INU NKWEEN̄ 1

Ibebene Usem Me Oniin̄ Onwọnwọn

Ikwaan̄ Ebi Otuchieen̄ 17:22

ME MGBIDIM: Kè ubọk obosa ibene usem kwun̄ iriki ene ulọk, isan̄a ibot usem kwun̄ sibi, mè ijeen̄ mkpọ orọrọ ibot usem kwun̄ ya okupbe me ufiak inyi ebi ikigban̄ owu.

UBỌK OBORỌ:

Riki olilọk. Gobo mbet idodo, ukpatu, inu orọrọ ebi ene, miya ire etip echi ebi ikigban̄ owu ebekaan̄ ulọk me lek.

Sa me enen mgbọ kikeek mkpọ ofolek olilọk mè nkeek ebi ikigban̄ owu mè bene usem kwun̄ kpọ me ikeya.
Rọ inyi eriọọn̄ ibot usem kwun̄. Mun̄ ibe ke ubọk osabe ibene usem kwun̄ irọ ibe ebi ikigban̄ owu egobo etet ibot usem kwun̄ mè nkeek okebisa ikpa usem ya.
Jeen̄ mkpọ orọrọ ibot usem ya okupbe me ufiak. Kè mkpọ obotumu ije igọọk me lek mkpọ okukup me ufiak inyi ebi ikigban̄ owu utọn̄ me lek. Kè ema eriọọn̄ ubọk egobo etet ubọk ibot usem ya obosa itap ubọk inyi ema.

Mgbọ osikineen̄ ubot usem, kido lek kwun̄ ibe, ‘Ire kpasi uyọt-lek ke bọn ute ibaan̄ mè irieen̄ me ntitiin̄ n̄a ikichichini?’ Mè bene usem kwun̄ kpọ me lek inu orere ufiak kiban̄.