Unye-Ejit

Inu Jisọs Orọbe

FIDIO: Jisọs Ilook Ata Etip inyi Jakiọs

1. Kpọ FIDIO yi, mè iyaka ire fuk Luk 19:​1-7. Mè fọọk idodo chi ogọgọọk:

1. Keke obokọt irọ inyi usini ene ekakima igọgọọk Jakiọs irọ mkpọ?

2. Ikerere ikeya, keke obieen̄ Jisọs ibe ilook ata etip inyi ọmọ?

Keke Ke Eji Ekween̄ Inan̄a Me Lek Jisọs?

2. Eji miweek unye-ejit isasa ikilook ata etip me ekagoboge ene isi.

Gọọk Akpat Ukot Jisọs

3. Yaka lek maan̄ me lek Jioba. Ire ekwukwu mbuban Awaji onyi Jisọs unye isabe ilook ata etip, mokọt inyi owu unye si. (Mat 10:​19, 20; Luk 4:18) Beek Jioba ibe inyi owu unye-ejit isasa ilook ata etip inyi ebi okifieek owot me lek.—Ikwaan̄ 4:29.

4. Kagobo ene geege isi. Eji mekọt itet ikaan̄ ilolook ata etip inyi usini ene mije ubọk ema ekupbe, irek iluk ugwem kiban̄, ubọk iluk ugwem kiban̄ mè iyaka ire uwu uriaak kiban̄. Ire, kawuuk ibe ke:

1. Jioba mè Jisọs gaalek ebekọt imun̄ ejit ene, eji kpebekọt.

2. Kpunu ene geege ogwu Jioba ikpobokọt ijeen̄ nsan.

5. Kafieek owot, ire, kijeen̄ ulibi mè gbala chieen̄. (Mat 10:16) Jit ikekigbini ikọ unye unye. Sa me esuuk tele igọgọọk ene ikpa usem ire ene ya ikaweek igbagban̄ mè iyaka ire, ire omun̄ ibe ke ere ya ikanwọn.—Urọk 17:14.