatac
Mitadem, Patademan
Oya sakakaay saysi ci Yihoyata o madimadiay a tamdaw, mapatay cingra i, ‘tademan i niyaroˈ ni Tafiti, itira pitademan to hongti a tademen’, edengan o cowa ko lalomaˈan no hongti a tamdaw cingra, milifok to matiniay a mikiriwiˈay a fadangalan.—2 Rayray 24:15, 16.
Odoˈ no Sinael
it-2-CH 74 fiedac 12 fatac
Cikariya
12. Wawa ni Yihoyata ya sakakaay saysi. Mapatayto ci Yihoyata i, hongti ci Yoas mitengilay to mararaway sowal no tao, caayto pikihar to pakaynian ni Yihofa to pairasolay a sapalimoˈot, telocto i, miliyasay to matatodongay a pidoko. Pakideman ni Cikariya mirikec ko finawlan, kawra cowa pasasiyor cangra, nawhani mitekolan to fakeloh a mipatay cingra ipotal no fangcalay sefi, soˈliˈlin o pasadakan a salikaka ni Yoas ci Cikariya, patay hananay nangra cingra. (2 Rayray 22:11) ˈAyaw no mamapatay ci Cikariya, sanay pasowal cingra: ‘Nanay pakayni to nidemakan iso tefocen ni Yihofa kiso.’ Pacaˈofan no Kawas ko saali noya mipatayan a pairasolay, pakihateren a mapadik no Siriya ko Yuta, hanaca ci Yoas mapatayay no tatosa matayalay a tapang ningra, ‘toha sapatikoaw to nika pipatay ni Yoas to tadah no remes no wawa ni Yihoyata.’ O Kirisiya a 70 tamdaw a mihongyakan ato Latin sowal Fangcalay Cudad, pakayni to kapatay ni Yoas sanay ko sowal, ora miˈodisay to pipatay to wawa no sakakaay saysi ci Yihoyataan, o cecayay wawa ko midemakay sanay. Kawra o Masola ato Siriya sowal a Fangcalay Cudad, ora “wawa” sanay a tilid, o ˈalomanay tamdaw sanay, ano doedoen ko itiyaay a selangawan, o sapaihkalaw to wawa ni Yihoyata ci Cikariya, nao pairasolay ato saysi cingra, o tada citanengay ato timoloay, fangcalay ko waywayan a tamdaw.—2 Rayray 24:17-22, 25.
SAKA 5 FOLAD 22-28 ROMIˈAD
O ODOˈ KO KIMAD NO KAWAS | 2 RAYRAY 25-27
“Wa Adihay ko Sapafeli ni Yihofa i Kisowanan”
it-2-CH 1042 fiedac 7 fatac
Yihoas
Hongti ci Yihoas milayapay to 3,400 kongcin a lingkim no hongti no Yuta, pacaliwen to 10 ˈofad a sofitay no Israil, milood to Itom a tamdaw. Kawra, ‘o cecay tarokos no Kawas’ micongeday tonini makakapotay a demak, oranto i, papinokayan no hongti no Yuta ko sofitay no Israil. Soˈliˈlin malayapayto no Israil ko payci, kawra maketeran nanay to pipanokay cangranan, latek pakayniay ano malowid ko lood ikor, mamalayapho nangra ko adihayay a payci alatek, mankora patikolto cangra minokay tayra i kaetip i, misafelih a milood to niyaroˈaroˈ no Yuta, naitini i Samariya tangasa i Pit Horon, miˈafas to adihayay a dafong.—2 Rayray 25:6-10, 13.
Samaan ‘Milifet a Mihapinang’ to Kangaˈay ni Yihofa?
16 Makahi pakayni ci Yihofaan a kinafalah. Cowa ko mamifalah kita to kihcod kaolahan a dafong ngaˈ milifok to pihayda ni Yihofa. (Patnakay 5:19, 20) Kawra, ano pakayniay kanaˈay ita a kinafalah eca kakahi mitongal to tayal saki Cingranan, malecaday o patinakoan ni Yis a cihafayay mararaw ko demak. Oniya cihafayay o sinowayay aca a kaˈorip ko miharatengan, cowa piharateng to Kawas. (ˈOsien ko Luka 12:16-21.) Itini Frans cecay faˈinayan salikaka ci Kelisetian, sanay cingra: “Isalakat, cangoˈotay ko mihadakan ako pakayni ci Yihofaan ato paro no lomaˈ.” Ikor, misaˈosiay cingra ato fafahi malo misakafahay, o mamisawad to katayalan cangra ngaˈ malaˈosi koniya patosokan. Pakayni sakaˈorip, patirengay cangra to mimingay a kosi, patadoay to tao miasik, minanamay to kantangay kaˈorip. Ciepocay koniya kinafalah han? Sanay ci Kelisetian: “Nohatini matongalay ko kaolah niyam to mitosilay a tayal. Maˈaraw ko milisoˈan ato pacekiwan matongal ko kafanaˈ ci Yihofaan, tada palipahakay tamiyanan.”
