Pinengnengan to Lalakaw no Mitosilay ato Nikaˈorip Rayray no Saˈopo
© 2023 Watch Tower Bible and Tract Society of Pennsylvania
SAKA 7 FOLAD 3-9 ROMIˈAD
O ODOˈ KO KIMAD NO KAWAS | ICRA 4-6
“Aka Piconged to Patirengay to Fangcalay Sefi no Kawas a Tayal”
Maˈaraway Iso ko Maˈaraway ni Cikariya a Demak?
13 Caho ka lasawad ko sakeceng i, Taˈangayay Saysi ci Yosuwa ato ˈAˈideman ci Cirupapil onini a tatosaay mikeriday a tamdaw misatapangayto ‘patireng to fangcalay sefi no Kawas i Yirusalim.’ (Icra 5:1, 2) Harateng no roma Yutaya tamdaw cowa ko inanengay konini a misaˈosian saan miharateng alatek, samanen patirengay a tayal cowa ko mamahimed, ano mafanaˈ ko ˈada, maedeng o mamihalaka a miconged. Mansa misaaliay to sakiˈok ci Yosuwa aci Cirupapil, mifanaˈ to ˈalomanay midamaay ci Yihofa cangranan, hanaca soˈlinay milifok cangra to mahaenay a sakiˈok.
w86-CH 8/1 28 fiedac sapatongal lalakaw 2-3 fatac
Mata ni Yihofa “Midimokosay to Malohemay Malitengay”
O fadoc no Yutaya tamdaw minokayto nai Papilon tayni i nalacolan i, 16 mihecaan ko kahalafin a malonay cangra. Pairasolay ci Hakay aci Cikariya patalipaˈelalto canganan. Saka, mitekato cangra a miliyaw mitomadaw to fangcalay sefi ni Yihofa. Kawra onini a demak macongeday no tapang no Pirsiya. Milicay kora micongeday a tamdaw: ‘Cima ko palimoˈotay tamowanan a patireng tonini sefi saw?’—Icra 5:1-3.
O pipacaˈof tonini a salicay tada taˈangayay ko pifiyor tora saˈosi. Ano pasalaten no malohemay malitengay a mapakokiˈ cangra i, wa tangsol a malasawad kora demak. Mankora oya malohemay malitengay (mahawpay ci Cirupapil atoya Sakakaay a Saysi ci Yosuwa) matanengay ko pipacaˈof cangranan. Pasowalan cangra to halafinayto a sarikec no hongti ci Kirus, to nika pihayda ningra to Yutaya tamdaw tora mipatirengay a demak. Samanen o rikec no Pirsiya cowa ko mamafalic, matalawto ko tapatapang misafelit tora rikec, hato padadotocayto kora mipatirengay a tayal, tangasa ira ko limoˈot no hongti ci Tariyus misakalikito tora tayal.—Icra 5:11-17; 6:6-12.
Maˈaraway Iso ko Maˈaraway ni Cikariya a Demak?
7 O patirengay to sefi a tayal iraay ko ngaˈayay a kafalic. Faelohay a hongti ci Tariyus misatapangay mikowan to Pirsiya, saka 2 miheca mikowan cingra, itini ˈayaw no Kongyen 520 miheca, mahapinangay ningra o sakeceng to Yutaya tamdaw cowa ka tatodong, orato palimoˈotay to Yutaya tamdaw miliyaw patireng to fangcalay sefi. (Icra 6:1-3) Fahkaay ko ˈalomanay tamdaw tonini. Cowa ka hatini aca, hongti ci Tariyus micongedayho to taliyokay a finacadan mikalisanga to patirengay to sefi a tayal, hanaca misaali cangranan pafeli to payci ato dafong to Yutaya tamdaw. (Icra 6:7-12) Telocto tahini ˈayaw no Kongyen 515 miheca, sepatay miheca ira ko miming a tatokian, malahciayto patireng ko sefi.—Icra 6:15.
Maˈaraway Iso ko Maˈaraway ni Cikariya a Demak?
16 Pakaynianho ni Yihofa i, ‘madimadiay citanengay a koli’ pafeli to sakayat i finawlan Ningra. (Matay 24:45) Latekay, cowa ka cipinang kita tonini a sakayat alatek. Tinakoen, macadaay ita ko ihkalay a sakayat miliyas to cecay a pades, kawra cowa ko mamifekad ko hatiniay a pades i kitiraan no niyah saan miharateng. Latekay tada pakidemay ko mihadakan no Malohemay Malitengay i Congpo pakayniay i lifong a sakayat. Ano miharateng kita to awaay ko kapo nonini a sakayat, sasamaanto hani? Ngaˈayay miharateng kita, midofdof ko Israil tamdaw to mihadakan ni Yosuwa aci Cirupapil a sakayat malifokay ko maanan a epoc, ngaˈayho misimsim to romaroma tinakoan i Fangcalay Cudad. Latekay o macadaay no finawlan no Kawas a sakayat minengneng ko tamdaw hato awaay ko epoc, kawra ikor milidongay to ˈorip nangra.—Kakitaan 7:7; 8:10.
Odoˈ no Sinael
w93-CH 6/15 32 fiedac 3-5 fatac
Papasoˈlin Kiso to Fangcalay Cudad Han?
