Pakayni to Maacangay a Demak, Samaanay ko Pinengneng no Kawas Hani?

Halamhamay ci Yihofa kitanan mahemek ko kaˈorip. Ano kalacafay kita to salawinawina a lipahak itini i mikiriwiˈay a romiˈad, o fangcalay konini a demak sanay ci Yihofa. Nikawrira, polong a maacangay a demak o kahemekan ni Yihofa han? Pakayni toninian, sasamaan kita paihkal to nika olah no niyah ci Yihofaan hani?

1. O adihayay a maacangay a demak hano cowa ka sahto sa o kahemekan ni Yihofa?

Cowa ka harateng iso alatek, adihayay a maacangay a demak misafelitay to kimad no Fangcalay Cudad anoca o naitiniay i mararaway pidoyongan. Tinakoen, o romaroma maacangay a demak milingatay to maangangay anoca mikitiniay to iraay ko saloˈafang sanay a mararaway kimad, o romaroma misalisinay a maacangay a demak o sapifahfahaw to kaloykoy, o romaroma i, tada makapaysinay. (Isaya 65:11) Patalipaˈelalay ci Yihofa to midokoay Cingranan a tamdaw, ‘akato pitefing to caay ka korac a dafong.’ Sanay.​—2 Korinto 6:17.a

2. Pakayni to pakidemay a paˈakawang to tamdaw a kaacangan a demak, samaanay ko pinengneng ni Yihofa?

Patalipaˈelalay ci Yihofa kitaanan aka pakidem paˈakawang to tamdaw, malefong i ‘mitiˈeray to hekal a tamdaw’ a satalakal. (ˈOsien ko Yirimiya 17:5.) O romaroma kaacangan a romiˈad paˈdilay to ˈaˈideman anca sufitay. O romaroma kaacangan a romiˈad o piharatengan to katomirengan no kitakit, anca milingatay to tatafing no kitakit. (1 Yohani 5:21) Iraayho ko romaroma kaacangan a romiˈad mitenakay to mirikecay anca no siyakay a demak. Ano pakidem kita paˈakawang to cimaanan a tamdaw anca o lekakawa no hekal i, wa samaan ko piharateng ni Yihofa? Ano misafelitay to araaw ni Yihofa kora paˈakawangan ita a tamdaw i, wa samaan ko piharateng ni Yihofa hani?

3. O manan a waywayan itini kaacangan a demak, o kapiliˈan ni Yihofa?

Mirikecay ko Fangcalay Cudad to ‘haliepahay, haliacangay, haliˈowakay.’ (1 Pitiro 4:3) O romaroma maacangay a demak matomesay ko caay ka satamdaw a demak, pakinaliay a maacang ko tamdaw awaayto ko tolas. O laliyasen no mita ko mahaenay cikaditay a demak, hongaˈ padadotoc mala widang ni Yihofa.

CALEPEN MIKADKAD

4. Aka mikirienang to kaˈintehan ni Yihofa a maacangay a demak

ˈOsien ko Ifiso 5:10, ikor lengoen ko ilaenoay a salicay:

• Ano misaˈosi to hamami kirienang to maanan a kaacangan i, o hahapinangen ita ko maanan?

• Iraay ko maanan matenakay a kaacangan demak itini i kitiraan iso hani?

• O kahemekan ni Yihofa ko mahaenay a maacangay a demak han?

Tinakoen, maacangay to kahofocan a romiˈad mafanaˈay kiso to samaanay ko pinengneng no Kawas han? Awaay masowal no Fangcalay Cudad ko midokoay ci Yihofaan to maacangay to kahofocan a romiˈad. Soˈlinay haw i, maˈoningay no Fangcalay Cudad ko tosa to pakayniay kahofocan a romiˈad a demak, ora maacangay a tamdaw cowa ko midokoay ci Yihofaan. ˈOsien ko Satapangan 40:20-22 ato Matay 14:6-10, ikor lengoen ko ilaenoay a salicay:

• Onini tosa pakayniay kahofocan a romiˈad iraay ko manan kalalecadan nangra?

• Mikitini tonini tosa a maˈoningay, samaanay ko pinengneng ni Yihofa to maacangay to kahofocan a romiˈad sanay kiso hani?

Wa saan kiso alatek: Soˈlinay ciharateng ci Yihofa to nika acang ako to kahofocan a romiˈad, anca mirienang to misafelitay to Fangcalay Cudad a kaacangan a demak han? ˈOsien ko Kasadakan 32:1-8. Dotoc nengnengen ko IKA, ikor lengoen ko ilaenoay a salicay:

IKA: Cowa ko Kaolahan no Kawas a Kaacangan a Demak (5:07)

• Hano mamihapinang kita to o maanan ko kaolahan ni Yihofa?