Odoˈ no Sinael
w07-CH 12/15 10 fiedac 1-2 fatac
Iraay ko Noˈadingoan a Falocoˈ Iso Han?
CI UCIYA kaemangho, 16 ko mihecaan mala hongtiayto, mikowan to katimolay a Yuta kitakit. Mikitiniay ˈayaw no kongyen saka 9 hahekalan misatapang mikowan tangasa ˈayaw no kongyen saka 8 hahekalan, mataˈlifay ko 50 miheca ko pikowan. Kaemangho ci Uciya i, ‘midemakay to matatodongay a nengnengen ni Yihofa a demak.’ O cima ko ngaˈayay a pifiyor i cingranan, saka moecel ko rakat ningra hani? Sanay miˈoning ko Fangcalay Cudad: ‘Tiya maˈoripho ci Cikariya pasifanaˈan [ci Uciya] mangodo to Kawas, hato padadotocay cingra midoko to Kawas. Itira tora pidoko ningra ci Yihofaan a lalintadan, palemedan no Kawas cingra.’ —2 Rayray 26:1, 4, 5.
Edengan ora maˈoningay i fafekang, pakayni ci Cikariyaan cowa ka adihay ko kafanaˈan ita, edeng aca mafanaˈay to ngaˈayay a sinsi ni Uciya cingra. Tona ‘pasifanaˈay ci Uciyaan midoko to Kawas’, macadaay nonini kaemangay a hongti ko ngaˈayay a pifiyor, moecel ko pidemak. Sapitadtad to Fangcalay Cudad (no Padaka), ci Cikariya ‘tada cipinangay to Fangcalay Sowal, kadofahay ko noˈadingoan a milifetan, mafanaˈay a pasifanaˈ to tamdaw’ sanay. O cecay mikakingkiway to Fangcalay Cudad a tamdaw, pakayni ci Cikariyaan sanay ko sowal: “Tada cipinangay cingra to sapairasol . . . Tada o citanengay, midoko to Kawas, moecel ko demak. Ano nengnengen taˈangayay ko pifiyor ni Cikariya ci Uciyaan.”
SAKA 5 FOLAD 29–6 FOLAD 4 ROMIˈAD
O ODOˈ KO KIMAD NO KAWAS | 2 RAYRAY 28-29
“Ano Eca ka Patireng ko Wama Wina to Taˈarawan, Wa Kamayan Ngaˈay Kiso Midoko ci Yihofaan”
w16.02-CH 14 fiedac 8 fatac
Pasayni i Widang ni Yihofa a Minanam
8 Ci Hicikiya caay ka lecad ci Rucuan, itiniay i lalomaˈan no kitakit ni Yihofa a hofocen cingra. Kawra cowa ko polong tamdaw madimadi a midoko to Kawas, wama ni Hicikiya o cecay a tinakoan. Tada mariˈangay cingra, o hongti cingra ˈarawhan mitaˈongay to samiyay i fangcalay sefi ni Yihofa. Mipatay haca to wawa ningra o salikaka ni Hiciiya, todohen a mipatay cangra, malo sapatoˈaya to makaniway kawas. Mahaenay ko katatiih noka lomahad ni Hicikiya!—2 Hongti 16:2-4, 10-17; 2 Rayray 28:1-3.
w16.02-CH 15 fiedac 9-11 fatac
Pasayni i Widang ni Yihofa a Minanam
9 Mahaen ko noka tatiih no wama ni Hicikiya, lomahadto cingra i, nao aˈinteh to Kawas alatek. Anini, o malifaay no romaroma tamdaw cowa ka hatira ci Hicikiyaan a tatiih, kawra ano tahalifa cangra to pasangar i, iraay ko lalangian no niyah a ‘miroroh ci Yihofaan’ saan, ˈintehen to likakawa no Kawas. (Taneng 19:3) Pakasoˈlinay ko romaroma tamdaw, cowa ka ngaˈay ko kalomahan a lalomaˈan nangra, mansa mananam nangra ko tatiihay anoca mirocok to wama winaan a mararaw sanay. (Icikil 18:2, 3) Matatodongay ko mahaenay a harateng han?