Onini a payci nisangaˈan i Tarsus a pala (maedeng i kawali a katimol no Turki) itini i ˈayaw no kongyen saka 4 hahekalan i pikowanan no tapang no Pirsiya ci Macayus a lalintadan. Maˈoningay ko tilid tora payci, “O Tapang no Iufratis ci Macayus”, sanay.
Hano mahemeken kita tonini a tilid hani? Samanen ngaˈayay mahela iso i Fangcalay Cudad ko malecaday a sapangangan. Itini i Icra 5:6–6:13 maˈoningay ko tikami no hongti no Pirsiya ci Tariyus ato tikami no tapang ci Tatinay. Ora tikami nangra somowalay to nika piliyaw patireng no Yutaya tamdaw to fangcalay sefi i Yirusalim a tayalan. Tona o matanengay a mitatiliday ci Icra to rikec no Kawas. Ora nitilidan ningra a lalakaw maedeng matepiay o matatodongay. Ngaˈayay maˈosi iso i Icra 5:6 ato 6:13 ci Tatinay hananay ningra pangangan koya ‘ikaetipay no Iufratis ˈalo’ a tapang.
Maedeng itiniay iˈayaw no kongyen 460 miheca a tiliden ni Icra ko Icra cudad, itiniay iˈayaw no 100 a mamihecaan to pisangaˈ tora payci. Miharateng ko romaroma tamdaw pakayni tonini a sapangangan to nolitengan a tapang awaay ko maanan sanay. Kawra ano itiniayto i mimingay a demakan ngaˈayay pakasoˈlinen ko mitiliday to Fangcalay Cudad a tamdaw i, coko mamatongal ko nika pakasoˈlin iso to romaroma a nitilidan nangra a lalakaw han?
SAKA 7 FOLAD 10-16 ROMIˈAD
O ODOˈ KO KIMAD NO KAWAS | ICRA 7-8
“Paˈdilan ni Icra ci Yihofa”
w00-CH 10/1 14 fiedac 8 fatac
Minanam to Fangcalay Cudad, Tada Kahemekan Ciepocay
8 O falocoˈ hananay i, o pipowaran no nafalocoˈan, maolah kita to kimad ni Yihofa i, o naitiniay i kemod no falocoˈ. Ano miˈosi kita i, songilaˈen a midotim ko maˈosiay a lalakaw, micalep to ˈangongolay noˈadingoan a harateng, samacayen a midotim ko tatodong no sinael. Ano hasapihaenaw kita i, sarihadayen ko falocoˈ ato mitolon wangaˈ. Hatiraen ita ci Icraan, misetek to falocoˈ a miˈosi ato minanam to kimad no Kawas. Pakayra cingranan sanay ko sowal no Fangcalay Cudad: ‘Misongilaˈay a micekiw ci Icra to rikec ni Yihofa halo midofdof, pasifanaˈho to Israil tamdaw to sapalimoˈot no Kawas.’ (Icra 7:10) Sinanoten ko tolo a patonekan no falocoˈ ni Icra: Micekiway, midofdofay, pasifanaˈay. O tatodongen ita ko taˈarawan ningra.
si 76-CH fiedac 5 fatac
Saka 13 Cudad no Fangcalay Cudad—Saka 1 Rayray
5 Ci Icra ko sacitatodongay tamdaw a mitilid tonini soˈlinay a likisi. Ci Icra ‘misongilaˈay a midotim to sarikec ni Yhofa halo midofdof, pasifanaˈ to Israil tamdaw to sapalimoˈot no Kawas.’ (Icra 7:10) Tano fangcalay saocor ci Yihofa a mipadama cingranan. O hongti noya tadaciˈicelay ko fadangalan a Pirsiya a kitakit, mahapinang ko taneng no Kawas i tireng ni Icra, mansa pafelian cingra to fadangalan a mikowan to finawlan no Yutaya. (Icra 7:12-26) Mihaenay haw i, ci Icra iraay ko naitiniay i Kawas ato sapafeli no hongti a fadangalan, misaka dademak to kihcod a iraay a likisi a mitilid tonini fangcalay lalakaw.
it-2-CH 14 fiedac 7 fatac
Misamimingay ko Falocoˈ, Misapoeneray
Matatodong ko Pikayat to Tamdaw Romakat to Moecelay Lalan. O misamimingayho to falocoˈ a tamdaw, mamakayat no Kawas. Karetengay ko ˈinorong ni Icra, mamikerid to 1,500 a faˈinayan no Israil naitini i Papilon minokay tayra i Yirusalim, o mihakelongay i, iraay ko saysi, matayalay no fangcalay sefi ato fafahiyan ato kaemangay. O roma i, oha mamihawikidho cangra to adihayay ekim lingkim a minokay, toha sapitomadaw to fangcalay sefi i Yirusalim. Tona mara:ayay ko rarakaten, nao mamisaali to sofitay a misera cangranan, kawra cowa ciharateng ci Icra misaali to hongti no Pirsiya, samanen paihkalay konini to o tamdaw ko mitiˈeran ao cowa ko Kawas. Hanaca, na pasowalan ni Icra ko hongti no Pirsiya, sowal sa: ‘O Kawas niyam mamilayaˈ to kamay a midipot to polong micangacangay i Cingranan a tamdaw.’ Oraanto i, milasil ci Icra papisaliway to tamdaw, itini i kaˈayaw ni Yihofa misamiming to falocoˈ, mingitangit ci Yihofaan. Telocto i, mihaydaan no Kawas ko saali nangra, midipot cangranan i lalan, caayto ka maˈodis no ˈada i lalan, dipayalto a tangasa i Yirusalim. (Icra 8:1-14, 21-32) Ci Taniil ya pairasolay ta malaholiw tayra i Papilon i, sidaˈitan no Kawas a micada cingra, miocor to coyoh pafeli cingranan to cecay mapolosi. Saka sidaˈiten no Kawas ci Taniil, samanen misamimingay to falocoˈ i ˈaˈayaw no Kawas, misarocod a mikilim to sakayat ato sakacipinang.—Taniil 10:12.
