OKPỌKỌ 8
Kpasi Oruru Ke Mkpa Kè Jisọs Okaan̄ Inyi Owu?
Jisọs ikwu inyi eji meluk ugwem. Jọn 3:16
Òso usen ita melek mkpa kè Jisọs, usini ebibaan̄ misi ere emaan̄be ọmọ ire, emen ereya ikup ukpọkukpọk. Mije Jioba ijomo Jisọs me mkpa.
Mgbọya orakabe Jisọs isa lekan̄ ijeen̄ ebi udun̄ kan̄.
Jioba ijomo Jisọs me mkpa. Mgbọ keyi Jisọs ire ekwukwu okaan̄ unye. Ọmọ ikpobokọt iyaka ikwu. Ebi udun̄ kan̄ mimun̄ ọmọ okifo emen inyọn̄.
Awaji ijomo Jisọs me mkpa mè irọ ọmọ ubọọn̄ eyi Ama Ubọọn̄ Awaji. Danien 7:13, 14
Jisọs isa ugwem kan̄ igwa ngwugwa mkpenwene inyi ebilene. (Matiyu 20:28) Inan̄a melek ngwugwa mkpenwene keyi, Awaji irọ inyi ugwem ikakaan̄ge itata ifet.
Jioba igobo Jisọs kubọk ire ogwu ubọọn̄ obokpulu inyọn̄ ijọn̄. Jisọs mokpulu melek ebi 144,000. Ebi ire ebi igbegbe utoon-ejit, ebi ejomobe me mkpa me inyọn̄ ijọn̄ mè inyi ema ugwem eyi emen inyọn̄. Jisọs melek ebi 144,000 ekana mkpulu eyi ata ubọk irọrọ okup me emen inyọn̄, eyi orere Ama Ubọọn̄ Awaji.—Ichichili 14:1-3.
Ama Ubọọn̄ Awaji morọ inyọn̄ ijon̄ yi ikana paradais. Akọn̄, nfiat-ikan, ugbọọn̄ me ura-ofiọọn̄ ikpoboyaka ikup. Ebilene mekaan̄ ata ubelejit.—Okwa Itọn̄ 145:16.