10 Misawacayay ko hakelong noka ˈorip ni Hicikiya, mararaway ko mahaenay a harateng no tamdaw. Awaay ko lalangian ita ˈinteh to Kawas, samanen itini tonini mariˈangay a hekalan, o malifaay no tamdaw cowa ko Kawas ko pairaay. (Yopu 34:10) Manaokaniw, taˈangayay ko pifiyor no wama wina to wawa, latek ngaˈayay, latek tatiihay. (Taneng 22:6; Kolosay 3:21) Kawra o kalomahadan no tamdaw mamisaˈosi to hakelong noka ˈorip ningra cowa ka saan. Pafelian ni Yihofa ko kahacecay tamdaw to pasalatay noka piharateng, ngangaˈay kita sakadademaken konini kalimlaan a sapakaolah, misaˈosi to mamisamaan ato mamalo masamaanay tamdaw ko niyah. (Limoˈot 30:19) Samaanay ci Hicikiya sakadademak tonini a sapakaolah hani?
11 Soˈliˈlin tada o tatiihay a hongti no Yuta ko wama ni Hicikiya, kawra lomahadto ci Hicikiya i, o ngaˈayay a hongti cingra. (ˈOsien ko 2 Hongti 18:5, 6.) Miliyasay to tatiihay pifiyor no wama ci Hickiya, pasayra i romaroma ngaˈayay a taˈarawan a minanam. Itiyaay lalintadan a pairasolay, iraay ci Isaya, ci Mika aci Hosiya. Onini madimadiay a sikawdan milasilay to lihaf no Kawas, misaˈicelay minanam ci Hicikiya, paifalocoˈen ko sapatalipaˈelal ato sasalof ni Yihofa. Mihaenay haw i, misaˈicelay ci Hicikiya mifikel to pairaan no tatiihay wama a pasangar. Mikiemelay cingra midemak, mikorac to fangcalay sefi, pacakat to sapihepol to raraw no finawlan a sapatoˈaya, mipeleng to icowacowaay a samiyay. (2 Rayray 29:1-11, 18-24; 31:1) Kinacecayay, hongti no Siriya ci Sinakirip sapiloodaw to Yirusalim. Tahasiˈayaw ci Hicikiya to katalawan a demak, kamayan paihkal to timolo ato pasoˈlinay falocoˈ. Mitiˈeray cingra to lalidongen no Kawas cingra, pasowal to finawlan a papitiˈer to Kawasan. (2 Rayray 32:7, 8) Ikor i, malitaˈangay ci Hicikiya, fikelan ni Yihofa cingra, oraanto misapoeneray cingra pasasiyor ko falocoˈ. (2 Rayray 32:24-26) Cowa ka pasalaten ni Hicikiya ko iˈayaway kaadayayan a noka ˈorip a mipalak to hakelong a ˈorip ningra. Nao paihkalay to o widang ni Yihofa cingra, o ngaˈayay a tatodongen ita a taˈarawan.
Odoˈ no Sinael
w12-CH 2/15 24-25 fiedac
Ci Natan—Madimadiay to Kawas, Micowat to Matatodongay a Pidoko
Madimadiay ci Natan mihodop ci Yihofaan, midama ci Tafitian patireng to saka cecay pitaˈongan to soˈlinay Kawas a fangcalay sefi. Kawra, ono tekedan a harateng ni Natan kora, ao cowa ko pakayniay i ngangan ni Yihofa a pasowal. Toya dadaya, palimoˈotan no Kawas ci Natan papipasowal ci Tafitian to cowa ka lecad a lihaf: Cowa ci Tafiti ko papatireng to fangcalay sefi, o cecay wawa ningra ko mamitamorong tonini karetengay a ˈinorong. Soˈliˈlin hatira, milasilay ci Natan to papatireng ko Kawas to katatelekan aci Tafiti, to saka ‘midaˈocaw a tanektek’ ko kamaroˈan no hongti ningra.—2 Samuil 7:4-16.
Pakayni to nipipatireng to fangcalay sefi, o harateng ni Natan cowa ka lecad to araaw no Kawas. Kawra cowa ka keter cingra, ao misapoeneray a micada to araaw no Kawas, makalim a midofdof. Ano fikelen no Kawas kita i, coko tatodongen ita ci Natan han? Ikor nonini a demak o pairasolayho ci Natan, paihkalay to mahemekayho ko Kawas cingranan. Ano nengnengen palimoˈotan ni Yihofa ci Natan aci Katan, pasowal ci Tafitian papilikakawa to 4,000 a midadatokay matayal i fangcalay sefi.—1 Rayray 23:1-5; 2 Rayray 29:25.
