Makalimay ko Kawas Sasamaan ko Kaˈorip Ita Hani?

Sowal no Fangcalay Cudad, o tamdaw ‘apotoˈay ko ˈorip, matomesay ko cariraw.’ O soˈlinay konini, cowa saw? (Yopu 14:1) Kawra soˈlinay o nano harateng no Kawas to mamahaen ko kaˈorip ita han? Ano cowa i, harateng Ningra sasamaan ko kaˈorip ita hani? Papalaˈosien Ningra ko harateng Ningra han? Nengnengen ko caˈof no Fangcalay Cudad, o mamalifok iso ko sahinom.

1. Makalimay ci Yihofa sasamaan ko kaˈorip ita hani?

Makalimay ci Yihofa o sangaˈayay ko kaˈorip ita. Salakat, misangaˈan Ningra ko saka cecay faˈinayan tamdaw ci Atam ato saka cecay fafahiyan tamdaw ci Ifa, pakamaroˈan cangra i cecay makapahay a palosayan. Onini a palosayan oya Itin hananay. ‘Palemedan no Kawas cangra, pasowal cangranan: “Kahofoc to ˈalomanay wawa, miedef tonini a hekal, pamatangen ko sera.”’ (Satapangan 1:​28) Makalimay ci Yihofa mahofoc to wawa ci Atam aci Ifa, makalimayho cangraanan pala lakoing to polong no cikiw, hanaca midimokos to masakenakenaay a pinaˈorip. O araaw no Kawas polong no tamdamdaw malefot ko tireng tahadaˈoc a maˈorip.

ˈArawhan i, o kaˈorip ita nohatini cowa ka mahaen,a kawra o araaw no Kawas cowa ka falic. (Isaya 46:​10, 11) Kamayan makalim Cingra to polong midofdofay Cingranan a tamdaw itini i malefotay a pakayraan tahadaˈoc a maˈorip.​—ˈOsien ko Paˈarawan 21:​3, 4.

2. Sasamaan ko demak ita ngaˈ ciepoc ko kaˈorip?

Misangaˈ ci Yihofa to tamdaw i, ‘iraay ko nofalocoˈan a saali,’ mankora sakafanaˈaw kita to Kawas a midoko Cingranan. (ˈOsien ko Matay 5:​3-6.) Makalimay Cingra ira ko makedecay noka lawidang ita Cingranan, hanaca ‘midoedo to kihcod a sakayat Ningra a malatamdaw, kaolahen Cingra, sarocoden ko falocoˈ midoko [Cingranan].’ (Limoˈot 10:12; ˈOlic 25:14) Ano mihaen ko demak ita i, wa ira ko soˈlinay a lipahak, soˈliˈlin tahalifa to pasangar o mamahaenho. Midoko ci Yihofaan padamaay kitaanan pakahela to patosokan no kaˈorip, ciepoc ko ˈorip.

3. Makalimay ci Yihofa fangcal ko kaˈorip no tamdaw

Nengnengen ko IKA, ikor lengoen ko ilaenoay a salicay:

IKA: Hano Misangaˈ ko Kawas to Cikiw Hani?​—JW Tilifi (1:41)

• Hano misangaˈ ci Yihofa to makapahay a cikiw?

ˈOsien ko Patnakay 3:​11, ikor lengoen ko ilaenoay a salicay:

• Pakayni araaw ni Yihofa to tamdaw, mikitini tonini a sinael mahapinang iso ko maanan?

4. Cowa ka falic ko araaw ni Yihofa

ˈOsien ko ˈOlic 37:11, 29 ato Isaya 55:11, ikor lengoen ko ilaenoay a salicay:

• Hano mafanaˈ kita to cowa ka falic ko araaw ni Yihofa to tamdaw?

5. Midoko ci Yihofaan pairaay to soˈlinay a epoc no kaˈorip

IKA: Mahelaayto Ako ko Epoc no Kaˈorip (5:03)

• Itiniay i ika ci Terumi ikor no cipinang to epoc no kaˈorip iraay ko maanan no kafalic?

ˈOsien ko Patnakay 12:​13, ikor lengoen ko ilaenoay a salicay:

• Adihayay ko midemkan ni Yihofa saki kitaanan, sasamaan kita patikol i Cingranan?

KALIMLAAN

O harateng ni Yihofa kitaanan aitini i cikiw tahadaˈoc a maˈorip, halo itini malefotay a pakayraan rihaked a maˈorip. Ano misarocod kita midoko ci Yihofaan i, ngangaˈay nohatiniho misatapangto ira ko ciepocay a nokaˈorip.

Lomalen

• Misangaˈ ci Yihofa ci Ataman aci Ifaan i, na makalimay samaan ko kaˈorip nangra?

• Hano mafanaˈ kita to cowa ka falic ko araaw ni Yihofa to tamdaw?

• Sasamaan ko demak iso ngaˈ ciepoc ko kaˈorip?

MALALITINGAY A LALAKAW

Hano ngaˈay kita pakasoˈlin to iraay ko Itin palosayan isaˈayaw hani?

“O Itin a Palosayan​—Na Soˈlinay a Materek Han?” (Mikecolay, 2011/1/1)

Misamaanay hano pakasoˈlin kita to tatahadaˈoc a materek konini a cikiw?

“Mamalaˈafo ko Cikiw Han?” (Lalakaw no wangcan)

Samaanay ko Fangcalay Cudad padama kitaanan mahela ko epoc nokaˈorip?

“O Kaˈorip no Tamdaw O Maanan ko Epoc?” (Lalakaw no wangcan)

Na iraayto ko maamaan ako sanay miharateng cingra, ˈarawhan tafihawayho ko falocoˈ. Ikor samaanayto cingra marenecen ko kaˈorip hani?

O Kaˈorip Ako Nohatini Tada Ciepocay (3:55)