Irọriọọn̄ Ubọk Ikirọ Ikwaan̄ Uko Kiji Ijaan̄—Ikekisa Camera mè iyaka ire Intercom Ilook Ata Etip

INU ORỌRỌ IKUPBE UFIAK: Ebi ene ekpọkpọ ikiwaba ayaya inu isibi, bak lek keya melek owuwa mfiat ikan okibọko irek, owuwa ene mitap camera mè intercom (Intercom ire okwukwut itumu-ikọ ekitap me lek uwu) me uwu kiban̄ ufuna ema mekọt ikimun̄ mè ikigọọk ebi ichen ikpa usem mè ekachilibe isotu kiban̄. Eji mekọt ikikaan̄ ukpook ofolek ilolook ata etip inyi ogwu eji ekamun̄ge me mgbọ ikebimun̄ eji. Nteme chi motap ubọk inyi eji ekọt esa me unye ejit elook ata etip enyi ebi ene inan̄a me lek camera mè intercom.

UBỌK OBORỌ:

• Kaan̄ ata nkeek. Owuwa ebi ikaan̄ camera mè intercom mikikaan̄ ulọk igọgọọk eji ikpa usem

• Kawuuk ibe ke usini camera mokọt ikirọ owu rekọd sabum obotọbọ ubọk me isotu ene, ogwukaan̄ uwu ya mokọt ikikpọ owu mè ikigban̄ ikọ kwun̄ mgbọ yaage onin̄be oyet egep kan̄

• Ogwukaan̄ uwu isifọọk owu otu, gọọk ọmọ kpa usem me camera mè iyaka ire intercom ya kubọk okimumun̄ ọmọ isi mè isi. Ke otu imọm. Tumu mkpọ yaage oneen̄be itutumu inyi ogwu ochichili isotu kan̄. Ire camera omaan̄, kamalek ijuuk isi kwun̄ iriaak me lek

• Enyi isikpa usem isan̄a, kawuuk ibe ke ogwukaan̄ uwu ya mokọt ikikpọ owu mè iyaka ire ikigban̄ mkpọ obotumu si