Ogugo okup me isi ikpa yi: Ilaisia ikitumu inyi gwun̄ uwu kan̄ ibe: “Ebi ìkup melek kiji mîwa igak ebi ìkup melek kiban̄.”—Ebi Ubọọn̄ Eyi Òso Iba 6:16

INU UNYE OUT EWE OKUP ME USEM AWAJI

Ebi Ìkup Melek Kiji Mîwa Igak Ebi Ìkup Melek Kiban̄

Ebi ochicha mikana Ilaisia mè gwun̄ uwu kan̄ okokop (2 Ubọọn̄ 6:13, 14; it-1 716 ¶4)

Ilaisia ikafieek owot, itap ubọk irọ si inyi ichechieek gwun̄ uwu kan̄ inye (2 Ubọọn̄ 6:15-17; w13 8/15 30 ¶2; kpọ ogugo okup me isi ikpa yi)

Jioba inyan̄a Ilaisia melek gwun̄ uwu kan̄ me oniin̄ okup uyeke uyeke (2 Ubọọn̄ 6:18, 19; it-1 343 ¶1)

Jisọs, ebi osat mè ebi ekenbe aran̄ ekup me emen inyọn̄ ikikpọ ike ebi amana isi mè ebi akọn̄ ekpọkpọk ijot me oniin̄ ge. Gwun̄ ute enerieen̄ ge ikitap ubọk inyi ebi melek kan̄ ekupbe me ichechieek ekọt elibi enin̄ me emen uwu ge.

Jioba inye lek igak ebi ikikeke ikeme eji. Keke ke okeek ibe eji ebemun̄, mè ire ifet ibe eji emun̄ inu okibọkọ irek me emen ekwukwu, mè ubọk Jioba okisa ebi osat kan̄ ibem ebi eyi kan̄?