INU UNYE OTU EWE OKUP ME USEM AWAJI | JỌN EYI ÒSO IBA 1-13; JỌN EYI ÒSO ITA 1-14–JUDU 1-25

Eji Mesa Otutuuk Efuuk Kiji Ikup Inye me Emen Atikọ

Judu 3

Ogwu enerieen̄ ge ikisa ikọkọt ìraka me isotu ògbagba inwan

Jisọs itumu ibe: “Ìsa ubọk geelek enyi ekọtbe, mè ìraka ìnin̄ me otunchit eyi ògbagba inwan.” (Luk 13:24) Usem kè Jisọs isibi ibe ke eji mesa mè itap efuuk enenen inyi ekaan̄ nnwọn isi Awaji. Judu, ngwan̄ kè Jisọs itumu mbet usem yaage inan̄a me unye ekwukwu mbuban, ibe: “Ìsa otutuuk unye kinyi ìkwukwulu, mè imun̄ ibe ke enyi mîkeke inye me emen ata etip eyi enyi echieekbe me lek.” Ikekitap efuuk isọkọ efuuk obotap ubọk inyi eji ekọt:

Ejit ikekibubat.—Judu 6, 7
Ekejeen̄ ebi ikup me unye ntọ-ikọ ulibi.—Judu 8, 9
Enama “ichechieek . . . eyi òkup me mbuban ichit,” orere nchieek kiji ofolek ijejeen̄ Baibul.—Judu 20, 21