SAKA 6 FOLAD 5-11 ROMIˈAD
O ODOˈ KO KIMAD NO KAWAS | 2 RAYRAY 30-31
“Malacafay Midoko ci Yihofaan, Tada Makapahay Koni!”
it-2-CH 555 fiedac 2 fatac
Hicikiya
ˈIfowaay a palowad to matatodongay a pidoko. Ci Hicikiya 25 ko mihecaan a mala hongti, ikor no kala hongti mieminay to ˈicel, palowad to matatodongay a pidoko ci Yihofaan. O saˈayaway a demak ningra i, miliyaway mifawah ato mitomadaw to fangcalay sefi, ikor tahidangen ko saysi ato Lifi tamdaw, pasowal cangranan: ‘Nohatini o falocoˈ ako miharatengay to sakatatelekaw to Kawas no Israil ci Yihofa.’ O madimadiay a katatelek konini. Tona ˈalomanay ko misakahemaway to katatelekan no Rikec, oha mamiliyaw ko Yuta kitakit misakareteng tonini katatelekan. Tawlikay ci Hicikiya a milimasmas, milikakawa to Lifi tamdaw, halo miliyaw patireng to midatokay ato romadiway i fangcalay sefi. Tahira i Nisan folad i, nao mamisikay to Pitaˈlifan a Lisin, kawra cowaho ka korac ko fangcalay sefi, saysi ato Lifi tamdaw. Tahirato i Nisan folad saka 16 romiˈad, maherekayto makorac ko fangcalay sefi, o kalo lalosidan masolimetayto, oraanto misatapangay misikay to sapihepolaw to raraw no polong a Israil tamdaw. Salakat i, o kalo kakeridan miˈorongay to sapatoˈaya, pacakat to sapihepol to raraw no kitakit, fangcalay kitiraan ato finawlan, ikor pacakatay ko finawlan to masapatekay ko kaadihay a mitodohan a sapatoˈaya.—2 Rayray 29:1-36.
it-2-CH 555 fiedac 3 fatac
Hicikiya
Samanen cowa ka kiyamaw ko romaroma finawlan, i ˈayaw no pisalisinan a mikorac to niyah, mansa cowa ka itini i pisaˈosian a romiˈad a misalisin to Pitaˈlifan Lisin. Kawra, tona mihayan no Rikec ko cowa ka korac a tamdaw, minayar to cecay folad a misalisin, mitooran ni Hicikiya konini saˈosi a midemak. Ocoran ningra ko Yutaya a sikawdan papicorok a romakat to polong a pala, naitini i Pirsipa tangasa i Tan, patikami mitahidang to Yuta ato Israil tamdaw, tayra i Yirusalim a mirienang to Pitaˈlifan a Lisin. O comikayay mipalihaf a tamdaw milokesan a misamsam no ˈalomanay, kawra iraay ko pina ngasaw no Asir ato Manasi ato Cipulun a tamdaw, makahiay misapoener ko falocoˈ tayra a misalisin. O roma i, iraay ko Ifraim ato Isakaray a tamdaw tayra mirienang. Cowa koninian aca, ˈalomanay midokoay ci Yihofaan a ˈalafang tamdaw tayraay a mirienang tonini taˈangayay saˈopo. Pakayra toya kakaˈamisan a midopoay to matatodongay pidoko a Isarail tamdaw, tayra i Yirusalim a misalisin latek tada pasangaray. O kakaˈamisan a mamoetep ngangasawan, tada manaholay, icowacowaay a pala mitaˈongay to makaniway kawas, hanaca mipatalawan no Asiriya tamdaw cangra, mansa oya tayraay i Yuta misalisin a Israil a finawlan, matiraay o Yutaya a sikawdan a safeliten ato samsamen no tamdaw cangra.—2 Rayray 30:1-20; Saˈosi 9:10-13.
it-2-CH 555 fiedac 4-5 fatac
Hicikiya
Maherekto ko Pitaˈlifan Lisin ikor, padotocay cangra misalisin to Kaecaan Patamod a Lisin. Taˈangay ko lipahak no misalisinay tamdaw, hato misaˈosi ko polong finawlan to papadotoc a misalisin to pito a romiˈad. Soˈliˈlin masaka talawan ko pakayraan itiya, kamayan taˈangay ko pipalemed ni Yihofa i cangranan. ‘Salipahak sa ko polong a Yirusalim tamdaw. Mikitini i lintad ni Solomon o wawa no hongti no Israil ci Tafiti tahanini, cowaho ka hatini a lipahaken ko Yirusalim.’—2 Rayray 30:21-27.
