‘Ikup Inye Ikikeek Inu Chi’

Inu Echi Owa? Ebi Filipai 4:8 ibe eji ekekeek inu echi òrere atikọ, mè inu geelek òtatat, mè inu geelek òtatana me isi Awaji, mè inu geelek òjajaan̄, mè inu geelek ebi ene ekima, inu geelek ònwọnwọn ichit, mè echi ebi ene mêkọtbe itọn̄. Eyi ikasibi ibe ke ogwu eyi Karais ibokikeek mkpọ ofolek Baibul gaalek. Ire, kè inu eji ebekikeek mkpọ ofolek ire echi Jioba obokima. Eji ekakikeek mkpọ obokirọ me igbegbe utoon̄-ejit kiji inyi Jioba iwọ—Itọn̄ 19:14.

Ikiyọt ijijit lọlọ nkeek. Eji ebekikeke ikeme ekasoge eyi akpalek kiji melek ukeme echi Setan, “awaji ebi linyọn̄ keyi.” (2 Kọr 4:4) Mije ibe ọmọ okikpulu linyọn̄ yi, owuwa inu okup me TV, redio, ikpa mè ntaneti ikire ijo ijo. Kè eji egbala chieen̄ egobo inu eji ebekitap me ejit kiji mije inu geelek eji esun̄be me ejit kiji ikaan̄ mgbaan̄ me lek mbet inu eji ebekikeek mè eru eji ebekaan̄—Jemis 1:14, 15.

KPỌ FIDIO JIT INU OKIRỌ IBE EKAKIGBE UTOON̄-EJIT—INU INWỌỌN̄ LEK IKAGBEGE, MÈ IFỌỌK IDODO CHI OGỌGỌỌK:

• 

  Keke ke gwun̄ ute enerieen̄ ya okikpọ me emen fun kan̄, kpasi mgbaan̄ ke ikaan̄ me lek kan̄ si?

• 

  Ike owa ke ikpa Ebi Galesia 6:7, 8 melek Okwa Itọn̄ 119:37 esa itap ubọk inyi ogọt?