ILULUK UGWEM KUBỌK EBI EYI KARAIS
Eji Ekijeen̄ Ima Sa Me Ikekibieen̄ Ubọk Jioba Okisa Inyi Osusut Inye
Isasan̄a ene me ntitiin̄ ikibem ntitiin̄, mè ire si osusut isa inyi ebi ekaweekge igwugwu ikom me lek ijo inu ema ekebirọ. (1 Kọr 5:6, 11) Eji ekijeen̄ ima me mgbọ eji ekibieen̄ osusut onan̄a me ubọk Jioba inye. Kpa ubọk ke eyi osa ire atikọ me mgbọ isasan̄a ene me ntitiin̄ okitap unaan̄ me ejit ogwu esan̄abe, ebi uwu kan̄ mè ikerere ebi ugane ntitiin̄ ebi isisibi oyerebet me ibot ene ya?
Eyi ogagak otutuuk ire ke eji ekijeen̄ ima me lek erieen̄ kè Jioba mè onineen̄ kan̄ ofolek ikukup me mbuban. (1 Pita 1:14-16) Eji ekijeen̄ si ibe ke eji mima ogwu esan̄abe me ntitiin̄ ya. Osusut onyenye, ubọk geelek ibe ke ikinaan̄ ene mokọt isan̄a “mkpukpe eyi ugwem ata irọrọ mè esuuk” isibi. (Iburu 12:5, 6, 11) Ire eji ekigọọk ogwu esan̄abe me ntitiin̄ mè iyaka ire ogwu ojijit atikọ igbaan̄ mkpọ irọ, eji ekigban Jioba ibe ikasulu ene ya me ubọk iweekbe. Kawuuk ibe ke Jioba ikinyi ebi eyi kan̄ osusut “me ubọk onenen.” (Jeri 30:11) Eji mikaan̄ ikpọchieen̄ ibe ke ene ya mogwu ikom inu me lek Nte kiji, ogwu ejit nsan. Ire, sabum mgbọ ya, kè eji ekebieen̄ ubọk Jioba okisa inyi osusut enye mè ekerọ otutuuk inu geelek echi obokirọ inyi mgbaan̄je kiji melek Jioba ikinye.—Asaya 1:16-18; 55:7.
IKPỌ DRAMA ISA ME EJIT GE IKIGBE UTOON̄-EJIT, MÈ IFỌỌK IDODO CHI:
Kpasi unaan̄ ke ebi irere ute mè uga me etete ebi eyi Karais ekikaan̄ ire gwun̄ kiban̄ inan̄a me ntitiin̄ kè Jioba?
Kpa ubọk ke ebi ntitiin̄ ebesa itap ubọk inyi ebi ototun̄ ukan̄ igbegbe utoon̄-ejit me mgbọ esan̄abe ogwu ima kiban̄ ge me ntitiin̄?
Mfufuk Baibul owa okijeen̄ ibe ke igbegbe utoon̄-ejit inyi Jioba ikup ufiak igak igbegbe utoon̄-ejit inyi ebi ototun̄ ukan̄ kiji?
Kpa ubọk ke eji ebesa ijeen̄ ibe ke eji mimọnọ igbegbe utọọn̄-ejit inyi Jioba ibene igak igbegbe utoon̄-ejit inyi ebi ototun̄ ukan̄ kiji?