ONYAN̄ ITA 17-23
URỌK 5
Okwa Eyi 122 mè Uriaak | Usem Ebesa Ibene (Nkikek mgbọ 1)
1. Da Lek Bọkọ Jọn̄ọ Ere Me Lek Ugwem Barabat
(Nkikek mgbọ 10)
Ugwem barabat mokọt ikitọ ene ikpọ (Urọk 5:3; w00 7/15 29 ¶1)
Ugwem barabat ikisa ufieejit mè ubọn̄ọlek inu (Urọk 5:4, 5; w00 7/15 29 ¶2)
Da lek bọkọ jọn̄ọ ere me lek ugwem barabat (Urọk 5:8; w00 7/15 29 ¶5)
Gwun̄ ute enenwaan̄ ge ojijit inyinyi ogwu nsabọn irieen̄ ge number fun kan̄
2. Week Inu Unye Otu Ewe Okup Me Usem Awaji
(Nkikek mgbọ 10)
Urọk 5:18,19—Ike owa ke Jioba okimun̄ ilaak? (lff inu nkween̄ 41 agba eyi 1)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Urọk 5:1-23 (th inu nkween̄ 5)
4. Ibebene Ukpatu
(Nkikek mgbọ 3) ILOLOOK ATA ETIP ME ERE UWA-ENE. Gwen ogwu ikachieekge me lek kè Karais me lek Orirọ Isasa Ikeek Mkpa Kè Jisọs, mè sa jw.org week ere eberọ orirọ ya eyi orariaak ọmọ me lek. (lmd inu nkween̄ 6 agba eyi 4)
5. Igọgọọk Ulọk
(Nkikek mgbọ 4) INANAN̄A ME UWU IRE UWU. Mgbọ oraraka onube ene ya ibọkọ ikpa ogwen Orirọ Isasa Ikeek Mkpa Kè Jisọs mè ijeen̄ ulọk. (lmd inu nkween̄ 9 agba eyi 5)
6. Irọrọ Ene Ebi Udun̄ Kè Karais
(Nkikek mgbọ 5) lff inu nkween̄ 16 me mgbidim, idodo, mè inu obokọt irọ. Me mgbọ ogwu okigọọk ikween̄ mkpọ odobe ibe me ire Jisọs ikaan̄ nwa, jeen̄ ọmọ ubọk ibokọt imun̄ ufook-otu. (lmd inu nkween̄ 11 agba eyi 4)
Okwa Eyi 121
7. Keek Mkpọ Oborọ Isasa Imun̄ Ibe ke Okagan Me Mgbọ Okisa Irọriọọn̄ Lek Ene Me Nkeek Ibabat Mè Iyaka Ire Ido Ene Ya
(Nkikek mgbọ 15) Igbaan̄ ikpa.
Irọriọọn̄ lek ene me nkeek ibabat mè iyaka ire ido ene ire mgbọ enerieen̄ mè enenwaan̄ ekigbaan̄ irọ mkpọ mè ikijeen̄ ulọk me lek ge ge. Mokọt ibọkọ irek me mgbọ ema ekupbe me etete ene mè iyaka ire mgbọ ema ekupbe ema gaalek, ema mekọt irọ ibe ebi ofifi ene eriọọn̄ mè iyaka ire itet kan̄ me lek kiban̄ gaalek. Mekọt ikirọ si isi mè isi mè iyaka ire mè fun. Eji ekimun̄ mgbọ keyi, ikare gaalek kubọk mgbọ ebesa inwọọn̄ lek, ire kubọk mkpọ okukup ufiak eberọ sabum mbat-olom. Keke ore usini mkpọ obotap ubọk inyi enerieen̄ mè enenwaan̄, me ire ebi ijija sa ebi ininin ugane ibe ejit irọrọ barabat me mgbọ ema ekiriọọn̄ lek kiban̄ me nkeek ibabat ni?—Urọk 22:3.
Fit FIDIO yi Ineneen̄ Lek Inyi Mbat-Olom—Okpọkọ 1: Ire Nkup Me Mbem Lek Iweweek Ogwu Mbabat Ni?—Okpọkọ Me Lek. Mè do ebi ikigban̄ ibe:
Keke orọ ikanwọn̄ ibe ene ikisi iweek ogwu ibobat me mgbọ ikabebem lek ikakaan̄ olom mè iyake nwa? (Urọk 13:12; Luk 14:28-30)
Keke ke oma ofolek ubọk ute mè uga ya esabe itap ubọk inyi gwun̄ kiban̄ enenwaan̄?
Fuk Urọk 28:26. Mè do ebi ikigban̄ ibe:
Ike owa ke ebi ikitọt ibabat ebesa ineen̄ me ata mgbọ ijijit ikukup ema gaalek me irek eyi obokọt irọ ibe ema erọ ugwem barabat?
Keke orọ inwọn̄be ibe ebi ikitọt ibabat egbaan̄ ekpa me ata mgbọ inu ema eberọ mè inu ema kpeberọ isasa ijeen̄ ima inyi ge ge kubọk ikekitet ubọk mè ikekifip otu?
Fuk Ebi Efesọs 5:3, 4. Mè do ebi ikigban̄ ibe:
Keke ke ebi ikitọt ibabat ebekaan̄ me nkeek ofolek usem ema ekitumu me fun mè iyaka ire me emen̄ efet?
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 24 ¶1-6