Cangra itiya cowa kono cecayay yaca liyad a noka faedet no falocoˈ. Kinacecay yaca taˈangay ko pisalisin awato. Soˈlinay misaˈicel cangra palowad to matatodongay a pidoko, itira tora dotoc a demak mahapinang konini. Oya misalisinay tamdaw tiya ˈayaw no maminokay cangra, itiniay i polong pala no Yuta ato Pinyamin, tahira i Ifraim ato Manasi, perengan nangra ko samiyay no Asira a fafahiyan kawas, pelpelen ko fakeloh hecek, tastasen ko pitaˈongan ato pipatoˈayaan. (2 Rayray 31:1) Talaˈayaway ci Hicikiya paˈaraw to taˈarawan, mipelpel toya nisangaˈan ni Mosi a fodawan a ˈoner, samanen palo samiyay ko finawlan tora fodawan a ˈoner, pasayra a mipatoˈaya. (2 Hongti 18:4) Naikoran nonini taˈangayay lisin i, patanektekan ni Hicikiya ko limasmas no matatodongay a pidoko, misilsil to kasacefang no tayal no saysi, midama to tayal no fangcalay sefi. Palimoˈotan ningra ko finawlan papidoedo to saˈosi no Rikec, pafeli to saˈayaway litoden a pinaloma ato patayra to cecay no moetepay a sapakiyaho to Lifi tamdaw ato saysi. Tawlikay ko finawlan a mirienang. —2 Rayray 31:2-12.
Odoˈ no Sinael
Doedoen Koniya Demak, Wa Ira ko Lemed
14 Makahi kita misongilaˈ mitengil to sowal no tao, o paihkalay to misapoeneray a pakayraan. Yakop 1:19 sanay ko sowal, ‘misongilaˈ a mitengil’ kita, ci Yihofa patirengay to mikiriwiˈay a taˈarawan no mita. (Satapangan 18:32; Yosuwa 10:14) Haratengen ita mikitini Kasadakan 32:11-14, (ˈOsien.) wa mananam ko maanan. Toniya maˈoningay, soˈlin cowa pisaali ci Yihofa to sapaini ni Mosi, kawra papisadakan Ningra ci Mosi to maharatengay no niyah. Haratengen hena, ano namararaway ko cecay tamdaw, cowa ko mamakahi ko tao mitengil to harateng ningra, halo mitoor to harateng ningra a midemak alatek. Kawra mihadidiay ci Yihofa a mitengil to picangacang no madimadiay sikawdan Ningra.
15 Ngaˈay licayen ita ko niyah: “Ci Yihofa makahiay micawmaˈ to sasafaay a tamdaw, mitengil to harateng nangra, matiya o picada Ningra ci Aprahaman, Mosi, Yosuwa, Manowa, Iliya, Hicikiya. Ano hatiraay i, coko mamangalef ko pikangodo ako to salikaka, mitengil to sapaini nangra, anca mitoor to harateng nangra a midemak han? Itini kasakopang anca paro no lomaˈ, iraay ko misaaliay to sadama ako a tamdaw han? Wa midemak kako to maanan hani? Wa misamaan ko demak ako hani?”—Satapangan 30:6; Kakitaan 13:9; 1 Hongti 17:22; 2 Rayray 30:20.
SAKA 6 FOLAD 12-18 ROMIˈAD
O ODOˈ KO KIMAD NO KAWAS | 2 RAYRAY 32-33
“Tahalifa ko Tao to Pasangar i, Padamaen Cangra a Tanoktok”
it-2-CH 730 fiedac 7 fatac
Assiriya; Asiriya
Sinakirip: O wawa ni Sarkon Saka Tosa ci Sinakirip, milooday to Yuta Kitakit tiya kala hongti ni Hicikiya to saka 14 a mihecaan (ˈayaw no kongyen 732 miheca). (2 Hongti 18:13; Isaya 36:1) Tona mafolaay ko demak ni Yihoas o wama ni Hicikiya, mapacieciay ko Yuta a midofdof to Asiriya; kawra misafelitay ci Hicikiya to hongti no Asiriya, caay ka kahi mihodop cingranan. (2 Hongti 18:7) Oraanto, milooday ci Sinakirip to Yuta, miˈafas to 46 niyaroˈ no Yuta (palalinien ko Isaya 36:1, 2). Ikor i, itiniay i Lakis a mipakopang cingra, pasayra ci Hicikiyaan misaali to 1000 kongcin a ekim (maedeng $11,560,000 a payci no Padaka) ato cecay ˈofad kongcin a lingkim (maedeng $1,982,000 a payci no Padaka). (2 Hongti 18:14-16; 2 Rayray 32:1; palalinien ko Isaya 8:5-8.) Soˈlinto pafelian ni Hicikiya konini adihayay a payci, kawra miocoranho ni Sinakirip ko tamdaw tayra i Yirusalim, palimoˈot to polong finawlan a papikosang. (2 Hongti 18:17–19:34; 2 Rayray 32:2-20) Telocto i, ocoran ni Yihofa ko coyoh tayra i pakopangan no sofitay no Asiriya, mipalaˈafo to 185,000 a tamdaw, milaliwto koya malitaˈangay a Sinakiripan. (2 Hongti 19:35, 36). Ikor i, itiniay i Ninifi ci Sinakirip patayen no tatosa wawa ningra, o roma a wawa ningra ci Isharaton ko midotocay a mala hongti. (2 Hongti 19:37; 2 Rayray 32:21, 22; Isaya 37:36-38) O mitoˈtoˈan tilid i fakeloh no pitademan ci Sinakiripan aci Isharatonan maˈoningay konini a demak, kawra cowa ka somowal to nika padik no sofitay no Asiriya.—Nengnengen ko it-1-CH 957 fiedac a coka.
w13-CH 11/15 19 fiedac 12 fatac
Anini Cima Koya Papito a Mipakaenay Fafalo a Kakeridan Hani?