Odoˈ no Sinael
w06-CH 1/15 19 fiedac 9 fatac
Kalimlaan no Icra a Cudad
7:28–8:20—Misamaanay hano eca ka kahi mihakelong ci Icraan ko ˈalomanay i Papilonay a Yutaya tamdaw minokay tayra i Yirusalim hani? Ya saˈayaway minokayay tamdaw soˈliˈlin mataˈlifayto ko 60 mihecaan, kawra caayho ka ˈaloman ko tamdaw i Yirusalim. O minokayay tayra i Yirusalim mamisiˈayaw to pasangar, itini i katalawan a pakayraan a misatapang to kaˈorip. Oya mananamayto kadofah ko kaˈorip i Papilon a tamdaw, awaay ko maanan kangaˈayan i Yirusalim sanay a miharateng. O roma sa i, ora pinokayan a lalan tada masakatalawan. Ira ko fanekfekay a noka pakasoˈlin ci Yihofaan, faedet ko falocoˈ to matatodongay a pidoyongan, hanaca ira ko timolo wangaˈ, sapinokayaw tayra i Yirusalim. Ano ci Icrato mamitiˈer to sapadama ni Yihofaan, wangaˈ tanektek ko falocoˈ. Itini sapakalalok ni Icra, 1,500 a lalomaˈan ko mihakelongay, komoden maedeng 6,000 ko tamdaw. Miliyaw haca ci Icra pakalalok cangranan, telocto i, 38 a Lifi tamdaw ato 220 a matayalay no fangcalay sefi mitoor a mihakelong.
SAKA 7 FOLAD 17-23 ROMIˈAD
O ODOˈ KO KIMAD NO KAWAS | ICRA 9-10
“Cowa Pidofdof Pairaay to Ka Adayayan a Teloc”
w06-CH 1/15 20 fiedac 1 fatac
Kalimlaan no Icra a Cudad
9:1, 2—Ciraramod to roma finacadan a tamdaw, iraay ko maanan ka adayayan a teloc? Saka papinokayen ni Yihofa ko Israil tamdaw tayra i nalacolan, samanen sapidipotaw to matatodongay a pidoko, tahira i kairaan ni Misiya. Ano ciraramod to roma finacadan tamdaw mamifiyor to matatodongay a pidoko. Ano misararamod ko Israil tamdaw to mitaˈongay to samiyay tamdaw i, wa madenga no ˈalafang tamdaw ko Israil, latek malahedaw sato ko matatodongay a pidoko. Mihaen i, ci Misiya, wa icowa a rayray no lalomaˈan a hofocen saw? Mankora ta mafanaˈ ci Icra to nano demak no Israil i, tada macekokan cingra!
w09-CH 10/1 10 fiedac 6 fatac
O Manan ko Halamhaman ni Yihofa i Kitanan Hani?
Ano makalim kita midofdof to Kawas i, papalemeden Ningra kita. Sowal sa ci Mosi: ‘Tawmecen a midofdof ko limoˈot ni Yihofa . . . onini nisowalan ako i tamowanan anini, ho milifok kiso to epoc.’ (saka 13 sinael) Hayi, polong a limoˈot ni Yihofa, halamhaman Ningra i kitanan, sahtoay o ciepocay kitanan. Sowal no Fangcalay Cudad, ‘o olah ko Kawas’, sanay. (1 Yohani 4:8) Mankora, o limoˈot no Kawas pairaay to midaˈocay a epoc ita. (Isaya 48:17) Ano tengilen ita ko halamham ni Yihofa i kitanan i, aawato ko fangafang nohatiniho, ano ikor i, mamilayap to midaˈocay raheker itini ilaeno no pikowan no Hongti Kitakit no Kawas.
Odoˈ no Sinael
w06 1/15 20 fiedac 2 fatac
Kalimlaan no Icra a Cudad
10:3, 44—Ta papiliyasen no Israil ko roma finacadan fafahi i, hano papihawikiden ko wina tora mihofocan a wawa? Ano sidayen kora wawa i, latek sapinokayaw kora fafahi pakayni i wawa. O roma i, o kaemingayho a wawa misaaliay to sadimokos no wina.
