Sasamaan ko Pidoko to Kawas Papakahemek Cingraanan?

Malengoay i saka 13 fedengan, cowa pihayda ko Kawas to polong a pihakelongan. Nikawrira, iraay ko cecay pakayraan midoko to Misangaˈay a Tatapangan ngaˈay pakahemek Cingraanan. O masamaanay a pidoko anca pihakelongan korira hani? (Yakop 1:​27 ato roma pihongyak.) Nengnengen ita samaanay ko sowal no Fangcalay Cudad.

1. O maanan ko salalangien a midoko to Kawas?

Salalangien ita ko Fangcalay Cudad midoko to Kawas. Sowal ni Yis to Kawas sanay: ‘O soˈlinay kimad ko sowal Iso.’ (Yohani 17:17) O Kawas ko mikayatay to tamdaw mitilid to Fangcalay Cudad, kawra o roma pidoyongan cowa pisikol to soˈlinay kimad no Fangcalay Cudad, tano tamdawan a sapasifanaˈ ato lekakawa no lalitengan mikotay to soˈlinay kimad. ‘Palasawad to limoˈot no Kawas’ cangra, cowato ka hemek ci Yihofa tonini. (ˈOsien ko Marko 7:9.) Nikawrira, ano misaareteng kita to Fangcalay Cudad hanaca mitoor to sowal no Fangcalay Cudad a midemak i, papakahemek to Kawas.

2. Sasamaan ko pidoko ci Yihofaan hani?

O Misangaˈay a Tatapangan no mita ci Yihofa, o sasarocoden ita mikaolah Cingra. (Paˈarawan 4:​11) Mihaenay i, o kakaolahen ita ko Kawas, edengan ko Kawas ko dadokoen, cowa ko tatano masamaamaanay a samiyay midoko Cingranan, tinakoen o mitoˈtoˈan anca micokaan a sasing.​—ˈOsien ko Isaya 42:8.

O pidoko no mita i, ‘o fangcalay, o kahemekan no Kawas a micada.’ (Loma 12:1) Tatodong nonini dadoedoen ita ko palinian no Kawas a maˈorip. Tinakoen, o maolahay ci Yihofaan a tamdaw mamahemek midofdof to misaˈosian no Kawas a palinian no raramod. Oha laliyasen no mita ko tatiihay a nanaman, o mitamakoay, milalasangay, miˈicepay anca miselipay to etok.a

3. Hano kalacafayen ko romaroma tamdaw midoko ci Yihofaan?

Lipalipayan mirienang kita to saˈopo, ira ko toki pakahemek ci Yihofaan itini i kasakopang. (ˈOlic 111:​1, 2) Malacafay to ˈalomanay romadiw, o pakahemekay to Kawas a pakayraan. (ˈOsien ko ˈOlic 104:33.) Mitahidang ci Yihofa kitaanan mirienang to saˈopo, samaanen tada maolahay Cingra kitaanan. Mafanaˈay Cingra o sakaciepoc no mita ko saˈopo, papadama kitaanan tahadaˈoc makapah ko kaˈorip. O roma i, mirienang to saˈopo kita i, ngaˈay makakowakowad masasipaˈicel.

CALEPEN MIKADKAD

4. Cowa ka ngaˈay kita misakadademak to samiyay itini i pidokoan

IKA: Micadaay ko Kawas to Tamdaw Tano Samiyay Midoko Cingraanan Han? (3:26)

• Itini nolitengan, romaroma finawlan no Kawas misakadademakay to samiyay midoko Cingranan, samaanayto ko teloc?

O harateng no romaroma a tamdaw, itini pidoko i, misakadademak to samiyay matongalay ko piingid to Kawas sanay, kawra mihaen ko demak mangalefay ko piraay to Kawas. ˈOsien ko Kasadakan 20:​4-6 ato ˈOlic 106:​35, 36, ikor lengoen ko ilaenoay a salicay:

• Na maˈaraway iso ko roma tamdaw itini pidoko sakadademakay to maanan a samiyay hani?

• Pakayni misakadademakay to samiyay samaanay ko pinengneng ni Yihofa hani?

• Pakayni misakadademakay to samiyay samaanay ko pinengneng no miso hani?

5. Misarocod midoko ci Yihofaan, misawad to mararaway a kimad

IKA: Mipasalatay ko Soˈlinay Kimad Takowanan (5:16)

ˈOsien ko ˈOlic 91:​14, ikor lengoen ko ilaenoay a salicay:

• Mikiˈokay ci Yihofa, ano misarocod kita maolah Cingranan i, sasamaan ko demak Ningra?

6. Itini i saˈopo no Krisciyang midoko to Kawas

Masaˈopo kita i, moradiway, malalengoay a pacaˈof, ngaˈayay pakahemek ci Yihofaan, makakowakowad masasipaˈicel. ˈOsien ko ˈOlic 22:​22, ikor lengoen ko ilaenoay a salicay:

• Maolahay kiso mitengil to pipaladaˈ no ˈalomanay i saˈopo to nafalocoˈan han?

• Ciharatengay kiso paˈayaw a misaday, ikorto itini saˈopo pacaˈof to cecay a salicay han?

7. Paladaˈen ko tamdaw to mananamay, pakahemek ci Yihofaan

Itini kaˈorip no mita adihayay ko toki ngaˈay paladaˈ to soˈlinay kimad no Fangcalay Cudad i tamdaw. ˈOsien ko ˈOlic 9:1 ato 34:1, ikor lengoen ko ilaenoay a salicay:

• Haratengen ko mananamay iso a lalakaw i Fangcalay Cudad, o maanan ko papaladaˈen iso i tamdaw hani?

KALIMLAAN

Misarocod kita midoko to Misangaˈay a Tatapangan ci Yihofa, itini i saˈopo no Krisciyang pakahemek Cingraanan, paladaˈ i tamdaw to mananamay no niyah a lalakaw, o papakahemek Cingraanan.

Lomalen

• Mikicowa kita mafanaˈ to matatodongay pakayraan a midoko to Kawas?

• Hano edengan ci Yihofa ko dadokoen no mita?

• Hano mamalacafay kita to romaroma tamdaw midoko to Kawas?

MALALITINGAY A LALAKAW

Hano ecato pitaˈong cingra to samiyay? Nengnengen “Cowato ka Malo Koli no Samiyay Kako!” O nalifetan no tamdaw.

“Minanam to Fangcalay Cudad a Mafalic ko Nokaˈorip” (Mikecolay, 2011/7/1)

Iraay ko maanan ngaˈayay pakayraan padama tisowanan pacaˈof to salicay i saˈopo?

“Itini i Kasakopang Pahemek ci Yihofaan” (Mikecolay, Saka 1 Folad 2019)

Cecay kapah misaˈicelay to sapirienangaw to saˈopo, kawra mikitini i saˈopo malifokay ningra ko maanan a epoc hani?

Ciharatengay ci Yihofa Takowanan (3:07)

Harateng no ˈalomanay tamdaw o tahapinangan no Kristokiyo ko ciwcika sanay. Ano midoko kita i, misaka dademak to ciwcika han?

“Ano Midoko ko Misawacayay Tamdaw ni Yihofa i, Hano Caka Pisakadademak to Ciwcika?” (Lalakaw no wangcan)