ONYAN̄ GO 19-25
URỌK 14
Okwa Eyi 89 mè Uriaak | Usem Ebesa Ibene (Nkikek mgbọ 1)
1. Keek Jaan̄ Mkpọ Oborọ Mgbọ Geelek Mfufiat Isirọ
(Nkikek mgbọ 10)
Kakpọkpọ ichieek “inu geelek” onọbe (Urọk 14:15; w23.02 22-23 ¶10-12)
Kakpọkpọ iyaka lek imaan̄ me lek ubọk inu okupbe owu me lek mè iyaka ire inu owuukbe lek ije itibi (Urọk 14:12)
Kagban̄ utọn̄ me lek ebi ikijit ntọ-ubọk ntitiin̄ Jioba okinyi (Urọk 14:7)
GWU NKEEK KOM ME LEK: Ebi ugane ntitiin̄, ire enyi mikup me mbem lek igọgọọk ntọ-ubọk mè iyaka lek imaan̄ me lek Jioba mgbọ geelek mfufiat isirọ ni?—w24.07 5 ¶11.
2. Week Inu Unye Otu Ewe Okup Me Usem Awaji
(Nkikek mgbọ 10)
Urọk 14:17 [NWT]—Me oniin̄ okukup ke “ogwu okikeek mkpọ ijaan̄” orebe ogwu ekichacha? (it-2 1094)
Kpasi inu unye otu ewe ke oboma ikpakpa me ere Baibul nde keyi?
3. Ifufuk Baibul
(Nkikek mgbọ 4) Urọk 14:1-21 (th inu nkween̄ 11)
4. Ibebene Ukpatu
(Nkikek mgbọ 3) ILOLOOK ATA ETIP ME ERE UWA-ENE. Tumu inu ge onan̄a me emen Baibul nyi ogwu otutumu inyi owu ibe ke ọmọ ikikaan̄ saasaak ofolek ubọk inu okisa inye ewe. (lmd inu nkween̄ 3 agba eyi 3)
5. Igọgọọk Ulọk
(Nkikek mgbọ 4) INANAN̄A ME UWU IRE UWU. Nyi ikpa kiji ge okikpa mkpọ ofolek ibot usem ene ya ojeen̄be ulọk me lek me ota usem enyi ekpabe. (lmd inu nkween̄ 9 agba eyi 4)
6. Irọrọ Ene Ebi Udun̄ Kè Karais
(Nkikek mgbọ 5) Tap efuuk me owot ogwu okigọọk ikween̄ mkpọ ibe ikifuk Baibul egwe geelek, mè jeen̄ ọmọ ubọk ibokọt ikirọ. (th inu nkween̄ 19)
Okwa Eyi 126
7. Bem Lek Ban Mfufiat
(Nkikek mgbọ 15) Igbaan̄ ikpa.
Ire ogwu ugane ntitiin̄ obonyi. Ire ikup, tumu mkpọ ofolek nyaka-nkeek onan̄a me otu agọọk ikwaan̄ melek enyi onan̄a me ubọk ebi ugane ntitiin̄.
Eyi irebe ibe ke eji ekiluk me “mgburudun̄ mgbọ,” eji miriọọn̄ ibe ke eji ebekikakaan̄ owuwa owuwa ufialek. (2 Tim 3:1) Owuwa mgbọ, sabum mfufiat mè iyaka ire mgbọ geelek mfufiat isirọ, ebi eyi Jioba mikibọkọ ntọ-ubọk echi okitap ubọk inyan̄a ugwem kiban̄. Unyan̄a kiji usini mgbọ iboyaka lek imaan̄ me lek mkpọ eji ekirọ me mgbọ keyi isasa irọ ibe ichechieek kiji inye mè isasa ineen̄ lek me lek inu echi ekukup eji ufiak.—Urọk 14:6, 8.
Bem lek me irek emen ekwukwu: Kaan eru ikekifuk Baibul mè ikekikween̄ mkpọ agaga mgbọ geelek. Riọọn̄ jaan̄ esese esese ubọk ekisa ilook ata etip. Kafieek owot me ire okakọt ikigọọk ebi ofifi ene me ntitiin̄ ikirọ mkpọ me mgbidim mgbọ. (Urọk 14:30) Okakup owu gaalek, Jioba mè Jisọs Karais owa me agba lek kwun̄ mgbọ geelek.—od 176 ¶15-17
Bem lek me irek anam akpalek: Isọkọ melek ikakaan̄ akpa ebekọt igwatlek iben ilibi, ototun̄ ukan̄ ge ge ekaan̄ inorie, mudim, ugwuun̄ mè mbet inu okup ikeya esun me ire iboweek ibe ema ekanan̄a isibi me uwu me ujọnọ ujọnọ mgbọ.—Urọk 22:3; g17.5 4
Fit FIDIO yi Ire Obem Lek Inyi Mfufiat? Mè do ebi ikigban̄ ibe:
Ike owa ke Jioba obokọt isa itap ubọk inyi eji me mgbọ mfufiat?
Keke ke eji ebekọt irọ me mgbọ keyi isasa ibem lek?
Ike owa ke eji ebekọt isa itap ubọk inyi ebi mfufiat orọn̄be itet?
8. Nkween̄mkpọ Baibul Eyi Ntitiin̄
(Nkikek mgbọ 30) bt ibot 26 ¶18-22, okop okup me isi ikpa 209