SAKA 7 FOLAD 24-30 ROMIˈAD
O ODOˈ KO KIMAD NO KAWAS | NIHIMIYA 1-2
Tangsolay Kako Mitolon to i Kakarayan a Kawas
w08-CH 2/15 3 fiedac 5 fatac
Rariden a Minengneng Hato i Kaˈayaway Iso ci Yihofa
5 Ano latek macalohay ko demak, wa sasakaˈapotoen ita ko pitolon to Kawas. Kina cecayay, hongti no Pirsiya ci Artakirkis mahapinangay ningra koya tapang no mipatakiday ci Nihimiya, makesemay ko pising. Licay han no hongti cingra: ‘Mamaanay kiso saw?’ Oraanto ci Nihimiya ‘tangsolay pasayra i kakarayanay a Kawas mitolon’, cowa pasadak to ngihaˈ a mitolon. Itiya tora tatokian, edeng mamisaˈapoto cingra a mitolon, kawra tengilan no Kawas cingra, samanen midamaay ko hongti ci Nihimiyaan a patireng to ˈadipel no Yirusalim. (‘Osien ko Nihimiya 2:1-8.) Soˈlinay, ano ˈapotoayto a satolon, mitengilay ko Kawas.
be-CH 178 fiedac 1 fatac
Cowa Sadayen a Pikimad
Ano fahal sanay ira ko tamdaw papitadtad to pihakelongan iso, sasamaan kiso ko pikimad hani? Todongen iso ci Nihimiya. Licayan no hongti ci Artakirkis cingra, ˈayaw no papacaˈof cingra i, tangsolay a mitolonay i falocoˈ. (Nihimiya 2:4) Dotoc i, sakalikien iso misolimet ko hasowal. Haenen ko pisaday: (1) Simsimen ko cecay tosa kalimlaan. (2) Paladaˈen ko pina sinael. (3) Saharateratengen ko salakatay a hasowal, ho makahi a mitengil kora milicayay a tamdaw. Ikor tangsol hanto a pasowal.
Odoˈ no Sinael
w86-CH 2/15 27 fiedac
Pakalowiday ko Soˈlinay Pidoyongan
Samanen halafinayto ci Nihimiya mitolon ‘to romiˈad to dadaya’, pakayni to nika horac no Yirusalim. (1:4, 6) Oraanto i, irato ko toki ningra pasowal to hongti ci Artakirkisan to sapitomadawaw cingra to ˈadipel no Yirusalim, miliyaw haca mitolon cingra to nano satolon ningra iˈayaw. Tengilan ni Yihofa ko pitolon ningra, tahacadato cingra to ˈinorong a patireng to ˈadipel.
Mananamay no Mita: Misaaliay ci Nihimiya to sakayat ni Yihofa. Kita i, ano tahasiˈayaw to karetengay a sasaˈosien, “kararid a mitolon” ato dofdofen ko sakayat ni Yihofa.—Loma 12:12.
SAKA 7 FOLAD 31–8 FOLAD 6 ROMIˈAD
O ODOˈ KO KIMAD NO KAWAS | NIHIMIYA 3-4
“Sasinoˈet Sa a Matayal, O Kangodoan a Tayal Han?”
w06-CH 2/1 10 fiedac 1 fatac
Kalimlaan no Nihimiya a Cudad
3:5, 27. Soˈliˈlin o romaroma a tayal o misamokongay, kawra o micowatay to matatodongay a pidoko konini. Aka hatira kita to ‘cifadangalay’ a Tikowa tamdaw, mipelesay to tatirengan kora misamokongay a tayal sanay miharateng. Ao mitodong kita to romaroma Tikowa tamdaw, makalim a kinafalah to niyah a midemak to maamaan a tayalan.
Wa Padama ci Yihofa Tisowanan Malo Masamaanay a Tamdaw Hani?
11 Ikor no pina soˈot miheca, misakadademakan ni Yihofa ko fafahiyan a wawa ni Salong misangaˈ to lowil no Yirusalim. (Nihimiya 2:20; 3:12) Soˈlin o ˈaˈideman ci Salong, makahiay ko wawa ningra dademak to marorayay katalawan a tayal. (Nihimiya 4:15-18) O cifadangalay no Tikeya tamdaw cowa kahecad, cowa kakahi cangra i laeno no mikayatay a dademak. (Nihimiya 3:5) Haratengen hena, 52 romiˈad malaheciayto a misangaˈ ko lowil, tada mahemekay ko wawa ni Salong! (Nihimiya 6:15) Anini, ˈalomanay fafahiyan salikaka makahiay mirienang to mikiriwiˈay a tayal, patireng ato misakapah to pidokoan to Kawas a kitiraan. Malaˈosi koniya tayal, inanengay, ato fanekfekay madimadiay fafahiyan salikaka, tada kalimlaan ko demak nangra!
w04-CH 8/1 18 fiedac 16 fatac
Palahaden ko Sano Kristoay a Noka Pinengneng to Tadamaanay a Saaroˈan anca Katayalan
16 Polong a Krisciyang, ano o kaemangay o malitengay, papalahad to sano Kristoay a pinengneng to tadamaanay a saaroˈan anca katayalan. Itini i kasakopang, masasiromaromaay ko tatayalen. Ano licayen kiso papidemak to samamangay a tayal i, aka a minaˈay. (1 Samuil 25:41; 2 Hongti 3:11) O wama wina a tamdaw, ano itinito i kasaˈopoan, i pitaykayan, pakalalokan iso ko wawa lipahak a micada to maamaan a tayal? Maˈaraway nangra kiso midemak to samamangay a tayal han? O cecay faˈinayan salikaka, matayalay nohatini i congpo no Misawacayay Tamdaw ni Yihofa, milengolay to taˈarawan no wama wina ningra, sanay: “Pakayni to miasikay to Kasaˈopoan anoca pitaykayan, pasowalay takowanan to misakaretengan nangra kora tayal. Marariday cangra micada to sakangaˈay no kasakopang anca sakangaˈay no salikaka a tayal, ano o samamangayto a tayal mahemekay cangra a micada. O mahaenay a waywayan nangra padamaay takowanan makahi micada to maamaan a tayal itini i Pitil.”