12 Ano tahalifa kita to caay ka saysay a pasangar, makahiyayto milayaˈ to kamay ci Yihofa a mipadang, kawra halamhamay kitaanan a misaˈicel ko niyah a misalof to pasangar. Masasowalay ci Hicikiya ato ‘kakerikeridan ato tapatapang’, misaˈosi cangra sapisootaw to nani papotalay no niyaroˈ a nanom . . . Tomadawen (timadawen) ni Hicikiya a mipatireng ko ˈadipel no niyaroˈ, patanekteken ningra ko pisimawan i lalomaˈ no niyaroˈ, patirengen ningra ko pikacawan i tongroh no ˈadipel no niyaroˈ, sangaˈen ningra ko i papotalay a ˈadipel, . . . ato adihay ko nisangaˈan ningra a fonos ato kotang ato sapatada. (2 Rayray 32:3-5) Itiya nilnilan ni Yihofa ko cicediay a tamdaw, mahawpay ci Hicikiya, kakerikeridan no Yirusalim, ato matatodongay ko waywayan i falocoˈ ni Yihofa a pairasolay tamdaw, midipot ato mipaririˈ to finawlan Ningra.
w13-CH 11/15 19 fiedac 13 fatac
Anini Cima Koya Papito a Mipakaenay Fafalo a Kakeridan Hani?
13 Dotoc i, o nidemakan ni Hicikiya cowa ko pisoot aca to nanom, mipatanektek to ˈadipel no niyaroˈ ko ikakaay ko nika masakalimlaan. Nao hongti no kitakit, ci Hicikiya tada ciharatengay to noˈadingoan no finawlan. Palisopsopen ningra ko finawlan, pakalalok cangranan, sowal sa: ‘Aka ka talaw to hongti no Asiriya ato nikeridan ningra a sofitay, samanen o mikapotay kitanan ikakaay ko nika ˈaloman to mikapotay i cingranan a tamdaw. Hanaca mikapotay i cangranan i, edeng o ˈicel no tamdaw, nikawrira o ci Yihofa ko mikapotay i titaanan, o mamipadang Cingra kitaanan, patado kitanan a milood.’ Patalipaˈelalan ni Hicikiya ko finawlan, o papatado ci Yihofa to finawlan Ningra a milood, ‘paˈicelay ko sowal ni Hicikiya o hongti no Yuta.’ Ci Hicikiya, kakerikeridan no Yirusalim ato tapatapang, ato ci Mika aci Isaya o waywayan ato sowal nangra, paihkalay to o soˈlinay a ngaˈayay a mipakaenay tamdaw cangra.—2 Rayray 32:7, 8; ˈosien ko Mika 5:5, 6.
Odoˈ no Sinael
O Manan ko Soˈliˈlinay Pasasiyoray?
11 Mahapinangay ni Yihofa soˈlinay mafalic ko falocoˈ ni Manasi. O satolon ningra mitemeray ci Yihofaan, orato pacaˈofan ni Yihofa ko pitolon ningra, misodod cingranan, hanaca miliyaw pala hongti cingranan. Misarocoday ci Manasi misawacay to soˈliˈlinay pasasiyor ko niyah, misongilaˈ mifalic to waywayan no niyah. Toniya pakayraan, cowa ka lecad cingra ci Ahapan. Misaˈicelay cingra mifalah to mararaway pidoko, pakalalokayho to finawlan midoko to soˈlinay Kawas ci Yihofaan. (ˈOsien ko 2 Rayray 33:15, 16.) Mihaen to demak misaaliay to timolo ato pakasoˈlinay falocoˈ, samanen adihayay mihecaan o demak ni Manasi tatiihay ko pifiyor to paro no lomaˈ, sikawdan ato finawlan. Itini katoˈasan ni Manasi misarocoday palahdaw to pairaan ningra a pasangaray, o fofo ningra ci Yosiya itini ngaˈayay pilingat ningra malo ngaˈayay a hongti.—2 Hongti 22:1, 2.
