¿ʼNiiⁿ ʼnaⁿ matseimo̱ⁿna nda̱a̱ quiana jndyo ndaaluaʼntyʼa?

Seicatsuu Tyʼo̱o̱tsʼom chaʼtso nnʼaⁿ na jlaʼquieʼ nʼom sa̱a̱ tjeiʼnʼmaaⁿñe Noé ndoʼ nnʼaⁿ waⁿʼaⁿ (Génesis 7:11, 12, 23)

Ñetuaʼ wenʼaaⁿ xuee ndoʼ wenʼaaⁿ tsjom ñecwiitʼcoo. Tooʼ nomtyuaa ñjom ndaatioo, joʼ chii chaʼtso nnʼaⁿ na wiʼndye tja̱a̱.

Joo ángeles na jlaʼquieʼ nʼom ʼndyena seiʼtsʼo ʼnaaⁿna ndoʼ jlaʼjoomdyena ñequio Satanás. Ndoʼ jeʼ cwiluiindyena ángeles tia.

Cweʼ tomti jluiʼnʼmaaⁿdye nnʼaⁿ ndoʼ quiooʼ na tyʼequieʼ naquiiʼ wʼaandaa. Tjati xuee, Noé ñequio nnʼaⁿ waⁿʼaⁿ tja̱na, sa̱a̱ Tyʼo̱o̱tsʼom nñequiaaⁿ na nntandoʼxcona na macanda̱.

Jnda̱ wjaawindyooʼ na Tyʼo̱o̱tsʼom nntseicatsuunnaaⁿʼaⁿ nnʼaⁿ na wiʼndye sa̱a̱ ncwjiʼnʼmaaⁿñe nnʼaⁿ na yannʼaⁿndye (Mateo 24:37-39)

Juu Satanás ñequio ángeles tia ndicwaⁿ cwinquioʼnⁿʼaⁿna nnʼaⁿ chaʼna ticandyena ʼnaⁿ na matso Jiowa.

Xueejeʼ, chaʼxjeⁿ quia ñetʼoom Noé, jndye nnʼaⁿ tiñecalañʼoomʼndyena Jiowa. Joʼ chii jnda̱ wjaawindyooʼ na nseicatsoom chaʼtso nnʼaⁿ wiʼndye (2 Pedro 2:5, 6).

Sa̱a̱ xueejeʼ mati mʼaⁿ nnʼaⁿ chaʼxjeⁿ Noé ndoʼ cwilʼana chaʼxjeⁿ matsa̱ʼntjom Tyʼo̱o̱tsʼom. Joʼ nnʼaⁿ na cwitjeiʼyuuʼndye cantyja ʼnaaⁿʼ Jiowa.