Odoˈ no Sinael
w06-CH 2/1 9 fiedac 1 fatac
Kalimlaan no Nihimiya a Cudad
4:17, 18—O misangaˈay to ˈadipel a tamdaw sasamaan tano cecayen a kamay a dademak hani? Mamaan koni to micoloay to dafong a tamdaw. Teli han nangra i fongoh anca i ˈafala kora dafong ngaˈayayto, ‘mitatoy ko cecay kamay to sapilood a lalosidan.’ Tano tosaay kamay a mipatirengay tamdaw, ano “patireng cangra to ˈadipel i, fakecan nangra ko fonos i tatelecan”, ano ira sato ko ˈada, tangsol cangra a pacoˈay.
SAKA 8 FOLAD 7-13 ROMIˈAD
O ODOˈ KO KIMAD NO KAWAS | NIHIMIYA 5-7
“Makalimay ci Nihimiya Matayal i Tamdaw, Cowa ko O Tao Matayal i Cingranan”
w02-CH 11/1 27 fiedac 3 fatac
Misarocod a Midama to Matatodongay Pihakelongan
Ci Nihimiya misaka dademakay to taneng ningra, mipalak to payci ningra micowat to matatodongay a pihakelongan. Tano paycian no niyah micakay to malakoliay a Yutaya tamdaw. Ano pacaliw cingra to payci, cowa pisaali to wawa no payci. O tapang cingra, kawra cowa pisaali to finawlan a pasata cingranan, mitongal a ‘misakareteng to ˈinorong nangra.’ Patahekaho cingra a pakaen to ‘Yutaya tamdaw ato 150 a kakeridan, iraho ko tayniay nai taliyokay kitakit a tamdaw’, patalaan ningra to kadofahay kakaenen ko lafang, to romiˈamiˈad ‘cecay okangan kolong, 6 sangaˈayay siri ato adihayay ˈayam.’ Roma sa i, ‘iraayho ko masakenakenaay a epah, moetep a romiˈad liyawen ningra pafeli cangra’, o cingra ko pasadakay to emin a payci.—Nihimiya 5:8, 10, 14-18.
w16.09-CH 6 fiedac 16 fatac
“Satanekteken ko Kamay Iso”
16 Tona iraay ci Yihofa mipadama ci Nihimiyaan ato finawlan, telocto i, tanektekay ko kamay nangra, malaheciayto mapatireng ko ‘adipel no Yirusalim i 52 a romiˈad! (Nihimiya 2:18; 6:15, 16) Ci Nihimiya cowa itatihi aca mikantok tora tayal, ano cingrato mikihatiyaay a mipatireng. (Nihimiya 5:16) Anini, o malohemay malitengay ngaˈayay mitodong ci Nihimiyaan mipadang to mipatirengay tayal no likakawa, anoca mikorac to kasaˈopoan. Mamilisoˈho ko malohemay malitengay to matoleday salikaka, mihinom cangranan. Pacafayen cangra a mitosil, mikowad cangranan, patanektek to kamay nangra.—ˈOsien ko Isaya 35:3, 4.
w00-CH 2/1 32 fiedac 3 fatac
Sasamaan Paifalocoˈen ni Yihofa Kiso Hani?
Tohati:niay paihkalay ko Fangcalay Cudad, ‘paifalocoˈen’ no Kawas sa i, tatodong tawlikay ko pidemak o sanay. Tinakoen, mapalenlen ko hekal to 150 a romiˈad ikor, ‘paifalocoˈen no Kawas ci Nowa’, ‘papiiyofen ko fali, satapangto makerah ko nanom’. (Satapangan 8:1) Ikor no pina hahekalan, ci Samson mipohawan mipalitan no Filistin, mitolon cingra a mingitangit ‘Yihofaaw, paifalocoˈen kako, patanoktoken kako, nohatini to kinacecay aca pafelien kako to ˈicel’ saan ci Samson. Tengilan ni Yihofa ko pitolon ni Samson, paˈicel cingranan, miˈodis to ˈada no Kawas. (Kakitaan 16:28-30) Malecaday, tengilan ni Yihofa ko satolon ni Nihimiya, palemed to nika pisaˈicel ningra, mapatikolto ko matatodongay pihakelongan i Yirusalim.