12 Mikitini ci Manasian ngaˈay mananam ita ko maanan hani? Malo misapoeneray ko falocoˈ ningra, mitolonayho micangacang to sasodod no Kawas, mifalicayho to waywayan no niyah. Misaˈicelay cingra misalof to raraw no niyah, misaˈicel a midoko ci Yihofaan, hanaca padama to tao mihaen to demak. O nalifetan ni Manasi pairaay to hatokel no pakidemay ko raraw a tamdaw, padama kitaanan pakasoˈlin to ‘ngaˈayay, makahiay misodod to tamdaw’ ci Yihofa. (ˈOlic 86:5) O mamisodod Cingra to soˈliˈlinay pasasiyor a tamdaw.
SAKA 6 FOLAD 19-25 ROMIˈAD
O ODOˈ KO KIMAD NO KAWAS | 2 RAYRAY 34-36
“O Kimad no Kawas Hakowaay ko Pilingat Tisowanan Hani?”
it-1 597 fiedac 2 fatac
Hulta
Sakakaay saysi ci Hilkiya itini i pitomadawan to fangcalay sefi, maˈaraway ningra ko cecay lolod a “Rikec ni Mosi”. Maharek mitengil ci Yosiya to piˈosi no tamdaw tora “Rikec” i, miocoran ko tapang papilicay ci Yihofaan. Tayra cangra ci Hultaan, pasowalento noya pairasolay fafahiyan to sakayat ni Yihofa, somowal to tatooren no Kawas kora nano sowal nora “cudad”, mitefad to padiing i mitowakangay a Yuta kitakit. Sanayho ko sowal ningra, tona misapoeneray ci Yosiya pakayni ci Yihofaan, cowa ko papaˈarawen cingra to nika tefad no padiing, ao saˈayawho mapatay cingra minokay i tatoˈasan, rihaday a micomod i tadem.—2 Hongti 22:8-20; 2 Rayray 34:14-28.
w09-CH 6/15 10 fiedac 20 fatac
Faedet ko Falocoˈ Pakayni ci Yihofaan!
20 Palimoˈoten ni Yosiya ko tamdaw papitomadaw to fangcalay sefi. Itiya i, maˈaraway no sakakaay saysi ci Hilkiya ko ‘pakaynian ni Yihofa ci Mosian palimoˈot a Rikec’. Pafelien ningra ci Safan, ˈosien ningra i kaˈayaw no hongti ci Yosiyaan. (ˈOsien ko 2 Rayray 34:14-18.) Samaanayto ko demak no hongti hani? Matengil no hongti ko sowal nora cudad i, tangsol micinas to rikoˈ, tada masomad cingra, oranto miocor to tamdaw papilicay ci Yihofaan. Oya fafahiyan pairasolay ci Hulta pasowal to lihaf ni Yihofa, somowal to rarikecen ni Yihofa koya midemakay to mararaway a pidoyongan, paliˈayaw pasowal to aira ko padiing matefad i polong a kitakit, kawra o sasinaˈadaen ci Yosiya, samanen mahapinangay ni Yihofa ko pisaˈicel ni Yosiya a mifalah to samiyay. (2 Rayray 34:19-28) O manan ko mananamay ita hani? Haenen ita ci Yosiyaan ira ko tanektekay falocoˈ. Kaliki kita mitoor to sakayat ni Yihofa, kifalocoˈen a miharateng ko teloc no mihawaday to matatodongay pidoko ato caay ka madimadi ci Yihofaan a demak, malo sapatalipaˈelal kitanan. Ngaˈay pakasoˈlinen ita, o sasinanoten ni Yihofa ko nika faedet no falocoˈ ita to matatodongay a pidoko, halo mahemeken kitanan, matira o nika hemek Ningra ci Yosiyaan.
Odoˈ no Sinael
w17.03-CH 27 fiedac 15-17 fatac
Mamisinanot Kiso to Nitilidan i Fangcalay Cudad a Sowal Han?
15 Salikor, mikitini i nalifetan ni Yosiya mamananam ita ko manan hani? Haratengen hano mapatay cingra i kalaloodan. (ˈOsien ko 2 Rayray 35:20-22.) Milooday ci Yosiya to hongti no Icip ci Nikoan, pasowal han ni Niko cowa ka ‘inteh ko niyah i cingranan, hanaca pasowalay ko Fangcalay Cudad to o sapalimoˈot no Kawas kora demak ni Niko sanay. Hay hano tayraho a milood ci Yosiya cingranan hani? Cowa pasowal ko Fangcalay Cudad.
