SAKA 53 FEDENGAN

Piliˈen ko Matatodongay a Lawla Palipahak ci Yihofaan

閱讀印刷版

‘O lipahakay a Kawas’ ci Yihofa. (1 Timoti 1:11) Maolahay Cingra mahemek kita a maˈorip, maherek ko katayal i, pairaen ko pahanhanan a toki. Oniya fedengan, wa mananam ita mikitini i pahanhanan a toki paira to ciepocay to tireng ato falocoˈ a demak, hanaca palipahakho ci Yihofaan.

1. Mipiliˈ to lawla i, o manan ko haharatengen ita hani?

Itini i pahanhanan a toki, o manan ko kaolahan iso a demak? Maolahay ko roma tamdaw i lomaˈ sa miˈosi to cudad, misangwang, mitengil to radiw, minengneng to ika. O roma tamdaw maolahay malacafay to widang a miwonto, tinakoen tayra i lotok, midangwi, mimali. Ano o mananto ko kaolahan ita a demak, songilaˈen a mipiliˈ ko ‘o micadaan no Tapang’ a lawla. (Ifiso 5:10) Masakalimlaan koniya demak, samanen nohatini o talaˈayaway a lawla noniya hekal, milingatay to kaˈintehan ni Yihofa, tinakoen, o mariˈangay, misakawasay ato maˈodangay malafoay a waywayan. (ˈOsien ko ˈOlic 11:5.) O manan ko papadama kitaanan citaneng ko saˈosi, matatodong ko mipiliˈan a lawla hani?

Ano kalawidang kita to maolahay ci Yihofaan a tamdaw, wa micada to ngaˈayay a pilingat, ano milawla i, kacitaneng ko pisaˈosi. Mananamayto ita itini saka 48 fedengan, ‘malacafay to citanengay a tamdaw wa ira ko taneng,’ sanay. Ano micerid kita kalacafay to cowa ka olah to palinian no Kawas a tamdaw i, ‘wa masipon’ kita.—Taneng 13:20.

2. Miˈimer to toki a milawla hano o masakalimlaan hani?

O roma a lawla soˈlin cowa ka pifiyor to kalalaˈed ita aci Yihofa, hamaan palaken ko adihayay a toki, mihaen ngaˈ ira ko toki midemak to adihayay a kalimlaan a demak. Patalipaˈelalay ko Fangcalay Cudad kitaanan ‘saˈicelen a misakadademak ko toki.’—ˈOsien ko Ifiso 5:15, 16.

CALEPEN MIKADKAD

Dotoc mamananam iso: Itini i lawla sasamaan citaneng ko pisaˈosi?

3. Liyasen ko tatiihay a lawla

Hano mamisinanot kita mipiliˈ to lawla hani? Nengnengen ko IKA, ikor lengoen ko ilaenoay a salicay:

IKA: Papiliˈen Ako ko Masamaanay a Halama Hani? (4:39)

Malaˈodotay a halama, itini lalitengan no Loma ato aniniay a salama, iraay ko manan a malecaday han?
Pakayni i salama, mananamay ni Tanni ko maanan?

ˈOsien ko Loma 12:9, ikor lengoen ko ilaenoay a salicay:

Oniya sinael sasamaan padama tisowanan mipiliˈ to matatodongay a lawla?

O masamaanay a demak ko kaˈintehan ni Yihofa hani? ˈOsien ko Taneng 6:16, 17 ato Kalatiya 5:19-21. Maherek miˈosi to sinael, ikor lengoen ko ilaenoay a salicay:

O masowalay no sinael o manan a demakan, maceriday maˈaraw i aniniay a tasalamaan?

Samaanen citaneng a mipiliˈ to lawla?

Saharateratengen ko:

Ilalomaˈ: Iraay ko kapiliˈan ni Yihofa a demak han?
Toki: Maˈafasay ko toki i kalimlaan a demak han?
Cafay: Macerid malacafay to cowa ka olah ci Yihofaan a tamdaw han?

Ano miliyas to katalawan a demak wa dipayal kita. Mihaenay haw i, ano iraay ko katalawan noniya lawla sa kiso i, liyasen!

O cecay tosiya itiniay i ngapad no lalan. Talafatiˈiyan ko rakat no kalileng.

4. Songilaˈen a misakadademak ko toki

Nengnengen ko IKA, ikor lengoen ko ilaenoay a salicay:

IKA: O Manan ko Mieminay to Toki Iso Hani? (2:45)

Oniya salikaka soˈlin cowa ka pinengneng to tatiihay, kawra pakayni sakadademak to toki ningra, iraay ko sasalofen han?

ˈOsien ko Filipi 1:10, ikor lengoen ko ilaenoay a salicay:

Pakayni toniya sinael, samaan kita patatodong to toki a milawla hani?

5. Piliˈen ko ciepocay a lawla

O romaroma a lawla o kapiliˈan ni Yihofa, kawra adihayayho ko kahemekan hadademaken ita. ˈOsien ko Patnakay 8:15 ato Filipi 4:8, ikor lengoen ko ilaenoay a salicay:

Itini i kaˈorip ita adihayay ko ciepocay to tireng ato falocoˈ a lawla, o manan ko kaolahan iso hani?

Coka: Kasariromaan ko mihecaan a tamdaw iraay ko ciepocay a lawla. 1. O cecay limocedan micokaay mitengil to radiw. 2. Mimaliay ko tatoloay a kapah. 3. Citingsiyaay ko tatosaay a pakarongay. 4. O cecay wawa misangaˈay to taadoan a tosiya. 5. Mikongkongay romadiw ko cecay a faˈinayan. 6. O cecay malawamaay malacafayay mihalama to tasalamaan. 7. Misasingay ko cecay a kaying. — I kaˈoripan ita adihayay ko ciepocay to tireng falocoˈ a lawla

ANO IRA KO SOMOWALAY: “O mariˈangay misakawasay ato maˈodangay malafoay a demak, o halama aca, awaay ko manan, cowa ka soˈliˈlinen ako a midemak,” sanay.