¿Chiuu waa nnda̱a̱ nndya̱a̱yaa ʼnaⁿ na matso Tyʼo̱o̱tsʼom?

Tyʼo̱o̱tsʼom cwiwiilʼueeʼñe Biblia na matseineiiⁿ ñequio jaa (2 Timoteo 3:16)

Ñʼomtiuu ʼnaaⁿʼ Tyʼo̱o̱tsʼom tooʼnaʼ naquiiʼ Biblia. Jom sʼaaⁿ na ntʼom naⁿnom jlaʼljeiina juunaʼ. Naquiiʼ Biblia tooʼ ñʼoom na jeeⁿ cajnda, ndoʼ Tyʼo̱o̱tsʼom lʼue tsʼoom na calaʼno̱o̱ⁿʼa joonaʼ.

Tjaaʼnaⁿ cwii tsʼaⁿ na jndo̱ʼti tsʼom macanda̱ nquii Tyʼo̱o̱tsʼom. Jom ntyjiiti ʼniiⁿ ʼnaⁿ yati cwentaa jaa. Xeⁿ na nndya̱a̱yaa ʼnaⁿ na matsoom, yati ñʼomtiuu ntʼua̱ya (Proverbios 1:5).

Jom lʼue tsʼoom na chaʼtso nnʼaⁿ calaʼnaaⁿna Biblia. Ncʼe joʼ na jnda̱ teiljeiinaʼ ñequio jndye nnom ñʼoom.

Xeⁿ na ñecandya̱a̱yaa ñʼoom na matso Tyʼo̱o̱tsʼom, macaⁿnaʼ na nlaʼnaaⁿ Biblia ndoʼ nlaʼno̱o̱ⁿʼyaa ñʼoom na matsonaʼ.

Nnʼaⁿ chaʼwaa ntyjaaʼ tsjoomnancue cwindyena ʼnaⁿ na matso Tyʼo̱o̱tsʼom (Mateo 28:19)

Joo nnʼaⁿ na cwitjeiʼyuuʼndye cantyja ʼnaaⁿʼ Jiowa nnda̱a̱ nnteiʼjndeiina ʼu na nntseiʼno̱ⁿʼ Biblia.

Joona cwitʼmo̱o̱ⁿna ñʼoom na mayuuʼcheⁿ cantyja ʼnaaⁿʼ Tyʼo̱o̱tsʼom chaʼwaa nnom tsjoomnancue.

ʼU nnda̱a̱ nncwajnaⁿʼtiʼ cantyja ʼnaaⁿʼ Tyʼo̱o̱tsʼom xeⁿ na ncjaʼ jomta ʼnaaⁿ nnʼaⁿ na cwitjeiʼyuuʼndye cantyja ʼnaaⁿʼ Jiowa. Chaʼtso joonaʼ cweʼyu.