16 Wa misamaan a mafanaˈ ci Yosiya to soˈlinay o naitiniay ci Yihofaan kora sowal ni Niko hani? Ngangaˈay licayen ningra koya madimadiay a pairasolay ci Yirimiya. (2 Rayray 35:23, 25) Nikawrira, awaay ko sowasowal no Fangcalay Cudad to mihaenay ko demak ni Yosiya. O roma sai, tayra ci Niko i Karkimis o ‘sapiloodaw to roma a kitakit’, ao cowa ko mamilood to Yirusalim. Hanaca cowa pipakangodo to ngangan ni Yihofa ci Niko, cowa pilokes to finawlan no Kawas. Mahapinangay itini, milood ci Yosiya ci Nikoan o mararaway a saˈosi. Mikitini tonini maˈoningay mananamay ita ko ciepocay a safalod han? Ano tahasiˈayaw kita to pasangar i, saharateratengen halamhamay ci Yihofa kitanan mamisamaan ko demak.
17 Ano tahasiˈayaw kita to pasangar i, haratengen icowaay a safalod no Fangcalay Cudad matatodongay tora pakayraan, hanaca songilaˈen a misaka dademak. Nolatekay, mamilicay kita to sapaini no malohemay malitengay. Tinakoen, soˈliˈlin maharekayto kita misinanot tora pasangar, mikilimayto to milingatay lalakaw i mitepangan a cudad, latek iraayho ko romaroma safalod no Fangcalay Cudad to sasinanoten ita, hanaca ngaˈayay padama ko malohemay malitengay pakayni tonini a demak. Tinakoen, o cecay fafahiyan salikaka ihekalay a cipinang to iraay ko ˈinorong a mitenak to ngaˈayay a lihaf. (Dmak 4:20) To cecay a romiˈad mihalakaay cingra to sapitosilaw, kawra oya caay pihakelong a faˈinay halamhamay to saka ilomaˈaw ningra. Halafinayto awaay ko toki malacafay ato fafahi sanay miharateng ko faˈinay, maolahay to sakapacafayaw ko fafahi i cingranan. Oninito a fafahiyan salikaka misinanotay to pina safalod no Fangcalay Cudad alatek, pakayni pidofdof to faˈinay ato padama to tamdaw malo Krisciyang. (Matay 28:19, 20; Dmak 5:29) Kawra mamiharatengho cingra to mamafanaˈ ko Krisciyang a pacaˈi, midofdof ko fafahi to faˈinay. (Ifiso 5:22-24; Filipi 4:5) Tohatiniay micongeday ko faˈinay cingranan a mitosil han? Anoca itiyaay aca toya romiˈad papipacafay cingranan han? Ano midoedo kita to araaw no Kawas i, pairaen ko tingalaway falocoˈ a mafanaˈ pacaˈi.
SAKA 6 FOLAD 26–7 FOLAD 2 ROMIˈAD
O ODOˈ KO KIMAD NO KAWAS | ICRA 1-3
“Makalim Kiso Matayal ci Yihofaan Han?”
Maˈaraway Iso ko Maˈaraway ni Cikariya a Demak?
MAPAˈICELAY ko Yutaya tamdaw! Itiya, pinaayto poloˈ miheca maholiw cangra tayra i Papilon. Kawra ‘patemeran ni Yihofa ko falocoˈ no Hongti no Pirsiya ci Kirus,’ orato palimoˈotay ko hongti ci Kirus panokay to Yutaya tamdaw i nalacolan, ‘miliyaw patireng to fangcalay sefi no Kawas ci Yihofa.’ (Icra 1:1, 3) Onini a salasil tada kahemekanto! Sakoniya sowal wa ngaˈay minokay ko finawlan no Kawas i sapafeli no Kawas a pala, miliyaw itira a midoko Cingranan.
Paliding no Efa ato Tamohong Mamidipot to Finawlan no Kawas
2 Mafanaˈay ci Cikariya tora minokayay tayra i Yirusalim a Israil tamdaw, ˈifowaay a pakasoˈlin to Kawas. O matemeray no Kawas ko falocoˈ nangra, saka makahi a misawad to singdi, miliyas to lomaˈ nangra. (Icra 1:2, 3, 5) Liyasen nangra ko kananaman a pala, malinah tayra i cowaho ka tayratayra ko ˈalomanay nangra. Ano cowa ka pisakareteng to patirengay to fangcalay sefi, makahi a nimaan milakowit to tokotokosan a lalan, maroray a romakat to 1,600 kongli ko nika raay han?
Odoˈ no Sinael
w06-CH 1/15 18 fiedac 7 fatac
Kalimlaan no Icra Cudad
1:3-6. O ˈalomanay Misawacayay Tamdaw ni Yihofa soˈlin cowa miemin to toki a misakafah, anoca tayra i misaaliay to ˈalomanay mitosilay a pala, kawra fanekfekay cangra pakalalok ato midama to romaroma ngaˈayay mihaen to demak a tamdaw, hanaca makalimay pakiyaho micowat to milasilay to Hongti Kitait a demak, padama to tamdaw malo nisawawaan ni Kristo, mahecaday cangra toya materekay i Papilon a Israil tamdaw.