Ike Obosa Ubọk Ibene Ukpatu Irọ Mkpọ

Mikitap efuuk ineen̄ ubọk ibene ukpatu. Owuwa ebi ikilook ata etip si mekimun̄ ike ubọk ibene ukpatu chi okitet mun̄ me agan̄ kiban̄. Ire, otutuuk ere me linyọn̄ yi ikakup ubọk yaage. Eya orọ, ebi ikilook ata etip mekọt isa esese idodo, ere Baibul mè idodo ebefọọk ofifi mgbọ irọ mkpọ me uko. Mè iyaka ire, ema mekọt isa ofifi ibot usem obore ebi ene ejit me agan̄ kiban̄ ibene ukpatu. Ire, monwọn ibe otutuuk ene egọọk ntọ-ubọk geelek enyibe ofolek ilolook ata etip me mgbọ ekilook ata etip eyi osibi esese. Inu okukup ufiak inyi eji ire, ilolook ata etip Ama Ubọọn̄ ike Jisọs onyibe ida.—Mat 24:14.

Me inu nro me nkween̄mkpọ, ebi ikilook ata etip ebesasa ibot usem okup me ubọk ibene ukpatu eyi okup me emen Ikpa Nkween̄mkpọ Ugwem mè Ikwaan̄ Kiji irọ mkpọ. Ire, ema mekọt isa ofifi idodo, ere Baibul, idodo ebefọọk ofifi mgbọ mè iyaka ire ofifi oniin̄ eyi obotet mun̄ me agan̄ kiban̄ irọ mkpọ, itata me egege isibi ibe esa eyi okup me ikpa nkween̄mkpọ kiji. Eyi inwene ntọ-ubọk okup me isi ikpa 8 me emen ikpa nkween̄mkpọ eyi Onyan̄ Gweregwen 2020.