Odoˈ no Sinael
w07-CH 7/1 30 fiedac 15 fatac
Tano Ngaˈayay Milowid to Tatiihay
15 Saka tolo, papisafanaˈan ci Simaya ci Nihimiyaan, micicih to sarikec no Kawas. Saan pasowal ci Simaya ci Nihimiyaan: ‘Malalitemoh kita i lomaˈ no Kawas, masasoˈaraw i fangcalay sefi. Cikeren ita ko saedef, samanen iraay ko mamipatay tisowanan.’ Pasowal ci Simaya ci Nihimiyaan papilimek i fangcalay sefi. Cowa ko saysi ci Nihimiya, ano micomod i lomaˈ no Kawas i, o mararaway kora. Oha mamidipot cingra to ˈorip no niyah a eca ka pisikor to sarikec no Kawas han? Sanay pacaˈof ci Nihimiya: ‘Mahaenay takowanan a tamdaw, manangaˈay saolatekay sa micomod i fangcalay sefi a eca ka mapatay saw? Caay ko mamicomod kako.’ Cowa ka masafanaˈ no ˈada ci Nihimiya. Misamaanay hani? Samanen mafanaˈay cingra, soˈlin o finawlan ci Simaya, kawra cowa ko niocoran no Kawas cingra. Ano soˈlinay o pairasolay no Kawas cingra, hano papicomod i fangcalay sefi no Kawas saw? Miliyaway haca, caay pakapadiken ni Nihimiya ko ˈada cingranan. Cato ka halafin, sanayto pasowal cingra: ‘Saka tosa a poloˈ ira ko lima a romiˈad no Ilul a folad, mapatirengayto ko ˈadipel, komoden 52 ko romiˈad a malaheci.’—Nihimiya 6:10-15; Saˈosi 1:51; 18:7.
SAKA 8 FOLAD 14-20 ROMIˈAD
O ODOˈ KO KIMAD NO KAWAS | NIHIMIYA 8-9
“O Sapafeli ni Yihofa a Lipahak, Oha Saka Ciˈicel Namo”
w13-CH 10/15 21 fiedac 2 fatac
Mikitini i Satolon no Lifi Tamdaw, Mananamay Ita ko Maanan?
2 ˈAyaw no cecay folad nora taykay, maharekayto mapatireng ko ˈadipel no Yirusalim. (Nihimiya 6:15) Itiniay i 52 a romiˈad malaheci kora demak, to dotoc a folad saka cecay a romiˈad, masaˈopoay cangra i kakahaday a potal, mitengil to piˈosi ni Icra ato romaroma Lifi tamdaw, misataˈangay to ngihaˈ miˈosi halo mitadtad to Rikec no Kawas. Polong paro no lomaˈ no Israil, ano ‘o mafanaˈayho mitengil a tamdaw’, tayraay mirienang tora saˈopo, ‘nai dafak tangasa dadaya’ tomireng cangra a mitengil. Tada o ngaˈayay a taˈarawan no mita, anini kita, itiniay i sinowayay a kasaˈopoan a mirienang, coko tatodongen ita ko ngaˈayay taˈarawan nangra saw? Nolatekay masiwalaay ko falocoˈ iso, talacowacowa ko harateng to cowa ko kalimlaan a demak han? Ano hatiraay i, sinanoten ko taˈarawan no Israil tamdaw, misamacayay cangra mitengil hato masemerayto ko falocoˈ a tomangic to patelac nangra caay pidofdof to Rikec no Kawas.—Nihimiya 8:1-9.
w07-CH 7/15 22 fiedac 9-10 fatac
“Papadadotoc Kiso Patoor to Fangcalay Saocor a Midemak Han?”
9 O hemek hananay i, o tada lipahakay a falocoˈ. Ci Yihofa ‘o lipahakay a Kawas.’ (1 Timoti 1:11; ˈOlic 104:31) O Wawa no Kawas midofdofay to araaw no Wama, lipahakan nanay cingra. (ˈOlic 40:8; Hipray 10:7-9) O roma sa i, ‘o sapafeli ni Yihofa a lipahak, o sakaciˈicel ita.’—Nihimiya 8:10.
10 O sapafeli no Kawas a lipahak pairaay to renec no falocoˈ, soˈlinto ano tahasiˈayaw to pasangar, somad ato hakokay, ngangaˈayho padadotoc midofdof to araaw no Kawas a marenecen ko falocoˈ. O ‘sifanaˈ no Kawas’ palipahakay kitanan! (Taneng 2:1-5) Tona iraay ko soˈlinay sifanaˈ, mitiˈer to Kawas, halo pakasoˈlin to sapatefoc ni Yis, ngaˈayay kita patireng to kahemekan a kalalaed ato Kawas! (1 Yohani 2:1, 2) Itini i paro no kakarayan cecayay aca ko masakapotay a salikaka, tona masalalomaˈay kita palipahakay kitanan konini. (Cifaniya 3:9; Hakay 2:7) O Hongti Kitakit a tokel ita, ato fadangalan a milasil to ngaˈayay lihaf palipahakay kitanan. (Matay 6:9, 10; 24:14) Iraayho ko midaˈocay a ˈorip ita. (Yohani 17:3) Samanen iraay ko matediay a hatokel ita, oha ‘tataˈang ko lipahak ita.’—Limoˈot 16:15.
Odoˈ no Sinael
it-1-CH 17 fiedac 6 fatc
Aram a Sowal
Na minokayto ko Yutaya tamdaw nai Papilon ikor to pina a miheca, saysi ci Icra pasayraay toya masaˈopoay i Yirusalim a Yutaya tamdaw miˈosi to Rikec a cudad, iraayho ko papina Lifi tamdaw mitadtad i finawlan. Sanay ko Nihimiya 8:8: ‘Miˈosi cangra to Rikec a cudad no Kawas, misongilaˈ a mitadtad to tatodong nira, ho cipinang ko tamdaw a mitengil,’ sanay. Tiya itiniho i Papilon maroˈ ko Israil tamdaw i, alatek o Aram ko sowal nangra, ‘misongilaˈ a mitadtad’ sa kora sinael i, mihongyakan nangra ko Hipray sowal malo Aram a sowal o sanay. Alatek mahawpay ko pisongilaˈ a mitadtad to tatodong nora sinael, hongaˈ matongal ko kacipinang to ˈangongolay a tatodong no sinael.
