Keke Nye Ike Ota Ukot Keyi Okebigbet

INU ORỌRỌ IKUPBE UFIAK: Sọnja mgbọ, uyeke mkpọ echi obobọkọ irek motọ ukarajit mè utoon̄ ejit kiji me lek Jioba ikpọ me oniin̄ eyi ikawuukbe lek irọ. Ikpele ujaralek ya mobene me lek ifafiat uwu uriaak ataak. (Mat 24:21; Ichi 17:16, 17) Me uyọt uyọt mgbọ cha, mokọt ire etip oyerebet ololobo enenen ke eji ebekilook. (Ichi 16:21) Gọgu ogwu Magọgu mokeke ikeme eji. (Ijik 38:10-12, 14-16) Isasa inyan̄a ebi eyi kan̄, Jioba monenibene “akọn̄ me ikpele usen ya, eyi Awaji Ogwu Òkaan̄ Unye Geelek ogobobe isun̄.” (Ichi 16:14, 16) Inyi eji ekọt ekaan̄ ukarajit me mgbọ okup me isi, igbe ibe eji ekegbe utoon̄ ejit me irek echi okitọ ichechieek kiji ikpọ me chereyi.

UBỌK OBORỌ:

• Sa me ukarajit kiluk gọọk onineen̄ ata ubọk irọrọ kè Jioba.—Asaya 5:20

• Kweek nye kigọọk ebi eyi Karais ogbo kwun̄ kitọbọ ebum.—Iburu 10:24, 25

• Kigwat lek gọọk ntọ ubọk ntitiin̄ Jioba okebinyi.—Iburu 13:17

• Kigwu nkeek kom me lek ubọk Jioba osabe inyan̄a ebi eyi kan̄ me mgbọ oraraka.—2 Pita 2:9

• Kibeek uriaak nyi Jioba mè toon̄ ejit me lek kan̄.—Itọn̄ 112:7, 8

IKPỌ FIDIO INU OBORỌ ME ISI OBOWEEK ITETET LEK INYE — OKPỌKỌ ME LEK, MÈ IFỌỌK IDODO CHI:

• 

  Kpasi irek okitọ nsiki ibot ene ikpọ ke ebi ikilook ata etip echichini me mgbọ egbaan̄be ntitiin̄ kiban̄ ichọk melek ofifi ntitiin̄?

• 

  Kpasi mgbaan̄ ke ukarajit melek nsiki ibot okaan̄?

• 

  Keke orọ eji ebeweek ukarajit mgbọ akọn̄ Amagedọn obobene?

• 

  Mfufuk Baibul owa obokọt itap ubọk inyi eji enama ichechieek me lek unye Jioba okaan̄be isasa inyan̄a eji?—2 Mfuf 20:1-24