• Sasamaan ko demak ita hani?

Sasamaan mafanaˈ to maanan cowa ko kaolahan no Kawas a kaacangan a demak?

• O mikitiniay i cowa ka tatodong to Fangcalay Cudad a mararaway kimad hokira? ˈArawen ko lalengawan nira.

• Pakidemay paˈakawang to tamdaw, to lekakawa no hekal anca tatafing no kitakit hokira? Ci Yihofa ko papaˈakawangen ita, pakasoˈlinen edengan Cingra ko mamisaysay to polong a pasangar no hekal.

• O pinangan ato waywayan a maacang, misafelitay to palinian no Fangcalay Cudad hokira? O mamakorac kita itini i waywayan.

5. Padamaen ko tao mikangodo to pihakelongan no mita

IKA: Hadidien Mitadtad ko Pihakelongan no Miso (2:01)

ˈOsien ko Matay 7:12, ikor lengoen ko ilaenoay a salicay:

• Mikitini i sinael, ano maacang to pisalisinan a romiˈad ko cowa pihakelong a paro no lomaˈ, o mamilikaf kiso cangranan han?

• Sasamaan kiso pakafanaˈ to paro no lomaˈ, soˈliˈlin cowa kaacang kiso to pisalisinan a romiˈad, kawra maolahay kiso cangranan, mikangodo cangranan?

6. Halamhamay ci Yihofa lipahak kita

Halamhamay ci Yihofa kitanan mangaˈay a minaol to salawinawina a lipahak. ˈOsien ko Patnakay 8:15, ikor lengoen ko ilaenoay a salicay:

• Onini a sinael samaanay patalahkal to halamhamay ci Yihofa lipahak kita?

Halamhamay ci Yihofa to finawlan Ningra lipahak a malisopsop, malacafay rihaked to kahemekan a tatokian. Nengnengen ko IKA, nengneneng ko koksay taykay ita tada o kalipahakan a tatokian.

IKA: Itini Koksay Taykay Patahkalay to Hinalafangay a Waywayan (5:40)

ˈOsien ko Kalatiya 6:10, ikor lengoen ko ilaenoay a salicay:

• O mamikirienang kita to kaacangan a romiˈad ngaˈ o misangaˈayay to tamdaw sanay han?

• Itini kaacangan a romiˈad pafeli to sapatelong, anoca ano hacowato mikifalocoˈ a patelong to tao, icowaay ko papakahemek tisowanan?

• ˈAlomanay Misawacayay Tamdaw ni Yihofa latelatekay midemakay to mikiriwiˈay a demak saki wawa, anoca patelong a pakahemek cangranan. Ano iraay ko wawa iso, ngangaˈay kiso midemak to maanan mikiriwiˈay a demak saki cangranan hani?

KALIMLAAN

Halamhamay ci Yihofa kitanan mangaˈay a minaol to salawinawina a lipahak, kawra cowa ka hemek Cingra mirienang kita to kapiliˈan Ningra a kaacangan a demak.

Lomalen

• Hano mafanaˈ kita to cowa ko kaolahan no Kawas a kaacangan a demak?

• Sasamaan kita padama to paro no lomaˈ ato widang cipinang to saaroˈan ita ita i misalisinay a demak?

• Hano mafanaˈ kiso to halamhamay ci Yihofa lipahak ko tamdaw?

MALALITINGAY A LALAKAW

Nengnengen hano cowa kaacang ko Krisciyang to maamaanan a pisalisinan a romiˈad.

“Misawacayay Tamdaw ni Yihofa Hano Eca Kaacang to Maamaanan a Pisalisinan Romiˈad?” (Lalakaw no wangcan)

Hano mafanaˈ kita, cowa ka olah ko Kawas maacang to kahofocan a romiˈad? Nengnengen ko sepat a lalangian.

“Misawacayay Tamdaw ni Yihofa Hano Eca Kaacang to Kahofocan a Romiˈad?” (Lalakaw no wangcan)

O manono’ay ci Yihofaan a wawa, misamaan misi’ayaw to lisin no hekal.

Kanono’an ni Yihofa Kiso a Wawa (11:35)

Itini paro no kakarayan iraay ko masaˈofaˈofaday a Krisciyang cowa kaacang a misalisin to Krismas, tengilen ko nafalocoˈan no papina a tamdaw.

“O Manan ko Mikikakaay to Kangaˈay no Maacangay to Krismas a Lisin Hani?” (Mikecolay, 2012/12/1)