OKWA 46
Eji Ekibe Owu Onirọ Jioba
(Ebi Tesalonaika Eyi Adasi 5:18)
1. Eji ekibe Jioba onirọ
Mije okikpọ chieen̄ me lek kiji.
Owu okinọ ida uriaak kiji.
Owu okitap ubọk iny’eji.
2. Eji ekibe Jioba onirọ
Mije ojeen̄ eji atikọ kwun̄.
Eji ekimin erieen̄ kwun̄ m’ikilook
Ibe Ama Ubọọn̄ kwun̄ okinu.
3. Eji ekibe Jioba onirọ
Mije oria Jisọs Gwun̄ kwun̄ inu.
Ama Ubọọn̄ kwun̄ mosan̄a ufialek,
Eji menwọọn̄ gaalek ugbana kwun̄.
(Fuk si Itọn̄ 50:14; 95:2; 147:7; Kọl 3:15.)