¿Chiuu waa nnda̱a̱ nntseiʼmo̱o̱ⁿʼ ʼu na tyeⁿ mʼaⁿʼ ñequio Jiowa?

Catseijomndyuʼ ñequio Tyʼo̱o̱tsʼom (1 Pedro 5:6-9)

Tintsaʼ na nquiaaʼ ndoʼ caʼndiiʼ costumbre na cwilʼa nnʼaⁿ na titseijomnaʼ ñequio ʼnaⁿ na matseiʼmo̱o̱ⁿ Biblia.

Tintseiñʼeeⁿndyuʼ ñequio ntmaaⁿʼ ʼnaaⁿ naⁿmaⁿnʼiaaⁿ na mʼaⁿ tsjoomnancue. Tomti macaⁿnaʼ na nnteijndeiʼ Nʼiaaⁿ ʼnaaⁿʼ Jiowa.

Candiʼyaʼ ʼnaⁿ na matso Tyʼo̱o̱tsʼom, joʼ ñʼomtiuu na yati nnda̱a̱ nntʼuiiʼ (Mateo 7:24, 25)

Cjaʼ jomta ʼnaaⁿ nnʼaⁿ na cwitjeiʼyuuʼndye cantyja ʼnaaⁿʼ Jiowa. Joona nnteiʼjndeiina ʼu na ncwajnaⁿʼ Tyʼo̱o̱tsʼom.

Cjacwajnaⁿʼtiʼ cantyja ʼnaaⁿʼ Tyʼo̱o̱tsʼom ndoʼ catseicanda̱ʼ ʼnaⁿ na macaaⁿ.

Xeⁿna jnda̱ tyeⁿ matseiyuʼ, catsuʼ nnom Jiowa na mayuuʼcheⁿ nntsaʼ ʼnaⁿ na jom lʼue tsʼoom chaʼtso xjeⁿ na wandoʼ ndoʼ cwitsʼoomndyuʼ (Mateo 28:19).

Candiʼyaʼ ʼnaⁿ na matso Tyʼo̱o̱tsʼom. Catseiʼnaⁿʼ Biblia ndoʼ caⁿʼ nda̱a̱ nnʼaⁿ na cwitjeiʼyuuʼndye cantyja ʼnaaⁿʼ Jiowa na cateiʼjndeiina ʼu na yati nntseiʼno̱ⁿʼ juunaʼ. Xeⁿna nntsaʼ ʼnaⁿ na ʼu matseiʼnaⁿʼ, nnda̱a̱ nncwandoʼ na macanda̱ (Salmo 37:29).