Ire Okekikaan̄ Oruru Inan̄a Me Lek Examining the Scriptures Daily?

Usen geelek, ire okekifuk ere Baibul mè inu egebe me ikpa Examining the Scriptures Daily, mè isa me ikeya ikitaba lek iriaak me lek Jioba ni? Ire okakirọ, ire omokọt ikween̄ ikekirọ ikeya usen geelek ni? Owuwa ene ekirọ eyi kiban̄ me agan̄ egwe ufuna ekọt ekegwu nkeek ekom me lek inu ekween̄be ike ekebirọ ikwaan̄ kiban̄ usen geelek. (Jos 1:8; Itọn̄ 119:97) Kpa ubọk ke obokọt ikikaan̄ oruru igbaalek inan̄a me lek ere Baibul esabe irọ mkpọ me usen me usen? Fuk ere Baibul ya inyi okọt oriọọn̄ ogwu mè iyaka ire inu ekikpa mkpọ ofolek. Keek mfufuk Baibul ge okibieen̄ onineen̄ ekpabe isibi me ikpa ya inye. Mè tap onineen̄ ya me ikwaan̄ me ugwem kwun̄. Usem Awaji isikikaan̄ mgbaan̄ me lek ntumu-mfieek kwun̄, mokiban ugwem kwun̄ mè ikisibi owu oruru me atikọ.—Itọn̄ 119:105.

Ebi ikisi ikwaan̄ me Bethel me otutuuk linyọn̄ ekifuk Examining the Scriptures Daily esirie inorie ewelegwe isan̄a. Mè ikafiin̄ge, mibene ikitap owuwa me lek ukpatu chi me JW Broadcasting^® me ere egebe PROGRAMS AND EVENTS. Ire mgbọ owa ke okpọ ge mè iyaka ire usini me lek fidio cha? Inu ekpabe me fidio cha mokọt ire achubọk mkpọ oweekbe. Kubọk inu njeen̄, ike owa ke mfufuk kè Lọt obosa ikaan̄ mgbaan̄ me lek ntumu-mfieek kwun̄?

IKPỌ FIDIO IKAMA LINYON̄ KEYI (1 JỌN 2:15), MÈ IFỌỌK IDODO CHI:

• Ere Baibul owa ke ukpatu Mkpọ Usen yi oyaka imaan̄ me lek?

• Kpa ubọk kè mfufuk Lọt osa ijeen̄ unan okup me lek imama linyọn̄ keyi mè iyaka ire mkpọ okup me emen kan̄?—Ibeb 13:12; 14:12; 19:3, 12, 13, 24-26

• Kpa ubọk ke eji ebekijeen̄ ibe ke eji mima Jioba, kpan̄asi linyọn̄ yi mè iyaka ire mkpọ okup me emen kan̄?