SAKA 8 FOLAD 21-27 ROMIˈAD
O ODOˈ KO KIMAD NO KAWAS | NIHIMIYA 10-11
“Makalimay Cangra Pakayni ci Yihofaan a Kinafalah to Niyah”
w98-CH 10/15 22 fiedac 13 fatac
O Yirusalim Matatodongay to Ngangan Nira a Niyaroˈ
13 Itini i lintad ni Nihimiya, o Israil tamdaw patirengay to ‘miketonan a katatelekan’, onini katatelekan padamaay cangranan misaday, to pipacakatan a misalisin to nika laheci no ˈadipel no Yirusalim. Kawra iraayho ko roma kacalohan a demak. Nohatini iraayto ko takaraway a ˈadipel mitaliyok to Yirusalim a niyaroˈ, iraayho ko 12 a ˈadawang, misaaliay to ˈalomanay tamdaw maroˈ i niyaroˈ a midimokos midipot tonini a kitiraan. Iraayto ko romaroma Israil tamdaw maroˈ i niyaroˈ, kawra ‘kakahaday ko niyaroˈ, cowa ka hakowa ko tamdaw itira.’ (Nihimiya 7:4) To sapisalofaw tonini demak, ‘mararitos ko tamdaw, mamoetep ko lomaˈ i, cecay ko lomaˈ to mamaroˈ i Yirusalim’. O maritosay a tamdaw makahiyay tonini a limasmas, masemeran nanay ko finawlan tora mitooray a pakayraan nangra, oraanto i, o mangalayay maroˈ i Yirusalim a tamdaw, palemedan no finawlan. (Nihimiya 11:1, 2) Cangra tada o ngaˈayay taˈarawan no micowatay to soˈlinay pidoyongan a aniniay a tamdaw! Ano hangangaˈay i, ˈalomanay a salikaka anini makalimay malinah tayra i misaaliay to matenesay Krisciyang a pala a mipadang.
w86-CH 2/15 28 fiedac
Pakalowiday ko Soˈlinay Pidoko
Miliyas to tatoˈasan a lomaˈ malinah tayra i niyaroˈ no Yirusalim, o Israil tamdaw mamipalak to adihayay a payci, iraho ko caay kadepocan a pakayraan. Maroˈ i Yirusalim a niyaroˈ latek tatahalifa to maamaan a katalawan. Mankora, pahemekan no ˈalomanay kora makalimay tayra a tamdaw, mitolon ci Yihofaan a palemed cangranan.
w16.04-CH 8 fiedac 15 fatac
Madimadiay a Tamdaw Mamilifok to Hemek no Kawas
15 Tiya patafang kita to tireng i ci Yihofaan i, miketonayto to sowal to mamisarocod a midofdof to araaw Ningra. Mafanaˈay kita, mitoor tonini niketonan a sowal o mamikinafalah kita. Ano caay ka lecad to niharatengan ita, anoca matalaw a mifalic i, wa pasangarto ko demak, itiya mamakahiho kita mitengil to sakayat Ningra han? Ano remoen ita ko talaw, makalim a midofdof to Kawas, misawacayay koni to mitooray kita to niketonan a sowal. Soˈliˈlin pasangaray a mihaen to demak, kawra o sapalemed ni Yihofa kitanan mamataˈlif to mikinafalahan ita. (Malaki 3:10) O fafahiyan a wawa ni Ifta mamakahi a milaheci to niketonan a sowal no wama han?
Odoˈ no Sinael
w06-CH 2/1 11 fiedac 1 fatac
Kalimlaan no Nihimiya a Cudad
10:34—Misamaanay hano mamisaday to kasoy ko finawlan hani? O Rikec ni Mosi cowa pisaali to tamdaw misaday to kasoy, hano papisadayen ko tamdaw sa i, samanen tada iraay ko saali itiya. Misaaliay ko saysi to adihayay a kasoy to sapitodoh to sapatoˈaya. Kawra, itiya o matayalay no fangcalay sefi a roma finacadan tamdaw, cowa ka ˈaloman, mansa o kalo lalomaˈan o mamiritos macacelol cangra patala to kasoy, hongaˈ caka cangoˈot to kasoy no fangcalay sefi.
SAKA 8 FOLAD 28–9 FOLAD 3 ROMIˈAD
O ODOˈ KO KIMAD NO KAWAS | NIHIMIYA 12-13
“Mipiliˈ to Hawidang, Madimadien ci Yihofa”
it-2-CH 710 fiedac 7 fatac
Amon
Ta Malaplapto ci Topiya nai fangcalay sefi i, iraay ko miˈosiay to rikec no Kawas itini i Limoˈot 23:1-3, pakayni to Amon ato Moap a tamdaw, cowa ko ngangaˈay a micomod i kasakopang, misongilaˈanto nangra a midofdof. (Nihimiya 13:1-3) Onini a sarikec maedeng matiliday i ˈayaw no 1,000 a mihecaan; tiya mamicomod ko Israil i mikiˈokan a pala i, caay padama ko Amon ato Moap tamdaw to Israil tamdaw itiya. O tatodong nora sarikec i: O Amon ato Moap tamdaw cowa ko ngangaˈay micomod i kasakopang no Israil, cowa ko ngangaˈay mikihatiya to Israil tamdaw, ira ko fadangalan anoca saaroˈan no kasakopang. Kawra, o cecacecay Amon anca Moap tamdaw, cowa ka ngaˈay micawmaˈ to Israil tamdaw, malacafay maroˈ cangranan milifok to sapalemed no Kawas, cowa ka saan. Oya cicediay a sofitay ni Tafiti ci Cilik, o Amon a tamdaw, ato ci Rucu, o Moap a tamdaw, o ngaˈayay tinakoan kora.—Rucu 1:4, 16-18.
