Ikekikaan̄ Njijin

Ikekikaan̄ njijin ire ikọkọt ikigobo itet nkeek mè olilọk ebi ufifi ife, iriọọn̄ mkpọ ema ekebima, melek inu echi okukup ema me ufiak. Ebi ene ekekiriọọn̄ mgbọ eji ekebijeen̄ ema nsan. Ire eji ichubọk iweek itatap ubọk inyi ebi ene, eya morọ ufuna eji ejeen̄ ema nsan. Eji esikijeen̄ nsan me uko, eji ekijeen̄ mbet lek ima Awaji okaan̄be, eyi si ikekitaba ebi ene inu me lek kan̄.—Filip 2:4.

Ikekikaan̄ njijin ikakpọkpọk ire oka ge eji ekebisa ijeen̄ mkpọ; ire eyi ekijeen̄ sa me ubọk ekisa igban̄ utọn̄ mè ikitumu usem melek eru kiji, ubọk eji ekisa lek kiji irọ inu mè ojeen̄ si me isi kiji. Eji ekijeen̄ nsan sa me ikekijeen̄ atalek olilọk me lek ene. Eji ekekigobo itet olilọk, nchieek, melek irek kan̄. Eji ekekinyi nteme melek ntap-ubọk echi okitet mun̄, ire kpekibe inwene me unye-ubọk. Mgbọ ebi eji elookbe ata etip esibọkọ ntap-ubọk kiji itap, ikekirọ ibe unwọọn̄ kiji me uko imin.

IKPỌ FIDIO KAAN̄ UNWỌỌN̄ EKIKAAN̄ ME IRỌRỌ ENE EBI UDUN̄ KÈ KARAIS—RỌ INYI UBỌK OKISA ILOOK ETIP IKINWỌN—IKEKIKAAN̄ NJIJIN, MÈ IFỌỌK IDODO CHI:

• 

  Ike owa ke Matọn̄ osa ijeen̄ njijin me mgbọ Utoon̄ ikagwatge lek inu?

• 

  Ike owa ke Matọn̄ osa ijeen̄ njijin me mgbọ Utoon̄ obe ke ọmọ ikpokọt ikween̄ mkpọ mije ke lek miwọ ọgọt?

• 

  Ike owa ke Matọn̄ osa ijeen̄ njijin me mgbọ Utoon̄ obe ke ọmọ ikariọọn̄ ubọk ekineen̄ mkpọ isun̄ ijaan̄ me uwu?