w13-CH 8/15 4 fiedac 5-6 fatac
Mapafangcalayto Cangra
5 ˈOsien ko Nihimiya 13:4-9. Itiniay kita maˈorip i cowa ka korac a hekal, sakakoracaw cowa ko madoloay a demak. Ci Iliyasip aci Topiya o tinakoan cangra. O sakakaay saysi ci Iliyasip, ci Topiya o Amon a tamdaw, alatek o kiemingay a tapang cingra itini mikowanan kilac no Pirsiya. Ci Topiya ato kapot ningra na misahalakaay miconged ci Nihimiyaan patireng to ˈadipel no Yirusalim. (Nihimiya 2:10) O saˈosi no Rikec ni Mosi i, o Amon a tamdaw cowa ko ngangaˈay micomod i fangcalay sefi. (Limoˈot 23:3) Ano hatiraay i, hano ngaˈay ko sakakaay saysi mipatala to kitiraan ni Topiya itini i kakomaenan no fangcalay sefi hani?
6 Makakedecay ko kalalaed ni Topiya aci Iliyasip. Ci Topiya ato wawa ningra ci Yihohanan cifafahiyay to Yutaya tamdaw, ˈalomanay Yutaya tamdaw patadoay ci Topiyaan a somowal. (Nihimiya 6:17-19) Iraay ko cecay widang ni Topiya ci Sanpalat hananay ko ngangan, o tapang no Samariya cingra. O fafahiyan wawa ningra cifaˈinayay to fofo ni Iliyasip. (Nihimiya 13:28) Pakayniay tonini kalalaed, mafiyoray ni Topiya ci Iliyasip ya sakakaay a saysi alatek, tengil saan mitoor to sowal nonini ˈada no finawlan no Kawas. ˈArawhan madimadiay ci Nihimiya ci Yihofaan, fahekolan ningra pasadak i kakomaenan ko emin a lalosidan ni Topiya.
w96-CH 3/15 16 fiedac 6 fatac
Itini Noka Madimadi Miremo to Sapalifet
6 Ano madimadi kita ci Yihofaan i, kiemelen a miliyas ko cimacima misaˈadaay to Kawas a widang. Sanay mitilid ci Yakop: ‘Kamo o maˈodangay a fafahiyan, misawidang to hekal, malecaday o misaˈadaay to Kawas, cowa ka fanaˈ kamo saw? Mankora misawidangayho to hekal a tamdaw, malo ˈadaay no Kawas cingra.’ (Yakop 4:4) Pairaen ita ko mahaenay ni Tafiti a madimadi, sanay cingra: ‘Yihofaaw, ˈintehay i Tisowanan i, coko aˈintehen ako cangra saw? Miˈodisay Tisowanan i, coko aˈintelen ako cangra saw? Mikaˈintehan ako cangra, misaˈada cangranan.’ (ˈOlic 139:21, 22) Cowa ko cacawmaˈen ita ko padeteng sanay mararaw a tamdaw, samanen awaay ko manan kalecadan ita to matiniay a tamdaw. Ano mitawmec kita to madimadi i Kawas, mamidipot kitanan caka picawmaˈ tora misaˈadaay ci Yihofaan a tamdaw, ano pakayniento i tilifi cowa ko mamicawmaˈ i cangranan, cowa saw?
Odoˈ no Sinael
it-2-CH 970 fiedac 2 fatac
Radiw
Tada o masakalimlaan a tayal ko romadiway i fangcalay sefi, samanen marariday somowal ko Fangcalay Cudad to romadiway tamdaw, ‘awaay ko romaroma a tayal’ nangra, ho ngaˈay a misamacay cangra tora romadiway a demak. (1 Rayray 9:33) Ta minokay cangra nai Papilon i, misiwatikan misaˈosi ko romadiway tamdaw, paihkalay koni to mikiriwiˈay ko tayal nangra. (Icra 2:40, 41) Oyato a hongti no Pirsiya ci Artakirkis milasilay to romadiway tamdaw mamatira o romaroma iraay ko mikiriwiˈay ˈinorong a tamdaw, ‘caay ko papasata.’ (Icra 7:24) Toha sapidimokosaw to romadiway tamdaw, palimoˈotay ci Artakiekis to ‘papafelien cangra to romiˈamiˈad a saali nangra.’ Soˈliˈlin o limoˈot no hongti, o ci Icra ko milasilay alatek. (Nihimiya 11:23; Icra 7:18-26) Mankora, soˈlin o Lifi tamdaw ko romadiway, kawra pafafidaˈan no Fangcalay Cudad ko Lifi ato romadiway a tamdaw.—Nihimiya 7:1; 13:10.